夫人法式甜品店 (已結業)

Food court 嘅好處係，食飯加甜品一條龍，唔洗食完再周圍搵！西九龍8樓food court 一向係平民美食天堂，大部分食店都價廉物美，而且不少係卧虎藏龍，呢間位於角落位置的甜品店，老闆十分nice !今次先試佢的法式焦糖燉蛋，加$1仲有一球雪糕添！真係加倍開心呀！甜品用仿青花瓷淺碟仔裝住，賣相攞滿分！面層的焦糖燒得好均勻，燉蛋好滑亦唔會太甜，好好味呢！唔洗$40就食到咁高質嘅甜品，真係物超所值！下次再試其他甜品先得！