奇華餅家 (中環站)

營業中

休息中

今年中秋真係有太多月餅,奇華迷你蓮蓉蛋黃月餅就有兩個,一個係公司嘅運輸公司送,一個老公喺公司嗰座猜燈迷猜中嘅禮物,擺到3-10-2023(Tue)晚,我同老公至食一個.切開睇,蛋黃顏色夠黃同夠油,蓮蓉都夠深色,食落,唔係太甜,但蓮蓉味唔多覺,蛋黃正常冇問題.2.8分到4-10-2023(Wed)晚,同老公食完飯,就開埋另一個食,呢個面上印’白’字,原來呢個係蛋黃白蓮蓉月餅,切開睇,蛋黃偏埋一邊,佢好夠油,食落係好正,不過白蓮蓉同樣係冇乜蓮蓉香,亦比蓮蓉甜啲.2.7分唔知寫喺邊間奇華好,就揀中環呢間啦.

有一日搭地鐵見到「奇華」個廣告，原來佢80歲喇，為慶祝80周年，推出咗一啲相關嘅產品。更以「以禮傳情」為主題，再加上特別版嘅慈善禮盒，令到「生日」都變得更有意義。「經典老婆餅」禮盒 $85依家啲人鍾意懷舊，對小弟而言，唔喺死硬派懷舊「粉絲」，唔會一味乜都去懷舊，懷舊都要講情感，中式嘅老婆餅就喺其一。以前住石硤尾，會偶爾晌「八仙餅家」（仲健在）、「新金漢麵包」（已轉名）買老婆餅食，反而大個就少咗。正正見佢哋出咗款復刻版嘅「經典老婆餅」禮盒，包裝以瓦通紙貼上「娘」爆嘅粉紅招紙，捆上麻繩，極具懷舊風，好有50、60年代感，煞是有趣。一盒有8個，全部獨立包裝，乾淨衛生，又唔使一次過要食晒。個個都烘得金黃，面層灑滿芝麻，入口外皮鬆化，餅心填滿冬瓜蓉，清甜不膩，平時小弟喜歡嘆杯咖啡配包點，但食到中式餅食，就梗喺搵杯普洱嚟襯佢啦。如方便，搵焗爐烘番熱，風味更佳。「心晴蝴蝶酥」禮盒 $60上文都提及到佢哋今次加插咗做善事元素，而呢盒包裝溫暖嘅禮盒，就正正喺幫助「心晴行動慈善基金」義賣，晌盒內有張單張，簡單介紹咗呢個基金，佢哋專為受情緒困擾嘅人士提供各方面嘅支援，奇華更喺每賣出一盒，都喺全數捐贈予俾佢哋

聖誕節期間，收到友人送贈的這一盒奇華餅家出品的「聖誕節禮盒」。方型鐵盒罐設計，繪有繞富節目喜慶氣氛有的圖案，名貴大方，送禮一流。 打開一看，鐵盒內有盒六塊杏仁片朱古力曲奇、一包八粒的手製鳥結糖、兩包黑白芝麻蝴蝶酥，以及六塊小紅莓牛油曲奇。獨立包裝，既方便，又衛生。 兩款曲奇中規中矩，鳥結糖也僅屬一般。小妹最愛吃的，是咬下去酥脆鬆化萬分，且夾雜芝麻香，又有咬口嚼勁的黑白芝麻蝴蝶酥。吃罷，齒頰留香，教人回味不已﹗

昨日飯聚，友人送了一盒奇華出品的「紅茶曲奇」給小妹，在此謝過了。據說，「茶曲奇」系列包括紅茶、綠茶、烏龍茶和香片茶四款口味，曲奇以高級茶葉磨成粉末，再加入紐西蘭牛油烘焙而成，茶香四溢。紅茶曲奇一盒有十五塊獨立包裝的曲奇。曲奇咬下去鬆脆可口，每片曲奇夾雜了茶葉抹碎，細嚼下，清新茶香從薄片中滲出，陪隨著牛油香氣，下午茶佳選!

今年中秋晌九月尾，不過，各大小餅店、老餅家早晌八月已經開始各式各樣嘅宣傳，一如過往，推出五花八門嘅月餅，單喺奶皇月餅，口味已經變化多端，十隻手指所數唔晒。時近，又喺收到月餅嘅時候，有啲商戶賀禮送嘅，有啲朋友俾，亦有啲散裝喺親友醒小弟試試嘅，總之多謝大家。一次食唔得晒咁多，食啲又寫啲，今篇就先分享奇華餅家嘅「鴛鴦奶皇」（$188）。依家事事講求包裝，啲月餅盒無以前鐵罐咁老套喇，「鴛鴦奶皇」個包裝盒設計精簡，深啡襯米白，簡單線條勾畫出月亮與玉兔，言簡意賅，卻不失優雅。每盒「鴛鴦奶皇」共有8個迷你奶皇月餅，上下兩層，「迷你朱古力奶皇月」及「迷你蛋黃奶皇月」各4個，每個獨立包裝夠晒衛生，而包裝袋底下印有口味名稱，試邊款揀邊款，絕唔會搞錯。迷你蛋黃奶皇月先試個蛋黃奶皇月，盒底印有官方建議放入微波爐加熱20秒，小弟就偏向入焗爐，感覺就總喺香啲。切開，皮薄，蛋黃奶皇餡色澤橙紅，烘焗後散發陣陣蛋香，入口外皮鬆化，奶皇餡軟綿幼滑，更有份奶香味。迷你朱古力奶皇月加入咗朱古力去做個蛋黃奶皇餡，所以，餡心黑沉沉，不過，朱古力味都頗香濃，少甜，啱晒口味。奇華嘅奶皇系列除咗單款口味嘅「朱古力奶皇」、「蛋黃奶皇」，

如果炎炎夏日或大雨，而又未到晚上十點，而我又要去蘭桂坊時，便會沿中環地鐵站行到置地廣場直上，行樓梯上中建大廈，再沿室內天橋到中𠥔大廈，便到雲咸街下路，已經近距離去到5個不同clubbing場，如再沿M88旁之小路入去，再沿樓梯上蘭桂坊。教完懶人之路，原來由中環地鐵站行去置地中間，新開了奇華餅店，經過少少口痕，本身係一個窮鬼，全副身家得返$10，剛好買到迷你合桃酥，仲要係六件裝，應該夠飽，好彩平時自備水作飲用。合桃酥鬆化可口，迷你可一口一件，不會太甜，不過食唔到合桃味，食哂六件，飲埋水飽哂，真是窮人恩物。