女人街食飯公司

營業中

休息中

第一次寫報告，不吐不快6:30pm 入坐，話要8:15pm 還枱。食到7:15pm ，嘢食都未食完，係咁走過嚟要收走，同一碟餸，未食完，前後兩個員工過嚟收。最離譜仲要有個員工走過嚟揭張單，然後大大聲話：仲以為有嘢食未嚟添咁樣趕客，以後一定唔會再去自己第一次寫報告，因為真係食得好唔忿氣，俾錢出嚟食飯，咁樣催住你走，點樣食飯，食得好唔舒服，我都有俾錢食飯，咁趕唔好做生意。實在不吐不快，所以先打出嚟。食物質素真係好普通，食完好口渴走地雞 158$ 半隻 講真普通燒味店可能仲好食少少wasabi沙拉骨 128$就係排骨加左wasabi 同沙律醬，大家無謂試，你自己喺屋企都整到杏汁豬肺湯 168$呢個可以，因為好少地方有，但咁樣俾人催住飲，都係唔值得飲。金銀蛋浸時蔬 88$正常偏鹹。食到嬲，貼錢買難受。大家小心。生意難做，成本高，但個問題唔喺個客度。交唔起租唔好開餐廳。個客俾錢食飯仲要好似阻住你做生意。記住食緊飯同食飽飯個客都仲係你個客。依家就肯定你少咗幾個客。將心比心冇人鍾意俾人催住食飯。

經朋友介紹，所以Happy Friday就揀左呢間食晚飯，整體食物質素好味，叫左蒸聖子，黑松露蝦多士，金瑤扒時蔬，蜜餞薯仔牛柳粒，唯獨豉椒炒花甲唔夠入味，加上環境乾淨，裝修夠地道。

女人街大排檔 - Day 19一家人食慶生飯就搵左中菜館食飯，訂左頭圍1830，1800已經可以開門入去坐，原來都幾多人訂左位。餐廳安排咗我哋坐喺麗晶賓館下面，周圍環境都裝修得好有香港舊時風味。 叫左好多唔同嘅菜式，餐廳光速上菜，例如：黑松露蝦多士金沙鮮魷菠蘿生炒骨椒鹽粟米蜜椒燒白鱔蓮藕花枝餅鱈魚肉碎泡飯雜菜粉絲煲蝦醬蒸豬頸肉魚腸焗蛋鍋貼小棠菜啲餸菜都幾濃味，豬頸肉同埋粟米相當出色。每個餸菜啲食物就份量唔算好大，不過定價都唔係貴，如果大食啲嘅朋友就叫多幾款試多啲。🫵🏻 女人街食飯公司 Ladies Street Sik Faan Co. - 旺角通菜街1A-1L號威達商業大廈1樓B舖#hkig #foodie#foodblogger #foodndaily #foodbloger ##hongkongfood #hongkongfoodie #foodblogger #likesforlike #eatateeaten #comment #share #subscribe #旺角 #旺角美食 #旺角大排檔 #女人街食飯公司 #女人街 #中菜館

距離交枱仲有15分鐘，已經想收走晒枱上所有野，但好明顯未食完仲要兩分鐘內嚟兩次，到時有幾趕我又唔係坐到夠鐘都唔肯走，真係唔想做生意不如唔好開鋪🙄十有八九都開唔到既，開到個啲又冇味，要特登去點返個汁先有返少少味。好食，但配料多過肉，唔值百幾蚊一碟。最滿意係佢。正常，不過不失。又係肉少，配料多，但好食既。不過咁既服務，就唔會有下次囉。我去返傳統大排檔或去樓上個間食都冇咁嬲。起碼唔會好似比人催住走。用料都實在啲。

帶位嗰陣已經講咗要幾點交位，落單嗰陣又提，每次加單都提，感覺好似催我哋走咁。離交枱時間仲有20分鐘，有個夥計行埋嚟就問我哋要唔要打包，問到老人家唔耐煩，佢就好惡咁樣講咗一句問你使唔使打包啊？搞到好冇癮。講返最重要嘅食物，一入到去叫咗黃金鮮魷同咕嚕肉。黃金鮮魷唔好食，出面個炸皮同入邊嗰舊鮮魷一啲都唔夾，食咗一舊就唔係好想再食。咕嚕肉好普通。之後叫咗胡椒豬肚湯，味道亦都係好普通，杏汁味太重，又見到評語話啲菜唔係好熱，食落就覺得個湯都好夠熱，冷氣吹住嘅時候飲都幾舒服。之後叫咗幾個小食，包括咖喱水魷，麻辣牛柏葉，雞絲粉皮同埋椒鹽雞翼尖。味道都係好普通，雞絲粉皮嘅粉皮太厚，上面嘅雞絲都唔太好食。椒鹽雞翼尖冇乜椒鹽味，食得唔過癮。見啲評語話服務態度好差，公道講句，大部份夥計都好好人，好肯幫手，叫加單同加嘢飲都好快手，係最尾被嗰位夥計催到唔係好耐煩。建議訂位嗰陣提埋客人有時間限制，咁大家有晒心理準備唔使咁勞氣。總括嚟講，嘢食味道普通，員工態度有改善空間，試過一次未必會再試。

好耐無出post,我出親9成就一定係伏，不可不出，我先會出現。話說去過呢間3次都食唔到，因為睇左OpenRice d人話ok,就試下。大排檔同茶餐廳分別就係風味同炒野火喉，如果唔係我幫襯茶餐廳小菜唔好？但每次都好多人，但第4次晚市去，下兩張到我，就等一鑊決定食佢。一等就45分鐘，因為要入哂大檯先，未食飯先等你餓到無心情，門口帶位哥仔態度我都不置評（自己觀察）。入到去叫生炒骨，鮑魚雞煲，炒菜芯。先講我最期待的生炒骨，一上檯我就知唔好食，因為有樣睇，佢無炸兩次，油溫上度160度炸一次就算，就用極酸既汁，溝埋就算數，佢個樣根本就係茶餐廳水準但係扮大排檔。之係鮑魚雞煲鹹到你根本無辨法食哂佢。2xx一份得兩隻鮑魚你自己諗抵唔抵。全晚較為正常係炒菜芯，雖然蒜蓉同菜芯係好似貌合神離咁，可能最後先落蒜蓉關係。埋單都要38x 真心唔抵。一句無下次，寧願食妹記好過（利申；不是打手）

約左同朋友慶生，叫左個6人餐，再散叫左d餸。食物味道唔錯，龍蝦煎米底好有驚喜，龍蝦好新鮮彈牙，米餅好食；除此以外，其他餸都唔錯。就味道而言，值得推薦。不過各待應真係好勤力，收碟收得好快，真係要rap番句“未必個個都明白，好似上次個餐廳職員，係咁想收我隻杯，但明明我都仲未飲完，講完”。

舊時代的香港，到處都是街邊大排檔，有賣粥粉面飯的、有賣水餃雲吞的、有賣三文治咖啡奶茶的、也有賣鑊氣小炒的，客人坐在街頭邊吃小炒邊喝啤酒，高談闊論，食得暢快，這就是香港街頭大排檔的文化✌️。後來發展到屋村有冬菇亭大排檔。舊居近長沙灣麗閣邨，當年我和家人經常前往哪裏的冬菇亭大排檔吃晚飯，冬天時的枝竹羊腩煲是我家人的最愛，唯我不喜歡羊肉的騷味😣；之後遷往荃灣居住，亦經常於週六或週日前往附近街市內的大排檔開餐，那裡的煎蠔餅是我吃過做得最好的。自從街市被領匯接收之後，我家附近的大排檔就絕跡了，也吃不到以往街市內唯一的印度咖喱角🙁。有次經過荃灣街市竟然看見以往在萬有街市內的大排檔老闆已轉行在荃灣街市開了一個菜檔呢！  現在香港鑊氣小炒大排檔大多已經上樓，或以茶餐廳/飯店形式經營，部份則採用舊式大排檔的裝修和陳設來吸引客人和遊客打卡。這一類港式地道大排檔，除了有鑊氣小炒外，還有生猛海鮮🦀以及潮州打冷🐟等，更有脆皮豬手，黃金蝦🦐/脆魚皮，椒鹽鮮魷🦑， 避風塘粟米🌽等都非常受歡迎😋。今天相約了三位好友聚舊，我們選了「女人街食飯公司」（以下稱:大排檔），這一間鑊氣小炒大排檔設在旺角通菜街（俗稱:女人街）一棟

😍聞名而久，出名難book既懷舊大排檔😍朋友預早大半個月係openrice system訂位，起初只有20:30位，朋友膽粗粗預早兩星期打電話到餐廳嘗試提早，好好彩可以提早18:30，條件係20:30前要交枱一行5人我地order左「澳洲龍蝦蟶子六位餐」五人享用，分量足夠，食到攬住個肚腩🫢🍽️爽脆麻辣魚皮開胃菜非常香口，麻味十足，食到舔舔脷停唔到🍽️黑松露鮮蝦多士（6件）大啖大啖肉，蝦爽口彈牙🍽️滋補燉湯 - 杏汁燉豬肺杏汁非常濃郁，飲完碗湯都3成飽🍽️上湯焗澳洲龍蝦煎米底（約斤十二兩）菜一上，煎米底已經無左一半，宜家香港已經好少食到煎米底菜式，實在令人相當回味😍龍蝦厚肉份量不少👍🏻🍽️豉椒炒蟶子皇（6隻）蟶子size好大，豉椒炒最適當不過😗🍽️蜜餞薯仔牛柳粒基本菜式，大排檔之選🍽️懷舊鳳梨咕嚕肉不過不失👍🏻🍽️瑤柱招牌走地雞走地雞上加上瑤柱醉，香蔥絲及炸蒜片配上薑蔥汁及泰式酸辣醬🤪好新鮮既配搭埋單$1926 非常抵食另外開瓶費免收，同伴帶左枝Sake，外加order 啤酒，飲飽食醉，愉快的星期五😋

朋友預早大半個月係openrice system訂位，起初只有20:30位，朋友膽粗粗預早兩星期打電話到餐廳嘗試提早，好好彩可以提早18:30，條件係20:30前要交枱一行6人我地order左「澳洲龍蝦蟶子六位餐」6人享用，分量足夠，食到攬住個肚腩🫢🍽️爽脆麻辣魚皮開胃菜非常香口，麻味十足，食到舔舔脷停唔到🍽️黑松露鮮蝦多士（6件）大啖大啖肉，蝦爽口彈牙🍽️滋補燉湯 - 杏汁燉豬肺杏汁非常濃郁，飲完碗湯都3成飽🍽️上湯焗澳洲龍蝦煎米底（約斤十二兩）菜一上，煎米底已經無左一半，宜家香港已經好少食到煎米底菜式，實在令人相當回味😍龍蝦厚肉份量不少👍🏻🍽️豉椒炒蟶子皇（6隻）蟶子size好大，豉椒炒最適當不過😗🍽️蜜餞薯仔牛柳粒基本菜式，大排檔之選🍽️懷舊鳳梨咕嚕肉不過不失👍🏻🍽️瑤柱招牌走地雞走地雞上加上瑤柱醉，香蔥絲及炸蒜片配上薑蔥汁及泰式酸辣醬🤪好新鮮既配搭埋單$1926 非常抵食另外開瓶費免收，同伴帶左枝Sake，外加order 啤酒，飲飽食醉，愉快的星期五😋

用左十幾年OpenRice 從來未打過食評，但依間餐廳真係想強烈建議大家，唔好去‼️，如果有一日執笠一定係因為你啲”好客員工”幫到手😇-麻煩你地唔好再吹奏依間垃圾餐廳‼️-話說星期日有個外國朋友嚟香港想食大排檔，咁我上網搵，見到依一間望到700幾個好評就以為幾好，就訂台食飯啦，咁3個人叫5個菜黃金鮮魷、咕嚕肉、椒鹽粟米、薯仔牛柳粒、粉絲蝦乾菜煲、-黃金鮮魷係好食，但咕嚕肉、牛柳粒、椒鹽粟米都係唔熱👎🏻👎🏻👎🏻👎🏻呢啲最常叫嘅菜式，擺明係預先整好，之後有客人先整返熱少少先俾客人，所以冇咗熱辣辣嘅感覺，-但嘢食都算，不過不失，但態度真係極度差‼️我食完嬲嬲地，入返OpenRice先見到，七百幾個好評後面，全部都係鬧服務態度差👎🏻👎🏻👎🏻唔優做，親身體驗之後，發現香港嘅餐廳執笠唔係冇原因。-問個服務員，落單寫野飲，我哋叫咗2杯鹹檸七，1杯青檸梳打，問佢$26嘅鹹檸七，有冇得另上個冰底，唔想啲冰融得太快冇味。佢勁串話：嘢飲梗係冰入面，邊有得另上；你幾時見過人凍檸茶啲冰另上，仲要停唔到口，繼續想串，叫佢停佢先識stop，另外一個朋友聽到都講，問一句啫，洗唔洗咁啊⁉️個態度真係勁差，一定都唔會再黎👎🏻👎🏻

旺角想食粵菜，不妨試吓呢一間，不妨裝修食物都好唔錯。因為電話永遠打唔通嘅關係，6:15上去攞籌，最終等咗個半鐘先入到去，8個人叫咗7道餸1個湯。蝦多士好出名，價錢係逐件計而唔係一碟有幾多咁，賣相都好吸引值得一試。煎炸嘢嗌咗豆腐同埋椒鹽粟米，香口野一定唔會難食🤭肉類方面叫咗咕嚕肉，薯仔牛柳同埋蔥油雞，前兩者反而覺得係必叫，點知味道同水準完全比唔上蔥油。薯仔炒牛柳過分多美極味道，熱咕嚕肉炸粉好多肉類比例好少。基本上每台都有叫到，但我唔建議叫。相反地蔥油雞好出色，雞好嫩滑汁都調校得好好。仲有個螺頭湯都好出色，好足料，完全唔覺有落味精。8個人每人都飲到一碗，份量好好。基本上呢頭落單，嗰頭就係咁上菜，最後係食咗四個字就食哂😂等左1.5h食20分鐘就完左，肚餓嚟啱哂。

叫咗個炒蜆之類嘅餸， 大部分都冇開口食唔到， 同個夥記講差唔多成碟都係咁冇得食喎， 佢好串咁講咗一句‘’全部都食得‘’就走咗 😡 另一個夥記催我哋交枱講嘢都串串貢， 難怪個個都北上消費食好西 🤷

女人街食飯公司喺走懷舊大排檔風格,店內環境充滿香港特色🇭🇰地方闊落👍🏻非常適合一大班人聚餐🥢黑松露鮮蝦多士 $28一件黑松露鮮蝦多士炸到外層脆口,內裏好鬆軟😍蝦非常大隻,爽口彈牙👍🏻點埋黑松露沙律醬好好味😋鳳梨懷舊咕嚕肉 $118咕嚕肉外層炸粉唔會好厚,每舊咕嚕肉都會沾上醬汁🤤醬汁酸酸甜甜😍好開胃金沙脆鮮魷 $118鮮魷外脆內軟,炸粉唔會好厚,鹹蛋黃味香濃😍鮮魷彈牙有咬口👍🏻

講到旺角食晚飯之選，其中一間我鍾意嘅就係懷舊打咭feel嘅大排檔「女人街食飯公司」😻！呢度長期都咁旺，基本上都要早一個星期book位😌 雖然比一般大排檔稍貴，但食物質素確係掂👍🏻🦐黑松露鮮蝦多士：嚟呢度必點🤩！唔單止炸得又香又脆，蝦同黑松露嘅份量亦唔少～🤤🦑虎皮尖椒醬爆鮮魷：有紅椒同青椒，唔算太辣，鮮魷嘅柔軟度亦啱啱好😉 係比較油咗啲😌🐮黑椒蜜餞薯仔牛柳粒：牛柳份量都唔少，而且唔會炒得太韌；黑椒同蜜糖嘅比例都夾到😀🐷鳳梨懷舊咕嚕肉：最有驚喜嘅係難得係用新鮮菠蘿🍍嘅咕嚕肉😋！！三色椒好甜，咕嚕肉算係偏瘦，而且切得比較細舊，令人感覺份量超多～😹🥬高湯蝦乾粉絲雜菜煲：蝦乾好大隻，但菜就係白菜偏多🥲🍚鱈魚肉碎泡飯：好可惜冇咗之前食過嘅龍蝦泡飯，我以為呢個係類似嘅所以叫咗，點知唔係😞 算係多料，但味道冇乜特別，有啲失望🙈仲有其他餸想試，特別係想食蟶子生菜包，同埋希望將來有返龍蝦泡飯🥹