影片
電話號碼
29943838
付款方式
以上資料只供參考, 請與餐廳確認詳情
食家推介
坐校巴上山，穿過中大膳堂再搭電梯落泳池，見到有間好懷舊嘅小食店，種類繁多見過好多都好想食我哋幾個人叫左唔同小食一齊分享燒賣都係拎貨果d，唔難食都唔係太特別好食滷水雞髀好好味😋邊食邊望住對面大自然嘅風景，好正腸粉係淨腸粉，佢間鋪有提供醬料自助，岩晒我依啲仲意多醬既人食腸粉都可以好寫意芝士蛋餅🧀夾住芝士同埋肉鬆，好夾同好好味薄罉，唔太特別，可能同芝士蛋餅有對比，反而覺得無咁豐富口感桂花糕：好清香既桂花香味買咗粒花生糯米糍🥜打包走餡料豐富，唔會過份甜，食食下就等到落山既校巴🚌
繼續閱讀
女工合作社雖然係賣小食，但種類繁多、連炒麵糯米雞都有，絕對係可以食正餐嘅地方😆今次就試試比較特別嘅薄罉($15)同埋傳統糯米糍($5)😋薄罉係即叫即煎，加咗唔少蔥同火腿絲，咬落個邊都好脆，中間就煙煙韌韌咁，食落有微微嘅咸香🤤呢種咸香仲帶出濃郁嘅蔥味，所以味道上幾唔錯👍🏻不過底下真係超多油，好彩有張牛油紙吸下，但食落都唔太覺、所以可以叫做落得有技巧🤣糯米糍嘅內餡有齊花生、芝生、椰絲、砂糖，一搣開都飛咗好多花生出嚟🤓糯米皮非常軟滑、好似同餡料融為一體，算係我食過數一數二嘅傳統糯米糍😝
繼續閱讀
今日嚟到中文大學試下入面嘅餐廳～大學本部有間女工合作小賣店🥰入面有好多唔同嘅小食，魚蛋、燒賣、撈麵、腸粉等等，應有盡有🤓仲有好多糕點🥹真係好難揀！！呢間店好出名食蛋餅，我地就叫左嚟試下😌芝士蛋餅$20以特製的餅皮，加入雞蛋、肉鬆和芝士煎成🥰🥰好香脆(◐‿◑蛋餅價錢唔貴又好食😙而且仲係即叫即煎😝店內姐姐都好好人，好nice~會介紹下有咩好食嘅🤩嚟開中大嘅大家一定要嚟試下😜！！推薦😙
繼續閱讀
朋友推薦我要去女工合作社買糯米糍，話係除左med can 檸檬批之外，必定要試的美食，可惜去到已經賣晒，所以最後買咗個馬豆糕試吓，估唔到好好味，食得出係自家製，當然知道係一班女工親自製作，更加食得出人情味。
繼續閱讀
位於中文大學本部附近, 泳池旁的女工合作小賣店! 要坐校巴到本部下車到文化廣場後沿著小樓梯才能到達！小賣店主打買小食 - 例如牛肉球、腸粉、魚旦,、雞批、燒賣、撈麵、零食及飲品等等！看似簡單的小賣店都期要排隊的，我們一班舊生當然也不時來懷念下呢! 平民小食價錢大眾化的都是20元上落, 現在多了很多選擇, 例如糯米糍及茶葉蛋等等!他們的糖水及粥品每天不同! 今次到來點了最愛腸粉, 魚旦及燒賣呢，腸粉嫩滑而且咖喱魚旦不算太辣！有堂食及外賣可供選擇！
繼續閱讀
您可能會有興趣的...