好味皇茶餐廳

營業中

休息中

好味皇餐廳休業裝修個半月後重開，加添咗懐舊色彩，乾淨企理咗！坐位比以前寬闊咗！今晚一行四人食咗四碟小菜，西芹腰果雞丁，蘿蔔牛腩煲，通菜炒牛肉，及胡椒雞腳豬肚湯！西芹腰果雞丁味道好，腰果脆！抵食大碟承恵$ 5 8！蘿蔔牛腩煲嘅牛腩夠林，蘿蔔好味！通菜牛肉都ok,胡椒雞腳豬肚湯好味，雞腳好多，如果雞腳再煲林啲就好啦，不過我老公鍾意呢個硬度！四碟小菜小菜跟茶，抵呀！味道好，又抵食！

好味皇我已經食過好多次，佢地嘅小菜係有水準，最緊要唔貴，價錢大眾化適合幾個麻甩佬一齊聚下今次同個老友黎，叫左三個餸先黎兩個湯，免費好清甜西芹腰果炒肉丁，有穫氣，肉丁唔會有騷味，腰果脆開邊蝦，蝦腸未挑...講完三杯骨，醬汁盡掛，好惹味

行過見到呢間傳統茶餐廳，見到外面餐牌啲嘢食都幾平決定入去試下😄下午茶西多士 + 熱檸茶 $25西多士一上就睇到上面熱熱溶溶嘅牛油， 好香外脆內軟，有濃濃花生醬味幾香口，但西多士較油，不過不失沙嗲牛米線+ 阿華田 (+$2) $27+$2下午茶可配茶或咖啡但其他要加兩蚊牛肉數量幾多，有8,9 塊，而且牛肉好香，滑滑有口感，但沙嗲味唔重，配辣醬，好正以$27 嚟講，幾抵食阿華田就唔太夠味，麻麻地見到呢間茶餐廳都幾多人食，而且好多選擇😄

睇開我食評都知我住喺深水埗 呢間根本就係我嘅飯堂 本身今日冇諗住嚟幫襯 不過去到另一間茶記 我老婆覺得啲快餐唔啱食所以又嚟咗呢度食小菜 我老婆鍾意食生炒排骨 小菜就68，但見佢今日快餐都有，就37 咁就梗係叫快餐啦 快餐有湯有飯有嘢飲 我老婆飲凍奶茶加咗兩蚊 但講真76蚊我都真係煮唔到呢一餐飯今日個肉餅個名好搞笑叫雞蛋鹹蛋蒸肉餅， 我唔知佢係寫錯定係乜個肉餅啲肉擺明用鬆玉粉淹個，肉也撈咗水 ，再加鹹蛋， 應該仲有少少雞蛋白所以成個肉餅鬆化到不得了 係完全唔使咬，感覺只係一個硬少少嘅肉醬，但係我個人超鍾意，鹹鹹香香超好餸飯我老婆個生炒骨 份量足，不過明顯啲肉較硬 ，個粉漿亦都有少少硬而生炒骨個汁，並唔係一般食開嗰種酸甜味， 唔係唔好食，但係有啲唔慣 而亦都冇青椒，洋蔥亦較少 我個人麻麻地，所以老婆係咁夾我碟肉餅例湯唔係好夠熱，畀我一瞬間飲曬，都唔知自己飲咗個咩湯我見上之前有食評話嗰個阿姐黑口黑面我完全認同但我極度懷疑嗰個係老闆娘 因為男嗰位老闆非常好人殷勤 但都係冇乜笑容 見佢又冇鬧呢個女人 所以我估計佢係老闆娘不過我黎完全為咗食物 我都冇乜點理佢 其實佢個人冇乜點 佢係自己黑口黑面佢唔

買一個外買羊腩煲，配料比主菜多得非常，最怪的是！羊腩煲內有白羅白！問題係菜式應該包括什麼！下一次有其他人買，會否加入豆付？加入粟米？什至其他？此店不只是一次有就問提！希望大家見字後，可以好好考慮，亦希望此店生意興隆！

茶記位處添好運隔離，快餐平，$40以下有湯有凍飲，食物不過不失，平民飯堂。之但係入面個阿姐，黑口黑面，無水洗面，由入門到出門都黑面趕客，落單態度衰到一個頂點，個餐到左，放到我屋企咁遠，你不如索性放落隔離枱啦笨！如果佢係老闆娘要同生意鬥氣就無話可說，若果佢只係一個伙記，真係對唔住，我絕對會因為佢既態度而唔會再次幫襯。當然食得茶記唔好要求五星級服務，作為食客，其實要求好簡單，入門笑一笑，落單有禮貌，走時加句多謝就已經合格有餘，你要記著，我黎食晏，唔係英雄飯！

平常來食下午飯多，38蚊有飯有湯有嘢飲一定飽住咁走，當然食物一般啦今晚再同我外父外母老婆黎食晚飯呢一餐每人一舊水，以平時幫襯開嘅價錢都算係不過有蝦有蟹有魚有啤酒，對我嚟講唔使煮已經係不得了開邊蒜蓉蝦🦐一般般，啲蝦唔太爽，但係可以接受嘅。炒蟹有一隻蟹🦀，蒸魚係黃立倉🐟即係街市買廿蚊條嗰啲炒菜菜心🌱🌱🌱偏老而最後嗰炒麵有少少油油地🍝🍝🍝整體嚟講係一個非常一般嘅茶餐廳晚餐，但係四個人四百蚊，五個餸，例湯任飲，有飯，食到你飽，又有啤酒你仲想點丫

今日去深水埗洗車，因為要等成粒鐘，於是去咗附近嘅茶餐廳食住下午茶等。B餐菠蘿油跟茶走 $20 菠蘿包太過熱，應該係用凍咗嘅麵包翻叮，所以令到牛油上枱時，已差唔多溶曬。食唔到外脆牛油冰凍嘅感覺，而麵包叮太耐變得好腍。茶走內嘅煉奶落得剛剛好，唔會太 甜，茶味濃唔澀。D餐法蘭西多士跟茶走 $22 西多士明顯係即叫即炸，炸得金黃，上枱熱辣辣，外脆內軟。搽埋牛油同蜜糖，唔錯~ 茶走內嘅煉奶落得剛剛好，唔會太甜，茶味濃唔澀。

其實幾年前同友人K來過這店晚飯, 但印象已經很模糊, 是夜再來內部陳設感覺是沒太大改變, 土砲茶餐廳一間, 還好這晚有卡座可以坐, 叫咗一個豉汁白鱔飯$73有點貴但現在價位就是這樣, 因為黃鱔一般是新鮮貨所以稍稍醃味已經足夠這店做到了, 之前一個星期左右在廟街某間茶記食過的白鱔煲仔飯的白鱔被過份加味醃過之後基本上再吃不到鱔原來的味, 今次呢間的廚師就真的知道鱔肉應該怎樣處理才能保留原味這課題, 米飯份量也不少, 豉油則隨個人喜好我們沒有全部落晒都足夠, 有適量飯焦全部食晒, 但現在好多時煲仔飯都唔見有兩條青菜搭下, 成本真的那麼緊拙嗎? 少了一個綠色好多時都感覺是欠缺了什麼似的? 我相信作為廚師唔會感覺唔到!只係好多時出多兩條菜可能被老闆話兩句就無人想咁解, 另一個餸則叫咗菜牌上的NO. 9 枝竹豆腐斑腩煲 $55呢個反而覺得佢幾平下, 因為唔超過$60算平架啦! 味道係重口味多油版本啦! 斑腩個炸衣較厚都是一般通病啫, 除咗呢樣唔算太差嘅! 60蚊以內係咁上下啩, 有機會再來試其他野!

這個冬天不太冷，仍有吃煲仔飯的衝動！今晚點了一客鳳爪排骨煲仔飯和一客羅漢齋煲仔飯，由於全店滿座，所以等的時間比較耐，直至吃到第一口飯，心感滿足，值得等！先說火喉，吃著吃著便感受到火喉十足，爐火不簡單，每一口也飯香十足！豆䜴汁配上鳳爪排骨，味道恰到好處，沒再沾一滴豉油；飯焦平均分布在煲底，證明了火力均渾。從一客普通的煲仔飯，吃出了廚師的功力，感受到一種對傳統的執著。這幾年試過不同地區的煲仔飯，美孚、油麻地及九龍城，也沒嚐過這種火喉，位於深水埗添好運隔鄰的茶餐廳，不簡單！

食肆跟人也一樣並非面面俱圓，尤其一些地道的小店，在資源上難與大財團匹敵，能夠做出幾道招牌菜，加上其他菜式水準平均，價錢又合理，定能吸引一眾街坊、擁躉支持！為了尋找煲仔飯，經一輪資料搜集後，位置稍為「吊腳」的「美味皇」被列為當晚的目標。來到門前，不單有氣體爐煮煲仔飯，還有幾款魚類，甚有街坊風味！而內在則如中式飯店與茶餐廳的混合體，客人大多是熟客。我們三人甫坐下卡位，阿姐即送上例湯。從太子港鐵站步行至「美味皇」，在冷冷的天氣裡來一碗熱湯，潤喉不已，不消一會我們便給喝光，依稀記得是合掌瓜花生煮豬骨。檯上除了一張過膠餐牌外，這張如是日特選的手寫菜單更是精彩，以魚、瓜、肉類、海鮮及廚師推介列出，彷彿將買手及廚師的心思歸納於此，當中不乏我們喜歡的菜式，看得心花怒放！廚師推介的白胡椒鹹菜豬肚湯 $68 火速送到，令我們感驚訝！由小鑊子盛上，湯呈乳白，灑上蔥花，湯底內有豬肚和白胡椒粒。白胡椒的濃度恰好，給寒天燃上一點熾熱。鹹菜採用了即食的品種，一咬那種不太自然的甜酸度，不是我們喜愛的，且味道未能溶入湯中，因此只得白胡椒的辛辣獨領風騷，鹹菜並未能共存！至於豬肚質量還好，軟彈可口，至少不會感到冷藏的味道！

朋友住在石夾尾，跟他伯補祝生日就選了此店，已經不是第一次來光顧的了。一坐下服務員先送上例湯再點菜，這次先點上次吃過的醬爆海蝦和啫啫通菜，煎封倉魚，川椒回鍋肉，啫啫通菜有水準，醬爆蝦好味依然，煎封倉魚明顯廚師的拿菜，最後回鍋肉很差，五花肉除有怪味外做法也不正宗，跟北角小辣椒的回鍋肉無法比。最後點了兩杯凍檸檬茶，一元一杯，沒看錯是一元一杯。

今日本來同班朋友約左去呢間茶餐廳隔離既添好運食野,點知成班朋友冇一個BOOK枱, 更加估唔到呢間野真係咁犀利六點幾去到,排哂長龍,都唔知要等到幾時。最後等到七點幾都未有位,就去左呢間好味皇茶餐廳醫肚。 雖然話係茶餐廳,但有得食既野都幾多,大排檔小炒同海鮮都有,成班朋友都好肚餓,一行八個人,叫左10碟野黎食, 有碟叫做香芒鮮蝦球,一碟八粒,每人一粒岩岩好. 外貌同一酒樓既炸蝦球冇乜分別,但係咬到入面,有大大粒芒果肉,酸酸甜甜,我平時冇乜食開炸野,因為覺得好熱氣,都覺得呢個蝦球好食,可能因為有粒芒果中和下,成個感覺冇咁乾。另外有一碟,鹹魚煎肉餅, 材料應該同普通蒸肉餅冇乜分別,但係煎出黎既效果好好,好香口又野味,送飯一流,係出面都係過差唔多既煎肉餅,但一定冇呢個咁野味。 其餘D野食都算係不過不失,但係好似口味偏重,因為今次大家太肚餓,好快就食完,冇影到相,但係下次應該會再黎,因為有朋友話想試下個黃金墨魚餅,最重要既係 埋單每人都係百幾蚊,當中仲有賴尿蝦,炒蟹,炒蜆等海鮮,可以話係十分抵食。

搬去新家後周圍有不少的食肆，在我們去開的餐廳沒有營業的情況下，老公說不如試下這間。在門口看到餐牌，正常的價錢，平均$34蚊一個午餐包飲品，凍飲加2蚊。選擇頗多，有兩個固定的菜式。常餐比附近的餐廳便宜，但味道一般。我認為他們的即炒小菜不錯，比如說西芹肉片的碟頭飯，熱辣辣，好新鮮。但我嘗試過的另一菜式——蒸肉餅真的一般，沒有什麼肉味。環境比較昏暗。一句話總結就是一分錢一分貨~

茶餐廳是香港一個很重要的飲食文化,講到茶餐廳,我自己都有一些心水推介,可以同大家一起分享.今次我來到位於深水埗福榮街的好味皇茶餐廳.雖然好味皇茶餐廳環境較為平民化,但是食物質素就非常之高,味道不但好好,而且價錢也很便宜.今次我吃的是豆腐斑腩煲和半隻炸子雞.皮脆肉嫩這四個字是我給這個炸子雞的評價,雞皮炸得很脆,而雞肉就真的很滑.我覺得做得很好,很好食.豆腐斑腩煲就真的惹味,熱騰騰,大大塊的斑腩,讓我可以大大啖去食.豆腐斑腩煲的汁也很美味,送飯的確一流,這個汁可以讓我吃幾碗白飯.唔錯! 唔錯!