好味雞蛋仔

營業中

休息中

買咗一底雞蛋仔，味道一般，價錢唔太貴，但係個男人同女人態度好差，好似得罪咗佢哋😵西晒面咁樣；雖然只係一間普通小食店，但係我諗態度都可以好少少掛，我自己就唔會再俾錢受氣啦，呢間食一次好啦，唔會再食多次🫡

章魚小丸子好好味我成日都會落樓買佢個章魚小丸子，鐘意佢多醬，次次咁岩佢都係岩岩整好，所以夠熱陪新鮮！ 完全係香噴噴好正呀！食過一次之後就成日要去買喇！ 唔講唔知， 原來佢雞蛋仔都好好味我仔次次食到唔肯走， 因為返到屋企冇咁好食 ＸＤ

好味雞蛋仔💛章魚小丸子(6粒) $26人均消費: $13 (2人)-章魚小丸子🐙🍡好多紫菜🤩入邊有好多麵漿 仲有椰菜同埋幾粒章魚🐙粒章魚都算大粒同完整麵漿冇乜味🥺性價比高同埋佢好似唔係即叫即整🥺因為去到嘅時候已經望到有幾粒喺嗰個pan上面不過最後食落去 都係好熱辣辣🔥·以上評價 同🐖一齊寫所以帶返頭盔先👷🏽‍♀️-18/7/2022 ate-好味程度：🌕🌕🌕🌑🌑抵食程度：🌕🌕🌕🌑🌑環境靚靚：🌕🌕🌕🌑🌑服務態度：🌕🌕🌕🌑🌑會回頭率：🌕🌕🌑🌑🌑·#od藍田覓食之旅#od食掃街·希望疫情快啲完結啦💛大家都要身體健康💛

食物質素可以，不過服務態度就唔係幾好，非常晦氣，我問是否一定要一底買可唔可以半分，佢話咁咪一底囉⋯···· 非常晦氣，咁我話就要一底分開啦，之後整完佢又冇用一張牛油紙隔住幫我分開，而係直接用佢隻手幫我搣開，真係超級唔衛生，而家疫情咁嚴重佢咁樣做嘢真係遲早大大鑊，加上我最唔鍾意俾錢人仲要受氣嘅，不過老媽子鍾意食個格仔餅就唯有照買啦，如果我自己食就一定唔幫襯㗎啦，完

收工收得早，咁就行去食滷味，呢間又有雞蛋仔，又有滷味食，呢啲係我哋香港來講叫美食！其實真係好食，呢間野唔難揾既！係地鐵站商場上蓋！滷水汁好入味，而且生腸嘅口味帶堅韌之如又帶林，不是一般能夠做到！墨魚方面，亦係半硬半軟。食起來也回味年輕的味道！聽人講，老細以前已經係裕民坊小巴站開當，相信當年嘅情景一定會更熱鬧！氣氛雖然係無，但這些越來越少見嘅小食，能夠識到已經好難得，老闆所教嘅甜醬同芥辣，記得芥辣唔好講話要太多，因為老細一重手，你會即刻喊！🤣🤣🤣 呢種小食，真係好值得人回味！講個秘密比大家聽，自己身體檢查唔合格，都會走去偷食！希望冇俾人發現啦🤣🤣🤣

滙景出名為九龍區葵廣，當然有唔少好嘢食啦！我一直都有食呢間嘅章魚小丸子，雖然佢唔係啲咩超多餡，日本風味或者有好多唔配料，但我係食佢嘅人情味同港式小店風味（另有凍墨魚、雞蛋仔嗰啲）。老闆好好人咖。章魚小丸子 $23 6粒由＄15開始食，店舖會係舖面即場燒，有時要等下一批熟。佢用上基本嘅小丸子粉漿，加上生菜粒同章魚粒，偶然翻一翻，就ok。老闆會問你加唔加紫菜、燒汁同沙律醬，佢會加好多，成盒小丸子都會係滿滿嘅醬汁，正！雖然小丸子味道唔係最優秀，但老闆嘅用心係睇到，大家都不妨多啲支持呢啲小店，可以外賣返屋企食。

滙景商場嘅良心店大多都係小食店逐間掃街咁掃都唔錯雞蛋仔向來屬於香港人童年小食之一本來雖然唔係咩重要食材，只係意外烘成雞蛋仔細細個食雞蛋仔時聞落已經香噴噴都係傳統原味雞蛋仔但目前雞蛋仔演變出多種唔同口味，好似呢間有紅豆餡咁不過我始終鍾意最原始同最正宗嘅原味呢間嘅雞蛋仔同格仔餅分別都係 $15既有忠於傳統嘅原味雞蛋仔亦有紅豆餡雞蛋仔傳統、新潮兼備，原味比較有蛋香味即食時雞蛋仔特別薄脆，入口煙韌又鬆軟略嫌唔太夠熱力

恨左幾日想食章魚小丸，今日的起心肝上openrice搵，原來屋企附近就有！即刻衝落街買！呢間小食店係匯景商場5樓，地鐵站上兩層，步行3分鐘左右。我買外賣回家食，排隊途中，覺得老闆好有心機咁烹調，絕對唔係出面街邊小食店咁求求其其咁篤。終於輪到我，買左一盒6粒$23。老闆會問你要唔要沙律醬，十分細心。拎到返屋企重係熱辣辣，食左一粒先記得影相;D一食真係不得了，中學回憶返晒黎，唯一唔同就係，呢間既小丸子比回憶既更美味！小丸子好大好足料，外皮小小煙韌，老闆加左好多紫菜，配埋醬汁好好味，重差不多每粒都食到有兩粒章魚😂👍🏼由於我已經憶小丸子成狂，所以淨係買左小丸子，下次一定試埋雞蛋仔！

夜晚九點幾係匯景，鋪頭開始落閘，有少少肚餓又唔想食正餐，諗起Openrice有人推薦過呢間有紅豆雞蛋仔食，就行過黎試下。雞蛋仔即叫即整，期間又有其他客人，大概等左十分鐘就有熱辣辣嘅紅豆雞蛋仔（$18）食。$18蚊對比街外嘅價格都唔算貴，而且超級足料，本身蛋漿已經算多，然後紅豆唔係常見嘅豆沙泥，而係一粒粒有咬口嘅紅豆，香得黎唔算太甜，一底自己食晒都唔會起痰。但呢底雞蛋仔又足料又多紅豆，飽肚到幾乎都可以當正餐，唉，食完飯再獨食真係會肥，下次要搵人Share下。

由於不太食鹵味，平時主要食開佢哋嘅雞蛋仔同鱆魚小丸子。小丸子大粒，餡多，醬料紫菜滿瀉，比坊間一般的多料、抵食，難免成為匯景掃街名物之一！雞蛋仔一向只得原味，一日突然發現出咗新款陳皮紅豆味，老闆仲熱烈推薦，當然要試由於即叫即整，要等幾分鐘。老闆強調唔係普通紅豆沙撈蛋漿。—— 果然！紅豆粒粒分明，坦白講陳皮味不太夠，餅亦比平常的少了甜味。Feedback了給老闆娘，佢話係特別減甜。唔知下次食可唔可以加甜？

可能今日中午食得唔多，未到六點就肚仔餓喇。朋友仔又要八點先出到嚟，唯有搵啲小食頂吓肚😝諗過坐抵食個下午茶餐又飽得滯🤔 咁點好呢？路過見到「好味雞蛋仔」啲「鹵味」又幾吸引，就買啲嚟試吓😋 例牌菜... 鹵味上係要加啲甜醬、芥辣先至夠和味。生腸、墨魚+紅腸我嘅最佳配搭😋記得細個嘅時候，阿姨、舅父都成日帶我去幫襯啲街邊小販食車仔麵、魚旦、碗仔翅... 最有特識可算係面前呢埋橙色嘅內臟、小食，即係「鹵味」呀🤣

之前食過呢間舖頭嘅雞蛋仔，已經覺得好好食！於是今次試埋小魔星最愛章魚丸燒！啲粉真係開得好好，最怕咬落口太粉，呢間啲皮咬落去係「煙 un」，淨係呢下已經好滿意！裡面好多菜同八爪魚，大大粒好滿足！外面好多醬汁、沙律醬同紫菜，真係好完美。原來呢間店係觀塘小巴站嘅老店，老店更加要多多支持！

每次經過滙景商場都必定要來食章魚小丸子，此店的章魚小丸子特別大粒，老闆雖然一早已經燒好了一至兩份，但食時仍然感到微暖，丸子內有很多椰菜和章魚，十分足料，粉漿也開得好，食落又不會覺得太粉，老闆每次也會問清楚客人要唔要沙律醬，非常細心，還有每次也在章魚小丸子放上很多紫菜，非常美味，15元仲有6粒大大粒的章魚小丸子，真的非常抵食呢！

可喜可賀,  這店終於開分店, 能落戶在滙景商場, 相信老店的吸金能力不弱 一踏進商場, 遠遠便看到廣告招牌.       向著那方走, 上二樓, 很快便可找到食店. 有數名顧客已在排隊等候.  跟老店一樣, 除格仔餅和雞蛋仔外, 還有滷水食物.     當然少不了那閙鐘,  店主是用心又認真.  抵十個讚        雞蛋仔外皮薄脆, 內鬆軟, 半實心, 吃起來有蛋香, 味微甜, 真的一點也不賴.