好味雞蛋仔

營業中

休息中

夜晚九點幾係匯景，鋪頭開始落閘，有少少肚餓又唔想食正餐，諗起Openrice有人推薦過呢間有紅豆雞蛋仔食，就行過黎試下。雞蛋仔即叫即整，期間又有其他客人，大概等左十分鐘就有熱辣辣嘅紅豆雞蛋仔（$18）食。$18蚊對比街外嘅價格都唔算貴，而且超級足料，本身蛋漿已經算多，然後紅豆唔係常見嘅豆沙泥，而係一粒粒有咬口嘅紅豆，香得黎唔算太甜，一底自己食晒都唔會起痰。但呢底雞蛋仔又足料又多紅豆，飽肚到幾乎都可以當正餐，唉，食完飯再獨食真係會肥，下次要搵人Share下。