好好茶餐廳 (已結業)

有朋友推薦呢間茶記ge煲仔飯，天氣又開始涼，一於去試下！去到已經八點半，裏面八成滿，好彩唔使等位，我已經好肚餓了。。我地兩個人一人叫左個煲仔飯，加左10蚊要杯涷奶茶。D伙記真係好快手，等左10分鐘左右已經有得食！一上枱熱辣辣，佢地會幫手開蓋再收走。我地快快手淋d豉油，要小心啊，淋太多會過咸架。仲要即刻撈個飯，唔係飯蕉會太燶太硬。魚香茄子煲仔飯：呢個真係第一次食，好香，茄子夠淋夠入味，撈埋個飯一齊食誇啦啦。土魷冬茹肉餅飯：食落口啖啖都充滿住肉餅同煲仔飯，慢慢咀嚼煲仔飯ge香味，真係好幸福啊！XD我一定會再食！

牛什麵: 湯底很咸很咸很咸!!! 完完全全的只有咸味!!! 牛什炆得過"o林"了, 完完全全的失去口感!!! 幼麵有彈性, 但整碗牛什麵就只吃到咸味... 薑蔥鯇魚腩煲仔飯: 鯇魚腩份量很大!!! 但不是很新鮮, 只嚐到很強烈的薑味和蔥味... 飯有飯焦!!! 讚!!! ******************************但店內環境真的非常十分非常十分非常十分的惡劣!!! 除了餐具不潔外, 地面竟然是艮期保持一定的濕度的!!! 洗手間的衛生情況更是不堪入目!!! 一個洗手間竟然連洗手盤也沒有!!! 請問這樣的食肆格局是乎合香港的食肆規定的嗎???!!! omg!!!!!!

今日去完探病，係附近搵到呢間餐廳。本身都無特別期望。我同爸爸入左去食個煲仔飯。食食下，亞妹打比我話留低左野，咁佢就入㴝搵我拎返，佢都無坐低。前後1分鐘都唔夠。點知門口個亞伯（估計佢係老闆）。一句飛埋㴝幾句粗口（意思係先問候家人，然後話我妹阻住佢做生意）。我即刻話唔洗講粗口呀！佢不斷閙我亞妹。我話我都唔係無幫襯，有咩得罪你。見佢我大住個肚不斷用粗口問候！！呢D咁既態度，食物點好食，我都唔會再幫襯佢！！

天寒地凍真係要食d暖野暖下個胃先！啱啱係旺角落車，男朋友黎車我送我返屋企，順便係旺角食野先走。佢帶左我黎呢間煲仔飯，話好好食入面爆滿晒！但我地一到竟然有2個位雖然好迫，但度算有d似人空間啦唔洗搭台呢度d煲仔飯真係好多選擇真係up得出既都有！我都係heahea地叫我最鍾意既肉餅飯就算啦鹹蛋肉餅飯-好大碗滿晒肉餅！而且鹹蛋係一隻唔係半邊，足料啊！淋上滋味既鼓油，再撈一撈哇好香個人覺得佢d鼓油好似特別好味咁仲叫左碟蒜蓉炒菜心，好嫩好好食

尋晚係旺角夜咗未食飯，又想食煲仔飯，同個朋友去咗呢間好好茶餐廳。叫咗個馳名嘅沙薑排骨飯! 嘩! 果然正呀…😋啲沙薑好夠味，唔會"淡某某",而且排骨啲味系食得出新鮮豬肉嚟，唔係冰鮮豬✌。飯焦又煲到金黃色 ，可以一塊一塊咁用筷子夾到嘅。愛食熱騰騰嘅煲仔飯，真係唔可以錯過呢間啲煲仔飯啦

新年和朋友仔拜完年，人在旺角當然要掃下街，通處找野食開心下啦🤗行行下聞到遠處有一陣一陣的燒焦香味，係煲仔飯！好香吖，即時滿腦子都是煲仔飯，一於找它出來品賞一下。去到門口全部都是人，可能是新年的關係行人路都加添了幾張枱，等了大約十分鐘左右有位，都算快了。XO醬排骨煲仔飯(微辣) - 一上枱都幾香，但排骨太瘦沒有味道，原全不覺有XO醬味，飯又太濕🙄臘腸滑雞煲仔飯 - 臘腸好鹹又硬，雞就夠滑，這煲飯不太濕，剛剛好🤔重括來說可能實在太繁忙，煲煲飯都可以唔一樣，質量不太隱定，而且坐位好逼，服務一般，可能人少時會好d吧

你以為它是一家普通茶記嗎？非也非也。你以為它是一家正宗煲仔飯？非也非也。它正是茶記與煲仔飯的化身。聽聞以前它只是一間普通的茶記，後來晚市多做了煲仔飯就，就一夜爆紅！我已經吃過好幾次了，每次都是人來人往，每次店內都是熱騰騰的，讓人溫暖。溫暖的除了氣溫，還有人情。「朋友！兩位朋友到！」每次入坐時店員都會稱呼我們為朋友。是否有四海之內皆兄弟的感覺？我們吃的是煲仔飯，吃的也是情懷。飯夠足料，一個正常女孩子的份量根本吃不完。👍🏻👍🏻 另外推薦大家一定要加雞蛋！很香口！在寒冷的天氣去吃吧！

天氣終於開始凍凍地，呢D時侯就特別想食打邊爐丶羊腩煲同埋香噴噴的煲仔飯架啦！行過旺角聞到勁香的飯焦味，見到有6丶7個人係度等位食煲仔飯，決定一試呢間睇落都有D歷史的小店！一坐低真係嘩一聲~除左煲仔飯之外都係煲仔飯，勁多款式，花多眼亂呀真心！薑蔥黃鱔煲仔飯黃鱔份量超多，細數大約都有成15舊左右。鱔身肉質爽口，幾脆身，而且一D細骨都冇，師父刀功唔錯呀！黃鱔的味道唔重，重食得出魚味，而煲底有我超愛食的飯焦！飯焦燒得勁靚一片片，入口脆身而且冇咩燶味，真係超好功夫。比起油麻地某D出名的煲仔飯店，我覺得呢度更好食！咸魚肉餅煲仔飯咸魚係梅香，入口夠哂咸又好腍，勁好送飯！肉餅好腍，口感有D唔夠結實，但係味道好好，同咸魚真係天作之合，加上煲底都係有大大片的飯焦，勁過癮！真心講，呢度飯焦算係我食過的煲仔飯入面頂瓜瓜既一間！

天氣凍凍地想食煲仔飯同男友經過依間餐廳係廚窗見到煲仔飯好吸引所以入左去食 初初感覺好似做街坊生意員工好似好nice甘 一坐低叫左一個煲仔飯一碗牛雜河 煲仔飯味道一般 但牛雜河嘅河粉真係不能接受 入口好粉不特只咬多幾下仲好立 根本吾會想再食多啖真心 之後我地同員工講希望可以換左個麵底更想反映番係咪河粉有問題 之後同左員工講但被無視了然後有個老闆出左黎話：河粉梗係粉嫁啦 你要我換都係一樣甘嫁咋到我地個煲仔飯就黎食完嘅時候 男友問：吾該甘姐係換吾換嫁？ 兩個女員工黑晒面啤一啤我地當聽吾到 態度真係好差 不會再幫襯

天氣凍凍地想食煲仔飯同男友經過依間餐廳係廚窗見到煲仔飯好吸引所以入左去食 初初感覺好似做街坊生意員工好似好nice甘 一坐低叫左一個煲仔飯一碗牛雜河 煲仔飯味道一般 但牛雜河嘅河粉真係不能接受 入口好粉不特只咬多幾下仲好立 根本吾會想再食多啖真心 之後我地同員工講希望可以換左個麵底更想反映番係咪河粉有問題 之後同左員工講但被無視了然後有個老闆出左黎就話：河粉梗係粉嫁啦 你要我換都係一樣甘嫁咋到我地個煲仔飯就黎食完嘅時候 男友問：吾該甘姐係換吾換嫁？ 兩個女員工黑晒面啤一啤我地當聽吾到 態度真係好差 不會再幫襯

海南鷄飯好唔得，居然冇醬汁！鷄肉勉強合格但啲油飯居然又硬又有飯焦！啲飯得三成吃得入口。另外個鳳爪排骨煲仔飯比期望差啲。廁所也太細，入到去好難轉身。整體環境有待改善。

想出勝利道買狗糧,路經好景附近見到呢間好多人, 天氣凍食煲仔飯也很好, 於是就入去了我點了四川麻辣雞煲仔飯加咸蛋一打開蓋沙一聲, 香氣四溢每啖飯都有蒜加麻辣醬味, 好香好濃不過雞有點少, 但才$58, 今時今日也無法子咸蛋好靚, 好香, 同麻辣味竟然好夾!而且真是一煲煲煮, 真有飯焦! 非常脆口,完全有晒煲仔飯既精髓~~~~~第二朝, 我已經開始掛住佢了……就此, 多謝收看(鞠躬)

2016年元旦巳經開始約既四人飯局，見呢排天氣涼涼地，就提議去食煲仔飯...之前聽到同事講，話食過呢間茶餐廳D煲仔飯唔錯，就決定今晚去試試...到左門口唔駛等就可以入內就坐，入到去除了一張圓枱外，其餘都坐滿人，見到好多人都係食煲仔飯，我地都嗱嗱聲睇餐牌叫野食...落完單見到隔離四人卡位有人起身埋單走人，我地就問落單亞姐可唔可以轉卡位，亞姐話無問題，即時幫我地改番枱號...我地叫左三個煲仔飯加一個小菜，一罐可樂，兩杯凍檸茶，一杯凍檸水...我地因為無睇餐牌D細字搞到好混亂，以為可樂係5蚊，凍檸茶/水係12蚊，想將原本巳落單既凍檸茶/水改番做可樂，落單亞姐無嫌我地煩，仲好好心解釋番比我地聽5蚊及12蚊既分別，原來係煲仔飯跟飲品要加12蚊，小菜跟飲品加5蚊，到最後我地都無改到，哈哈!雖然枱同枱之間既行人通道比夠窄，環境&衛生一般般，但勝在待應服務態度非常好，拎住碟餸經過掂到我手踭即刻講對唔住，上菜時會講唔該、收野前會問清楚係咪可以收得，我地食飽飽佢執枱時會講多謝晒......以茶餐廳有咁既服務水準，再加上食物份量及味道不錯，巳經十分超值!!!下次再幫襯可以試下其他煲仔飯。

呢間野雖然外表太up dup，而店內衛生環境亦算差，但煲仔飯就幾正！ 每次來食 都好足料 冇失望過！ 最愛是 土由肉餅 肉餅厚身彈牙 土由味重但今次冇叫到 叫左白鱔煲仔飯 啲鱔多到食唔哂！ 平時去第二度食 都係得飯多料少！ 味道方面，佢啲鼓汁唔太入味，要改善下，飯焦都算多，食唔哂！ 加兩條菜冇甘乾！ 我覺得比起油麻地個條街的煲仔飯更好味！ 不過環境衛生就真係一大敗筆！

去旺角諗住去捐血，點知護士話我未食野，要食左先捐得，於是我就走去附近食個快野啦！見哩間野門口個阿叔好落力拉客，咁幫襯下啦！ 筋肚米料都多，味道都幾好，牛肚又夠冧。。。點知食到牛筋發覺，舊牛筋上面有條唔知咩毛，執走條毛繼續食。。。點知食食下，另一舊都有，仲唔只一條添。。。好恐怖。。。最後頂唔順。。。無再食啦！