好彩海鮮酒家

營業中

休息中

不嬲食野都唔岀食評，完全冇諗過飲茶要寫食評，仲要係劣到自己都不能接受，上到茶樓等位，我明白，不過明明周圍都係吉位都唔比人坐，仲安排我去張岩埋單既枱，坐低叫左差不多4個字先有人過來清潔，碗碟換左都係勁污糟，油立立，自己洗左3次先乾淨，之後叫5個點心，竟然可以一個半鐘都上唔齊，唔通係即時整？！催左幾次，問係咪冇落單，個侍應一直話蒸緊，我諗唔明有咩點心要蒸咁耐，d野食又難食，服務又差，唔明點解仲可以生存到

今日陪媽媽睇完醫生，周圍搵野食，在油麻地附近搵間茶樓都唔係容易，結果去左最近的酒樓，在in’s point ! lunch time以為實會好多人，點知都唔多人，係嘈dd,叫左炸兩，炸魷魚鬚，叉燒包，黑椒牛肚，炸芋角，炸雲吞...d炸野幾好食,我最鍾意食炸芋角，牛肚得嗰六片全部都係蘿蔔,蝦餃個皮唔算厚OK啦，炸兩個皮少少厚同唔脆馬馬地。服務態度一般啦，最後三個人叫左7個點心，$245埋單。少少貴啦，因為唔係話十分飽。

接線生極冇禮貌又晦氣，一聽要訂枱即cut線，打了兩次同一待遇。就算問下晝飲茶可唔可以訂枱也即時cut線，莫非電話系統聽到訂枱會自動關機😒。定係個員工見太多生意做唔嚟

嗌野食，一開始似冇人理都算。到後面都差唔多半個鐘都冇嘢食，諗住搵個人問下，你左一個人之後佢又話稍等就走左。之後有啲人見到當見唔到。之後問咗個阿姨，佢就話：「咁係要等㗎，等45分鐘先有野食。」態度又差，野又唔係好好食，仲要等咁耐。隔離都有幾枱因為等得太耐走左，啲碗碗碟碟都勁污糟。我都諗唔到仲有咩野可以寫差差差差_——————————————————————————————-

celebrate mid autumn festival and Lunar birthday With primary school mates I love Oysters So we have deep fried oysters Seafood is a good choice at Ho Choi Cantonese restaurant the roast goose is also appreciated A stirred fried green vegetables With healthy Sea cucumber pieces and prawns 🍤 another vegetables and Bamboo rafts as usual I love steamed fish 🐟 much more We all enjoy itFresh fish Sweet Tasty 😋 after dinner We are served with good quality desserts Red beans soup Even green beans soup

前日在這酒家下午茶時段入座，當時入座率約6成食客不多，由入紙點食物至到上枱半小時才有一項，上湯雲吞是微弱的暖接近凍食，再等十分鐘後牛展湯檬也是微暖與之前食物無分別，最後再等約十分鐘，最後的一項點心才到枱，足足等了超過四十五分鐘，而且食物不是熱的，過往在其它分店不是這樣子的，實在太差，我已在集團網頁反映，但無回覆，不知會否改善？

星期五同友人一齊黎呢度聚下，估唔到晚飯時間都唔多人，有d靜局，呢度d菜都ok既，份量都可以，雞有雞味，西蘭花帶子都夠鑊氣，三個人三碟餸都夠食，平靚正，係同朋友飯局既好地方

今日第一次去呢間好彩飲茶，姊姊平日經常去荔枝角彩晶軒，也去太子荃灣好彩晚飯，大家都係好彩集團，以為有同一個水準，點知今日見識到什麼叫惡劣態度。大約2點被安排了一個近布幕的位置，我們4人兩個先到，見那位置有啲擠迫，其中兩張椅擋住條路，就把椅子移到另一邊寬闊位置，剛移好位，有位女侍應走過來大聲地帶有指責說，你地咁樣坐我哋點做野啊擋住晒條路，另一女侍應帶有不滿的說：佢地重話要加多張椅啊！我以為自己身處大陸，好像睇緊那些綱上視頻，有個潑婦在大駡的那㮔，首先我無留意那個茶水間，第二就算椅子這樣放，茶水間也有足夠位置出入，第三就算我做錯了也不用從不解釋就大聲罵人，這是什麼服務態度？我立即叫經理說明事情，經理說哎呀邊個呀？呢個呀？一副賴皮樣。真正上下同心。有這樣的上司必有這些下屬。無言

有位亞姐叫周麗華態度非常差！坐低發現張枱未執，於是叫呢位姐姐執枱（強調我是極好的態度），但他的反應非常誇張竟然對我說''行緊過嚟架啦阿姐！你見唔到咩？''當我指責佢態度有問題仲大大聲話返我！他強調我只是回應你有什麼問題？隔離D枱全部人都話佢態度很有問題，連他的同事都跟我說他的性格是這樣的！然後我投訴搵經理，經理竟然話佢系兼職....又話呢行難請人就扮冇事了！再差嘅酒樓嘅亞姐都冇佢咁差!!話晒你哋好彩都係集團式點會縱容啲員工咁樣對待顧客?這樣的員工就算你們的食物好食也不會再幫襯！食什麼也沒有滋味！

今日中午我們去油麻地現時點商場行街睇完玩具模型之後，去咗喺樓上嘅「好彩海鮮酒家」飲下午茶！我們叫咗金銀蛋瘦肉粥煲得好綿，材料相當足料豐富，金銀蛋嘅味道，令到粥底嘅味道更加甘香！鮮蝦莧菜餃嘅餃皮好晶瑩剔透，可以好清晰睇到入面嘅餡料有爽甜嘅蝦肉同清甜嘅莧菜粒，食落感覺相當清香！鮮菇燴魚肚燜得好腍好入味，質感好爽滑軟綿！好彩鮮蝦餃嘅餃皮好煙韌薄身，蝦肉超爽甜彈牙！蜜汁叉燒包嘅包質非常香滑軟熟，蜜汁嘅味道好香甜！豉汁蒸鳳爪醃得好入味，質感好腍身，而且醬汁嘅味道相當惹味！鮮竹牛肉球嘅肉質非常嫩滑多汁，牛肉味相當濃郁，芫茜嘅味道亦好清香，所以我們食完之後再即刻叫多一籠嚟食，真係好好味呀！西汁叉燒酥嘅酥皮相當酥脆，叉燒嘅味道超香甜！

今日好開心，老細話請食飯，我哋一行有六個人，去咗油麻地飲茶。同事話好彩酒家不嬲都出靚點心，我一直都唔相信酒樓質素，多數多味精、多油又唔會好食。但係今次試咗，非常好的感覺。今次叫咗午市點心包括雞扎、燒賣、叉燒腸粉、炸乳鴿、小黃魚等，仲叫了煲仔飯和涼菜。估唔到質素咁高，尤其今次叫的煲仔飯，是鳳爪排骨飯，啲飯軟綿綿很香好想成個食晒。臨買單前，見到隔離枱兩個伯伯分享鹹魚肉片飯，話好耐冇食過鹹魚呀，見到他們吃得津津有味，我下次都要試吓先！總括來說酒樓的確係三五知己，可以坐低飲下茶食個包嘅好地方。唔會有人在你側邊等枱，不會有壓迫咁。你可以坐低吃兩個鐘頭，吹水吹飽才走。仲要讚一句就是侍應姐姐，個個都非常有禮，冲茶冲水水亦都非常之頻密，一於下次再黎過。

今日去油麻地果欄，經過好彩酒樓，食咗小籠包，厚皮但有汁，水準一般。味菜牛肉麵，跟醋和豆瓣醬，細心，但獻汁太多，味道合格，但令麫過淋，可改善。春卷幾好，可以一試。

生的南乳炸雞，無味湯羹，葡汁扮咖哩蝦煲，生冷隔夜荷葉飯，不辣的海蜇頭，招待不好，侍應似炒散。醋汁無酸味，非常失望，這半年來，一次差過一次。這間好彩已失去過去光彩，奉告各人晚飯不要浪費金錢。可能如你叫海鮮會好的。

炸雞仲生，咖喱即葡汁，無鹽飽絲羹，少辣的海蜇，冰鮮蝦蝦荷葉冷飯。花甲售罄，螺頭湯售罄。醋沒酸味。我從此不會再來。上次的釀響螺頭己差極。招待更不用説，人多但混亂，這個叫我等，那個又叫我等。。。。

打電話book枱，3次都有人接駁我去另一個電話，3次轉駁都無人接聽，飛去留言，留咗言又無人覆，唔想做生意😡😡😡😡😡😡😡😡😡😡😡😡😡😡😡