好日咖啡店 (已搬遷) 新店位置

難得星期日冇野做，就出大王CWB行。係銅鑼灣行黎行去，冇啦啦行左去 Via Tokyo個條街，望到有間Cafe wo，而且重要推介緊我至愛的Burger~~~~~~~~~~~OK，我一試入黎啦！未訓醒既人當然要飲番杯咖啡啦，我就點左杯凍Latte味道唔錯，而且比我自己落糖漿，唔洗怕飲到太甜的啡。飲完之後，醒神番D lu~超大條的炸魚，條條都有手掌咁長。一切開去~又係超邪惡既流心芝士呀！救命 芝士口感比較「傑」身，食落去唔算太濃，配合清爽的肉魚都算唔錯的組合。炸得夠酥脆，入面的白身魚肉味道亦都唔錯點左兩款Burger，係我發癲既時間啦！花生醬，我愛！Burger，我愛！加埋一齊，我至愛啦！花生醬味道非常濃郁，配合肉汁同脂肪十足的Beef Burger，十分之夾，令到成個漢堡可以有平衡既味道出現。漢堡肉質幾嫩下，食得出唔會工廠製造，我估都係人手自己煮，有心！另一款就係軟殼蟹的Burger啦。新鮮即炸的軟殼蟹真係好邪惡，咬落去蟹汁Bit哂出黎。黑松露同埋拉絲芝士呢兩樣野加埋一齊，又係相機先食的時間。黑松露味道唔會太濃太搶，同芝士的味道Balance到。而多士香口脆身，好味道

「Have a good day!」知易行難，不論是學生或是上班族，經過日復一日的工作折騰之後總是拖著疲憊不堪的身軀回家，能微微一笑經已萬分罕有，更遑論享受生活，擁有美好一天卻有如自嘲。早前在Instagram發現這間新開張的小店，命名為Good Day Cafe，大概正正是鼎持令人感到愉悅的宗旨，向來美食於我而言都是快樂來源，這天放學後終於與朋友一同到此共進晚餐，感受一下美好一天的感覺。小店環境一目了然，裝潢設計簡約舒適，甚有溫馨氣氛。哈密瓜巴馬火腿配意大利橄欖油黑醋沙律份量頗多，沙律菜新鮮而蜜瓜清甜，與鹹香的巴馬火腿天生一對。鮮南瓜忌廉湯質感綿滑且帶濃郁南瓜香甜，當中更能嚐出南瓜蓉於其中。好日特製流心芝士炸魚薯條 ($148)魚柳炸皮透薄香脆，中間包著流心芝士，芝士味道並不濃郁，更略有洩漏的情況出現，可幸的是魚肉嫩滑而且整體沒有過份油膩。特調花生醬爽瓜瓜芝士牛肉漢堡 ($138)牛肉厚身鬆軟，肉汁豐沛，自家調配的花生醬較為稀身油潤，當中帶有花生碎粒，甜中帶鹹，與牛肉出乎意外地配合，底層爽脆的青瓜更是畫龍點睛之處，中和了花生醬及牛肉的鹹與膩，大大提升了清新感。ICAM 56%特濃朱古

希雲街附近算係銅鑼灣小店最集中既地方，呢間位於希雲街入面既café的確有驚喜！食物水準比一般café高，絕對唔會hea你，想搵間靜靜地既地方同朋友傾下偈，嘆下好野食，不妨可以黎試下。今次同朋友試左兩款set dinner，包括有餐湯或salad，主菜同飲品，如果想放鬆下飲返杯手工啤酒，加40蚊都可以有得飲。飲品叫左個凍朱古力，賣相非常吸睛，仲有個熱肉桂蘋果，聞落好香好似蘋果批！最最最令到我同友人印象深刻絕對係個鮮南瓜忌廉湯！超濃新鮮南瓜味道，飲得出唔係罐頭湯。經店主證實係厨房由新鮮南瓜打出黎，非常有heart又好飲。呢個係我既必試推介！個salad都唔差架，分量不少，係個哈蜜瓜巴馬火腿配橄欖油黑醋沙律。主菜有GoodDay Café誠意推介既特製流心芝士炸魚薯條，老實講我原本覺得炸魚薯條真係無乜特別，但見到個流心澎湃程度，就發現係變成另一種境界。絕對會滿足到所有芝士迷！用花生醬做主要醬汁嘅漢堡包比較少見，中間仲要係手打牛肉漢堡，大大份，口感不錯喔！

爆芝炸魚薯條, 濃香松露意粉-GoodDay Cafe係銅鑼灣希雲街呢條隱世食街就有一間高水準Cafe! 1. 🐟炸魚薯條輕輕一切, 裡面嘅芝士已慢慢流出, 邪惡十足!!😈 最欣賞係炸魚, 炸粉厚度適中而且鱈魚口感結實嫩滑! 3. 🍝 而濃香松露意粉未上抬已經被濃濃嘅松露香吸引,味道香濃惹味, 配上忌廉汁入口creamy 亦未覺太膩,推介!!

放工行開呢頭，呢區不泛食肆，我被呢間裝修簡潔嘅餐廳「GoodDay」同呢個店名所吸引，未食已覺得附合今日心情，所以選擇呢度食set dinner。店主係環境同食物設計都好用心，牆上同食物上都有小小生活句子，令人感覺悠然自在同寫意。餐湯係鮮南瓜忌廉湯，湯底很濃稠很有質感，味道濃郁，好鮮甜，第一道菜已令我深深體會到好新鮮嘅味道，所以問店主，原來佢地每日會去買個大南瓜去打個湯，難怪咁鮮甜好味，味道絕對同出面罐頭嘅不同，欣賞佢地咁細微嘅湯都用心製作，呢個湯真的要試，推介！！牛肉芝士漢堡，牛肉係手打的，相當不錯，豐富肉汁，肉質柔嫩得黎肉味特濃，塊牛肉真係超級厚，裡面有芝士配牛肉，還有大大個麵包，好味！！仲配上超級大碟又好味爽口嘅沙律（可選薯條或沙律），令人食好滿足！！最後點少得點一柸呢度嘅笑哈哈飲品，我味咗柸熱朱古力好香好濃，極具水準，飲後餘韻重，特別個笑哈哈樣令人見到好開心，配合返店名「GoodDay」係個個美好嘅結尾。總括：食物有水準，用心製作，服務好，值得推介！！

昨天晚上, 我和朋友在銅鑼灣一間小型店舖吃了一個很快的晚餐。這間店舖的裝修不算豪華, 但坐得很舒適, 餐牌上所供應的食物種類都算多。 我朋友點了一個經典手打牛肉芝士漢堡套餐, 跟隨套餐亦包括了一碗南瓜忌廉湯。既製南瓜忌廉湯以新鮮南瓜蓉打造 ，啖啖香濃的南瓜味, 而且甜度適中。等了大概20分鐘, 漢堡包便呈上來, 漢堡包中間有一塊厚厚的 牛肉, 旁邊的粗薯條亦很香脆可口。 我點的煙三文魚他他醬義大利麵包等了約20分鐘才到, 裏面的煙三文魚很足料, 剛剛烘烤的麵包很香脆, 裏面亦有一層厚厚的他他醬以增添味道, 旁邊亦附上沙律。另外, 我亦點了一杯是日推介的蘋果雪梨茶。這杯蘋果雪梨茶是新鮮沖的, 蘋果和雪梨的味道很香甜, 很解渴和潤喉。

快樂根源源自簡單生活，不矯飾，誠心誠意，goodday cafe就是一間這樣的小店，在這裡用餐無拘無束，隨意就好。外賣飲品價錢相宜，比起連鎖咖啡店的價錢親民多呢。cafe來說食物種類選擇也不少。黑糖薑母龍眼紅棗茶與黑朱古力簡樸也能美味，只是一杯黑朱古力亦可以滿足我這個嘴饞的人。朱古力香氣撲鼻，整個餐廳充滿香醇宜人的朱古力味，味道濃郁卻不死甜，入口滑潤，熱騰騰的喝在嘴哩，暖在心裡，手握著茶杯，暖意從手心傳達，春天最適合的熱飲，莫過於喝著爽口又香甜的朱古力。黑糖薑母龍眼紅棗茶閨蜜相當欣賞，好奇一問原來此茶花了好幾個小時熬煮，難怪這麼好喝。黑糖薑母龍眼紅棗茶以鮮甜的龍眼肉與飽滿紅棗搭配相煮，釋放出天然的精華，溫和甜香，身心療癒。餐湯南瓜湯顏色相當鮮艷，口感超濃郁，香氣十足，感覺好像吃南瓜塊般濃稠。湯的溫熱濃厚，綿密的南瓜甜香，讓閨蜜感到美好的地方。巴馬火腿沙律蔬菜的新鮮度與豐富度都讓人驚艷萬分，黑醋汁比例也拿捏得恰到好處。搭配鮮美的牛油果，還有濃韻的巴馬火腿，清爽與濃郁巧妙平衡。經典牛肉芝士漢堡配粗薯條漢堡牛肉鮮嫩帶著肉汁，因手打關係亦特別鬆化，加上融化的芝士，就算是高熱量也讓人一口接一口，

係cwb行完街，轉入少遊客嘅巷仔，有各式各樣嘅餐廳同cafe，我同朋友揀咗間靜靜地又靚嘅cafe食野，可以休閒啲食野又可以休息一下。環境好靚而且燈光柔和，俾客人一種好放鬆嘅感覺，牆上貼咗唔同食物相，望落都好吸引！！我地問店員有咩推介，佢介紹咗幾款受歡迎嘅食物俾我地試，實在太好啦～唔使諗到選擇困難，而且仲會提我地唔使嗌咁多住，驚我地食唔晒浪費咗👍🏻👍🏻拔絲芝士黑松露多士先黎一個餐前小食，本來以為多士加芝士會好heavy, 但份量夠晒我地兩個人食，細細件多士啱啱好。個包整到脆卜卜，加埋黑松露獨特嘅香味，變成咗好香口嘅小食，仲有拉芝！！酥炸軟殼蟹芒果莎莎漢堡漢堡特別之處在於加埋芒果變咗酸酸甜甜嘅口味，酥脆軟殼蟹炸完啲油勁香，甜同咸恰到好處，成個包都好夾，好好味～薯條即炸完新鮮出爐，而且係粗薯，薯仔迷必叫🤤 如果有多啲唔同嘅醬就好！伏特加忌廉汁煙三文魚長通粉酒味唔算好重，加咗酒令個忌廉汁更香濃，同埋好creamy可以浸晒每條長通粉。三文魚份量好多，除咗有上面生食，通粉仲有啲熟咗嘅，真係啖啖汁加啖啖肉，值得一讚😍朋友就覺得咸咗啲，因為本身煙三文魚已經有味，加埋已經調好味嘅汁就有d咸，如果淡返啲會

銅鑼灣呢間cafe店仔細細但出品就夠哂驚喜呢，價錢亦好實惠，岩哂小情侶去。Dinner set包兩份主菜已經好抵食，仲有一個暖鍋湯 ($298) 粟米湯仲可以揀兩個配料添。酥炸軟殼蟹芒果莎莎漢堡 ($88) 軟殼蟹炸得香脆，不過略為少肉；配上芒果莎莎醬幾清新。特製流心芝士炸魚薯條 ($98) fish and chips食得多，入面有芝士既夠哂特別。切開流心效果出眾，而且魚柳好滑嫩。黑松露蘑菇奄列 ($88)滑蛋配上黑松露香味，入面仲有微微芝士拉絲，味道簡單又香口😚。

去開銅鑼灣想食野，但又不想去連鎖店，在希雲街有好多食店，週末好多人，趁閒日少人唔洗排隊，就選了間簡約裝潢的小店坐下來，同朋友慢慢坐同傾計。我點了焦糖咖啡及炸軟殼蟹芒果漢堡。焦糖咖啡蠻大杯的，冰量適中，不會過因多冰而令味道淡掉，甜度也適中，不會過甜。我想食漢堡，未食過軟殼蟹配芒果，所以就點了炸軟殼蟹芒果漢堡。一上桌，覺得份量就是一個午餐入量，還配薯條。這個漢堡太大，每啖都想咬到全個包有點難，軟殼蟹是即炸的，配埋芒果同蔬果一齊食，食完整個包都不會覺得油膩。朋友選了芝士黑松露多士，我也試了一塊。多士外脆內軟，每一口都充滿黑松露及芝士的味道，當小食一流，食完好滿足!

冬天最適合吃火鍋，大伙兒聚餐離不開打邊爐，但人少的時候就輪到小暖鍋出場了！冬日暖煱套餐 (二人份量) - $298極濃蘑菇湯鍋🍲: 餐廳會因迎不同季節推出期間限定湯煱，湯煱可配搭三款配料。蘑菇湯鍋由原材料熬製而成，再加上黑松露的香味，濃郁菇菌味倍增！流心芝士炸魚薯條🐟: 師傅以啤酒炸漿將平平無奇的炸魚變成流心芝士版本，外脆內滑的龍利柳釀滿車打芝士，趁熱切開，芝士醬湧出來，芝士味在口腔中徘徊著，非常邪惡！經典牛肉芝士漢堡🍔: 麵包烤得外脆內軟，手打牛肉鬆軟多汁，一口咬下去非常有口感，並夾著新鮮蕃茄及生菜，加上松露忌廉醬，滋味升級！

星期六收工接埋阿女，帶佢去呢間咖啡店食晚餐，接近晚上9點，所以店內只有兩枱客，店面光鮮，店內淺木傢私加啲白木牆，田園感覺，我哋坐咗張二人小方桌！店員好好比張櫈我哋放袋，餐牌簡單無圖片，牆上有食物圖片，好快落好單！請耐心等待！熱朱古力（$40）肥髀飲，玻璃杯，灑上哈哈笑，朱古力夠熱，奶味唔重，非常濃，不過對肥髀來講太重！佢只係飲咗半杯，我飲覺得好香濃好味！泡沫咖啡（$40）藍瓦杯，一樣有哈哈笑，泡沫好挺身，奶泡好滑，咖啡夠熱，但奶味太重！咖啡味唔夠！一般！墨魚汁意粉（$78）賣相黑媽媽唔靚，墨汁好濃，有墨汁嘅特別味道，熱辣辣，意粉彈牙有咬口，魷魚圈淋身唔韌，蕃茄仔酸味唔膩！好味！經典牛肉芝士漢堡（$82）賣相靚，上面拮咗個紙牌仔，漢堡唔大，麵包外脆內軟，芝麻香脆，牛肉厚肉，中央粉紅色，有肉汁，牛肉味濃！生菜撈過沙律醬，爽脆好味，芝士香濃，蕃茄片多汁，好味！粗身薯條外脆內軟，薯味重，好味！店員有禮斯文，仲好細心，我味上食物時，另一邊4人枱嘅客走，佢就幫我哋轉大枱，我哋邊食邊傾偈都無趕客！舒服！食得舒服嘅一餐！只收現金

朋友之前介紹過一間新開既小店話呢度既野幾好食又有heart特別係個芝士炸魚薯條🧀🧀咁岩行開銅鑼灣，就去試下！去到見裝修以白色為主調都幾簡潔舒服入到去就有人招呼坐底俾menu而個menu都幾多選擇雖然有埋lunch set 都幾抵但都係堅決要食個招牌菜！💪唯有下次先試其他野啦上到個賣相一流見住s芝士流緊出黎一開始食就停唔到所以淨係影左一張相就唔記得左影切開既魚柳炸既程度岩岩好魚柳好嫩滑加埋熔緊既cheese原來係好夾！！！薯條夠熱夠脆朋友果然無推介錯吃完熱氣野店主推介左個蘋果雪梨菜去潤番下本身唔大期望但加左玉桂條成個味道提升！唔錯唔錯！繼續用心做就會有愈黎愈多人欣賞！

經過希雲街見到一間新開嘅小cafe幾特別 "Goodday 好日"希望食完真係have a goodday la黑松露忌廉汁長通粉第一啖食落去偏咸小小之後食落幾入味黑松露好香真材實料正! 煙三文魚意粉三文魚賣相擺到玫瑰花 好靚唔捨得食清清酒香味食落FRESＨcafe 入面都係年輕男女同幾個staff傾完先知原來係呢幾個後生仔女夾份開嘅cafe大家可以多啲去食野支持年輕人創業 

Truffle Cheesy Toasts拔絲芝士黑松露多士 $62希雲街多野食就全世界都知啦😏 但最近發現依間新開既cafe😯 小清新 裝潢簡潔 食物質素OK 閒時泥避下世都幾好 白色tone真係大愛😊黑松露加芝士你地點睇👀 我就覺得正啦❤ 黑松露香噴噴 加埋烘到外脆既多士👅 下午茶一流 略嫌小貴 但小店要支持既 仲有啲item都不錯架 留意之後會post😉好日特製流心芝士炸魚薯條 $98依款幾特別 熱辣辣上枱之後即刻切 外脆內燙 好得意 魚亦好嫩 但可能因為芝士就偏咸左少少 同埋佢既醬可以變成係茄汁點下薯條 甘就light d!厚切鴨胸配自家製紅酒士多啤梨醬意大利包 $78鴨胸真係幾厚 質感算腍 同意大利包配起泥幾配 而個醬真係第一次食 微微紅酒香 同草莓味就是搭 整體口感幾好同創意滿分另外我點左一杯好岩冬天飲既奶泡薑母桂圓茶 好正 薑味幾濃 但如果糖份減低少少就更健康feel 無甘罪惡感