影片
以上資料只供參考, 請與餐廳確認詳情
食家推介
2025年7月16日 星期三呢日咁岩出咗去灣仔拎野，之後就想買外賣返屋企食見到駱克道呢間小店裝修得幾有特色，感覺似係台灣傳統老店既裝修咁門口周圍都貼左餐牌，餐廳主要推介土茯苓陳皮老鴨湯，聲稱可以去濕解毒，舒緩皮膚痕癢，仲可以潤喉益肺添，咁岩呢排把聲沙沙地，就積管試下除此之外仲有唔少食物選擇，價錢都唔算太貴，於是除咗湯，我仲要左個飯同甜品，另外再要咗一杯飲品一邊返屋企一邊飲呢杯係芒果沙冰，賣相非常吸引，膠杯盛載住鮮黃芒果沙冰，店家仲用心設計咗個粉紅色杯柄，方便拎住周街行，沙冰芒果味香濃自然，絕非一般芒果香精，飲落去好似真係食緊新鮮芒果蓉咁，清甜而不膩，而且沙冰口感細膩，冇雪粒感，唔會越飲越苦或越水，飲落真係透心涼，係炎熱天氣嘅最佳拍檔返到屋企已經急不及待想嘗試個土茯苓陳皮老鴨湯，仲係熱辣辣，湯色深棕、聞落好香，好有傳統藥膳湯嘅味道，老鴨湯底濃郁，入口甘香土茯苓有清熱解毒、祛濕健脾功效，而陳皮則有理氣健胃嘅作用，呢碗湯真係養身之選鴨肉煮到夠腍，啖啖肉滑，不過唔會爛到冇口感，啱晒鍾意食肉又想養生嘅人味道方面湯味濃而不膩，草藥香氣自然流露，冇嗰種過份苦澀或者太重藥味飲落之後，真係有種由內至外嘅放鬆感，好似身體排咗啲濕氣咁！！呢個係咖喱牛腩飯，牛腩炆得夠腍，入口香濃，脂肪分佈得宜，冇柴口，而咖喱微辣帶甜，唔係印度那種勁香料型，反而更適合大眾口味配菜方面，滷蛋入味、醃蘿蔔爽口、白飯煙韌，整體配搭唔油膩又夠豐富最後甜品有楊枝甘露，如果話芒果沙冰係「消暑神物」，咁楊枝甘露就一定係「港式甜品女神」！主角有芒果蓉 + 西米 + 柚子肉，再加椰奶混合，口感層次非常豐富芒果香味突出，而且唔太甜，有種自然果香，唔似坊間加過多糖漿嗰種，而且柚子果肉帶少少酸，啱啱好可以中和芒果蓉嘅甜膩，成個味道超balance！！再加埋西米煙韌唔冧身，有凍凍哋嘅口感，真係一啖接一啖停唔到埋單大約二百幾蚊，份量十足，食到好飽
繼續閱讀
【🍲銅鑼灣隱世文藝食堂！40年手藝傳承「好正」復刻懷舊廣東味✨｜打卡送小食！OL必試$38足料燉湯飯餐】#港式情懷 #文青食堂 #銅鑼灣平價美食 ⠀⠀⠀⠀⠀⠀⠀⠀⠀⠀⠀⠀ ‼️ 急Call所有懷舊控+養生黨睇！ 銅鑼灣駱克道靜靜雞開了間「有靈魂」嘅文藝小店——「好正」✨ 老闆係位會寫詩作畫嘅隱世才子🎨，連牆上水墨畫、復古木核都係親手打造！ 重點係👉🏻 賣緊40年家傳手藝嘅 無味精湯+創意養生小食，$30+嘆到老火湯飯餐‼️ ⠀⠀⠀⠀⠀⠀⠀⠀⠀⠀⠀⠀ 🔥 必試隱世菜單 🔥 ▫️「土茯苓老鴨湯」🍵 秋冬必飲祛濕王！燉到鴨肉化開嘅清甜湯底，飲完喉嚨超舒服～ ▫️「蒸老陳皮果釀糯米飯」🍊（激推‼️） 陳皮果殼塞滿暖胃糯米飯🍚，咬落淡淡陳皮香+糯唧唧口感，養生又IGable！ ▫️「川香滷肉飯（日本米）」🍛 肥瘦滷肉淋到日本珍珠米發亮✨ 微辣滷汁拌飯真·秒清盤！ ▫️「芒果紫糯米椰奶」🥭 vs 「楊枝甘露」 老闆堅持用呂宋芒🥭！紫糯米椰奶濃郁到掛勺，楊枝甘露仲有爆汁西柚粒💥 ⠀⠀⠀⠀⠀⠀⠀⠀⠀⠀⠀⠀ 💰 街坊價歎藝術級美食 👇🏻 ✅ 燉湯/老火湯 $30+起‼️ ✅ 客飯套餐 $38起（日式咖喱牛肉飯$45、泰式青檸雞扒蛋飯$40） ✅ 秋名山炸雞咖喱烏冬🍗 $50（轉飯減$5） ⠀⠀⠀⠀⠀⠀⠀⠀⠀⠀⠀⠀ 🎁 隱藏福利 🎁 ✨ 打卡送飲品或小食！ ✨ 老闆隨時即興贈詩📜（文青必Get） ⠀⠀⠀⠀⠀⠀⠀⠀⠀⠀⠀⠀ 📣 真心話時間： 見到老闆堅持用靚料復刻阿爸手藝👨🍳，連滷肉都唔用現成醬包，真係食到心機！ 佢哋嘅外賣兜係老闆親自設計，係一款裏面有保溫功能嘅紙兜但係外面竟然係用緊廣州以前好hit嘅公雞碗圖案！📸 店內超多打卡位，記得影埋老闆嘅詩畫！
繼續閱讀
發現一間裝修好有心思 炸物甜品都高質嘅香港地道小食舖😍 今日嚟宵夜試咗好多嘢 炸餃子🥟 炸得非常香脆台灣腸 爆汁！炸魷魚 🦑 炸粉非常薄 芒果沙冰 🍧唔會太甜 飲到真芒果肉🥰 之後兩個甜品都非常高質 特別係紫米露煮得好煙靭 🥹 絕對推薦夜晚食完飯過嚟食第二輪😌同埋喺附近返工買外賣都好方便佢好多便當選擇#好正 #好正甜品 #灣仔美食 #香港地道美食 #香港地道小吃 #港式情懷 #老鴨湯 #川香滷肉飯
繼續閱讀
在灣仔發現了一間充滿懷舊老香港風情的小食店，招牌上的「老鴨湯」讓我忍不住想進去一試。這裡除了外賣，還設有幾個座位，讓人可以輕鬆享用美食。我點了幾樣招牌菜，首先是土茯苓陳皮老鴨湯。我選了小碗，湯底清淡，入口時似乎沒有太多味道，但卻帶有一種讓人感到舒適的火喉感，喝下去讓人心情愉悅，十分適合炎熱的天氣。接下來是豉油王香煎蝦米腸粉，外表煎得焦香，搭配的甜醬和芝麻醬讓人一口接一口，根本停不下來。腸粉的口感滑嫩，與那香濃的醬汁相得益彰，實在美味。然後是秋明山咖喱豬扒烏冬麵，豬扒是現煎的，外脆內嫩，散發著誘人的香氣，咖喱醬汁濃郁卻不膩，完美提升了整碗麵的風味，讓我忍不住多吃幾口。最後，我嘗試了楊枝甘露，這道甜品料足而不過甜，果肉新鮮，吃完後完全沒有罪惡感。整體而言，這家小食店的每一道菜都讓我感受到用心，無論是味道還是氛圍，都讓我期待再次光顧！
繼續閱讀
冇諗過經過一間小店竟然有湯有糖水同港式小食！仲有牛油果奶昔同飯款式真係夠曬多而且飯嘅價錢唔貴夠曬經濟實惠！不過依家夏天咁熱食糖水消暑先🥹綠豆沙綠豆淋得黎帶點粉嘅口感但飲落都好順滑好多好足料！甜度啱啱好喳喳加左椰汁再香啲，配料豐富，芋頭同幾款豆類，好滿足因為啖啖都食到唔同配料，甜而不膩而且仲係經典嘅港式糖水楊枝甘露芒果配清新柚子肉，西米，椰奶，果香十足，芒果夠甜，柚肉爽口，椰奶香，而且大大碗！墨魚餅彈牙又爽，配泰式甜酸醬好開胃，食落唔膩又唔會好鹹，推薦～想坐低慢慢食舖旁邊都有幾個座位可以一路休息一路食👍🏻
繼續閱讀
您可能會有興趣的...