好湯好麵 (名店坊)

營業中

休息中

大圍開店時已經久仰大名，既然開到嚟銅鑼灣咁方便，一定要試吓佢！之前上網睇見到一碗麵要過百蚊碗，真係匪夷所思。後來睇影片分享網站介紹知道佢用咗好多材料嚟淆個湯底，講到咁就俾次機會試吓啦。我今次嗌嘅係蠔皇豬豬🐷，個湯非常好飲，淨係飲個湯都抵👍🏼另外，我仲叫咗個檸檬薏米水特飲，喺呢個夏天咁熱咁濕嘅時候啱晒！整體來講我覺得佢嘅食物好俾心機整，雖然價錢係有少少貴，但絕對值得一試推介指數8/10

無意中發現好湯好麵竟然係銅鑼灣開分店，就入去試下。睇menu見到咁多款式既麵，睇到我都有選擇困難症。樣樣野都想試。蠔皇豬豬果湯頭同膠膠麵一樣，不過多左蠔既鮮味。可惜鐘意食蠔既我，碗麵得兩隻蠔有啲唔夠喉。而且我竟然咁好彩，成碗麵咁多塊既五花腩片都係肥膏🥲 好彩湯底搭救，而且麵都有咬口。如果啲主菜（豬同蠔）再改善，仲會更好。膠膠麵必食。好濃郁既雞湯，配埋花膠同魚肚，飲完搭湯，果嘴脣係痴住！👍🏻 好多骨膠原！喜出望外嘅係，塊花膠超級厚超級大！阿媽話好抵。加上，啲豚肉係半肥瘦。水準高。絕對對得住價錢。

週末同老公出銅鑼灣行街, 行到肚餓就去百德新行覓食, 見呢間都多人幫襯就心思思試試佢叫左一碗迷你佛跳牆扁春陽面, 一黎到即刻試湯先, 湯味非常香濃, 材料豐富足料, 有鮑魚, 魚肚, 素翅, 雞肉等等, 陽春面偏淋, 整體黎講, 好好味又飽肚, 下次都會再黎幫食👍🏻

Bookmark咗好耐嘅大圍人氣米芝蓮麵店好湯好麵原來開咗分店係銅鑼灣 閒日午餐時間仲要唔洗等位添～🍜• 海龍王湯配扁陽春麵 $135 🦐 4/5海鮮湯底配上蝦頭油聞落好香 飲落有海鮮嘅甜味 但就冇聞落去咁香 原本menu係配一般幼身嘅陽春面 但我地轉咗扁陽春面 感覺會煙韌啲 麵條浸住湯都唔會變淋 係我中意嘅麵質感 材料方面幾豐富 有蟹肉 兩隻蝦 帶子 廣島蠔 蟹肉份量好足 食到最尾都仲有好多係碗底 蝦反而唔太新鮮• 黑口黑面配扁陽春面 $90 🦑睇賣相黑蚊蚊都知佢係墨魚濃湯〰 朋友食完覺得湯底幾甜 唔錯 配料仲有魷魚同墨魚滑〰總結：值得一試嘅麵店！我地試嘅兩款湯底都好香甜 飲落舒服 冇坊間食湯麵好重味精嘅感覺🫶🏻 📍好湯好麵銅鑼灣加寧街9-11號名店坊地下B號舖

一早聽聞大圍名物之一 好湯好麵嘅大名🥰 但係要我萬里長征入大圍食碗麵 我都係有少少保留🥲 當我上網睇到好湯好麵係銅鑼灣開左分店 二話不說即刻收工就衝去食🏃🏼‍♀️🏃🏼‍♀️🏃🏼‍♀️What we ordered:1. 泡椒豬手2. 玫瑰豉油雞中翼(4隻) 3. 好頭好尾 4. 棉花雞當日叫左兩款麵，分別係好頭好尾同棉花雞🐔我自己就比較鍾意好頭好尾🥰熱辣辣濃郁嘅牛骨湯加上川味和牛面頰肉同法式燴牛尾再配上口感十足嘅扁陽春麵 可以話係💯配搭 牛骨湯非常足料 完全唔重味精😌😌 牛肉吸收晒牛骨湯嘅精華 非常入味 一碗好麵為chur 爆忙碌嘅工作日劃上完美句點🥰 相反小食方面較為失色 普普通通 唔太推薦🥲

銅鑼灣哇～我鐘意呀～好得呀～高質中式拉麵😋😋😋。個麵成個湯飲哂，一D都唔膩😋😋😋😋湯係精粹👏🏻👏🏻👏🏻🔸海龍皇湯$138▪️鮮甜既湯，新鮮既海鮮（蠔、大海蝦、帶子、魷魚、蟹肉）熱愛海鮮既你唔好錯過～🔸棉花雞$100▪️個雞湯好夠濃，仲要用日本雞肉～不得了～🔸膠膠麵$138▪️湯底同棉花雞相似，但感覺好似無棉花雞咁濃，但有花膠食～🔸涼拌麻辣茄子$42▪️麻醬ok既🔸意大利黑醋，蒜香海蜇頭$57▪️好爽嘅🔸水中花@$28▪️咁靚既開花豆腐就試下，黑糖桂花底💁‍♂️services好，狂幫你斟水。一開始又俾濕紙巾抹手。

上次路經大圍總店看到人龍放棄進入，今次來到銅鑼灣分店，見到不用排隊，立即入去試試。叫左個「棉花雞」，呢款亦係人氣湯麵首選！食落原來就像酒樓點心感覺一樣，配上湯麵十分驚喜！朋友點了「好頭好尾」，就有牛舌、牛尾、牛面肉等材料，濃濃牛骨湯配合得天衣無縫！

lunch 時間around 12:20 左右去食，重有好多位置剩，就算係7個人一齊去食都完全唔洗等上網search e間係有少少名氣，所以都有所期待，叫左個海龍王湯，都around $150 連左加一個湯係ok既 有龍蝦湯底 d料overall都正正常常係個2只🦐一般般 e價錢 但完全無蝦味 唔係好應該但如果論服務環境係唔錯既 都值得試一次

✨好湯好麵 （ू•‧̫•ू⑅)⁡🎀 <海龍皇湯>𝚁𝚊𝚝𝚒𝚗𝚐: 𝟽.𝟻/𝟷𝟶⁡網上見海龍皇湯很高人氣一泥到不看餐牌直點呢款湯底海蝦味濃郁但不膩食完碗陽春麵必飲陽春麵同湯底幾夾夠掛湯⁡湯麵有帶子 蟹肉 海蝦 魷魚但份量唔算好多如果俾多少少性價比會高啲⁡🎀 <棉花雞>𝚁𝚊𝚝𝚒𝚗𝚐: 𝟽/𝟷𝟶⁡湯底除咗雞湯外帶有啲金華火腿味不過冇海龍王湯咁有驚喜同預期嘅大同小異棉花雞雞湯配扁陽春麵可見小店都幾有心思不同湯底會配搭不同麵質⁡配料有三四件魚肚 雞肉同冬菇口感味道正常但湯料多點會更滿足⁡整體評分：😋味道: 7/10💰價錢: 人均約$150⁡*☼*―――*☼*―――*☼*―――*☼*―――*💖 好湯好麵 📍銅鑼灣加寧街9-11號名店坊地下B號舖📞2374 1128⁡⁡ ⁡⁡

銅鑼灣。中式🍪#milktea銅鑼灣 #milktea大圍 #milktea粵菜 #milktea中式佢哋大圍嘅分店係入咗2021-2023《香港澳門米芝蓮指南 》必比登餐廳🥰🙌🏻 而廚師係前四季酒店法國餐廳Caprice的Sous Chef Gary😲😲搞到我們都好期待!!見到佢哋係銅鑼灣開咗分店就去試吓啦🥳💫 入面係賣12款唔同嘅麵 服務員都好貼心啊🙌🏻✨棉花雞$100 佢入面係有日本地雞 魚肚 北茹等等嘅材料😍😍個個湯有好濃金華火腿同少少花膠嘅味道💫超似阿媽煲靚湯嘅感覺🤎✨入面個魚浸住d湯搞都好入味🥰🥰 推介推介💫💫黑口黑面 $90 佢入面係有北海道魷魚 墨魚滑🥳😍個湯就係有淡淡嘅魚湯味 但係唔會係腥嘅🥰🥰所以都幾唔錯 都推介啊!! 🙌🏻🙌🏻📍好湯好麵大圍積存街20號地舖銅鑼灣加寧街9-11號名店坊地下B號舖

棉花雞湯麵果然名不虛傳 啖啖都係濃濃嘅飲茶個隻棉花雞香味 個湯鮮味鹹味啱啱好 成碗飲哂******海龍皇湯麵先講個湯 瞇埋眼試的話係99％日本蝦拉麵個隻湯底 係高分嘅到配料啦 藍蝦肉 海蝦尾 北海道魷魚 日本刺身帶子 廣島蠔肉 其實見到店家嘅用心 但有個咁濃嘅蝦湯係底 反而令到d配料感覺無乜味 只有蠔比較突出******總括黎講 係會翻頭再食嘅 下次會食棉花雞加另一款其他未試過嘅******surf and turffish maw with chicken noodle soupa very authentic resemble of one of the top dim sum, steamed fish maw with chickenit tastes exactly like it, the savory soup makes you enjoy til the last drop******taste of the seaseafood noodle soupthe soup tastes 99% of a top notch shrimp ramen, which is

好湯好麵出名在於湯底，真材實料😉最近想食得健康啲，就去咗朝聖🤩 餐廳裝修同一般麵店差不多，座位不太闊落，不過環境乾淨！湯麵大概有10款選擇，有啲湯麵名字特別，例如黑口黑面，蠔皇豬豬，叉燒鮑等等😜 仲有涼拌，小菜，甜品俾大家揀🤭👍🏻芝麻醬雞絲粉皮個人好鍾意食雞絲粉皮，呢度嘅雞絲粉皮好出色，雞絲比一般的大，一啲都唔乾，芝麻醬自家製，香濃的芝麻味，挺杰新的，每一口每一條都沾上芝麻醬🤤🤤🤤👍🏻蠔皇豬豬蠔皇豬豬材料豐富，主要有廣島蠔肉，鳳尾蝦，日本黑豚五花腩片，湯底味濃，冇味精，食得出係真材實料，如果喜歡海鮮的你就不能錯過😉👍🏻叉燒鮑鮮扣鮑魚為主調，配上日式叉燒，叉燒燒得香口，厚薄適中，選用了扁洋春麵，彈牙好好食😌果然用新鮮食材製造出來的湯底非常濃厚，真材實料，沒有味精，可以飲晒成碗湯🤭

在銅鑼灣想不到吃甚麼，忽然記得Fashion walk這間麵店有個素湯麵，正好去嚐嚐看。餐牌上基本就只有一個素食湯麵，另有兩款前菜都可以叫嘅。菇菇湯底的確濃郁，仲有枝豆皮卷幾有氣勢。餐廳在銅鑼灣Fashion walk那堆食店中間，門口向住日本旁雜貨店momo，地方唔難找。這間麵店好似在大圍站都有分店，口碑都唔錯嘅。銅鑼灣店座位都算多，二人檯為主，檯與檯中間擺得好密。素食者可以有一款麵兩款小食揀。涼拌麻辣手工豆腐 HK$35見手工豆腐好似幾巴閉，而且菇菇麵應該唔夠蛋白質，加個豆腐比較營養均衡。味道唔算辣，食完唔飲水都ok，帶點鹹香，微微有些麻。海帶菇菇 HK$74菇菇麵的湯底確係濃郁，而且唔算好鹹飲左無口乾。麵條好長幾彈牙，份量都幾多，菇就有幾款，又有些黑木耳和海帶條咁。條腐皮卷浸一浸湯，浸軟身比較好吃，就係炸腐皮既味，沒甚麼特別。

📍銅鑼灣新分店‼️• 濃郁棉花雞湯麵😆 -- 好湯好麵🍜•=======================自從好湯好麵喺銅鑼灣開咗分店之後就方便好多，唔洗特登去大圍食🙈前排終於試咗啲好想試嘅味道🤪------------------------------⭐️棉花雞 $100 （4.5/5）呢碗好好味值得試😍‼️材料有日本地雞肉、魚肚、北菇、雲腿絲、高湯、扁陽春麵🙈湯底有陣陣雞肉嘅油脂香，味道濃郁🥰雞肉肉又夠諗身😝魚肚就索晒湯底嘅精華，勁正😍·⭐️蠔油豬豬 $106 （4/5）呢碗有廣島蠔肉、鳳尾蝦、日本黑豚五花肉片、炒豬肉碎、龍蝦牛油、蝦子、高湯、扁陽春麵😆相比之下呢碗就無好大記憶點～湯底係有啲牛油香鹹鹹哋，加埋各款配料正常發揮🙈------------------------------賣相：3.5/5味道：4.2/5性價比：3/5推介度：3.5/5------------------------------店舖資料名稱：好湯好麵地址：銅鑼灣加寧街9-11號名店坊地下B號舖前往方法：銅鑼灣站F出口

朋友見到成日介紹又好想試，就約埋一齊去銅鑼灣新店，地方闊落咗裝修亦靚咗，不過始終都係鍾意大圍店嘅小店風格，親密嘅又有夠尊注🍜———————————————————————————🍜好頭好尾🐮💬朋友點咗呢款牛肉麵，有牛舌、牛面頰肉、牛尾，全部炆煮得好腍身又入味，配上牛骨濃湯 ，難怪永遠最早賣晒🍜.🍜棉花雞🐔💬呢款濃湯雞麵亦係經常叫嘅一款，棉花即係魚肚，索晒啲雞湯汁，超濃厚同鮮味，加上嫩滑嘅日本🇯🇵地雞，配有雲腿絲同花菇，非常出色🍜.🍜雙冬羊🐑💬呢款亦係經常「售罊」嘅款式，終於都試到，果然係有驚艷嘅感覺，喝一啖羊肉湯，十分濃郁，羊肉片加上配製過嘅辣腐乳，極度驚歎不已，加埋冬筍冬菇，係完美嘅組合🍜