影片
港鐵太古站 C 出口, 步行約3分鐘
繼續閱讀
電話號碼
28809188
55269455 (WhatsApp)
開飯介紹
餐廳採用會員制，可免費加入成為會員並享用餐點，店面設計雅致簡約，環境舒適。供應多國素食料理，如沙律、漢堡包及甜品，而晚餐還有廚師發辦。
繼續閱讀
附加資料
午餐:精美套餐、小食、飲品; 晚餐：「廚師發辦」私房菜,會員餐廳，可以免費加入餐飲會員。
營業時間
今日營業
11:30 - 15:00
17:30 - 22:00
星期一至日
11:30 - 15:00
17:30 - 22:00
公眾假期
11:30 - 15:00
17:30 - 22:00
公眾假期前夕
11:30 - 15:00
17:30 - 22:00
以上資料只供參考, 請與餐廳確認詳情
有關獎賞計劃
今日係十五，要陪屋企人食素，就嚟咁呢間新派素菜試吓～呢度嘅套餐晚餐包一款主菜同埋兩款小食/湯/飲品/甜品，價錢大約$168-$198，以素食嚟講算偏貴，不過份量都多。小食最推介素魚皮、椒鹽鹿茸菌、川味羊肚耳同咖喱腰果，夠晒香口得嚟味道又夠，食呢啲小食做頭盤，完全唔覺得今晚喺食素🤣另外山竹素玉球都同平時食嘅山竹牛肉好似😋主菜首推蜜汁叉燒，腐皮唔會整到太實，有鬆軟口感，所以似足叉燒😋另外素蟹黃醬扒豆腐，蟹黃醬味道好濃，配埋清淡嘅豆腐好夾👍🏻最有特色嘅菜喺墨西哥綜合豆醬配口袋麵包，雖然入面完全冇肉，但加入咗香料配埋唔同豆嘅口感，完全估唔到素食都可以食到呢啲菜式😍最後大推彩虹能量催芽果仁天貝佛陀碗，望落係普通沙律，但蔬菜新鮮，配埋奇妙醬好好食🥗
繼續閱讀
就到中秋，就決定同屋企人食好少少，因為有家庭成員食素，佢提議去呢間店食中秋飯。無意中發現素食都有廚師發辦，未食過素食廚師發辦嘅我，就決定試試佢。廚師發辦菜單前菜︰生機水克非爾 (自家製有汽益生菌)綠野水果沙律白木耳百香果伴非轉基因木瓜日本山藥球伴碧綠果仁醬湯品︰鮮椰子海玉竹石斛猴菇黃耳養身燉湯主菜︰香蒸鮮蔬水晶球伴勝瓜自家製生煎包 (南瓜素咸蛋蓮子餡) 伴燒菜秘製非洲G能量手炒生機功能菜 (石斛苗, 油麥菜)椰菜花能量飯甜品︰川貝杏仁茶燉雪耳生機抹茶牛油果蛋糕生機水克非爾 (自家製有汽益生菌) 杯飲品幾得意，飲落有d似玉泉西柚味汽水，又有d似陳年醋咁~ 最好就係飲落唔甜綠野水果沙律 同市面d沙律唔太一樣，除左水果同菜，廚師仲落左大量堅果，沙律醬無用普通美乃滋，似係用左酸忌廉調汁，蔬果又揀左酸酸甜甜嘅菠蘿同紅菜頭黎配搭，食落感覺好清新。白木耳百香果伴非轉基因木瓜 除左白木耳，其實廚師都用左貓耳朵，令到個視覺效果再豐富d。白木耳食落去好爽，比貓耳朵更爽口，個辣汁同白木耳完全融為一體，可惜木瓜偏生 (唔知係咪熟木瓜個甜咪同個辣汁唔襯🤣)，呢度要扣少少分，但總體黎講係好食又坊間好少見嘅配搭黎。日本山藥球伴碧綠果仁醬 山藥球食落無平時果種黏黏嘅感覺 (利申︰本人平時最怕呢種黏黏滑滑嘅感覺)，仲帶d甜味，配埋個堅果醬，感覺好特別，有少少似食緊甜品。鮮椰子海玉竹石斛猴菇黃耳養身燉湯 好少可飲到d燉湯係真係好滾，呢個燉湯上完檯放左 5-10分鐘都仲好滾。湯入面有大量切得好薄嘅椰子肉，方便客人食，都落左大量石斛，但個湯並無因為d石斛而變甘，飲落仲好甜添。香蒸鮮蔬水晶球伴勝瓜 呢個食落去似越式菜個蒸粉包，要讚一下個勝瓜，頭先已經提過，本人好怕食d黏滑嘅食材，呢個勝瓜做到好爽，又無乜黏滑嘅感覺 (雖然結論都係唔中意食勝瓜)。自家製生煎包 (南瓜素咸蛋蓮子餡) 伴燒菜 生煎包食落去剩係食得出南瓜 mix 左d好杰身嘅野，有少少似食緊月餅，但個皮變左生煎包。隔離有d菌醬，但由於內餡太濃味，食唔出個醬嘅味。整體感覺不過不失。秘製非洲G 非洲G其實就係非洲雞，用左猴頭菇做肉，配上香料醬汁，都係市面上比較少見嘅素食。能量手炒生機功能菜 (石斛苗, 油麥菜) 就咁睇個名同賣相以為好普通，一食落口就覺得好正! 廚師用左黑白芝麻加麻油，成個菜勁香芝麻味。而石斛苗同油麥菜都係帶少少甘味嘅菜，個芝麻味令到個甘味轉為甜味，真係超正! 即使石斛苗有少少渣，都完全唔覺得會令道菜減分!椰菜花豆腐飯 又係一個好正嘅菜式! 好多時食到嘅椰菜花飯或者豆腐飯，都有一種好寡 / 鞋口嘅感覺，再唔係就好西式果種好 cream 嘅感覺。廚師將呢兩樣野 mix 埋一齊，豆腐嘅滑同椰菜花嘅口感，互相彌補對方嘅不足，食落有d似食緊珍珠米嘅感覺。川貝杏仁茶燉雪耳 杏仁味香得黎唔腥，唔，食完覺得真係養到顏。生機抹茶牛油果蛋糕 好濃抹茶味，唔係好食到牛油果味，但個蛋糕個堅實程度唔會令你懷疑佢落牛油果嘅份量，都係唔。家人飲完個湯就已經開始飽 (利申︰份量好正常，唔會過多或過少，只係家人細食)，所以佢地就問店員︰下次可唔可以唔駛一人一份廚師發辦，一d叫廚師發辦，一d散叫咁。估唔到店員答︰可以! 店家真係好貼心總括黎講︰食物質素中上，食物配搭幾新穎，服務好，價錢同食物質素份量成正比! 呢間店絕對係素食同埋生酮飲食嘅好朋友。
繼續閱讀
對素食的人，包括純素和食生一族，好素好純素很值得去體驗品嚐。我是食生一組，之前在YouTube看過主廚Ken Kwong 鄺梓罡分享的幾個食譜，包括水克菲爾，都是我在台灣常與友人分享的影片之一。好開心終於來到餐廳品嚐。我帶媽媽一起去，她可以吃熟食，我們倆分享了廚師法辦（7月）的套餐、以及一個佛陀碗套餐，非常豐盛飽足，也帶走了套餐提供的蛋糕和椰汁奇亞籽雪燕露，以及一些熟食。先來的水克菲爾很好喝！綠葉菜、水果非常鮮甜，其他熟食的我媽也說很好。醬料新鮮沒有用一般的糖，用好油，吃起來舒服。套餐提供的配搭選擇，種類很多，也不小氣價格上下，一律提供，很大方、寬容。餐廳進去後就覺得充滿能量，旁邊書架上的書本題材很有吸引力，可惜那天有點晚。若能提早些到，可以翻翻書，或者選本購買都很好。餐廳結合素食永續與文化，門外海報介紹相關的公共講座，很有心。沒有低消，吃得舒服。注意下午休息時間，或者有時包場沒有供應。最好先預約。
繼續閱讀
🥢 黑虎掌菌綜合鮮蔬菜湯麵 配 野菌水餃Sarcodon Aspratus Mushroom Noodle with Mixed Fresh Vegetable and Wild Mushroom Dumplings✏️ 水餃饀的野菌味道濃郁, 只是一些蔬菜比較大件。The dumpling filling is rich in taste of wild mushroom. The size of some vegetables were too large.******************************🥢 香煎蓮藕花菇植物肉餅 配 胚芽米藜麥飯Panfried Lotus Root Cake with Impossible Meat served with Germinated Rice with Quinoa✏️ 蓮藕肉餅內的蓮藕粒爽脆分佈均勻, 有住家菜的味道。Crunchy dices of lotus root were evenly distributed in the cake. It tastes like home.******************************🥢 彩虹能量催芽果仁天貝佛陀碗配生機山茶油奇妙醬Rainbow Energy Sprouted Nut Tempeh Buddha Bowl with Mayonnaise and Wild Organic Camellia Oil👍🏻 這能量碗有菠蘿、火龍果、紅菜頭、大量新鮮的沙菜、配上脆身的腰果、果乾、天貝，配上一塊波椒芝麻脆脆, 有層次感。The bowl contains pineapple, dragon fruit, large amount of salad greens, topped with crunchy cashew nut, dried fruit, tempeh and chips of bell pepper with sesame. You can feel different texture in the bowl.******************************🥢 香芒牛油果苜蓿芽手卷Mango, Avocado and Alfalfa Sprout Temaki✏️ 感覺清新 Refreshing******************************🥢 青瓜鹿茸菌苜蓿芽手卷Cucumber, Velvet Mushroom and Alfalfa Sprout Temaki✏️ 感覺清新, 爽脆 Refreshing and crispy ******************************🥢 私房養生純素薑醋Homemade Healthy Vegan Ginger Vinegar Stew✏️ 味道是薑醋味道, 配有雲耳黃耳 腰果等…Taste is similar to the traditional Ginger Vinegar Stew. The stew here contains black, yellow fungus and cashew nut…
繼續閱讀
預先訂座吃晚飯，但到達時，發現職員並沒有預留座位🥶幸好剛剛有兩個空位⋯當晚接近滿座，餐廳的裝潢沒有隔音/吸音，好嘈，令人頭痛。然而，食物挽回不少分數：和朋友order了素腩和植物肉漢堡😋好好食；素腩好大碗，食完好暖；植物肉漢堡🍔的醬汁好惹味。總括來說，食物🥘色香味俱全👍🏻 但環境和服務就麻麻，特別是以中位價錢來說。如果可改善服務和環境，會更加吸引。
繼續閱讀