好螺記

營業中

休息中

招牌鍋燒螺絲粉呢個螺絲粉真係一個味覺嘅饗宴，湯底濃郁，帶有一陣陣螺螄嘅香氣，加上豐富嘅配料如酸豆角、花生、木耳等，每一口都係多層次嘅享受。螺絲粉本身嘅口感非常好，彈牙爽滑，真係令人一試難忘。桂林米粉呢個米粉亦都唔差。湯底清爽，但味道十分濃郁，唔會過鹹。米粉質地滑溜，配搭豐富嘅肉片同菜心，口感豐富而且有層次。整體感覺非常滿足，每一啖都充滿著地道嘅風味。呢次嘅用餐體驗真係非常愉快，店內嘅環境舒適，而且服務態度親切。呢間螺螄粉專門店真係值得推薦，無論係湯底嘅味道定係配料嘅選擇都顯得非常用心。下一次一定會再嚟光顧！

最近見裕美介紹呢間螺螄粉，又係公司附近，同朋友過黎試一試！平時見到人地食螺螄粉超大陣味，超難聞，但見啲人話現場食係冇果陣味架！咁呢間入到鋪頭，又真係唔覺同其他人一樣有果陣酸宿味喎！我哋叫咗三樣嘢：招牌鍋燒螺絲粉、乾撈牛肉桂林米粉同埋香脆小酥肉。首先講吓個招牌鍋燒螺絲粉，一上枱就聞到好香嘅酸辣味，個湯底好濃郁，酸辣得嚟又唔會太嗆喉。螺絲粉嘅口感好特別，煙煙韌韌，咬落去好有彈性，同平時食開嘅米粉完全唔同。配料都好足，有酸筍、花生、腐竹、木耳等等，每樣都吸晒湯汁嘅精華，好入味！評分：👍🏻👍🏻👍🏻/5跟住係乾撈牛肉桂林米粉，呢個相對冇咁重口味，但都好好食。牛肉好嫩滑，醃得入味，米粉好滑溜，撈埋啲醬汁一齊食，味道啱啱好，唔會太鹹。如果鍾意食乾身啲嘅粉麵，呢個係唔錯嘅選擇。評分：👍🏻👍🏻👍🏻/5最後係香脆小酥肉，呢個真係驚喜！外皮炸得好脆，入面嘅肉好嫩，咬落去仲有肉汁，完全唔會乾！評分：👍🏻👍🏻👍🏻/5整體嚟講，比起我之前諗既螺絲粉冇咁差，果啲筍冇咁臭；環境一般啦，唔算係座得好好。如果你鍾意試新嘢，或者想食啲特別嘅粉麵，呢間「好螺記」都可以一試！整體味道指數：😋😋😋/5性價比：💰💰💰/5環境：❤️❤️

中西區俾人感覺步伐急促 估唔到相隔兩個站嘅西環西環環境幽靜 俾人一種慢下腳步嘅感覺 仲有好多小店等人發掘今次嚟到食呢間廣西螺螄粉 嚇到去比餐牌嚇親！免費加底加粉 一碗都係平均$50鬆啲 可以免費加粉 加小料 食到你飽！呢種人情味喺大都市都已經消聲匿跡🫨招牌鍋燒螺絲粉招牌螺絲粉 未食已經先聞到螺螄粉嘅濃濃味道👅 螺絲粉就好似榴槤咁 好極端 只有鍾意同唔鍾意 入邊小料滿滿 包括蘿蔔乾 生菜 黃豆 芫荽蔥 鍋燒就好似肥嘅五花腩 食落口感微焦幾得意 牛腩桂林米粉呢個係熱乾拌 先乾拌撈勻 再食粉 最後再飲湯 牛腩亦非常腍身 煮得唔會過老 仲叫咗一個小酥肉小食😍 大大嚿又唔會太多炸粉 椒鹽味都唔會太重 夾螺螄粉食好夾！螺絲粉店面唔算好大 大概可以容納十幾人 事先聲明如果你唔鍾意螺絲粉嘅味 咁可能你就要重新考慮 因為就算你唔點螺絲粉 小店嘅空氣都充斥着螺螄粉嘅味道🤪

好螺記一間人氣正宗地道廣西菜好螺記,餐廳位於港島石塘咀德輔道西406號地下,餐廳裝修簡約以紅色為主調,餐廳主打廣西桂菜,最出色螺絲粉,有多款小食選擇,而且性價比高,服務員招呼熱誠有禮。秘製牛腩飯配有清湯,自家秘製牛腩飯配有紅蘿蔔,香蔥,生菜和荳角,再追加鹵蛋和叉燒,材料豐富,微辛,微鹹,牛腩食落軟腍,叉燒與廣香港叉燒不同有炭香味,飲品有烏龍茶。招牌牛肉牛骨原湯拉麵餐廳招牌菜之一強力推介,牛肉薄切,有炭香味,湯底清甜,不膩,配有香蔥,芫茜,鹵蛋,追加叉燒,鹵蛋夠入味香口,每條拉麵都掛滿香濃牛骨湯汁,口感軟硬適中.飲品有凍荳醬。

今天經過香港大學大被這間餐廳的招牌吸引，就進去首嘗正宗桂林米粉😜-招牌鍋燒桂林米粉 $48米粉配有秘製香油、炸豬肉、通菜、酸菜酸豆角黃豆蔥和芫荽，吃法是先把碗上的配料撈勻，再把右上的靈魂秘製滷水倒進去碗內😜豬肉的口感像燒肉，香脆好吃😜整碗酸酸的很開胃，湯底不會過鹹👍🏻-香脆小酥肉 $35 愛吃炸物的我還點了這道菜過口癮🤣炸粉不會太厚，有點辣粉在上面，肉質鮮嫩，吃起來不會膩，而且份量很大👍🏻🥰-加多寶涼茶 $10 在香港不多餐廳有這款涼茶喝，我個人很喜歡這涼茶的清甜味🤣-整體性價比不錯，上菜速度快，下次經過打算試試它的螺絲粉😜🫶🏻

西營盤真係有好多隱世餐廳前排去左間麵食店今次要為大家介紹既係 - 好螺記 好螺記係位於西環石塘咀德輔道西406號地舖餐廳主打食廣西螺螄粉而且佢以紅色做主調望落好醒神今次點左個招牌鍋燒桂林米粉佢入面有脆皮叉燒不得不提係佢個皮燒到好香口食落好脆卜卜有興趣既朋友仔記得bookmark定啦❤️❤️❤️Location : Sheung WanPrice : $50-$70/p.pYummy (10 is delicious): 7/10

同朋友去咗位於石塘咀嘅好螺記,呢間麵店主要以濃鬱嘅牛骨湯底同螺螄粉聞名,真係好吸引。餐廳環境簡單舒服,店員服務都好熱情。首先嚟個招牌牛骨牛肉原湯拉麵。湯底濃郁香濃,每一口都充滿牛骨嘅濃香。拉麵煙韌爽口,牛肉嫩滑多汁,味道真係 一絕!接著嚟個招牌鍋燒螺螄粉另加炸蛋。呢個鍋燒螺絲粉熱辣辣,湯底酸辣夠味,螺螄粉煙韌有嚼勁,每啖都充滿滋味。鍋燒嘅配料 豐富,湯底味道濃鬱,真是令人食指大動!炸蛋外皮香脆,內裡滑嫩,真係食過翻尋味。

好螺記 (西環)西環石塘咀德輔道西406號地舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：肥腸桂林米粉 $48，加料鍋燒 +$18，加料叉燒 +$14，加料田螺肉 $10 +$18，跟餐凍豆漿 +$6，香脆小酥肉 $35肥腸桂林米粉：這個桂林米粉是一款撈米粉，外觀色彩繽紛，米粉呈現光滑的白色，與醬紅色的肥腸相映成趣。撈米粉淋上鮮紅辣椒醬汁，搭配的配料如香菜、蔥花和花生碎，視覺上很有吸引力，肥腸經過醃製和炖煮，味道濃郁，內部鮮嫩，令人欲罷不能！😄😄😄鍋燒：鍋燒的外觀呈現誘人的金黃色，肉片切得薄而均勻，表面微微焦脆，讓人看了食欲大開，咬下口感外焦內嫩，保留了肉質的鮮美，令人回味無窮！👍👍👍叉燒：比起港式叉燒，少了蜜糖味，但多了煙燻的香氣，叉燒肉質鮮美，外層的焦香與內部的嫩滑形成鮮明對比，每片叉燒都能看到均勻的肉紋！😍😍😍田螺肉：顆粒細小但數量眾多，味道鮮美，口感滑嫩而富有彈性，田螺肉烹調後吸收了濃郁的醬料味，令人滿足！😋😋😋凍豆漿：味道清淡而香甜，喝下去時有著淡淡的豆香和微甜的味道，配桂林米粉一流！❤️❤️❤️香脆小酥肉：外觀金黃誘人，味道鮮美，外層的酥

我之前喺到食過螺螄粉，印象中係好好食嘅，尤其係啲酸筍次次都會食唔停口隔咗半年再去食，嗌咗份牛肉螺螄粉，啲米粉仲未煮淋（有啲直頭係硬嘅），湯底得返死辣一啲風味都冇，唯一仲係好食嘅係酸筍 🥲自問自己唔揀擇，但係琴日碗粉真係食唔落口 🥲啲牛肉都唔算少，不過不失，係啲米粉同個湯底令到成碗麵好難食。印象中啲小酥肉係 ok 的，但係琴日冇食，而家質素好難講。價錢嚟講算係俾呢個份量，如果食曬一定會食得飽，純粹係真係擺唔落口。

✨西環好螺記美食探店✨最近發現了西環一家超正點的螺絲粉店——好螺記，招牌寫明「免費加粉！加小料！」抵食到爆。餐廳唔算多人，但其實長期都見到有人外賣。正宗廣西味道真係零舍不同。🤤【虎皮豬手螺絲撈飯】一上桌就被這份虎皮豬手螺絲的顏值吸引了！豬手皮脆肉嫩，處理得恰到好處，肥而不膩，吃一口就讓人停不下來。裡面嘅配料好豐富，有生菜、蘿蔔乾、酸筍、酸豆腐、炸腐皮等，味道濃郁～🥤加飲品都唔貴～ 豆漿同加多寶都好抵呢

今天無意中經過這店，忍不住進去探個究竟！這家餐廳的螺絲粉名氣不小，但我還試了他們的招牌鍋燒桂林米粉和招牌牛肉牛骨原湯拉麵，真有驚喜！#廣西風味的湯頭牛肉拉麵的麵條挺爽口，搭配濃郁的湯頭，讓我一口接一口停不下來。而桂林米粉則是撈麵，按照正宗吃法，先把粉撈匀，再加入滷水湯，麵條的彈性和湯的鮮香完美融合，口感真不錯，二食亦可分開湯吃，充滿層次感。#小食必試香酥蝦卷炸得金黃酥脆，裡面的蝦肉鮮嫩，沾上沙律醬，讓我一口接一口，停不下來。我還點了香脆小酥肉，外皮酥脆，配上五香粉，簡直是絕配！人均消費50元，性價比有驚喜！

你身邊有冇啲朋友，一啲話螺絲粉好好食，一啲話螺絲粉好臭好難食？我自己身邊就有呢兩批人喇我自己食過一次即食杯麵嗰種，但真係唔識欣賞。朋友話我未去食過一間真正嘅螺絲粉所以先會咁comment。為咗唔好誣蔑螺螄粉，咁所以我今日特登去到西環試吓呢間好螺記。招牌鍋燒螺絲粉（$52）：份量好大！配料有生菜，木耳絲，脆花生，酸豆角，蔥，薄脆同埋芫荽。鍋燒即係將豬肉件拎去炸，然後再切薄片，所以咬落去外面四邊都好脆（我覺得有少少似食緊薄片嘅燒肉咁）。豬肉半肥瘦，所以一啲都唔韌，果然係招牌。佢嘅湯底因為加咗酸豆角，食落酸酸辣辣咁。至於麵質，我覺得佢係煙靭版嘅米線，口感唔錯。舖頭仲接咗告示喺枱面話「加底加粉免費」，真係好好。香酥蝦卷（$38）：一客有五條。即叫即炸，外皮炸得脆脆地咁。咬落彈牙。酸梅湯（跟餐$6）：酸梅湯係自家製嘅。酸酸maymay又唔係咁甜,幾開胃。今餐令我對螺螄粉改觀左。的確唔錯既。所以有陣時都係要靠自己食過先知。

聽過螺螄粉呢樣嘢好耐，成日聽見傳聞係好臭，所以一直都唔敢試🤣呢日經過呢間喺堅尼地城嘅螺螄粉店，門口竟然聞唔到任何臭味😳就決定要搵日嚟試吓呢間餐廳除咗螺螄粉之外，仲有幾款唔同嘅粉麵，有撈嘅桂林米粉同埋牛骨原湯拉麵🐮估唔到仲有螺螄飯添，配菜方面就主要係牛腩、牛肉、肥腸、豬手等，有一款比較特別嘅鍋燒，即係炸咗嘅豬頸肉🐷既然嚟到就梗係要挑戰吓螺螄粉，我哋分別叫咗牛肉螺螄粉（$52)同埋肥腸螺螄粉($52)，兩款都係要咗BB辣🌶️碗麵嚟到嘅時候見到紅噹噹，都有少少驚一驚，好在食落又唔係好辣，出奇地真係冇咩臭味😆入邊嘅粉就有啲似米線，都幾爽口煙韌，配料方面就有炸腐皮、田螺、酸筍、花生、木耳絲、生菜等，都幾豐富，牛肉同肥腸嘅份量都幾多😗個人就比較鍾意肥腸，滷得幾入味，餐牌仲有好多其他配料可以加，我就加咗招牌嘅炸蛋（$12）同埋豆腐串（$8），炸蛋炸到蓬鬆酥脆🍳同豆腐串一樣都索晒啲湯汁精華，唔夠飽嘅話呢度仲可以免費加粉添🤓呢度加配嘢飲都唔係好貴，豆漿、酸梅湯等跟餐都係+$6，算係幾抵食😎

新年快到，同屋企人去西環辦年貨，買海味，遇上呢間好出色嘅螺螄粉去到啱啱中午12點，仲未到放飯時間，所以唔需要等位。環境都算好乾淨整潔，座位非常多。睇咗餐牌，喺門口落單同埋付款，就可以搵位坐低。見到枱面上寫住，可以免費加粉如果唔夠飽，免費加一次粉，咁又幾好喎。招牌鍋燒螺螄粉再加一隻炸蛋超巨型一大碗！配菜非常多，係每一樣嘅份量都好多，超滿足！個湯好好飲，好彩我叫咗小辣，岩岩好，飲晒佢一啲難度都冇😄😄令我最驚喜既係依幾塊炸豬肉，佢嘅豬皮係十級香脆，就算浸咗湯，都好似食緊超脆嘅乳豬皮咁！非常神奇！依種口感，真係前所未有！除咗湯麵之外，佢哋仲有提供客飯，價錢非常大眾化， 40幾蚊都有交易同屋企人一齊食，可以叫埋小食，飲品，坐下休息吓，又再出去海味街搏殺😄😄

《香濃正宗螺絲粉😝》———————————————-#好螺記 😌-早排同朋友經過西環呢間以螺螄粉聞名嘅小店，之前都未食過螺螄粉，就入咗去體驗下😂估唔到咁有驚喜！-🐽 虎皮豬手螺螄粉螺絲粉熱辣辣，螺螄粉煙韌有嚼勁，裡面嘅配料都幾豐富，有生菜、蘿蔔乾、酸筍、酸豆腐、炸腐皮等，味道濃郁😍-🍜 招牌鍋燒桂林米粉另一碗我哋就揀咗少辣嘅桂林米粉，正宗吃法，係要撈匀食咗粉先，再加入滷水湯，麵質爽身彈牙，口感好正🙌🏻-另外嗌多咗個小食，香脆小酥肉內裡肉質彈牙，外層脆卜卜，浸埋落麵嘅湯底度食都幾唔錯😚-🍌 抵deal 指數：7/10