如富上海麵館

營業中

休息中

外賣自取，買咗一盒煎餃同埋湯餃，只係俾咗一份醋同埋辣醬，回頭叫佢比多盒嘅時候佢竟然同我講話餃子只係得一份，但係我明明買左兩份餃子，佢又話湯餃一向唔跟醋，但明明我之前買嘅時候佢有跟到。大佬我兩個人食，冇理由得一盒仔唔滿嘅醋兩個人share囉。跟住佢就立即改口話要多粒醋要加錢喎，咁唔該寫到明啦我下次買嘅時候直接加埋，加錢唔係問題問題係講聲，真係冇下次。仲要我明明係買咗（兩份係兩份）！下次如果真係有人要去呢間堂食嘅話都小心啲，既然外賣要多少少得半匙羹都冇嘢醋都話要加錢，分分用多啲都俾說話你聽，食之前問清楚好啲😒

位於葵興站A出口的如富上海麵，好親民，一般下午茶五點或六點結束，而呢間餐廳的老闆提供到六點半，真係難得。先講講呢間既菜肉雲吞，韮菜水餃同香茜飯係鎮店之寶。今日香茜餃已經賣晒，淨餃6隻連凍熱豆漿只係$34。如果叫菜肉雲吞上海麵就3隻加麵底配豬骨湯，都跟豆漿$39。最平的下午茶係鍋貼4隻跟豆漿只係$26。我今日食左兩款食物，菜肉雲吞上海麵配凍豆漿 $39雲吞皮薄，十分足料，餡以白菜同豬肉做餃，而且係老闆人手每日新鮮包，上海麵十分爽口。上海排骨菜飯 $47呢個餐在午餐時間時會跟豆漿，同樣價錢。脆炸排骨，薄薄的粉，好脆跟甜豉油，同菜飯十分美味。

當初愛上食口水雞係因為喺呢間店食過，真係覺得好好味，但自從轉人後，之前食佢嘅酸辣湯麵，味道就係似街邊碗仔翅加咗少酸少辣，但都算還可，，今次食返口水雞擔擔麵，啲雞酥臭得連辣油都遮掩唔到，口水雞汁其實只係辣椒油汁，一點花椒香都唔覺有，至於個擔擔面我要少辣味，佢居然無晒花生味，佢雖然跟前手做法加櫻花蝦，但完全帶唔到個鮮香味，面味道還可以，但絕對唔係擔擔麵囉 最後我走時都同老闆講雞好覆好難食！ 希望宜家仲有開舖嘅食店，真係用心去煮嘢啦！香港啲食肆真係越嚟越難食啦肚餓係最好調味料，但呢餐真係頂唔順

因為成日喺葵興出現，差唔多好多間餐廳都試過，依間成日經過都想試吓，佢個上海麵係做得幾唔錯嘅，不過個環境就未必個個鍾意，由於佢都係小本經營，人手確實唔係好夠，因為我唔趕時間都還好。

今日 10/11/2021, 中午叫了一份甜醋排骨菜飯， 點知一食入口， 全碟排骨太厚又硬，也沒有甜醋的味道。 即時向店員反映， 廚房最後換了一份炸排骨。 點知再一次中伏， 炸排骨只係將一塊豬皮塗上一層厚厚的炸粉去炸，扮一份豐厚的上海排骨畀客人。 一咬入口 ，才知道裏面完全係豬皮同脂肪。

我叫杞子醉雞成碗都係得雞翼都算仲要係鹵水雞加酒扮醉雞係咪甘fusion呀？有興趣既勇士真係歡迎挑戰水餃又得半碗所有野都無味小籠包同水餃又厚粉完全一餐失望既午餐。

我係嗌堂食既蒜蓉雞排菜飯 跟餐送凍或者熱豆漿 埋單45蚊 舖頭好細間啦 咁我今日放假商場得呢間有開舖所以入去試下啦碟飯黎到呆左囉 雞排得果幾舊細既直頭佢黎多碟我都食得曬既程度女仔食就得姐 我呢D血氣方剛男仔真係食唔飽

今日約朋友去葵興商場見整完野就找下午茶食，見到有間如富上海麵館價錢又唔貴而且趕到下午茶餐，就坐下食，但價錢好怪，小籠包有2個價錢細問下原來第三個價錢，不過我地都照叫了再加每人一個麵配飲品。其實餐廳不多人但待應都有點亂，等了一陣就來到餃子粗麵，餃子大小都正常但沒有汁，麵質口感都幾好，熱檸檬茶好難飲，好苦就算加糖都飲唔到。另外再叫小籠包4粒，薑絲要問先有，小籠包好濕又薄，所以直情未拿得好高已經爛晒，湯汁一來沒有了，二來肉都好細粒不好食，朋友飲的豆漿就正常，價錢不叫貴但質素就試一次就夠。

鋪頭好細 坐得唔舒服餐廳午市時間四個職員 十張枱以內都做得非常混亂我地四個人都係食菜飯 然後飲品四杯都不相同落單嘅時候職員仲有同我對多次張單但結果都係黎錯曬嘢飲黎左三杯相同我地同職員講佢地黎錯左佢地好似有啲不知所措然後飯又黎左麵(麵係平兩蚊的)最愕然係佢午餐餐牌寫得唔夠清楚令人誤會話說佢有一個餐係酥炸雞翼菜飯一個係口水雞脾菜飯一個係杞子醉雞菜飯我地都以為佢啲部位寫得咁清楚但醉雞就冇寫明咁醉雞可能係胸/翼/背呢啲部位斬好嘅雞件點知黎到 原來佢係四隻醉雞中翼咁既然酥炸雞翼會寫雞翼點解醉雞翼又唔寫呢？雞翼味道偏甜酒味唔重肉質可能因為雪過 比較實正菜飯啲菜比例唔平均我地有兩碗好多菜兩碗好少菜唯一讚係口水雞個醬好食撈飯一流後尾我地再加多一個口水雞擔擔麵share就係因為個醬真係幾好食淨係個醬都夠食兩碗飯擔擔麵就普通 味道偏鹹花生醬味唔重個人覺得菜飯好食啲

如果你坐地鐵黎葵興, 會見到比較少人落車, 再想搵餐晏仔食下啦, 重衰, 地鐵站附近得個商場, 無咩好食咁, 行過去美心, 雖是下午茶時間, 但d餐又未見吸引, 於是, 行去地下, 睇下有無其他野食"簡"啦, 點知, 比我見到你喇。一間位於葵涌中心巷仔中的小店, 你會在路邊見到呢個招牌, 於是走入去睇睇, 門口貼了餐牌及價錢, 見到有下午茶, 即管入去試下。人不是很多, 可能是下午茶關係吧。再睇多次下午茶先, 不過唔係太吸引tim, 於是叫了菜飯試試, 來了一客豬扒菜飯, 賣相就no good喇, 菜飯加左d 豉油, 然後試下豬扒先, 熱辣辣的, ok呀,  半肥廋的, 很惹味, 再配了一杯凍豆漿, 乎復何求呢。

葵興港鐵站附近食肆唔多，於對面的舊式商場中，有一間食上海野的餐廳食物的選擇都算充足，今天打算快食的我們，點了兩碗麵食口水雞髀上海麵：全隻雞脾，肉質不算太’鞋‘，口水雞汁不太辣，可以再濃味少許上海麵沒有什麼特別，就清湯加麵，麵算是彈牙酸辣湯上海麵配酥炸豬扒：酸辣湯味道比較清，配料都算充足，冬菇絲豆腐粒等等酥炸豬扒是即叫即整，還是熱燙燙的上菜這裏還有下午茶選擇，價錢還是$20至$30左右，價錢合理，街坊之選

葵興隱藏小店，口水雞脾菜飯，口水雞食得多 說明是脾就是第一次 每一口都肉 好滿足喔 但做法方面不太正宗 口汁只是淋上去 雞腿沒有經浸泡 味道表面 雞脾參考了潮式做法 雞皮q彈 肉質細嫩 口感不錯 菜飯 豆漿 不過不失價錢才 $49 晚餐時段抵食選

今天因工作來這邊覓食，見別人的食評說很正宗，便來一試。點了排骨擔擔面，排骨是炸好放涼的，直接咬較硬，而且又薄又乾，最後要浸湯才可以食完。擔擔湯的擔擔成份很淡很稀，無咩味道但郤非常咸。面量較少，食完都不夠飽，要再叫鍋貼。鍋貼是煎熱上的，可是又乾又硬，而且味道很淡。店員有點迷網，送餐時忘記位置，要大聲叫等客認頭。枱之間的距離很窄，差點行不過。整體價格不貴，但食物質素真的不佳，咸到覺得會影響健康，以後不會再幫襯這一家了。

位於狹小的老舊葵涌中心之內，地點毫不顯眼，可幸離葵興地鐵站不足5分鐘腳程，路過店鋪後巷的人不少，眼見中午時段生意不錯。店鋪內座位僅二十多，桌椅都是排得密麻麻的，食客擠在一起進食，中午繁忙時段他們會搬出摺抬摺櫈，在商場內擺放，多添座位應市。只光顧此店兩三趟，對他們的服務態度根本沒有印像，這次光顧看到老闆對一位老伯伯的態度體貼，送上小籠包時問老伯要薑絲不？要醋不？老伯聽力不佳，老闆不厭其煩重覆詢問，甚為負責。食物方面，下午茶韮菜餃子麵連豆漿只賣HK$29，街坊價格。餃子麵算罵大一碗的，麵很多，相信跟正價HK$34一碗的正價麵不相上下，麵煮得火候剛好，有嚼勁。湯有雞及豬骨味，味道可以，但味精含量應該不少，吃吧麵條感到相當好渴。餃子份量較正價的估計少了一到兩顆，餃子的皮嚼勁一流，饀有相當肉質，不會含着一泡油，品質優秀。跟餐豆漿味道濃郁。

店舖小小在葵興地鉄蒡商場地下，今天去葵興邨探完老媽3點鐘肚餓打算搵間飲下午茶地方，突然發現地下巷內店鋪有間上海麵店，好久沒有吃了，就入去試一試，叫了個茶餐，一碗雪菜肉絲上海麵加杯熱奶茶，大大碗，肉絲鮮很好吃，奶茶又不錯，完成超出預期，埋單只是$28，真的可以用性價比高形容。值得一試