如富上海麵館

營業中

休息中

勁難食，叫左生煎包，小龍包，醉雞，蒜泥白肉,酸辣湯麵，尖椒皮蛋....生煎包冇汁，好油，底唔脆🤦🏿‍♀️小龍包皮勁厚，好乾個醉雞係黑色嘅,食落去好苦，好大陣雪味,從未食過咁難食嘅醉雞。🤢尖椒皮蛋冇尖椒，好油，用油浸，皮蛋有怪味...酸辣湯都OK，不過唔夠酸同埋辣反而蒜泥白肉最好食，好香同夠蒜。依間野以後都唔會再食從未食過咁難食唧上海嘢上網見食評，點知中伏難食到嘔尤其是醉雞，一打開個盒嚇死我🤢冇下次

到葵興辦點事，到了葵興站巳三點，我地鐵站附近揾食，見一間上海小館，在站的對面，他們的下午茶價錢頗吸引。點了酸辣湯麵27元，送豆䊢，加兩隻生煎飽8元。湯麵既不酸且不辣，有點失望！豆䊢戶而不錯，有豆香且不太甜。麵食完，飽要再等差不多十分鐘才來，像即叫即煎。把飽反過來，底下很多芝麻，和看到焦焦的底，很吸引。咬下去，飽底很脆，煎得很好, 但覺得芝麻太多咬開飽底很薄，而且脆皮，有肉汁，正！店有午市套餐，其實上海館應該是叫客飯，客飯也是今日套餐的始祖。

Really good food, and excellent value. Good quality, tasty, and good variety of lovely Shanghainese dishes. You guys have a new regular! The pickled dishes were just right. The dan dan mian was well balanced and had the right flavor from the peanut and pickled vegetables. The noodles were firm, lightly chewy and perfectly boiled and delivered. The osmanthus and wolfberry jelly was delicious! And to top it all off, the prices are excellent.This restaurant is on online dining platform and is we

裝修,燈光簡單舒適。第一次光顧堂食點咗酸辣湯麵+炸雞翼,麻辣皮蛋,椰汁。外賣甜品,豆沙窩餅同擂沙湯圓。堂食:酸辣湯麵味道很適中,材料份量適中不太多或太少。湯底材料新鮮,荀絲比其他地方食到的較粗較有咬口,亦有新鮮荀既味道,豆腐幾滑。第一口湯會覺得較酸,但之後越食越順口。呢個味道好耐冇食到(諗返起以前荃灣力生地下果間上海舖既味道)。麻辣皮蛋,皮蛋香味濃郁,蒜蓉同麻辣醬比例很好,一個人食一碟唔過份,好食!椰汁味道好香甜度剛好(可能因為食皮蛋既關係,感覺椰汁甜度剛好)。外賣甜品:兩樣甜品都係即整,推介豆沙窩餅,豆沙份量較多,外皮煎得邊位香脆,中間軟熟,豆沙味香,不太甜。擂沙湯圓(我冇份食)婆婆話好食,煙靭。

星期六係葵興返學，早左到，所以食個飯先。當 openrice search 緊個陣，見到呢間有個劣評，一向包拗頸唔聽片面之詞既我當然過黎試下係咪真係講到咁差。由於兩個人，所以坐低叫左個粗炒，鍋貼，蒜泥白肉同埋雞翼。首先上檯既係鍋貼同雞翼，見到標緊煙，醒起篇劣評寫過外面係熱，但裡面係凍。 兩樣試過發現雖然鍋貼個皮係淋左小小，但無入面凍既情況出現。雞翼幾好食。之從個蒜泥白肉同個粗炒上檯，份量多左d，不過算幾好。只係個粗炒略嫌鹹左小小。一路食一路傾，見差唔多夠鐘，掛住找數拎漏左個袋，老細好人嗌住跑過來拎比我地，唔該晒

好鍾意幫襯小店早排經過，心思思想試，所以就gogogo...心動不如身動嘛！一個人的晚餐，叫左鍋貼，手拍青瓜同三色蒸蛋菜飯。鍋貼 - 個樣正正常常，但一入口個皮淋既，仲要個心係凍既！想點？手拍青瓜 - d醋酸到要喊！青瓜、醋同蒜頭既味係完全唔夾！真心想知點解可以去到咁高境界！三色蒸蛋 - 一上枱已經知道中伏！蒸左80年？點解可以老到咁？一食…原隻皮蛋一開六 加 原隻咸蛋一開六 … 乜三色蒸係咁既咩？ 一啖喊蛋，一啖皮蛋，同分開食有咩分別？最後食唔到一半！真係好難食！走人！做小店…其實都要用點心！無！下！次！

晚上過來葵興上堂，在mtr附近眼見有兩個商場，我行了細商場，初時都唔覺有野食，見到都是髮廊同醫館，都是舊式，行入啲就見到麵館，內裡無人客，但都乾淨企理，點了上海雲吞擔擔麵配熱豆漿，豆漿少甜有豆味;雲吞似即場包，好大粒，啖啖肉，麵質幾好，湯底好香，少少辣，少少麻，幾特別！

住係附近十幾年，以前知道依度有間食上海野，隔左咁耐，唔知是否同一間，睇完醫生，諗住去排排座，點知冇開，行過見開左門，未有客，入左去，哪左個雞排担担麵，凍豆漿，可能剛開鋪，豆漿真係夠凍，仲有小部份結冰的，担担麵ok，但個雞排...，可能仲早，未解完凍，個麵到左再等多十幾分鐘先黎，一見打個突，得五小件，我諗同出面食開的雞排比，可能得一半到...有啲失望...，不過都會搵時間試多次，睇下有冇咁唔好彩...

早在上次吃不飽的下午茶鍋貼餐之前, 我也曾到過這裡吃過午餐, 感覺還是不錯的。酸辣湯, 有豆腐絲, 筍絲, 木耳絲, 感覺都挺爽口的。湯身有點稀, 調味中的酸度差一點, 但辣味可以, 再加少少胡椒粉, 感覺會好一點。接下來是一個排骨菜飯, 上海排骨經輕輕炸過, 拉油比較輕, 但外面仍有點點脆口效果。然而排骨肉質鬆化, 但依然有質感嚼勁, 加上一個較甜一點的醬油汁, 感覺不錯。菜飯還只是可以, 以菜與飯同蒸的做法, 菜的質感較軟, 飯亦沒有油香, 不過加上醬汁的感覺還可以。整體來說, 這個午餐還是不過不失吧~! 可是在這個葵涌的工廠區入面, 都不能要求太多吧! 只是覺得收費價錢有點貴, 而餐桌放得太密而出入有點困難吧!

工作至妟, 錯過了午飯時間, 反正又要到銀行一轉, 便來這裡吃個下午茶。這店才新開業不久, 約數個月左右。上次到過吃午餐, 聽到在旁小朋友嚷著要吃鍋貼, 所以今次來特別點這個。來到坐下, 看到餐牌才知這個下午茶餐, 就只4隻鍋貼加個豆漿, 索價HK$18。嘩!! 這樣一個鍋貼, 怎麼叫價呀?? 縱使是這麼一個下午茶餐, 他們也要用上接近15分鐘時間才可上桌, 真不知道煎4隻餃子是要多久?! 上桌時, 鍋貼熱烘烘的, 而且底部煎得脆口。鍋貼皮不厚也不薄, 入口算是滑溜, 餡中有肉汁, 可口不錯, 只是煎起來, 油份過多, 有點膩口而已。總括來說, 鍋貼水準算是可以的, 不過這樣的一個收費, 自感太過高了吧?!

今日係屋企附近醫肚,但竟然比我地媪到間有小籠湯包食的上海野,肉汁夠多,食完有再想食的感覺,不過今次得2個人食,所以冇特登再叫多籠,小籠包大概等左10分鐘左右,我估係即叫即製,但食完覺得等是值得的,我地仲order左份南瓜餅,特别之處係以星星為形狀,可愛之如味道亦香口,讚!,

同細妹係葵興剪完髮，搵下附近有咩好食。。諗起曾經有朋友介紹過這間食上海食店，咁就去試下。可能我哋去到時已經係4點，所以無人，門口坐左位叔叔，招呼我哋入去坐。睇下有咩選擇，沒有套餐，沒有下午茶餐，全部都是以正價發售，這點有些少失望。只是選擇任何食品，可以加$3要一杯豆醬，或加$5要汽水。我同細妹各自選擇左：上海粗炒：味道吾錯，而且無咩油，但同正宗上海粗炒好似有分別，這裡用左東菇，肉絲同上海粗麵炒，感覺吾似上海粗炒酸辣湯雲吞麵：酸辣湯味道比較淡，同以往食開那些分別很大，而且好快俾麵索光啲湯，食左1/3就無晒湯。但麵身很爽口，雲吞味道也不錯生煎鍋貼：這裡分係$8 - 2隻，$14 - 4隻，我哋選擇左4隻，但很奇怪，這裡的鍋貼煎法有點似日式餃子，煎完後，會將鍋貼全部反轉上碟。。。而味道真係吾得，我哋係第一次食到鍋貼裡面有椰菜，感覺很奇怪。。。。整體上一般，吾似上海食物的上海食店，或者吾慣食到一些「新派」嘅上海食物，不過味道吾係太差，應該可以做得更好。

之前search到新開就去試下!叫了很多東西,先來了一杯凍豆漿夠凍不太甜! 之後有鍋貼同生煎包,係唔係自己做我就食唔出啦!不過起碼係即叫即煎,熱辣辣脆卜卜,唔會難食得去邊!雞排上海粗炒真係用上海麵炒, 食過好多用烏冬假扮的,有雞排, 有菜, 有肉絲,,,都幾濃味,不過炒得糊左少少!我諗這就是用上海麵的弊處!哈哈...所以我接受ge~排骨菜飯排骨都炸得幾脆身,不過都幾薄下 -_-而菜飯就菜唔夠, 飯亦煮得唔夠好, 我唔知菜飯點整,如果係煮好飯再撈埋d菜ge話,咁我覺得呢碗似係未撈好的菜飯!最後就是南瓜煎餅,我開頭對佢都寄望甚殷,不過原來係個伏,老實講,佢一上枱, 我見到係星形都覺得唔多妥!一食, 勁多油,仲要無南瓜味!so far,我覺得尚可接受,下次黎試下d湯麵可能會好d!

今日去到葵興食中午, 起初想"事旦"搵間茶餐廳但又俾我見到有間食上海麵!我叫了一客"小籠包" , 一碗"排骨麵", 餐再加了一碗"酸辣湯"個"小籠包"真係好好味, 真係好有水準呀!碗"排骨麵"d 麵OK唔會太硬 , 只係個湯淡咗少少!碗"酸辣湯"好足料好好味, 又唔會太辣...正體上可以係"GOOD"