如火如茶 (已改名) 查看

香港既冬天一日熱一日凍咁，著得多衫果日就好熱，著少件時就好凍，好在戴住口罩少左患感冒，但著得少衫時好凍我又頂唔順，只好行過就順手買杯熱野暖下手。如火如茶果棟大廈既外牆搭緊棚，行過都差啲見佢唔到。我鐘意佢既滋潤養生系列，因為我真係好凍呀...叫左個山楂蘋果茶半糖，等左大約5分鐘就沖好比我，500ML 好大杯，打開想直接飲係熱到飲唔到既。好啦，咁熱好啱我拎多陣用尼暖住我對手。都等左大約20分鐘先可以舒適暢飲，係健康既味道，叫左半糖個茶有少少酸，下次叫既話會用返普通糖份。杯底有少量蘋果乾、山楂及杞子，我就食埋塊蘋果乾。其實我好想買佢既盆裁系列，因為好靚。但凍飲既話可能要等到夏天我先有機會試了....

之前上openrice搵開炮台山同北角一帶有咩茶飲店 就見到依間個名概當特別既茶飲店 仲要係💛店 咁就緊要試一試。 但每次搵黎搵去都搵唔到咁濟 一係就咁岩趕唔切 但係今次終於搵到 原來咁岩外牆有裝修所以遮住左個門面😂 位置上係和富對面 午飯時間黎 都見到相當多係附近番工既人排隊買 很受歡迎。睇完個menu 真心花多眼亂🤣 樣樣都吸引， 不過因為岩岩食完野 飲唔到啲比較飽肚既野飲 好似芋圓奶蓋嗰啲 就簡左佢地既「純茶*花凍」 系列。 睇名都幾吸引，顧名思義 就係茶飲 再加花類既啫喱。 依次就簡左「茉莉綠妍*蜂蜜蝶豆花凍」（$30） ， 依期做緊promotion 可以減$2 。例牌既我簡左走冰半糖。 等左陣 咁岩放飯打工族走哂 等左大概5分鐘就有 。 蝶豆花凍相當搶眼 紫色既果凍絕對適合打卡。 感覺其實半糖都真係似無糖， 茉莉綠妍味道偏苦澀 茶味相當濃厚 加上淡淡既蜂蜜蝶豆花凍 都沖淡左啲苦澀味。 本身對於鮮奶系列幾有期盼 下次再經過可以再試埋❤️

係北角行到好口渴想睇吓有咩野好飲，查到距離我最近嘅舖頭 如火如茶有手搖飲品買，睇返佢個餐牌有好多唔同嘅系列。當我睇到鮮奶系列，先諗翻起自己好耐冇飲鮮奶啦😣，就專登去買😆我揀左半糖😜台南黑芝麻鮮奶抹茶 500ml $32果然冇令我失望，超濃鮮奶味，仲有好多黑芝麻在杯底，每次都要攪勻先飲😆

難得一杯野飲叫少甜係真唔甜👍🤣飲落覺得好健康🙈😝但少冰仲係好多冰😢比較似係攪碎左嘅芋頭多過芋泥，少咗份綿密太粒粒分明，雖然無咁邪惡🤣但就同期望有啲落差😢牛奶好香👍雖然有少少貴但好似有好多唔同嘅discount🧐

天氣又焗又熱，飲杯芒果沙凍真係爽YY, 又係小甜出事，本身芒果味唔濃，再加上小甜，成杯野好淡😅下次唔小甜試另一杯芝麻豆腐沙冰，出面比較小見，近近地經過開都會再試吓🙂

呢幾日天氣都超級悶熱，就算幾想減肥…都逃避唔到要飲手搖降下溫🥵落order前我仲掙扎緊飲珍珠奶茶好定係小芋圓，最後都係諗住特別啲試吓飲芋圓😌點知沖嘢飲嘅時候，店員就同我講芋圓得返半份，另外一半比珍珠我好唔好🤣 一次過有得食晒兩種想食嘅嘢梗係好啦🥳🥳🥳 呢杯嘢飲揀咗日月潭紅茶做茶底，少糖少冰，啲小芋圓咬落好軟身，唔會好甜👌🏻 如果行行吓街想食芋圓，但又無時間坐低食芋圓糖水嘅話，一定要試吓呢杯嘢飲🧋🥰

台南黑芝麻鮮奶抺茶（加珍珠）$32（+$5）好味指數：😋😋😋😋抵食指數：💲💲💲環境衛生：🧹🧹🧹🧹🧹服務質素：💁🏼‍♀️💁🏼‍♀️💁🏼‍♀️💁🏼‍♀️推介原因：黃店。飲品未經攪拌時，顏色分開3層，覺得好好看。黑芝麻極濃，加上淡淡的抺茶，是絕佳配搭。面頭加了忌廉，令整杯飲品更香更滑。珍珠十分煙韌，帶點黑糖味。店員服務態度好，他不小心把飲品裝得太滿，令抺茶漏出。主動把杯抺乾淨，還另外給我抺手紙包著杯。還有，我欣賞他們為環保出一分力。如客人自備杯，每杯飲品會減$2。而他們的飲管是紙造的。下次再去，我一定會自備杯，減少廢物♻️。

今日行過見到有新既飲品店開左有我至愛既抹茶飲品即刻點左「台南黑芝麻鮮奶抹茶」大杯（700ml）但我就要左微甜同唔要上面既忌廉店員仲主動提醒同埋幫忙走cream佢地用既杯同飲管都係環保♻️可分解架！攞到飲品後覺得好大杯同埋好靚，飲落去先係抹茶鮮奶，之後飲到芝麻忌廉，微甜同埋有點咬口，值得一試🧊🍵♻️而且而家學生仲有九折優惠（無上限！），見到年輕人創業咁努力，又係北角少見既黃店，大家記得去幫襯多點支持下佢地生存落去！

如火如茶💛朝早去完北角買德成號蛋卷之後行下附近既鋪頭發現到呢間茶飲店個名好特別叫如火如茶🤣選擇困難症又來了見到有盆栽系列同麥芽奶昔都想揀最後揀左特濃榛子朱古力盆栽店員好細心問我需唔需要半糖同少冰 (當然要🤣)飲品啱哂打卡下次要試埋麥芽奶昔先得

👧🏻😋👅🍽✨#如火如茶 (北角和富道)超特別花凍 💛-💛有蘋果日報派💛佢既分類幾特別, 有滋潤養生系列, 盆栽系列等等, 我就揀左純茶x花凍系列💛紙飲筒好硬淨, 唔會飲一陣就林晒-🍮🍵純茶x花凍系列茶底有🍵茉莉綠妍, 🍵四季春, ☕️阿里山烏龍, ☕️日月潭紅茶花凍有🌼桂花桂圓凍, 🌺洛神花凍, 🍯蜂蜜蝶豆花凍-🌼桂花桂圓凍四季春🍵 大杯 $35 (follow IG 減$2, 即$33)✨餐牌有窩心提示寫左 "花凍本身帶有甜味, 建議配搭微糖/無糖"✨我叫左微糖就岩岩好, 但四季春本身較甘甜, 嗜甜既朋友揀半糖都可以呀!✨個花凍好大舊, 有桂花碎, 的確係有花香甜味✨茶雪到好冰凍夏天飲勁消暑-

行過見到呢間裝修得好小清新嘅手搖店就買咗杯嚟飲下 呢間舖頭新開嘅 但係位置有啲唔起眼 雖然好近和富同埋城市花園但大家唔係專登去飲嘅話可能好容易行過左🤣 所以到時要記住跟Google Map行啦值得一提嘅係 學生嘅話另外有九折😚🌟古早味黑糖仙草鮮奶 大杯 $35整體來講都不錯 但係👧🏻覺得少甜之後都仲係好甜😂📎店舖資訊📌 如火如茶北角和富道20-36號明暉大廈地下1號舖🚇港鐵炮台山站 B 出口, 步行約7分鐘等候時間🕰 5 mins📍#北角

2021年5月21日 星期五今日專登幫屋企人book左staycation，同佢哋辦妥完入住手續之後都已經差不多三點，出到酒店又熱辣辣，好想搵返杯飲品消下暑咁啱係和富道見到呢間店舖好似新開張，即刻九秒九衝入去買杯野飲，見到店舖主要係售賣台灣茶，有分中杯同大杯兩個大小，但個人覺得加$3就可以有大杯，都幾抵而且店舖仲有學生優惠，穿著校服或者出示學生證就可以有九折，應該吸引唔少學生幫襯另外見到宣傳單張有寫到店長推介，上面果5款飲品都好似夠晒透心涼，令到我完全唔知揀邊款好，最後詢問店員有咩推介結果我就要左純茶x花凍系列中既四季春加桂花桂圓凍，由於我要左大杯裝加上少冰，所以份量好大，飲落去每啖都飲到茶渣，唔會太苦，又飲到濃烈既桂花桂圓凍，同四季春幾配合，但最緊要係夠晒凍，飲完之後真係涼返晒依家仲做緊優惠，只要follow佢哋既page，每杯飲品仲可以平$2，真心性價比幾高

其實我都知我尋日先飲完今日又再飲唔好，但真係好想試多d今日拉多左同事陪我入坑，前後買左 4 杯🙈🧋🧋🧋🧋今日發覺原來有e 個app 可以有9折，同事即down🤣💪🏻⬇️⬇️然後我今日飲嘅係右手面個杯盆栽🌱，拎到番公司，其他女同事都走埋黎話好靚想飲🤣🤣🤣🤣 佢個薄荷真係好新鮮同埋真係可以飲到薄荷味🤩我另外加左$5奇亞籽（感覺又健康d) 依個真係好抵讚，佢真係計extra 加嘅野都可以好健康，又係其他奶茶店冇嘅👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻另外飲梳打同碟豆花凍嘅同事都話好好飲，會想再試其他。

公司附近新開左間奶茶鋪 跟住又想（搵藉口）安慰下被工作折磨的心 就心安理得咁買左杯黎飲佢d 飲品我覺得都幾特別新奇 有d 系列係其他店唔常見 佢嘅花凍、麥芽個d 我都好想試。睇menu 睇到十五十六，叫左個後生店員推介下 飲左個桂花凍嘅茶ps. 張相已經係我飲多過一半，就快食曬d 啫喱的🤣（每次都係食完先記得影相）飲品叫左少甜，佢真係好少甜，大讚（咁飲起黎自我感覺良好d 嘛）佢嘅桂花果凍入面真係有桂花，仲要唔少。我個個係好鐘意食d 啫喱狀嘅東西🙈🙈而且另外有d 龍眼肉。整體黎講第一次飲感覺幾良好。好想試曬佢其他野😁新店開張 佢地話個八達通機未到，所以我尋日要比cash💵另外飲管佢地用紙製的🥤

係北角行行下街，有啲想飲下珍奶。見到呢間「如火如茶」白色裝修，簡約美觀，員工幾整潔，一於就試一試呢間。飲品都有好多選擇，但我只想試珍珠奶茶。😋叫咗大杯古早味黑糖仙草鮮奶茶 $35黑糖仙草鮮奶茶幾大杯，杯身花紋幾好睇，價錢適中。可以選擇冰度，甜度。叫咗少甜都唔會好淡，有濃濃黑糖香味，奶量適中，飲落口感好濃厚，茶底較淡，奶味偏重，好飲。奶茶裏面嘅仙草都幾多，佔三分一杯，滑脫脫口感，又冰冰涼涼，好正😋。