妹記士多

營業中

休息中

去蒲台島之前其實已經search定食邊間，但係我哋三個女仔，一落船已經冇晒方向😂我哋喺門口望吓望吓，因為唔係我哋諗住食嗰間，但婆婆好熱情，我哋唔好意思推就入咗去喇，嘩講環境其實真係唔得，佢係一間爛咗嘅屋，擺幾張枱同凳喺度😆不過就可以望海，我哋分別叫咗餐肉蛋同埋腸仔蛋，分別裏面都有紫菜嘅，唔知係咪因為我哋好肚餓，又可以望住個海嘅關係，一碗非常簡單嘅餐蛋麵，我覺得好好味🤣面嘅軟硬度適中，紫菜好好食，好似話係蒲台島嘅特產

前排同朋友一齊黎蒲台島行山係回程嘅時候見到「妹記士多」黎蒲台島必食嘅紫菜一丁麵於是同朋友黎食左呢間。 對比人多熱鬧嘅其他舖頭我更傾向於呢間，人都相對少啲。雖然舖頭得婆婆一個人打理，煮麵原來都有講究。佢同我地講有啲客人話求其煮食飽就好啦，婆婆話：你話我知點樣求其煮，係佢嘅話語中我就知道就算係一碗麵佢都會用心去做好，整得好食，唔會隨便。婆婆婆係一個好有人情味嘅人，係賺錢呢一方面佢同我一樣有就做多啲冇就做少啲。確實，同婆婆傾完之後食佢煮嘅麵更多的是充滿人情味，麵煮得好爽口湯底熱辣辣連煎蛋同腸仔都係即整嘅。行完山坐低黎食係度只得我同朋友兩人望住個海景日落🌄安靜且治癒最後飲完支冰冰涼涼酸甜可口嘅酸梅湯吿一段落。

第一次嚟蒲台島我諗係五六年前嗰陣去之前做功課時發現婆婆受訪嘅片段所以就去幫襯咗差唔多每年去玩都會返去幫襯雖然唔認得 每次婆婆都會好nice咁招呼我地同坐低同我地傾下計（佢好精靈好好吹）明明普通嘅餐蛋一丁，唔知點解都覺得特別好味可能就係食開有感情有紫菜（預設有，唔食同婆婆講定），有仲條菜，午餐肉脆面嘅，其實都無得挑剔啦但係婆婆間鋪唔係咁明顯，出碼頭左轉大約十米，得個細牌仔同埋無裝修，會以為係普通爛屋，有時佢都會行開行埋唔係度，如果見到佢唔係度可以入去直接坐低等佢返嚟都ok等船前食少少嘢休息下再買埋手信一流，而手信呢就比隔籬十零米鋪頭平，應該都係同個貨源

婆婆整嘅食物真係好有人情味，好溫馨。無論係紫菜餐蛋麵定係綠豆沙糖水，都載滿暖暖嘅感情。尤其是酸梅湯，超水準，咁大個人，第一次飲到咁好味嘅酸梅湯婆婆係一個好健談嘅人，同佢講嘢真係好有話題性，你真係會用心微笑

行完全日行到好攰好辛苦。落到碼頭船又未到。見倒妹記就入去叫碗海帶綠豆沙食啦。話晒海帶係蒲台島好似好出名咁。入左去間屋仔，其實入面都好大下。碗綠豆沙幾好食，行完山食真係不得了。仲要婆婆好好傾，同我地講下島上面嘅野。大家去支持下婆婆啦

行入蒲台島，就見到呢間士多，同朋友傾好回程一定要試下，4點幾鐘回程個陣，就入去去食糖水，一行幾人，分別試左凍及熱的麥米紅豆沙，凍既綠豆沙同餐蛋麵，紅豆沙好足料，好多豆，真係食得出係自家製的，綠豆沙起哂沙，超正，仲有啲昆布，碗餐蛋面好香麻油味，朋友話好好食，同埋價錢路係，各式糖水都係$15，面就$28，對住個無敵大海景用餐，呢個價錢真係抵到爆，仲要無限時間，舖頭得婆婆一個煮，見佢雖然老，但是依然好有體力，好好傾，興奮得滯唔記得影相😂

一向幾鍾意去離島玩或者行下山，因為只有呢d地方先無咁多人蒲苔島一落船就會見到呢間妹記，由於炭燒一丁麵唔係周圍食到，所以好多人行山前都會黎醫下肚順便試下蒲苔島呢樣特色美食一上台已聞到一陣炭燒香味，午餐肉同煎蛋配上出前一丁呢個經典組合一定唔會出事，另外加上紫菜更見美味如果無帶到水既朋友可於士多買五花茶帶上行山解渴

蒲苔島上，有四家士多出售紫菜餐蛋一丁麵，何記士多乃妹記士多的舊址，妹記已遷往離何記約2分鐘的舊屋。小妹因未能提供「士多確實地址」，故未能在開飯網更新餐廳資料。逼不得已，把何記士多的食文，刊登於妹記士多也﹗~~~~~~~~~~~~~~~~~~~~~~~~~~~~~~聖誕節，與Cc到香港最南的島嶼– 蒲台島一遊。落船時，見一對年邁夫婦拉著沉重的手推車，就幫手拖回他們破舊的家。細談下，始知兩位七十歲的老人家，假日就返回蒲苔島老家開檔營業。接著，返回碼頭第一間士多 – 何記士多吃早餐。士多除了碳燒紫菜一丁麵$30 (可於午餐肉、香腸或煎蛋中任選2款)外，還有汽水飲品、自家煲製糖水如番薯糖水、紅豆沙、綠豆沙和檸檬薏米水等，有蒲苔島特產的海帶、昆布和紫菜。小妹和Cc各要了一碗碳燒紫菜餐蛋一丁麵$30，由店主老伯親自煮麵。一丁麵入口仍帶嚼勁，火喉拿捏頗為準繩，湯底盡是紫菜的鮮甜味。午餐肉煎得金黃香脆，煎蛋也外脆內香，紫菜也細嫩味鮮。小小的一個蒲苔島，竟有七間士多餐廳食肆，競爭頗為激烈的。除了最近碼頭的何記士多，去燈塔途中，還有以柴火煲糖水的妹記士多、斜路上去一對老夫婦經營的士多(出售汽水飲品、紫菜、

離開何記士多，往燈塔方向走，路經妹記士多，遇見甚為熱情的妹記，大家閒聊了起來。只見白髮蒼蒼的她，正在破屋前一角，熟練地邊煎餐肉煎蛋，邊煮一丁麵。適時，小妹瞄見舊屋一側，熊熊柴火正在燃燒，上有兩個煲。一問，始知妹記正在煲紅豆沙和綠豆沙。用柴火煲的糖水，一定與眾不同吧﹗決定回程時，來吃一碗糖水。海帶綠豆沙$12除了海帶和綠豆外，還加入其他東西，質感較為濃稠，不是小妹喜歡的味道和口感也﹗此外，不夠熱，乃一敗筆也﹗Cc的麥米紅豆沙$12，材料除了紅豆和麥米，還有紅腰豆、花生和新陳皮，十分足料，然豆香食味一般，口咬嚼勁也稍遜，且不夠溫熱。

老闆娘啲足料糖水真係個個入到去都要試下 唔試就走寶啦 冬天食完真係暖到入胃 夏天仲有冰凍酸梅湯同菊花茶因為鋪頭經常得老闆娘一個所以唔一定樣樣野都日日有 建議大家最好大日子入去就可以咩都試哂 每次老闆娘都好nice咁招呼遊客 又會主動同客仔傾兩句 價錢又唔算貴 所以每次去都一定幫襯😀加上鋪頭對住碼頭 有海風吹過 十分寫意

赤柱坐20分鐘到蒲台,落船碼頭好多人,我坐的街渡唔夠20人,另一只跟团的船有幾十人. 出左碼頭条桥,見到妹記老板娘就問佢路,佢好好人,叫我地点点点点行, 唔駛熱死,好行D. 因為無乜頭緒,所以聽佢点咯. 行完三個鐘返來, 發現老板娘果然無老点, 所以又去左妹記食下飲下. 五花茶雪到有冰,正到爆.紅豆都好味,有果皮的, 仲系柴火煲. 而且價錢合理, 絶無老屈.最重要系,老板娘年过60,好鬼精神又精ling,但又帶点天真, 系一個好開心的人, 幾句說話就露晒底,好鬼搞笑. 佢自己都話問路唔系致在你返來幫襯, 只系順便, 人超好. 周未返來开檔, 賺餐茶錢. 強力推介呢個殘殘地(其實間間都系殘殘地)但又有一個好可爱的老板娘的妹記. 出左碼頭条桥左手第二間.

由碼頭踏進蒲台島已路經妹記，不過真正惠顧已經是四小時後的事。點了飯後甜品麥米紅豆沙($10)，其實材料不止紅豆和麥米，還有紅腰豆、花生和新陳皮，十分足料。紅腰豆入口即化，麥米有咬勁。環島遊之後何妨獎勵自己！

同皇子心血來潮想入去釣魚, 所以一早就出發前往蒲苔島。搭完一輪船到左啦, 不過是日大風有微雨...所以即時入妹記食d熱野先。我同皇熱都叫左餐蛋麵, 餐肉係肥豬仔牌, 麵就係出前一丁, 加埋隻太陽蛋...暖返好多喇~老闆娘見我仲係凍凍地, 即時舀左碗蕃薯薑湯我飲...薑汁濃郁, 即時暖哂喇個人。即刻覺得此舖好有人情味呀~~此店星期六及星期日才開舖, 薏米紅豆沙一早就賣清, 想食就趁早喇~$20一碗餐蛋麵, 仲有其他選擇; 來一個溫暖早餐, 人都舒服哂~