妹記士多

營業中

休息中

前排同朋友一齊黎蒲台島行山係回程嘅時候見到「妹記士多」黎蒲台島必食嘅紫菜一丁麵於是同朋友黎食左呢間。 對比人多熱鬧嘅其他舖頭我更傾向於呢間，人都相對少啲。雖然舖頭得婆婆一個人打理，煮麵原來都有講究。佢同我地講有啲客人話求其煮食飽就好啦，婆婆話：你話我知點樣求其煮，係佢嘅話語中我就知道就算係一碗麵佢都會用心去做好，整得好食，唔會隨便。婆婆婆係一個好有人情味嘅人，係賺錢呢一方面佢同我一樣有就做多啲冇就做少啲。確實，同婆婆傾完之後食佢煮嘅麵更多的是充滿人情味，麵煮得好爽口湯底熱辣辣連煎蛋同腸仔都係即整嘅。行完山坐低黎食係度只得我同朋友兩人望住個海景日落🌄安靜且治癒最後飲完支冰冰涼涼酸甜可口嘅酸梅湯吿一段落。