妹記大排檔

營業中

休息中

在香港的街頭大排檔中，總能找到令味蕾驚喜的美食。但是最近我在一個熱鬧的夜晚，同友人來到了著名的某個新式大排檔，妹記大排檔 ，品嚐了幾道令人垂涎的佳餚。非常幸運的是我們這次不用排隊 非常順利的就進入 一行入妹記大排檔 舊式的香港裝修風格 以及顧客們喧嘩的聲音 都足以證明接下來的美食會令人期待 我與友人點咗幾道特色菜式 都是大家想嘗試的美食首先映入眼簾的是**椒鹽九肚魚**，這道菜以其鮮嫩的魚肉和香脆的外皮著稱。九肚魚經過精心處理，肉質鮮美，口感滑嫩。當我將一口魚肉放入嘴中，伴隨著香料的香氣和微微的辣味，瞬間感受到海鮮的鮮香與椒鹽的完美融合，讓人忍不住一口接著一口。接下來是**德國鹹豬手**，這道菜在香港的大排檔中相對少見，但其獨特的魅力讓我驚喜不已。豬手外皮酥脆，肉質卻相當柔軟，搭配淡淡的香料味，吃上一口，豬肉的油脂與香料的味道交織，讓人感受到濃郁的滿足感。這道菜不僅分量十足，還與啤酒相得益彰，成為聚會中的熱門選擇。緊接著是**椒鹽墨魚頭**，這道菜色澤誘人，香氣四溢。墨魚頭經過椒鹽的調味後，外皮微微焦脆，內裡卻保持了墨魚的鮮嫩。每一口都能感受到其獨特的海洋風味，椒鹽的香料增添了層次感，

第一次去，叫咗四個餸，已經係揀瞓身推介個list上面嘅菜式，但只有一個叫做可以，其他都好醎蒸扇貝: 蒸太耐，冇乜鮮味，唔知係咪唔新鮮，啲豉油好鹹南乳香酥骨: 肉好柴，冇乜肉味，冇乜南乳味但好醎，有碟南乳醬，但點咗更加鹹，唔點又冇南乳味炸大腸：唔夠脆，仲有啲韌，味道都係偏鹹，但點完個酸甜汁都算可以環境同服務都可以嘅，食物份量偏少，食物味道更加失望。食完幾個鐘個口仲係覺得好口渴，唔知係咪落咗好多味精。平均每人約二百，我覺得唔值

黑椒薯仔牛柳粒真係好好食！薯仔炸得香脆，牛柳粒又嫩滑，黑椒味道適中，整體口感令我好滿意。不過，豉椒炒蟶子就有啲失望，蟶子唔係好新鮮，口感有啲韌，味道都冇咩特別。至於金沙炸豆腐，雖然滑溜，但就冇乜特別驚喜，味道普通。豆腐本身吸收唔到太多調味。炸魷魚嘅脆皮係分開嘅，炸得幾脆，但魷魚本身味道就有啲淡，整體搭配上就比較一般。

妹記大排檔📍：旺角通菜街1A-1L威達商業大廈Deli2 2樓B號舖🚗：油麻地地鐵A2出口 步行7分鐘📞：+852 2833-6228💲：~HKD130/head for dinnerFood quality👌🏼：咸魚茸飛天通菜煲、西蘭花(帶子炒)、鵝例、金莎卜卜脆❌：蠔仔煎餅、果茶總結：🤔一間中規中矩嘅大排檔 好大間晚市排長籠 等咗20分鐘就有位 但食完覺得正常 唔排可以一試嘅 但唔值得排隊🫨🤔價錢算幾合理 份量都幾多 所以都算抵食之選👍🏼🤔通菜煲 西蘭花 鵝例同金莎卜卜脆都係中規中矩 足料飽肚 尤其係西蘭花🥦啲帶子出乎預料嘅大粒同份量多😨作為潮洲人對蠔餅🦪要求比較高 煎得唔夠脆而且蠔選得唔太好 個人偏好細啲嘅蠔拎嚟炸蠔餅😨服務同衛生就有改善空間 不過佢定價唔太貴 所以唔會太不滿😖

多人食飯就一定係大排檔！妹記一直都係心目中首選！由中學開始，慶功、生日飯、莊聚，都會去食妹記。有啲招牌菜一定要叫，例如鬼馬油炸鬼，墨魚咀，薯仔炒牛柳粒，同埋唔少得既啤酒！成班人拎戰鬥碗一齊飲啤酒先係重點😆雖然少左人留港，但妹記都係好熱鬧！最鍾意同大家一齊飲勝！呢啲先係香港風味！侍應都好親切，氣氛都幾好，我食得早，所以唔洗等就入得，不過而家早個輪食飯有限時，想無限時就食8點後。野食都好好食，冇退步到，人多可以叫多幾款菜，留港食飯，不妨撐多啲本地既品牌，都有好既選擇！人均食左180，只可以現金或支付寶

一班朋友聚會除咗可以打邊爐之外，最啱就係食大排檔㗎啦，可以叫勁多野食一齊開心share！今次就來到旺角呢間妹記大排檔～安格斯牛柳粒💰HK$158牛柳粒肉味香濃，而且鮮嫩多汁，配搭蜜糖，甜甜哋更惹味，略嫌薯仔粒唔夠脆口～金沙大蝦球💰HK$128內裡嘅蝦球爽口彈牙，但外層炸粉好厚，剩係得炸粉嘅表面先有淡淡嘅咸蛋黃味，少粉失望～椒鹽八爪魚嘴💰HK$85炸粉同樣都係好厚，而且食落唔夠椒鹽味，好失望～原隻脆皮炸豬手💰HK$208份量超多，外層嘅豬皮超香脆，豬手肉仲係好解嫩，味道有驚喜～豉椒炒蜆💰HK$98蜆肉好大粒，而且食唔到有沙，唔錯唔錯～飛天通菜煲💰HK$88叫咗咁多肉，梗係要食返碟菜，食飛天通菜煲就夠哂惹味～食物水準好似比以前差咗少少🤏🏻，另外餐廳冷氣好大，啲野食好快就吹到凍晒～

朋友聚會第一次吃，然後看牆上也貼了蠻多明星打卡還有上報紙的新聞，以前很多人晚上都會來吃宵夜。.✨黑椒薯仔牛柳粒牛肉分量很足，不會很韌咬不動的那種，醬汁調味也很入味✨燒雞有點特色，肉質本身沒有很嫩滑，比較一般，要了半隻分量還挺大✨鹹魚飛天通菜煲個人覺得這個最好吃！會偏辣，通菜很爽嫩，很好下飯！.整體食物超普通，衛生不算很好，適合預算吾高想一大班人聚會嚟

餐廳服務態度令人失望，有時就當客人透明，有時就當客人係殺父仇人，所以建議佢地啲員工，唔想撈可以辭職，個態度好趕客 。態度一差，幾好食都唔會再去（冇話佢好食）總結：態度差，冇禮貌，建議轉員工

我之前曾經嚟過呢間餐廳，當時嘅食物質素係唔錯嘅，所以今日再嚟重溫舊夢。然而，今次嘅經歷真係令我失望到爆。首先，98蚊嘅炒蜆完全唔值呢個價錢，入面淨係得14隻蜆，每隻蜆大殼小肉，4個人每人食3舊已經食曬，份量少到令人懷疑人生。然後，98蚊嘅黃金魷魚更加係一個災難，雖說調味唔錯，但係好韌之餘，粉比魷魚肉多得多，口感非常唔好。炸蠔餅同腐乳通菜雖然係正常發揮，但都冇乜特別驚喜。最後嘅黑椒薯仔牛柳粒，牛肉份量少得可憐，根本唔夠分。總括嚟講，今次嘅用餐體驗真係大打折扣，唔會再嚟光顧。

金沙魚皮炸大腸客家碌鵝金沙魚皮，好脆！又多咸蛋黃！夠哂咸香，配啤酒真係無得輸！炸大腸外脆內軟，唔會咬唔斷又唔怕成口油，佢跟酸薑而唔係菠蘿，唔會整濕啲腸更好～客家碌鵝夠冧又入味，係個汁我個人覺得太杰飲埋啤酒$444 都值嘅，可以翻炒！

來到門前，以為去錯地方，畢竟都六年沒有來過。從前吃過還可以，今晚一試不會再來了。味道：咸速度：快上菜速度驚人，食客也不算少。。椒鹽九肚魚：厚粉，椒鹽唔覺，但咸得很。椒絲腐乳通菜：正常但偏咸煎蠔餅：油淋淋，還可以啦鬼馬油炸鬼：乾硬，差得很。魚香茄子煲：咸我吃得最多是通菜，其次是蠔餅。樓底偏矮，環境嘈得很，同枱的我一直猜估對方在說什麼，不適合聊天的食肆。每人消費大概100元，不值得再來。100元雖不說多也不算少，旺角總有更好的選擇吧！

妹記食過好多次啦，之前喺尖沙咀食，今次就去到旺角店食，位置在通菜街要上樓嘅乳鴿👍🏻中規中矩，皮唔算好脆，但係上枱嗰陣時都係有溫度。西蘭花炒鮮魷👎🏻呢個餸印象中比較淡，而冇乜味道鮮魷尚算新鮮，西蘭花冇乜味，可能要靠附上的蝦醬增加味道。宮保雞丁👍🏻呢個炒得幾好味，份量算唔少，呢個餸配啤酒或者配白飯一流。方魚肉碎蠔仔粥👍🏻一如以往嘅穩定，基本上每次都會叫，佢啲蠔係比較細粒。環境方面，有大排檔熱熱鬧鬧、以及比較嘈吵，可能係食飯時間，嗰日唔使點排隊，適合一大班人一齊去食，可以試更多唔同菜式。

食過幾次，一次比一次差。侍應態度極差，打電話book左位。因為6點幾，一黎到個場冇乜人，有一半個場都係空嘅，侍應俾咗近廁所位我哋，張枱又細，我地要求調位，佢地竟然話出面俾人book哂唔俾調。後尾搵第個就肯俾我地調。叫左5樣餸，個生菜包豬肉，豬肉好大陣臊味，臊到反胃個隻，唔知係豬肉唔新鮮定冇洗鑊就炒。通菜有一半都唔熟。魚腩煲勁冧。生炒骨就勁大舊咬都咬唔到。每一碟上菜個時都唔點樣熱又冇鑊氣，唔知係咪琴日賣唔出整熱返就拎出黎，食到一鑊氣！

呢個我都係第一次去食，因為係公司請食飯～佢個炸蠔好好食。係我食過甘多間炸蠔最好食一間，我見菜單唔多有，應該係我哋公司另外加料的其他都好好食，成班同事飲酒飲到傻左不過都可以正常離開到，哈哈

朋友外國回港,想食大排P檔小炒. 但是因為想坐得舒服些,所以選擇了這間餐廳.地點在旺角確實方便.第一次去此餐廳,限時90分鐘,我們7：15入座,不過沒有人等位,也沒有趕我們離開.可能我們沒有做資料搜集,隨心點菜. 雖然大家(5人)也夠飽,分量是足夠,但是味道一般.妹記小炒皇~食材充足(腰果,魷魚,蝦乾,蒜心)香口夠鑊氣海鮮雜菜煲~整煲裝滿滿的,個人認為最好食的一道菜🤣蠔仔粥~普通,正常味道,蠔仔都算新鮮. 不過,朋友食到裝蠔的膠袋😓豉油銀芽炒麵~雖然炒得不算太油,但是沒有鼓油及鑊氣的味道,非常普通沙拉骨(腩排)~味道一般,太多沙律醬,如果可以調較下個醬應該會好食些.鬼馬油炸鬼~油炸鬼釀蝦餃嗎? 我完全唔知道自己衣食緊什麼😓外層又唔似油炸鬼黃金蝦球~外層炸粉太厚,黃金醬(即是咸蛋黃汁)都可以,蝦球也彈牙. 但是整體合埋又不是太好食.