妹記大排檔

營業中

休息中

有朋友外國翻黎，當然要食大排檔，食翻啲佢係外國食唔到嘅味道，所以帶咗佢食妹記。自己以前久唔久一大班人都會去食。有大排檔風味之餘，環境又闊落舒服。今次3個人，冇訂到枱，18:15左右入座，咁啱有最後一張細枱(如果唔係就要搭枱)。真係太旺場關係所以8點要交枱。戰鬥碗啤酒先黎枝啤酒，一人一碗啤啤佢先。原隻脆皮炸豬手每次黎妹記都必叫炸豬手，份量十足，起晒肉切晒片。唯一佢個皮比較厚，所以炸完會有小小硬，但對我黎講依然係食唔停口。椒鹽豆腐炸野黎講，佢比較遜色，因為佢個外皮有啲厚，而且啲炸蒜同椒鹽味都唔夠出，下次未必會叫呢樣。咸魚茸飛天通菜煲正正常常嘅炒飛天通菜，好食，份量都多，但略嫌少少油。沙嗲金菇粉絲牛肉煲味道好濃，撈食飯一流，牛肉份量算多亦好淋。到8點埋單嘅時候已經全場爆滿，出面仲坐滿晒等入座嘅人。如果黎食，除非6點黎到，唔係嘅話就一定要訂位。另外值得讚嘅位係上菜速度好快，環境闊落，熱鬧起上黎好有氣氛，好適合一大班人聚餐。