影片
相關文章
夜晚830後過黎掃街, 一入太安樓就見到呢間姊妹美食最多人排隊。炸鍋上的原條炸大腸完全將我吸引住，即刻加入條隊，同老公輪流再去睇下仲有咩好食。排隊係要等一陣，即叫即炸先到下一位，包保食到熱辣辣炸物。我地點了一串炸大腸、炸秋葵、鵪鶉蛋、煎釀三寶、蟲草花雞肉燒賣。可能當晚多人，店內得兩個人，我冇預計到蟲草花雞肉燒賣都係落油炸的，不過炸完一Ｄ都唔乾身，依然食到雞肉味。後來第二次去，就見到蒸檔同碗仔翅檔開埋，先知道要視乎人手食咩版本。不過，所有炸物都係好食的。最最大推的係炸大腸，一口咬落去外皮脆，內裡juicy，好多年未食過咁好食的炸大腸！佢地只收現金，要食就要準備cash 啦!
繼續閱讀
「姊妹美食」係一間人氣街坊小食店，好多 YouTuber 都介紹過，無論平日定假日，門口經常都有人排隊。小店主打各式炸物，每款都炸得香脆惹味，令人一試上癮。我最鍾意嘅係炸燒賣，外層炸得金黃香脆，內餡多汁，配埋甜醬辣醬，簡直係完美街頭味道。炸皮蛋係另一驚喜，外層脆卜卜，內裡仍保留住皮蛋特有嘅煙韌口感。炸蟹鉗大大隻，咬落去有真蟹肉感覺，口感紮實。有時想轉口味，我會揀返一碗生菜魚肉湯，清清地，魚肉滑溜無腥味，平衡晒炸物帶嚟嘅油香。整體價錢合理，出品穩定，係一間值得一試再試嘅街坊小吃好去處。
繼續閱讀
行過見到$17/5 件煎釀三寶，有好多選擇，諗住一試..揀左5件（魚蛋、豆腐、茄子、蝦條？、青椒）點知出事🌚🌚🌚 已經唔係隔好耐先食，一食個青椒… d粉漿生的…. 勁嘔心🌚 再食茄子都係咁， 整體茄子同青椒，基本上冇乜釀魚肉，豆腐魚蛋同蝦條？就咁食… 無咩煎釀嘅成份。。。下次都係唔好貪平，勁唔開心！行曬太安樓唔係好多檔有煎釀三寶，另一間$10/3 件，但樣貌都一般🥲🥲🥲🥲可憐係我唔好彩.. 我見其他食評好似都正常🥲但無下次了！
繼續閱讀
西灣河太安樓炸煎釀三寶 係太安樓中間開左好多年 keep住都好多人圍住買 呢次試試⭐️煎釀三寶$16/5件 全部放哂出黎客人自己揀店員會千年翻炸到熱辣辣先比客人而且炸得比較深色 少少脆邊 相當邪惡😈有客人要求 幫手鯨乾啲油 店員都有照做今次仲另外叫咗 ⭐️炸皮蛋$16應該唔多地方有 好似去左夜市小販檔咁外面包左層魚肉 加小小泰式辣醬 唔錯 幾特別但$16試一次就夠 都係煎釀三寶開心啲.如果想緊貼最新資訊 唔好諗 即刻follow先啦..#姊妹美食 (西灣河)地址：西灣河筲箕灣道57-87號太安樓地下A35A號舖.⭐️評分：味道：3.8/5環境：-/5服務：-/5 抵食：3.5/5.（記住Like同分享 係我繼續搵好嘢動力 感謝支持🙏🏻）.
繼續閱讀
来电影资料馆看展结束后，顺路行过太安街食下小吃，周身现金不多，来到姊妹美食cash only，这么多品种只能点了一串蜜糖炸烧卖，真像太监逛青楼姐姐在前头负责炸串，手脚真是麻利，记性又好，前面客人点了那么多东西都能一一记住，厉害！后面有位阿叔在给青椒填鱼肉（奇怪的是鱼肉只填了不到一半原谅我的老土，我未试过炸烧卖然后淋上蜜糖的，但是真的超好吃啊啊啊，价格是：12/串，30/3串街边小吃，就不要讲就太多，试下味道就很开心。排队的人好多😂还有人拿电话记了一个单子，估计是朋友让帮带，好好玩！
繼續閱讀
您可能會有興趣的...