威威小食

營業中

休息中

今晚晚餐比較豐富～叫咗牛腩大腸，魚肉豬紅，韭菜餃，油面OJ冰底～總共$76豬紅唔會一夾即散～正韭菜餃～大粒抵食，有三粒魚肉幾彈牙，亦都有魚香油面唔錯^爽滑食得超飽

呢一間威威車仔麵，應該歷史都悠久小學食到大學～阿姨，每一次夾餸都唔會手震～細時候冇咩錢，都叫油面阿姐都會整多啲～佢嘅咖喱汁好經典，我覺得好好味好濃郁～再加上炸蒜添加的口感～加少少辣椒油成碗麵好正好正 ～都推介嘅，如果其他區嘅過嚟可以試吓嘅記得加佢嘅咖喱汁炸蒜正呀～純粹個人分享

雖然呢間餐廳好似已經有幾十年歷史，但佢周圍嘅環境都係好乾淨企理，一邊係一排卡位一邊係幾張圓枱，好多位之餘又唔會好多人好逼。入去嘅時候真係有少少嚇親，因為係冇人招呼嘅，點嘢食都係行入啲有個小廚房之類同佢哋講。佢嘅便利就係可以即點即整即有，當然都要即刻俾錢。佢有好多嘅餸菜可以配搭底麵$14加底要加$4，餸菜最貴嘅幾款都係$15蚊。個人認為兩款餸就已經夠食。我就點咗油麵+豆腐卜+魚皮餃，印象中有幾款醬汁但係我淨係記得腩汁咖喱汁，我係加晒所有醬汁嘅。唔會太辣同埋餸菜方面都幾多幾足料。張相睇到魚皮餃好似唔係好多但其實只係佢沉咗底😂😂😂雖然冇學生優惠，但係一碗$30足料、即點即有嘅車仔麵都已經物超所值。三十蚊係普通茶餐廳或者早晨先有嘅價錢，但其實好多已經開始加價去到35/40等等，因此本人真係好推薦大家可以試下呢間威威小食，肚餓嘅時候可以即刻食到唔使再等十分鐘喇！

耐唔耐都會返嚟呢度食車仔麵，不過通常都會嗌淨餸，由細到大不嬲都會叫通菜、魚肉、蘿蔔、豬手同埋豬腸，不過而家戒咗豬腸，頭先喺度諗緊叫啲乜餸代替豬腸，我記得上一次叫過雞翼嚟食，覺得唔係好適合我口味，老闆娘見我諗咗咁耐，就推介我食香茅豬扒，好！一於信下你。當我食第一啖香茅豬扒嘅時候，好食！估唔到咁有驚喜，佢塊香茅豬扒似一間叫做小巴黎嘅越南餐廳賣既香茅豬扒味道，起碼九成相似，我鍾意❤️所以我下一次都一定會叫香茅豬扒。

細個麵久唔久會食，但搬遠左就好小幫襯。今日經過買碗外賣返去先。叫左三送一麵牛肚，豬紅，雞翼尖，米線 外賣$44都幾貴喎，三個送咋喎，加左咖哩汁唔通要加幾蚊？！返到去打開食，好彩都ok，我鍾意晚重口味仲係度，但真係貴，隔離兩送飯有豬扒都唔淘40蚊，久唔久幫襯下可以啦，當搵返個童年回憶不過衛生就….

細個小學開始已經食呢間今日重遊舊地 見到所以9秒9就試咗豬紅大大嚿爽口唔散 都有3-4件 幾好味牛腩略嫌偏碎 但係都好入味 豬腸不過不失 最緊要無臭味河粉索哂啲腩汁 唔錯買三餸仲有豆漿送炸蒜就自己任攞總括而言 童年回憶 但係偏貴要50幾蚊下次唔知幾時再食喇

車仔麵來講呢間都真係算唔錯老字號聽街坊講幾十年啦揀咗餸俾錢再搵位但呢度嘅位置都算係方便同埋座位好錯豬手牛腩必定要是入味又夠林呢度啲姐姐都幾好人㗎每碗麵仲送埋豆漿唔使另外叫嘢飲

又一次經過屯門，太多嘢食都唔知點揀。本來話食Outback，但我朋友去到睇完個餐牌又諗唔到食咩，食扒又話太heavy喎 ╮(￣▽￣"")╭，結果都係轉場走咗去食佢愛嘅local嘢 ~ 再一次食呢間車仔麵。印象中呢間嘢好一般，今次算係比多次機會佢。唔記得影佢個餐牌，不過聽我朋友講話應該係加咗價。不過仍然有豆漿送。我叫咗 ~ 菜，豆卜，豬紅，豬皮，牛肚，粗麵。加多一杯凍檸茶 (要加五蚊)，盛惠$52。啲麵好淋，好漿，都幾難食其實。其他就不過不失，係啲菜老咗少少。不過最恐怖係，啲豬皮。。。仲有大量嘅毛╭(╯^╰)╮呢間嘢味道好普通，但。。。唔會有下一次。

車仔麵（油麵配生菜、魚皮餃、牛肚）$38送豆漿一杯🥛首先講嘅係呢到嘅姨姨都好親切🥰入座定離座都會打招呼 又會提你記得拎豆漿 揀餸都會貼心提你揀個菜食🥬🤣豆漿豆味幾重 又唔會好甜 幾好飲至於碗麵 食車仔麵梗係要加腩汁同辣汁腩汁味道幾濃 但又唔會太咸反而辣汁嘅辣味唔出 就再加左辣油🌶第一次食車仔麵嗌牛肚係會有咁多嚿！有成7-8嚿🤩腍腍地 唔會韌雖然煮得唔夠入味 但真係好抵嗌😂魚皮餃就有三粒 菜嘅份量都夠食完成碗麵 加埋豆漿 個肚好full啊😋

N年先食一次車仔麵😅唔係唔鍾意食，可能選擇太多🤣就係成日唸唔起佢🙈呢個後欄黎😝姐係後門呀🤭後門一入就係點餐位👇先講要咩粉/麵再叫餸自己整色整水👇😁叫好哂即整俾你＞俾錢＞拎得可以參考下呢個價錢牌👇有豆漿送架自己拎杯裝👏👏豬手蘿蔔米粉蘿蔔夠淋又甜👍👍南乳豬手入味我就黎親都叫個菜加豬腸同咖哩魚蛋呢度啲咖哩汁幾正架👍魚蛋彈牙今次啲豬腸鹹左少少🙈兩碗野加埋豆漿盛惠70蚊👏👏最後一提🙈豆漿好甜。。。我淨係飲左兩啖😗

食完一肚氣！好失望！！食完唔會再幫襯我滿心期待，叫左碗 🐖🐷豬手加 🐽🐖豬皮同菜🥬🥬做3樣餸 車仔麵食，估唔到，個店舖呀姐，比隻爛豬手出來賣😰😰😰😖😖，無左一大忽肉 好醜樣！ 見到個賣相都唔敢食😫😫😫，又驚隻豬手爛肉會唔乾淨，跟本唔應該拎出來賣囉，叫佢換過另一隻比我，佢又唔很換，態度好差😤😤😤，賣隻爛🐷手落我碗 有覺得被侮辱 。另外 試下 食豬皮🐷，係食車仔麵必食既餸，估唔到 都係差，食左幾片 豬片入面 都有好多🐽🐖豬毛，d豬毛好硬😥😥 夾雜係🐽🐷豬皮入面😖😖😖😖，好難食🤮🤮🤮。d 菜🥬🥬又好老好硬， 仲夾雜左d爛菜🤮🤮係入面，d湯又好喊 🤮🤮😖😖無樣得.....之後我放棄了，再去第2間食過以後都唔會再去。

其實同男朋友久唔久就會黎呢間威威車仔麵食因為佢又抵食又好味👏🏻👏🏻加上男朋友住屯門，呢度搭輕鐵就到好方便👍🏻呢度嘅配料好多選擇💓基本上諗到想食嘅都有👍🏻而且食車仔麵仲會送豆漿一杯🤤平時去其他地方食車仔麵都一定要加錢先有得飲雖然都只係加幾蚊🤑但呢度包埋野飲真係超級良心小店👍🏻.我每次必叫魚蛋、雞翼、豬大腸配油麵🤤💓平時我好少會食豬大腸，因為有啲地方洗得唔乾淨會好大陣騷味🤮但呢度係我第一間試過好食之後次次黎親都會食豬大腸嘅餐廳☺️除左因爲佢冇騷味，亦因爲佢嘅滷水汁好味👍🏻個滷水味充滿成舊豬大腸唔會話食到中間唔夠味🤤雞翼都係滷水汁，食落又係好入味💓而咖喱魚蛋相對較失色，浸太耐發脹左質感麻麻，但因為我食車仔麵慣左點麵要叫魚蛋😂所以麻麻地我都會照叫.而男朋友就必叫韮菜、豬大腸、豬皮，今次仲叫埋牛腩😂佢話鍾意韮菜索曬啲湯汁嘅味同埋豬皮都好爽口牛腩個味都好夠，加埋腩汁落個麵度一流講到咁，我下次去都要試下口喇☺️👍🏻

食物愈黎愈貴.普通雞肉腸7蚊只係得一條.笑左😂企麵位牙姐大細超.麵一碗多一碗少.本來我由細食到大都覺得食物唔錯既.好老實終於明距點解愈黎愈小人.野食貴左唔係好食左唔係多左係差左同小左小得過份 一碗麵嘅份量連一個八歲嘅小朋友都唔夠飽你叫我以後重點幫襯你呢！都不特止仲要收多左我＄5雖然由細食到大好唔捨得但係我決定以後都唔會再幫襯而家租金可能真係好貴但都冇可能＄7得一條腸仔你＄5/1條我都覺得正常.我覺得＄7你唔俾兩條都應該比一條半