娜多歐陸餐廳 (已結業)

星期一午市，一行七人來到。每人各選一個套餐，選擇非常多元化。有薄餅套餐，焗飯套餐，蕃茄湯螺絲粉套餐等。套餐連飲品，個別套餐附送餐湯，價錢介乎48至68元。下單時店員再三確認內容，非常細心。送餐時間介乎5分鐘至15分鐘，想是因為薄餅及焗飯等製作需時。價錢以同區午餐計為中檔，但食物份量及味道均佳。店內裝修簡潔美觀，惟氣球裝飾有點格格不入，與歐陸無關。已和同事相約，會再次光顧，試食其他菜式。店員服務態度殷勤，值得推介。

兩個人打完波搵野食，見到有個咁抵既二人餐，二話不說就入去試試，咁既價錢做晚市相當經濟。主菜各一個pizza 一個意粉加個小食 另外仲有野飲。pizza係長條形 味道還可以 係個皮有少少硬，意粉都中規中矩 芝士味都夠，薯皮反而幾香口幾好食！

好耐冇幫襯將軍澳廣場呢間娜多 一個人黎早餐 簡單講 服務好左 出餐速度快左 味道好左！我食得開心左 滿意左！今日食 粟米火腿通+雙太陽蛋厚多士+熱檸水 成套盛惠$35 份量夠 性價比算唔錯！🤤粟米火腿通清湯比以往進步 味道重左 無之前咁「清淡」😂通粉淋但加粟米粒有口感 想食清淡 呢個係唔錯既選擇雙太陽蛋多士一向好欣賞呢度麥多士 比起平時一般餐廳用既甜多士 呢個好味又健康得多 加上今日既多士 夠熱夠脆 太陽蛋又有脆邊 加分！最後加杯熱檸水 係滿足既感覺🌞

上週未八號風球時到朋友家附近的大型商場閒逛，二人忽然紛紛想吃起pizza來，但薩莉亞因颱風原故竟然沒開，這就促使了我倆到LaDolce的主因。我們點了一個二人餐，裹面包含了一個挪威煙三文魚薄餅、法式龍蝦芝士汁焗海鮮烏冬、意式香辣雞翼及雜菜沙律一個。整體食物菜式夠多，一人只要數十元便可以吃幾款主食，眾款菜式中我最喜歡法式龍蝦芝士汁焗海鮮烏冬，上面的海鮮份量足，烏冬非常入味，吸盡了海鮮的鮮甜味，烏冬亦夠滑身！非常出色。

原本今天計劃到超級市場那層的意大利餐廳食PIZZA，因為等位太久，所以改去這家也提供PIZZA的餐廳，看看是否可入座。心中暗喜，不用再浪費時間等位了！就座後，細看餐牌。晚市套餐，有茄通，有PIZZA，有焗飯。各點了一份晚餐，另加一份豬肋骨。　　餐湯先上  羅宋湯帶點微辣。  美式燒豬肋骨十五蚊大大件，好抵食。每條肋骨很幼細，肋骨之間的肉質當然滑溜，配冮香辣惹味的燒烤汁，真的好好味！　取餐刀預備切豬肋骨時，發現餐刀有漬。焗豬扒飯　　雞蛋炒飯底   夏威夷至尊薄餅   長方形的PIZZA，只是表面凹凸不平，是現制的餅底。並非預先在工廠大批量制作，然後在餐廳翻叮的偽餅底。 馬蘇里拉芝士軟身，己溶化於PIZZA表面，跟茄膏，煙肉，洋蔥，菠蘿溶為一體了。表面則有片片巴馬臣芝士，很明顯是後加上去的。這巴馬臣芝士有其濃郁的香味，足以俌上馬蘇里拉芝士的不足。不過這批底有陣鹹水味。長方形PIZZA難以對摺，食用時有點不便。而且，長方形PIZZA邊緣有點硬，刮傷了口腔內部。餐飲：一杯熱齋啡，一杯正常加奶的咖啡。最後埋單，收據可當作５元使用。

呢個餐廳都幾抵食，佢個2人set dinner 個價錢系幾唔錯的。嗌左個雞翼，pizza同埋肉醬義粉，仲有兩客羅宋湯。個人黎講，我都幾中意個羅宋湯，因為足料，味道夠香濃，亦有小小辣，好啱我口味。個雞翼亦好唔錯，佢外脆內軟，好夠味，點埋個醬，真心正。佢個pizza亦好香口，足料，亦唔會話好膩，不過個意粉就有d失望，因個肉醬麻麻地，唔夠香，食落有d膩，個面亦一pat pat甘，好乾身，唔係甘好味，所以意粉都幾失望。

呢間餐廳主要以西式fusion菜為主，但係價錢平民。晚餐一個套餐有焗飯或者意粉配以小食，餐飲，餐湯，好豐富。套餐用一個木製嘅盤上，感覺好優雅，好精緻。肉醬意粉味道濃郁，上面嘅芝士都好多，有拉絲嘅感覺。薯條好香脆，餐湯嘅蘑菇湯亦好creamy 同香滑，個套餐只係70多元，算係唔錯。

兩個人只有一個鐘午飯時間，揀咗唔駛等位嘅娜多歐陸食飯。見到有一個$138嘅兩人餐，可揀兩個主食，一個小食同兩碗湯或者兩杯咖啡／茶，揀咗一陣發現叫兩個餐更扺！一般五十幾到七十蚊就有一個餐，有湯、一款主食有埋飲品。上菜嘅時間超快，先上餐湯，唔洗五分上埋主食同餐飲。其中一味係濃芝士卡邦尼意粉，份量唔細，但係芝士汁就太稀同無乜芝士味。另外一個係焗芝士魚柳飯，相對味道濃一啲，但係汁同飯嘅份量比例太少，食到後尾有啲太乾。

今日和家人在將軍澳吃晚反，選了這間因之前吃過覺得不錯。因時間尚早，所以不需要等候，環境簡潔尚算舒服，餐牌也有很多選擇。除了反和意粉套餐也有小食和Pizza。家人點了日式焗雞扒反，HKD58 元包餐湯，飲品，茶記價錢。我就點了雞扒拼豬扒配意粉,小小沙律菜，HKD68 元包括餐湯和飲品。加錢可配凍饮和特飲，食物質素和味道算ok 嘅。全部都是熱騰腾的，服務員都很細心。這個價錢，其實也不能太高要求。大家吃得開心。

新餐廳開張總會人山人海，新鮮期過去又回復平靜。就好似位於將軍澳廣場中的 “La Dolce”……等左好耐終於不用排隊可以第一次食呢間新餐廳。餐廳開揚，以為只有門口幾張椅桌。經職員帶領下，原來裡面還有不少空間，放了不少椅桌。四周的擺設簡單又自然，營造出悠閒自在的用餐環境。“La Dolce” 的菜式選擇不太豐富，主要分為焗飯、蕃茄炒蛋湯通併肉、Pizza及意粉。 價格定位有驚喜，大部分菜式只不過五、六十元，但都包含餐湯及餐飲。（現在寫食評才發現當晚店方沒有呈上餐湯，真失察……）蕃茄滑蛋螺絲粉……以為早餐才會有的菜式，在“La Dolce”的晚餐竟然出現，旁邊的不是多士炒蛋，換上的有幾款肉供選擇，有豬排、牛扒、豬頸肉、雞扒及雞翼。最後揀了【蕃茄滑蛋螺絲粉併美式榖飼牛扒 $68】這個蕃茄滑蛋螺絲粉（可選意粉）賣相平平無奇，中間放了炒蛋……打了折扣……味道當然是蕃茄味，但不夠真不夠鮮味。湯不夠熱又找不到蕃茄粒，求求其其的蕃茄湯粉。牛扒賣相一般，有如快餐店出品。店員沒有詢問我們要求牛扒幾成熟，呈上的牛扒已經切開，牛扒沒有半點的粉紅色就是全熟吧。雖然賣相馬虎，但肉質不太嚡口而且是有牛肉味。今晚最好

新年期間，出門拜年，十分勞累，所以不想煮飯，於是外出晚餐。來到這區域，有中菜酒樓，日式拉麵，和西餐。由於豆丁不想食中菜，唯有在日式及西式，二選其一。２邊皆需要輪籌等位，剛好這家西餐的排位入座時間較快，所以大家就在此晚餐了。就座後，細看餐牌。噢！又有新春套餐：４人套餐／２人套餐，幸好也有多款的一人套餐。最後散點了三份一人晚餐，４人分享。餐湯與餐包　夏威夷茄茸芝士焗豬扒飯　　碎蛋飯底，茄汁與芝士配大大塊豬排。黑松露野菌芝士焗長通粉　長通粉比較軟身，黑松露不夠濃，有點到喉唔到肺的感覺。 另有炸薯及沙律拌碟。芝士達人薄餅　長方形的薄餅夠特別。批邊硬堀堀，中間底部夠脆。表面鋪滿不同的芝士 : 深色膏狀的車打芝士醬，淺色片狀的馬蘇拉之士，溶化為糊狀的巴馬臣芝士，不同的芝士各有特色。還有洋蔥及蕃茄，就是喜歡如此簡簡單單，無需加太多花巧，也很好味。熱咖啡　不懂欣賞這杯咖啡囉！　這裡改善了服務，由自行付款，改為全程由職員招待。服務提升了，價格也提升了！難怪初三假期，亦只需等候十五分鐘，即可入座。消貴者的價格敏感度十分高呢！

夜晚我同女朋友去將軍澳食晚飯。見到佢個二人套餐幾抵，大約$27x，所以決定試吓。（最後埋單$320左右，因為叫咗兩杯特飲） 白湯唔稀幾好飲，但最鍾意係個麵包，又脆又有少少蔥油餅嘅味道。佢嘅小食拼盤份量唔多但多元化，有香草麥皮蝦、脆炸單骨雞同埋豬肋骨。單骨雞唔油同埋幾香口，但我認為麥皮蝦豬肋骨比較遜色，食嘅時候已經唔熱。主菜我哋叫咗肉眼扒配薯菜同埋龍蝦汁軟飯。 肉眼扒我哋叫咗5成，牛肉食起來都幾嫰幾好，外皮煎得幾好唔係過焦，唯獨油脂唔係太多，同埋薯蓉太blend冇乜味。總括來講肉眼扒都幾好水準至於嗰軟飯，我認為更加出色。我好鍾意個龍蝦汁夠濃，至少個菜式叫海鮮真係有青口同蝦，份量都好足。總括來講， ＄320嘅二人套餐都好多嘢食，肉眼扒嘅size都算大，主菜同餐飲都算唔錯，除咗拼盤唔係太好。環境尚算不錯，侍應都好好服務，所以下次會再來光顧!

呢間娜多歐陸餐廳每星期同老公亞女必去食早餐，食物好味，侍應服務好，上菜速度又快！最重要係等位唔耐！每次亞女指定點吉列魚柳，魚柳唔腥，白汁碎蛋沙律又好味！連老公唔中意食魚都話好味就知！

幫襯過幾次，今次叫了焗肉醬意粉套餐。有磨菇湯、意粉、沙律、薯角、咖啡或茶，十分豐富，大食嘅都滿足到。沙律正常，用黑醋都唔錯。磨菇湯似一般罐頭湯。主菜焗肉醬意粉鐵板上，有啲奇怪但好夠熱。肉醬耐唔中有筋有硬嘢，但都算OK。焗肉醬意粉同薯角都太鹹，未必個個喜歡。$54實在係超值，醫肚最啱。

今日下午考完試好肚餓, 見屋企附近有間意大利餐廳, 環境幾好, 又有下午茶, 就同同學仔走去試下。我叫左呢個下午茶餐意大利羅勒芝士魚柳飯($47)個羅勒芝士汁幾香, 又多,配埋蛋黃炒底飯同滑滑魚柳, 真係唔錯, 可惜冇咩其他餸, 有少少寡, 但四十幾蚊黎講, 性比價算幾高。以半價$12叫左杯熱棒子泡沫咖啡有少少棒子味同咖啡味, 不濃郁,但勝在大大杯, 對不太識飲咖啡既我, 可以接受。不過, 個地有d“粒痴痴”同枱面有杯印, 如果可以加強清潔就perfect池了