娜多歐陸餐廳 (已結業)

夜晚我同女朋友去將軍澳食晚飯。見到佢個二人套餐幾抵，大約$27x，所以決定試吓。（最後埋單$320左右，因為叫咗兩杯特飲） 白湯唔稀幾好飲，但最鍾意係個麵包，又脆又有少少蔥油餅嘅味道。佢嘅小食拼盤份量唔多但多元化，有香草麥皮蝦、脆炸單骨雞同埋豬肋骨。單骨雞唔油同埋幾香口，但我認為麥皮蝦豬肋骨比較遜色，食嘅時候已經唔熱。主菜我哋叫咗肉眼扒配薯菜同埋龍蝦汁軟飯。 肉眼扒我哋叫咗5成，牛肉食起來都幾嫰幾好，外皮煎得幾好唔係過焦，唯獨油脂唔係太多，同埋薯蓉太blend冇乜味。總括來講肉眼扒都幾好水準至於嗰軟飯，我認為更加出色。我好鍾意個龍蝦汁夠濃，至少個菜式叫海鮮真係有青口同蝦，份量都好足。總括來講， ＄320嘅二人套餐都好多嘢食，肉眼扒嘅size都算大，主菜同餐飲都算唔錯，除咗拼盤唔係太好。環境尚算不錯，侍應都好好服務，所以下次會再來光顧!