影片
港鐵調景嶺站 B 出口, 步行約1分鐘
繼續閱讀
開飯介紹
麻酸樂集團首間全麥意大利餐廳，於各種食材中加入小麥烹調，意粉選用來自意大利按當地規定用杜蘭小麥製造的意粉，另設有兩間VIP房以私房菜形式供應意菜，設最低消費而沒有指定餐牌。
繼續閱讀
營業時間
星期一至日
09:00 - 22:30
以上資料只供參考, 請與餐廳確認詳情
招牌菜
食評 (59)
娜多歐陸餐廳 La Dolce Italiana是一間價錢合宜的西餐廳，當中的煙三文魚薄餅是推介之選，上面放有大大粒魚子及新鮮的煙三文魚，給人一種相當可口的感覺，薄餅的口感相當鬆軟與上層的芝士配合的天衣無縫。特別推介店內的二人套餐，份量可供4人享用，相中的薄餅就是二人套餐內的主菜之一，另外更有意粉可選擇，意粉質感有當有咬口，與上層肉醬配合得洽到好處。隨餐可選心太軟作甜品，是喜愛甜品的你必然之選，流心朱古力配上云呢拿雪糕真是絕配。
繼續閱讀
娜多 - 調景嶺平民化西餐一個人夜晚通常都幾怕食西餐但發現佢地有個新既茄湯螺絲粉餐就比個機會佢啦見到有六個配菜揀 當然要揀我平時最鐘意既吉列豬扒 點解會最鐘意？因為夠熱夠脆夠新鮮囉一上菜 果然無令我失望吉列豬完全係滿足曬我三個要求 不禁要講聲好好味呀！茄湯夠香夠濃夠淍身 足料囉！炒蛋夠滑 襯茄湯 夾囉！仲配多杯飲品其實夜晚$58仲有咩可以講？肯定會再黎囉！係咁多！
繼續閱讀
今日lunch食左個西班牙蕃茄海鮮軟飯，唔錯架上菜個陣熱辣辣，服務員仲貼心講左句"小心熱呀"~ 個飯好濃郁，酸酸地嘅蕃茄汁，仲有啖啖芝士味不過唔知係咪太濃，食返海鮮個陣就覺得唔夠味，有d淡！整體不錯，但一個人食會太飽，食唔曬，有d滯，可能因為有芝士！可以兩個女仔share
繼續閱讀
成日話地產霸權，搞到啲屋苑商場店舖千篇一律，但今日再到呢間餐廳食TEA,有時連鎖店水準比較穩定，都係唔錯嘅選擇。 餐廳樓底高，有落地大玻璃引入自然光，而且座位間間距夠，唔會逼逼夾夾。食TEA都加倍悠閒。 一口西多士餐跟即磨咖啡$33切成小塊金磚嘅西多士，有別於老土做法，又牛油又糖漿，而係配煉奶同朱古力醬，不分甜味又新潮。多士即叫即整，炸得金黃鬆化，有水準。即磨機啡尚算濃郁。呢個價錢其實性價比甚高。
繼續閱讀
星期六一早起身落街打波，打到2點幾先覺肚餓去食飯，朋友話去Ladolce食因為唔使等位，我就話是但啦就入去食早知係出面睇下個餐牌先入黎食啦，貴到你呢，平均一個tea都要四五十蚊，早知就食隔離間麻酸樂啦，雖然要等位但起碼平一半呀。。。。。。算X數既然入左黎坐低左又走番出去好樣衰，求求其其唔理好醜乜都嗌左d，雖然得兩條友但嗌左四樣野，冇計真係好鬼肚餓呢個係我嗌既，唔知點解突然間好想食漢堡飽，一上枱嘩差d想請粗口，我知係迷你版但都唔係迷你到咁呀？？俾細路食都唔夠飽啦！我真係一啖一個食完，其中最正常咪個芝士牛肉漢堡囉(心諗我做乜唔去食m記，又便d又大份咁多，起碼我食完唔會肚餓)，其他果兩個真心唔好食。連應該唔會難食得去邊既薯條佢都可以整得唔好食，一味得個熱，真係好佩服佢呢個係朋友叫既，又係一個超級迷你版，其實間餐廳有冇諗過佢既tea男人係唔會食得飽架呢？我諗女士們都未必食得飽。我冇試到個通粉，望落去一pat醬咁，朋友話麻麻地同埋唔飽囉，舊炸魚我食左一舊，好多粉，唔好食，同埋又係得果3舊仔唉係完全唔飽、好似冇食過野既情況底下我地再叫左兩樣野食，一個係咩一口西多士，又俾佢個名fake左，我以為係茶餐廳果d西多，點知係個甜品！淋左d朱古力醬搞到佢不中不西，我寧願佢整番個正常西多士俾我好過是日最最最正常既係個窩夫配雪糕，窩夫就係出面街邊食到果隻味，有少少蜜糖味咁，雪糕係芒果味。我極度懷疑我係因為食左個窩夫先有d我食左野既感覺埋單雖然唔使加一，但兩個人食tea每人要成$90，又貴又好難食既情況底下絕對冇第二次！
繼續閱讀