娜多歐陸餐廳 (已結業)

平日喜歡到處遊走，累了，便隨便找間餐廳吃吃。這個下午茶set 很抵，煙三文魚意粉份量不少，醬汁creamy而味道又適中。 蛋沙律雖然份量小d, 味道卻清新爽脆，魚柳是新鮮炸，有3件。 加埋杯熱檸茶，很滿足!

菊花杞子蜜～～～～ menu上圖片與實物不符意式全餐～～～～ 炒蛋有不少蛋殻...........味道～～～～ 更不如一般茶餐廳，只係價錢尚算便宜，但仍然不值得推薦。。

好多時想黎食野，但次次都有人排隊等位，今日難得冇人等本來今日係想黎試下個英式早餐。。以前食過幾次，自從改左裡面既材料之後份量又減少埋，所以都好耐冇食，最近睇網友post既相，見轉左新配搭，興之所致就想試下不過見到個餐牌之後，一望到奄列。。我又改變主意其實1同3入面既食物都係一樣樣，只係蛋製法唔同一個就黑松露炒蛋，一個就磨姑奄列，而我經過一番考慮後，係揀左3，價錢亦平d幾鍾意佢用麥包整多士，食同睇都覺得健康d，而其他材料都不錯，但唔會話特別好食，不過個薯餅我擺左好耐都仲係好脆口，而奄列食落比較油同唔香，但都可以接受，依度既咖啡係即磨咖啡，所以不會有太大期待，但總結依個輕盈餐其實都幾飽肚的，下午茶時間仲有其他野食揀，大家可以參考下

$228加一竟然有冷盤海鮮鮑魚、一意份一pizza 包湯包飲品嘅二人餐，落單前已經問定$228係咪一人價錢，waitress話係二人.....於是，海鮮冷盤有係無海鮮味嘅，只有口感。餐湯麵包、pizza 都叫ok, 海鮮意粉嘅海鮮好似唔熟，啲粉林bet bet 咁嘅，無食晒，杯特飲係下載個app 就免費升級，但唔好飲。返到屋企仲.....果然貪平係仲要找數.....其實$250二人餐唔係貴，就算無個海鮮盤都唔過份，但真係俾啲誠意丫。見間餐廳雖然唔駛等位，但都幾乎坐滿諗住無伏，點知…或者唔叫呢個餐會好啲嘅…

星期六過咗去馬鞍山搵朋友食晏, 見到間間餐廳都咁多人, 唯獨呢間無人等位, 由於非常肚餓既關係,二話不說就入咗去. 座位都算闊落,坐得舒服~ 我同友人點咗肉醬意粉同all day breakfast 一齊share, 2樣野既size分別好大, 意粉好細兜, all day breakfast 好大碟,賣相都唔錯~ 肉醬意粉味道無咩特別, 但個all day breakfast就出事~啲菇有少少變壞咗,酸酸地~煙肉又好dry,好似食緊豬肉干咁~ 值得一提既係我地點咗1杯熱奶茶同熱咖啡, 奶茶唔滑之餘仲要苦到"刼"口,飲1啖已經唔想再飲, 杯咖啡仲要出奇地....等咗20分鐘先俾到我~其間叫過3個侍應幫我跟下有無漏單

假期最喜歡去嘆下午茶，嗰日去咗呢間餐廳。佢地d下午茶有好多選擇，我就點了這個雪糕waffles. 單係睇張相，就見到好味啦！Waffles 旁邊還放了些berries 作點綴，睇得又食得。當日仲咁好彩有個窗口位坐，望住街嘆tea果真係爽！

呢晚再次光顧，因為佢平靚正！！！而且款式多，岩我鐘意試新嘢既人。等男朋友放工，直入門口吾洗等位都係佢既賣點之一。上次見all day breakfast好平，但水準吾知係點，所以擇左呢個burger set試試。而男朋友比較鐘意正餐feel既菜式，所以擇左魚柳烏冬套餐。一開始serve餐包同餐湯，呢度冇影，因為只係茶餐廳一平貨色，冇咩特別。我個餐黎先，一擺上枱，我真係擘大個口，呆左一陣……四十幾蚊個餐竟然豐富到大過我個頭！！！全部食物吾算交行貨，薯條香脆，吾油膩，亦冇千年油個種難聞油煙味，幾好味。沙律算新鮮，咬落係爽口，只係吾夠甜，個汁酸酸甜甜，食落開胃。重點係個burger！包皮烘過，所以邊位會有小小焦脆，感覺有心思。而煙三文魚份量好多，冇一般食開甘咸，而且可以用肥美形容。三文魚下墊住沙律蛋,個醬份量岩岩好，調味足，好好味，整體好滿意！而男朋友都忍吾住要share黎食！ 魚柳烏冬偏清淡，因湯底夠清同少油，夾起啲麵黎食個陣，感覺好舒服。至於要求重口味既人，未必岩。魚柳份量都吾嘢少，好大塊！但肉質鬆散左啲。 講真，四吾十蚊食一西式套餐幾乎搵吾到，呢度又餐湯、飲品，最後仲有甜品，點會吾撐佢

馬鞍山市中心的兩個商場，近年來積極地重新整頓，導致區內的商店食肆，來了一個大執位，昔日的大酒樓，切細了，二樓的地方騰出不少的空間，讓新的店舖入場，是日一早，我決定在外慢用一個早餐，於是，我來到馬鞍山廣場二樓，來看看這一家叫《娜多》的西餐廳，有什麼好東西食。上次在將軍澳食，也是早餐，這一次在馬鞍山食，都是早餐，而這一次，我食返個 Hong Kong Style 少少的既餐，是公仔麵仿佛是最好。Hong Kong Style 的，是回鍋豬頸肉公仔麵，好的地方，是很認真的一個回鍋肉，絕不是開罐罐頭俾你食咁大路，不過，他們也的確做到同罐頭的一樣味，只是肉變成了新鮮的豬頸肉同筍變成新解的筍而已，這麵可以笑一笑。另我可以說，這是一個很豐富的早餐，因為有個脆皮包，有餐肉同蛋，食晒之後，是絕對的飽飽飽。奶茶，我沒有細味去品嚐，第一口的感覺可以說很一般。服務上明顯唔夠人，而且好像旁邊的米線餐廳是同一集團經營，有不少姐仔要兩舖走，所以，有少脾氣的。

朋友家住馬鞍山發覺原來係馬鞍山市中心新開左間西餐廳叫做「娜多歐陸餐廳」所以搵的一試當日係星期六所以都等左一陣位 (二人餐) 個滋味小食拼盤(煙三文魚沙律、忌廉芝士焗田螺伴薯、BBQ烤雞翼)唔係講笑個田螺真係好好食(二人餐) 意大利菜湯 / 忌廉湯 配法式麵包~巴馬風乾火腿伴蜜瓜~個哈蜜瓜就最好食，夠哂甜~(二人餐) 加勒比海薄餅，揀左薄批，我覺得麻麻地啦，因為我始終鍾情於芝心批~(二人餐) 日本珍珠帶子菠菜忌廉意粉，夠哂多汁，菠菜又好好食(一人晚餐) 加拿大蟹肉鮮蘆筍南瓜忌廉飯，味道淡淡地，鍾意食得清淡D的朋友可試下既~本係其實係想試豬肋骨架，但賣哂，由於係跟餐既，上左個湯同個包先黎同我講賣哂，唯有揀另一個主菜啦，店員應該要一早check清楚嘛，所以就揀左依個啦~我地upgrade左兩款甜品，就係心太軟同芒果窩夫，如果唔upgrade就會係布甸。本人覺得舊雪糕先係最好食既，個布甸就認真麻麻，好彩有upgrade到兩款姐！一款都係加10幾蚊，四個人share番都超抵！整體黎講味道係唔錯既環境都令人坐得幾舒服店員好有禮貌價錢都可接受所以如果黎到馬鞍山不妨可以試下！

我同老公兩個人起馬鞍山唔知有咩好食，肚餓又落大雨，諗住貴少少都唔緊要西餐廳坐得舒服啲就入嚟食。坐低後見餐牌唔齊，搵侍應嗌極都唔應，有啲就見到扮見唔到，有啲應咗叫等陣但轉個就冇咗回事。嗌到侍應，同老公一人嗌一個晚餐，Dinner B 嘅 9 號日式帶子忌廉菠菜意粉餐，老公要 16 號七成熟嘅鐵板肉眼扒餐。餐湯同意粉都不過不失，意粉份量比較少，男性食嘅話未必夠飽。但我食完個意粉，份鐵板都未到，追單之後同遲嚟客人 order 嘅鐵板餐同時間先上。(最少30分鐘) 鐵板餐上汁時冇平時嘅"炸炸"聲，即個板唔夠熱.....塊肉眼又嚟咗十成熟, 非常 "un"，老公自己數過要𡁻八十幾下先吞得到，伴菜凍的。最後，甜品 OK ，嘢飲冇特別。總結嘢食唔好食，服務又差，但仲要加一，真係好唔值。以後都唔會再嚟！

不經不覺La Dolce Italiana已變成筆者與家人常到的飯堂，這天下午吃的tea set與薄餅無關，卻因此而發現原來除了pizza以外，也有很多合心水的食物啊~1. 挪威煙三文魚蛋沙律燕麥包茶餐 32元具粒粒燕麥質感的軟軟熟三文治包，夾著厚厚碎蛋沙律和煙三文魚塊餡料，喜歡它下的沙律汁醬不過盛，吃起來較清爽，也吃到雞蛋淡淡香味，配合鹹香油潤的惹味煙三文魚、生菜和番茄，質素當真比茶餐廳的好多了，即叫即炸粗薯條外脆內粉腍， 調味適中香噴噴。2. 黑松露忌廉汁芝士焗西蘭花斑球飯茶餐 38元作為下午茶的份量相對減少，以小圓鐵盤原碟呈上，新鮮熱辣。標明以黑松露入饌，以這價錢，本身冇抱大期望， 果然是連一丁點黑松露香氣也沒有，帷面頭芝士忌廉焗得焦香倒不賴，配西蘭花好吃，雪藏魚柳顯現將快變壞的味道，不太新鮮，整體質素平平，是不推介的焗飯款式。3. 大吉魚柳濃湯烏龍麵茶餐 38元嘩！眼見放在面前的巨型炸魚柳已喜出望外啊！金黄外層炸得鬆脆無比， 香口而不油膩，魚肉夠厚度又嫩滑，咬下屬外脆內嫩的標準，配合濃香豬骨湯底的彈牙烏龍麵已經教人窩心，來杯香滑具水準的茶走，下午時光即時愉快叉電！4. 挪威煙三

今晚吾想做煮飯婆，所以揀左呢間未食過既餐廳試下。呢度款式同套餐好多，有啲眼花繚亂。睇睇下，見到四五十蚊一個all day breakfast,真係以為自己眼花。但今晚想食鳥冬，亦係我揀呢度既原因；同時諗住男朋友會食到啲清既嘢，冇甘油膩。點知佢都係吾理腸胃炎未好返，叫左個西班牙海鮮燴飯，轉餐跟白湯、餐飲，另加小食田螺焗薯蓉。我都係隻眼開隻眼閉。而我自覺太熱氣，叫左炸雞翼泡菜烏冬。我同佢其實都係差吾多，Lol先黎個餐包加白湯，好普通，冇咩料，但又冇話好吾好食。個包就好明顯又硬又乾，我寧願佢吾加。佢上菜速度還好，等左十分鐘左右。烏冬吾夠滑，但個湯底吾算油膩，吾太鹹，算幾濃味。至於炸雞翼配泡菜既組合幾得意，雞翼皮脆，肉算多，幾好味。至於泡菜有啲辣，但接受到，吾錯。田螺係小食份量，份量ok,雖則吾係肉厚，都叫有咬口，味道吾會太鹹，調味料冇落太重手，所以幾好味。海鮮飯賣想偏乾，仲有隻冇開既蜆。食落味道有啲淡，吾夠濕潤，反而海鮮份量適中。整體黎講，價錢平民，有得食意大利菜，又有得食日本菜，環境舒適，算合格，會再黎。

再次到訪La Dolce，印象深刻的是此處薄餅的超巨型size**************N年前在La Dolce吃過一兩次意粉後便未有再回頭，想不出原因，但感覺就是對食物沒有留下深刻印象，事隔多年，從aunt口中推介她的早餐番茄通粉後，我們一家就開始再度"關注"啦，午茶時段太繁忙，店員未有時間安排座位，那我們自行找個位置吧，卡位闊落坐得舒服，配合全店歐陸式純白椅子、淺啡木枱及一室暖和光線，的確讓剛由沙田領取特區護照趕回來的筆者感動。午茶有30款，再加3份全日餐，選擇多得夠誇張食物款式定期更新，為顧客帶來新鮮感已是下午3時15分，大家也餓透，看看餐牌吧，意想不到下午茶種類包括小食、意粉、飯、薄餅和甜品等數共30款，教人驚喜。3人今天都想吃薄餅，連忙點了個加勒比海薄餅 (HK$42)及三色芝士 (HK$42) 各配飲品凍咖啡 (加HK2) 和熱檸水，額外加HK$16要了兩份忌廉芝士伴西蘭花焗薯蓉。由於薄餅即叫即焗，大約等了十多分鐘，成品呈上，我給它的體積嚇呆，沒錯，每個份量有如"家庭裝"，心中想到是: 早知點一客茶餐就足夠啦!" 看到這個七彩繽紛的大型PIZZA，未吃已教人滿心歡喜!先來

同一班莊員去完color run 個活動😂係馬鞍山食左依間野😂四個人叫左三個餐！！環境好好 好休閒 有cafe嘅感覺！依個正！有粒青口嘅野！雖然得一粒 但好好味 好爽！意大利嘅燴飯！味道啱啱好 唔會好濃！依個最正！因為個人比較中意肉醬意！d肉醬有質素 唔會一patpat咁！值得一讚！有機會再去馬鞍山 會再食😆

同事推介呢間餐廳既all day breakfast!但平時出面一份都要$70-80，但呢間只需要$50仲包一杯野飲！唔係唔試呀 比呢個價錢我覺得有驚喜！因為全部都整得幾好味！首先講個炒蛋，夠滑身，兩款腸仔紅色的比較好味，皮夠脆身唔太salty,白色果條比較林肉味唔夠,但2條都唔似cheap野，最好味既就係炒菇，好香口！蕃茄兩面都有煎過所以無左陣草味!唯一不足就是面包不是熱的,如果熱既就更好!唔想出到咁遠又想係all day breakfast,其實可以試下！