娥姐粉菓

營業中

休息中

娥姐呢個名我細細個就聽過啦！趁住今日係最後一日既港鐵半價優惠，就專誠去太安樓會一會佢啦雖然呢娥姐最出名係佢d粉果，但係識食一定係食燒賣d燒賣係粉既比例多過魚肉，所以咬落去零舍有口感但可惜d豉油同辣油唔太夠味，所以我連粉果都冇試就走左lu~

之前見到網上介紹呢間嘅雞蛋腸粉係必食，咁今日去太安樓就決定試下，見到餐牌上面寫住雞蛋腸粉係23蚊，同阿姐講要一客，佢問我要唔要蔥，我話唔要，到佢落粉漿嘅時候又問要唔要蔥我又答唔要，但呢個時候佢居然話 “下？但我落咗啦喎。你頭先話要！” 坦白講，我覺得搞錯張單真係唔緊要，講句唔好意思整返好就ok。但你仲堅持係自己係啱仲聲大大咁迫我硬食就真係好無賴，之後仲同我講要收我25蚊。本住息事寧人就唔同佢嗌交，但心入面默默覺得就算幾好食都以後唔會再嚟食。但可惜個腸粉係真係完全唔好食。腸粉好油膩又粉，腸粉本身一啲都唔滑，唔知係咪為咗掩飾呢樣嘢所以上面嘅汁係非常非常油，個汁亦唔係豉油，係一種好奇怪嘅味，甜甜地夾油膱味，個人真係唔識欣賞。雖然係雞蛋腸粉但我真係食唔到蛋香，太安樓咁多好嘢食真係可以唔食呢間。☹️☹️☹️

去太安樓target咗兩樣嘢想食，第一樣係海南雞飯，另一樣就係魚蛋佬嘅沙嗲魚蛋同魷魚。好可惜魚蛋佬無開，但好想食沙嗲魚蛋，如果唔係我都唔會幫襯呢間。問呀姐有無魷魚，佢話無☹️，唯有叫串魚蛋同齋，叫完佢無反應掛住同人傾計👎🏻結果當佢同完人傾計之後又問我地食咩😓⋯完全冇禮貌。唔知點解佢啲竹籤要倒返轉拮，尖個邊係向住自己，拎起嚟要就住，驚篤到手。魚蛋質素同味道都同魚蛋佬爭好遠。啲齋咬落好多水，溝稀晒啲汁，不過啲汁就算冇被溝稀都唔好食，沙嗲味太淡，唔入味。總結下次魚蛋佬就算唔開，幾想食魚蛋都唔會再考慮👎🏻

黎太安樓之前已經search定有咩野仰必食，依間娥姐係頭號人物。網上都大讚佢啲皺紋腸粉好食，聞名不如見面。一入到太安樓已經見到間店，中午3點正值Peak hour，大排長龍。除左腸粉，仲好粉菓，魚蛋等小食。我地只為佢既腸粉而黎。叫左一份雞蛋腸粉。做得好食既皺紋腸粉只需簡單的食材和豉油就已經足夠，不需要花功，多蔥、多醬甘。皺紋腸粉既皮一定要做得夠薄，帶點煙煙軔軔的感覺才是正宗的。可惜，食間店做不到傳統的味道。敗點是佢D皮太厚、太多粉，雖然好有飽腹感，但因而失去左皮薄煙軔感。變相茶樓D腸粉甘，只有米漿的味道，雞蛋味都吾突出。另外，佢個醬都吾係純豉油，係怪怪的醬油。對此表示失望的!

個人很喜歡皺皮腸粉如果見到餐牌上面有，就一定會點黎食下小舖位於太安樓，不難找。第一次去的時候，約下午一點多，太早的關係，碰了門釘。唯有第二日再去。太約四時多，終於看到娥姐了！點了份皺皮雞蛋腸粉，即叫即做，但等候時間不到10分鐘二話不說，新鮮熱辣辣腸粉出爐！立即回家品嚐打開盒，除了雞蛋香氣撲鼻，還看到金黃色的腸粉，十分吸引眼球，令垂涎。娥姐毫不嗇色雞蛋 但可能是我期望過高😂 吃第一口時，便覺得滿口是油😅比較過往在任何地方吃的腸粉，這次真的很油的感覺。香是香，味道也不錯。但我應該吃過一次過下口癮便足夠了。

娥姐粉菓 西灣河筲箕灣道57-87號太安樓地下A01舖-----😛茶樓港式腸粉就食得多啦 櫃筒式台山腸粉B仔都係第一次食 難得係太安樓見到有 就決定try一try佢個香蔥蝦米腸粉（$25）蝦米香蔥份量都幾多 蝦米好香口唔會太硬得黎又有d脆 香蔥個味亦唔會太青 腸粉ge本身幾滑 但係因為癡埋曬 一夾起就斷 食ge過程比較狼狽 豉油係自家製豉油 唔會太鹹唔會太甜 不過好多油 heavy左少少 總括黎講 其實係唔錯ge 亦都好值得一試 不過B仔個人較為中意餡大件d ge港式腸粉多d-----B仔整體評價：7.5/個👍🏻B仔抵食程度：7/10個👍🏻B仔環境評分：外賣😝B仔味道評分：7.5/10個👍🏻B仔回頭機會：7.5/10個👍🏻-----

去到太安樓發現海南雞無開😭行行下見到呢間買腸粉買，於是就試下瘦肉腸加雞蛋，點知原來加隻蛋要加$10🤦🏻‍♀️不過因爲係大陸食開呢個配答，所以就試試啦🙈估唔到！好好食！有鄉下的味道🤤😂又大盒。所以成個$33都覺得算ok😂

雞蛋腸 HKD23平時飲茶，布拉腸粉就食得多，但櫃桶式嘅台山腸粉真係好少見。仲好記得以前細個嗰時，樓下有間粥舖，我幾乎每日早餐都會食呢款台山腸粉，食完先返學，諗起都令人懷念，所以係充滿咗童年嘅回憶。一直都好想搵返以前既味道，但原來一啲都唔容易。娥姐粉菓都算係太安樓一間比較出名既小店，不過坦白講，佢嘅腸粉始終都係唔及回憶中咁好味，雖然佢保持到台山腸粉最重要嘅層次感，可惜整體嚟講都係唔夠嫩滑，有啲失色～如果可以再滑啲同薄啲就perfect!

今日放假和朋友經過太安樓，便進去看看有無美食可試試。看到網上有文章介紹鵝姐粉果是必食，便和朋友去試試。因為我們已經食左其他野，不太肚餓，所以嘗試問問可否買兩隻，店員（只一個女人）話得，佢就即時放去蒸爐蒸。見標價是20元4隻，以為2隻10元，點知付款時店員話12元，咁都算啦。見啲粉果長型貌似好大隻，點知一食皮厚又好粉狀，一點都不爽不煙勒，餡料又少，無芫茜無韮菜，辣油又好像益益地，豉油又不特別好味，一句講晒：難食！

我個lam lam 脷係比個燒賣架ja這個鋪位有很多嘢食，但係最好食嘅就只係魚肉燒賣only。佢嘅滷水唔算香，所以佢嘅滷水食物可以唔使試。而且咖喱汁都唔係香，所以令到咖喱魚蛋都冇乜特別。講返主題佢嘅魚肉燒賣，係比較細粒嘅嗰種，而且比較彈牙，價錢又唔算貴，唯一要挑剔嘅就係豉油，因為佢用嘅豉油係比較鹹嘅，而我自己係比較鍾意食甜嘅豉油。問過阿姐佢話佢唔會用啲甜嘅豉油，佢話喊嘅豉油比較多人鍾意。咁我相信無論鹹嘅事又或者點嘅時候都有佢嘅支持者嘅。最後要講嘅係，佢買嘅腸粉，有一個叫做蛋腸粉嘅嘢，其實只係喺腸粉上面打隻蛋，完全冇特別嘅，可以唔使時，味道亦都一般，因為又唔係特別滑，豉油又係鹹豉油。阿姐嘅主力，應該係買粉果，但係我食過去啲粉果，只能夠講，無咩特別......試一次都無壞嘅

燒賣（$6串/$15碗）👩🏻👧🏻草根掃街有咩必食我地會答你係燒賣🤤去到太安樓，一入到去第一間見到$15碗俾完錢後呀姐拎左3條俾草根。。。。。。。。😯其實唔用發泡膠碗係更好，環保d♻️但係點解唔直接打$15/3串😂？呢間係賣傳統魚蓉燒賣🐟草根中意食魚蓉多過豬肉🐷味道唔錯呀只係好明顯蒸得太耐，蒸到發晒🙈口感有d太腍了不過一串5粒，即係一蚊一粒仲可以要求d咩呀🤫

近排見到d飲食channel介紹太安樓美食時都會提及到「雞蛋腸粉」，今日我係慕名而來的，估唔到名不虛傳！我order咗一份雞蛋腸 ($23)+一串牛丸($7)，剛好$30。雞蛋腸即叫即蒸，豉油雖然好油，但配埋雞蛋腸好惹味，個豉油味道有d似蒸魚豉油，雞蛋腸口感好好，滑溜得來唔會溶溶爛爛，有d咬口。其實都食唔出有咩好大嘅雞蛋味，但配埋d蔥花同豉油，令佢嘅味道加晒分。至於牛丸就係普通黑椒牛丸，好稔，可以唔駛order。排隊期間我見唔止一個客係order雞蛋腸+燒賣（本身燒賣$6一串有5粒，如果拼埋雞蛋腸”娥姐”會收齊頭$30俾6粒燒賣），我諗呢個應該係一個幾好嘅配搭。本身唔食粉菓嘅我，之前係完全ignore呢間小店的，但如果下次有朋友問太安樓有咩好野食，我又多一間可以推介啦！#支持小店

放假特登來到西灣太安樓掃街，餓左成日嘅我哋，見到咁傳統，只有大陸才有的製腸粉機器，即刻忍唔住買咗份雞蛋腸粉試下。所有野食一眼望曬，除咗腸粉，粉菓都係呢間店既特色，不過下次先試🤓雞蛋腸粉$23，有蛋，腸粉，同蔥花和腸粉豉油略貴，但腸粉豉油好香，同腸粉好夾，如果可以多啲蔥花有蒜頭就perfect!

上網睇到西灣河有呢隻大陸先食到既腸粉，所以特登黎試下，結果極失望！雞蛋腸粉 $2x腸粉超「鞋」，一d都唔滑，而且個汁仲好油好鹹，二十幾蚊真係唔洗食佢。朋友叫左燒賣，全部都係粉，好淋身完全無咬口。

受到哥仔和友人引誘之下晚飯後到太安樓掃街。第一站鴻記格仔餅。兜了一圈，第二站選了這裡。第一次幫襯，娥姐好似拿手整粉果($20/4個)。我倆看到又大又飽滿。可惜今日無粉果mood, 下次先試。相反，我和哥仔都被這個吸引著:-雞蛋腸粉（$20/盒)製作過程是最特別的地方。雖然在國內也見過這種做法，但在香港可是第一次見到。蒸架是一個三、四層的柜桶。上層是放蒸粉果之類的小吃，最下層才是蒸腸粉。老闆拉開最低一層，沒鋪腸粉布，掃少少油就這樣倒入粉漿，加入雞蛋拌均，令粉漿變得金黃，加上葱花，再推回柜中蒸一下即成。上碟時不是把腸粉皮卷成條狀，而是用剷子剷起成一堆皺皮，再在上面淋上甜豉油😋這樣的話就可以增加腸粉皮和豉油的接觸面，食落更有味道😋讚一下👍吃下去，腸粉頗滑。甜豉油雖然比其他店淡，但吃下去更可突顯雞蛋和葱花的味道😋 岀奇的合拍。份量也多。一個人一盒應該會飽了一半。美中不足是，這裡有雞蛋腸，有瘦肉腸，就是沒有雞蛋瘦肉腸。有的話小吃貨就不用選擇了。無所謂，返正機會多的是，就留待下一次😋食完再岀發！繼續掃街去😋Encore度 7/10。