婆婆家餃子館

營業中

休息中

曾經食過回鍋肉飯，個回鍋肉好似幾樣野擺埋一齊，冇炒過咁，紅燒羊肉麵嗰啲羊肉一嚿嚿又唔夠淋，個面都係普普通通，兩樣都有3-4分，但頭先諗住俾多次機會，走去買擔擔面食，但擔擔面直頭得0分，$45 一碗擔擔面，裏面得一個街市$5買到嘅上海面，但唔緊要擔擔面最緊要個湯底，但得幾粒肉碎，個湯係好稀嘅！完全食唔到係擔擔面嘅味道，好似自己屋企煮湯麵咁，可以咁講係我幾十年食過最差嘅擔擔麵，三次中招，決定以後都唔會再幫襯！

好食😋好味 麵有上海麵 是我鍾意的 羊腩味道好店員和老闆也非常熱情❤️點解寫評價要八十字我今日第一次去吃還沒有太多感言但應該聽日晚飯還會再去光顧⋯⋯可惜沒有早飯哈哈哈終於到八十字了

由於疫情嚴重，老闆又冇彈性處理上班時，放左工，已經下午六點幾，政府亦已經頒佈六點後沒有堂食，唯有買外賣返屋企食啦！好彩我住係大圍附近，所以選擇都幾多下，我選咗一間餃子店試吓，其實都自己衰，冇睇到價錢叫野食，叫左四樣嘢，二人份量，一份12只韮菜豬肉餃子，一份6只韮菜豬肉餃子加紫菜湯底，一份肴肉，一碟筍絲，埋單竟然要$180埋單，有啲貴law🤭韮菜豬肉餃（12只）皮薄，餡料豐富，又入味，值回票價，心理都平衡返黎，比貴少少都算拉只餃子都幾大只架，不過略嫌個紫菜湯醎左少少，食完要飲好多水！D個肴肉，同張差好遠，不過咬落去煙煙韌韌甘，好特別！荀絲夠爽口，又吾太軟身，麻油味好香，正！

個水煮魚唔係用魚片係用魚腩！所以係有骨！唔入味！仲有啲腥！個湯底唔香又唔辣！唯一既好處係啲魚無煮得太老！為左唔浪費食物好辛苦先食晒！如果你鍾意食水煮魚千祈唔好試！

話說我地今日超忙，忙到都唔想郁，唔想落街食Lunch,於是我地就叫外賣返黎食啦，我地大家都不約而同地想食餃子，於是我地就search吓附近邊度有得食餃子啦，我地search srarch 吓見到有一間食餃子既舖頭，叫做婆婆家餃子店，於是我地就叫咗婆婆家餃子店外賣啦，因最近比較熱氣，想食得清淡D,於是我叫左個白菜豬肉餃米線，個餃子皮好薄，D豬肉好入味，好好食呀。跟著我地仲叫左個口水雞飯，我實在忍唔住啦，偷偷地食左一嚿口水雞D雞真係夠辣，好入味，我鍾意呀。

猴子好鍾意去啲有公仔logo嘅舖頭食嘢，呢間婆婆家餃子館都有個得意公仔做招牌，所以都忍唔住要幫襯吓。雖然佢嘅招牌菜係餃子，不過今日想試試佢嘅牛展蛋麵。（家陣先發覺原來電腦係打唔到「月」+「展」個「月展」字，唯有用個「展」字代替。）碗麵嘅賣相真係好靚，材料好明顯係用心擺放，一片一片嘅牛展、滷蛋同白菜都有佢嘅位置，呢啲心思都係值得一讚嘅。牛展食起上嚟好香好煙韌，不過份量唔太多，有啲唔夠喉。滷蛋亦都好夠味，唔係剩係得色水靚咁膚淺。至於啲麵，比較沉實咗一啲，唔太彈牙，口感差啲。

今日經過大圍見到呢間鋪頭都幾多人食，就入左去試呢一間，我地叫左兩個小菜加一個小食，分別係麻婆豆腐同埋酸菜魚，小食就叫左碧玉筍絲。兩個小菜都包一碗飯，都幾大碗😋先講下麻婆豆腐，真係幾出色，豆腐夠滑，份量多！酸菜魚呢就麻麻，問店員係咩魚，佢話大魚😂，都幾多骨，要食得小心，酸菜就偏鹹，如果酸d就好d，唯一係份量多。最後係碧玉筍絲，凍冰冰好消暑，食落好爽口，好開胃🤤細細碟開胃菜真係岩岩好。坐係入面見到好多人食餃子，先知佢係主打餃子，搵一日再來試一試佢先！

細店、地道、有風味！星期六晚上，見太太煮足一星期，今天我請客，讓太太休息一天，太太話事，家住大圍，就近近在大圍搵嘢食，不過大圍實在太多嘢食，一時之間太太及女女立即患上「選擇困難症」，行了差不多一小時，兩位女士都係猶豫不決！但突然之間行到此店門外，她就突然話要食水餃🥟！當時見店內仲有些位，不需要站在門口等位。所以我們都不嘥時間立即進入店舖！我們叫了酸辣粉，排骨麵，麻醬涼麵，白菜豬肉餃子，麻辣豬肚！價錢可接受！份量夠大！🍜🍲 需要打包回家當宵夜🤗！味道夠風味！一定會再光顧！

是咁的，今日約咗老師去大圍學踩單車，學到好攰就近近地去咗附近嘅餐廳醫下肚仔先。紅薯粉煮得太耐好腍，一咬即斷無曬啲煙韌口感。湯底酸味同辣味都唔夠。清湯蘿蔔，浸到最尾味道依然仲係清湯蘿蔔~豬耳軟腍腍又無味，都唔知咬緊乜咁。總括嚟講成碗好似啲車仔麵咁，但啲餸同薯粉都十分難食。成餐唯一比較好食嘅嘢，餃子皮唔粉厚度啱啱好，餡肉肉少菜多，但豬肉嫩口韭菜味濃算唔錯。係白雪雪嘅魚肉啊點解可以白到完全吸唔到啲湯嘅色鯇魚腩好有魚味，但淨係得魚味完全無酸菜味，淡茂茂同白灼無分別。酸菜又唔夠酸，成碟同期望落差太多。豆味都幾濃，應該無乜點溝水。單車又未學識，食嘢又中伏，失敗日

一整天都在大圍工作，午餐時經過婆婆家餃子店，見裏面客滿，所以過門不入。咁5pm有個break,落街食d野當晚餐。因為仍然是下午茶時間，入面都不算多人。5：10pm,點了個猪扒麵下午茶餐，那杯送的豆漿一分鐘就送上了，但碗麵就在5：35pm才施施然上枱。猪扒係穌炸嘅，但好明顯上色未够，下面墊咗D青瓜絲，但無甚麼味道。猪扒的肉質軟稔，但炸漿等同半塊猪扒般厚，所以不能緊附在肉上。另外，猪扒醃得不够，幾乎没有甚麼味道，要靠後加的醋和辣油佐吃，才能入口。跟咗一碗好大好大的麵，已經叫咗少麵，但仍然好大碗。麵是北方的白麵，非常撐胃，湯是清湯，上面加3層麻油，十分油膩。埋單35蚊，不算貴，但食物真的不算好。大圍區的食物，暫時未有一間令人驚艷，體驗不到美食之區的盛名。

見到餃子店，作為餃子控嘅我就入去試試手包餃子一定有d保証。朋友食咗個口水鷄，一試，曄........正。d麻味得，一舊又一舊，有1/3 我食咗😅，食完唔係太辣，不過留喺咀內的麻辣感覺超爽見到隔離枱碗酸辣麵都好似好吸引，下次試下。Ps 有wechat pay. 方便

星期一係九龍塘又一城睇完戲搵食，唔想食尼食去都係連鎖餐廳既我地，結果去左一站之隔既大圍。婆婆家距離港鐵站只有五分鐘路程，唔算難搵。係門口大概等左幾分鐘左右就可以入座。店面比較細，所以坐得比較逼，而我坐正柱位隔離，店員出出入入都會hi 到我背脊，都唔算得上舒服。口水雞飯，雞好嫩滑，附送前菜同一杯細豆漿。雞絲粉皮，粉皮比較大塊，理應吸汁D既，可惜麻醬好淡，唔似食開既上麻醬，不過雞絲同青瓜都幾好，份量都幾多。呢度最出名既係餃子，我地叫左半份韮菜餃，味道唔錯另外叫左一杯大豆漿，豆味幾淡。

今日唔想留係公司食飯，所以同同事兩個人去食餃子我地嗌jor一碟豬肉水餃；一碟番茄豬肉煎餃；仲有一份豬耳同拍青瓜。水餃既味道不嬲都好味，但令我驚艷既係佢既煎餃。可能係因為番茄既緣故，煎餃十分多汁；而且一咬係會爆汁，要小心辣嘴😂拍青瓜則食得出有輕微落糖調味，又清涼消暑同埋好味；豬耳則麻辣有勁，唔會太油！食完我地仲覺得唔夠喉🌚會唔會係我太大食

今日突然好想食餃子，lunch同同事去食婆婆家唔係第一次食啦～🤩全手工包餃子，你直頭見到員工係你隔離包餃子唔知點解，感覺好踏實好新鮮😂我地叫jor白菜豬肉水餃同玉米豬肉水餃拍青瓜、麻辣豬耳、炒豆角兩碗麵：紅燒肉麵同埋麻醬涼拌麵四個人食到好飽～佢啲餃子真材實料，就連啲麵都好好食食得出無味精～而啲涼拌菜都唔錯，好適合夏天食個豬耳偏四川style而且唔會好油份量都啱啱好，但小菜黎講就偏貴啦（我攞譚仔作比較）但係味道的確唔錯～話曬係香港好難搵到地道餃子館推介！

北方味道。最多人食水餃麵，水餃種類多（例如韭菜豬肉，玉米豬肉，白菜豬肉）。40-50蚊大大碗，價錢可以接受。有特色小菜同涼菜，味道算正宗。推介韭菜盒，紅燒肉，涼拌豬尾。