婆婆家餃子館

營業中

休息中

今日胃口麻麻地，唔想食咁多野，但又想食下上海野，所以就黎左婆婆家喇！一入到黎，地方唔太大，不過人都唔算好多，可能時間都尚早，7點未夠！我地2個人叫左一份雞絲粉皮，同埋有湯既抄手。餐牌，都好多野揀！雞絲粉皮：好清涼好爽口，芝蔴醬都好夠味！啲粉皮又好滑口！唔係幾開胃既我都忍唔住係咁食！湯抄手：一睇個樣，嘩，紅到呢！都擔心會唔會好辣！丫！又唔會播！係有少少麻個湯底，但食返粒抄手又岩岩好wo！同埋份量都多，我地2個人食完又食，好似食極都仲有！到走既時候就陸續開始多人，如果大家平時唔知食咩好，都可以試下婆婆家，係唔錯架！

午餐與同事去食餃子，估唔到lee間餃子店比到我地驚喜佢地嘅餃子好足料，唔係皮厚涵少叫左冷盤皮蛋，仲有雞絲粉皮，都相當入味最後，仲叫左一客冷面 及 水煮魚，適合食得辣嘅人，因為都幾辣下最後埋單都係每人60，相對唔算貴

昨天下雨，約左人食飯，但一直未試過呢間，就試下啦。叫左一個排骨麵，泉水雞麵，酸辣粉，蕃茄豬肉餃同尖椒皮蛋。估唔到蕃茄做餃子會有甘好既效果，皮蛋比平時食開個間x仔米線好味，麵就一般正常味道。酸辣粉，我從未食過d甘“淋”既薯粉，種酸味仲有d奇怪，唔建議係到食酸辣粉，有影menu,無影食物相。

咁啱嚟到大圍呢度 有朋友介紹呢間餃子館見到餐牌上面有好多唔同款既餃子，對於鍾意食餃子嘅我嚟講都幾開心喎~我哋揀咗香菇馬蹄豬肉餃拼韭菜餃 ，選擇用香鮮嘅方法， 香煎要另外加十蚊，但係其實變咗有少少似炸餃子， 但係又未至於係炸到香脆，變相令餃皮有點硬左。 下次都係選擇返湯餃或者蒸餃嘅方法。 本身我係期望香菇馬蹄豬肉餃會好食啲， 但係香菇味唔夠出 ，冇乜馬蹄係入面。韮菜餃 比較好食 ，醃料略嫌鹹咗少少。 另外我哋再叫咗個花生醬芝麻麵撈麵， 碗面非常大碗， 花生芝麻醬好香 ，如果再多一啲青瓜絲更加正。 凍豆漿幾好飲唔會過甜。 下次會再嚟試下其他味道嘅餃子 ，都想試下去啲川菜手拍青瓜等等。。。

今天路过大围 看见这家店便进去尝尝 服务员大部分都是阿姨大婶之类 有一个大妈态度特别差 点了以后半天没有给我单 后来店老板问我要吃什么 我说我已经点过了 但是没有给我单 我转头就问大妈 大妈很不耐烦的说 在忙 还没来得及写 帮你点过了! 这是什么态度啊！还好老板态度比较好 不然立刻离开不吃了 讲真 味道也不好吃 面咸的要死 猪耳却一点都不香辣 加了很多辣椒和醋才能吃得下 价格倒是不贵 不过这个质素 如果价高应该更不会有人来了。多注意培养一下服务员的态度 不然店倒闭是迟早的事情。

大圍的美食饗宴，一直是乳鴿、燒鵝及雞粥獨領風潮。不過時移世易，不少東南亞、西餐、中國特色菜的食店已進駐。當天4時許要到大圍買東西，之後家人想吃點東西。匆忙泊車期間，發現有餃子店；自然是要吃過痛快！除了多種水餃選擇，也有多樣化的麵食及小吃；價錢更是超便宜。不過，因為臨近晩飯時間，只是點一些小吃和水餃試吃。食品有進步空間，希望日後可以改進一下！有評論即是有期望，亦代表市場有這需求！

鎮江肴肉-有雙重口感：啫喱狀的高湯及豬肉的酥軟-味道微咸，帶醋同八角等香料的美味-肴肉凍上，十分適合夏天清消暑-整體味道口感都不錯紅燒肉麵-麵質彈牙，掛湯力足夠-紅燒肉肥瘦適中，好入味夠香濃-湯底濃郁之中帶微辣，好好食-馬鈴薯軟霖，同湯味道好襯-整體都不錯，有質素的湯麵酸辣冷麵-麵條都係好彈牙，而且凍食個質感更住-有大量肉碎同花生，味道有層次-酸辣味都好平衡，十分惹味同消暑-整體質素高，十分推薦，好適合夏天食

一個人唔知係大圍食咩好求其見到呢間有幾抵嘅下午茶一律32蚊 仲要附送豆漿/五花茶😂諗住頹頹地照食 應該都無咩事點知咁都可以中左個大伏😨😨😨😨.等都等左成15分鐘諗住蕃茄炒蛋都實無死啦蛋好難炒得難食😂.蕃茄蛋麵 ($32)上菜嘅一刻已經知衰左蕃茄還蕃茄 蛋還蛋 麵還麵 菜還菜😅😅所有野都係炒埋一碟 完全唔關事咁蕃茄炒蛋炒到不知所謂 d蛋又老又散唔知自己食緊d咩😫蕃茄同菜都烚得幾腍嘅 但咩味都無個麵又唔知咩事 一食落口 咁韌嘅中哂伏 呢碗真係1蚊都嫌比多佢

6月頭有一日黎左呢間婆婆家餃子館食左個TEA..下午茶餐32蚊送豆漿一杯, 全部都係湯粉麵.. 我就揀左碗酸辣粉試下, 都算幾好味, 酸辣粉個湯底煮得唔錯, 味道幾濃香, 少少辣, 食得出應該落左唔少材料去煮既..而唔係求其用酸菜+醋+辣油就算數. 目測碗酸辣粉入面既配料係有肉碎..酸菜..乾蔥..蔥粒..蒜頭粒..芫茜..紅椒粒..花生..芽菜, 配料好多款式, 所以食落口味道同口感都顯得幾豐富. 而薯粉既質地都煮得好煙韌彈牙, 入口滑劣劣, 大大碗咁都好飽, 32蚊性價比都算高呀, 我覺得可以一試! 唯一唔好就係湯底幾油膩下,  同埋食完有少少口渴, 唔知係咪落左D味精 . 

每次經過這店都在掙扎，試唔試呢？因為，我很怕吃帶有酸味的東西，反正附近一帶都食到悶了，就試試吧！叫了手拍青瓜(唔好食)，皮蛋(上面pat醬好食d),煎餃子(皮太厚)，紅油抄手(上檯赫咗一跳，點解有湯的？問她們是否上錯了？她們說:我地既紅油抄手係做湯的。面對住這個紅湯抄手，我即刻無言了!) 擔擔麵(唔夠香，味道又淡)，還有一個唔記得甚麼雞(雞皮厚但冇乜肉食，而且嚡烚烚)，成晚最精彩，終於有啖好食的只有水煮魚(用鯇魚來做，魚做得很滑溜，但配了我討厭的酸菜，無奈!)，總括而言: 中伏。

今日去左食猶如食垃圾食左雞絲粉皮 泉水雞麵 韮菜餃 羊肉餃先講雞絲粉皮個粉皮完全over cook第二 泉水雞完全冇味同滾水加麵冇分別韮菜餃比例肉多於菜完全係失敗之作羊肉餃完全冇羊肉鮮味食落口都唔知食緊咩真心講句冇下次

舖位都唔細，都應該坐到30人左右。。當然坐得人多，就梗係有啲迫啦。樓面全女班嘅姨姨，有少少粗聲粗氣嘅。。不過整體都ok。午餐時間+$3可有小豆漿，+$8係大杯。。大家都覺得味道，款式等各方面都好過鍋xxx。午餐麵點全部跟送餃子，都係韭菜餃。。無得揀。不過，皮薄餡多，又夠juicy，非常好。鹵水蛋，6元一隻，都夠入味泉水雞，雞有雞味，都唔算好辣麻油雞，配有好多薑雞好入味，又夠滑身腩肉麵，肥而不膩，又夠“林“身。紅燒味做得幾好。羊腩麵，勁羊味，好正，燜得剛剛好如果怕膻味的，就唔好點呢個。。

之前好多時都係堂食，諗住今日都攰啦~唔想係街度咁耐就買外賣番屋企食啦叫咗個泉水雞麵真係................多少都有點先失望一打開個蓋...........只有三件雞肋..........唔知我真係以為自己係唔記得食咗.................試唔到啲雞整得滑唔滑啦..............試到有好多骨.........啲骨都入曬味既..............跟住麵都尚算正常.................味道，泉水雞可能我叫咗小辣既關係，比我想像中無咁辣，但係都夠香，味道濃郁由於外賣關係，麵多少都吸收咗湯令到麵有少少淋我其實都唔係想要求我個外賣好似雕花咁但係................當打開見到嗰三件雞既時候..............真係無諗到會係全部都係骨.........少少肉都見唔到之前都有朋友講過婆婆家堂食就好好既一去到外賣就差少少既，咁..........今次親身體驗到啦下次都係堂食好啲

粟米豬肉餃麵加牛展，餃子粒粒都好飽滿足料，牛展略嫌太薄同唔夠味。麵質彈牙。餃子內有豬肉、粟米及蘿蔔。麵條彈牙辣椒油及醋，辣椒有炒過既香味。回鍋肉（跟白飯）呢味餸偏辣，同好油。適合食得辣又愛重口味既朋友。入面有梛菜、洋蔥同豬腩肉，無豆干有少少失望。因為我覺得太油既關係所以有將啲餸浸落湯輕輕沖一吓先食，食完見到碟底真係剩低好多油，油既份量唔講得笑。

好耐無食過川菜啦……今晚唔想太大魚大肉，行遠小小……去左婆婆餃，叫左一個白菜豬肉餃湯面同芝麻醬撈面……好濃川菜味同埋餃子真係皮薄料足。。。輕便晚餐，最佳之選呀……