媽咪雞蛋仔

營業中

休息中

今年再幫襯過呢間分店，第一次抹茶夾仔餅，淋，以為唔好彩啦…再事隔一個月再買，同一味道都係淋。。。好啦…今日試下雞蛋仔都係約5分鐘後食又係淋，而家超差超唔得沒有了之前新開幫襯時好，脆同口感好，現在。發生咩事，轉手嗎？無配方嗎？轉材料嗎？夾仔餅淋，抹茶雞蛋仔酸這間分店品質越來越差，店主請改善。不要影響其他分店質素想有問題打去電話分店留意下係奶漿係唔係壞左，網上都搵唔到分店電話其實想執好易但唔好影響其他分店，好唔公平

吃完晚餐後經過見到好吸引又想吃，於是同朋友一齊揀咗呢隻肉鬆白芝麻雞蛋仔嚟食。都幾特別，平時吃開原味同埋抹茶嘅我哋吃咗佢都表示好食，系不錯。新鮮整、外脆內軟。不過價錢嚟講都唔平呀🥹

叫咗個朱古力香蕉雞蛋仔，本身因為人多，所以都預咗要排隊。但店員為咗清queue，一有新嘅原味雞蛋仔order 都會優先去整（可能原味無其他料會快熟啲？可能整之前唔駛再加工），結果我個order 由14:15 到14:35 都「未整好」，而排我後面嘅客都已經攞咗佢哋嘅order。店員同我解釋我叫嗰隻味要「整耐啲」，但我見到佢哋等到清晒queue 之後，先處理我嘅order(到處理我張order 嗰陣，有3至4個爐係無用緊），所以我同店員反映。男收銀店員嘅態度係專業同有禮貌，佢仲因為咁請我飲嘢 (但我無要到）。食物係好食嘅，而且會繼續幫襯。希望店舖方面可以檢討一下佢哋出餐流程，老實講，嚟得嘅人都唔介意排隊，因為始終佢係一間排隊店，順住出餐大家都唔會覺得唔公平。不過，如果係因為想清queue 或者想做多轉生意，而犧牲咗部份其他客人嘅時間，我就覺得好唔可取，希望會見到店方會有改善。

去完附近做嘢，收工見肚餓想買啲小食醫下肚上環附近收工時間已經無咩嘢食好買唯有去長註上環中心嘅媽咪雞蛋仔🐥.呢間媽咪雞蛋仔長期都會有人等好彩6點零呢個時候無咩人等前面只有幾個人等緊10分鐘內就拎得👌🏻品質都係正常，即出即拎都只係暖暖地，不過都脆嘅$20原味；其他口味差唔多都$30或以上雞蛋仔算貴🫠係加埋品牌效應嘅價錢非原味咁貴就唔值得買啦，已經等於一個正餐價錢啦.在上環附近，非繁忙時間，又諗唔到食咩之下間唔中都可以食下✅

去開上環，想起媽咪雞蛋仔，便order一底。週末去到，有些人龍。不過落單後大概10分鐘就有，喺附近行一陣就食得，製作有效率。本來以為朱古力雞蛋仔入面會有多啲朱古力碎片，令到雞蛋仔有香濃朱古力味。失望的是裏面朱古力份量不多。可能是傾側了其中一邊，導致有¼部份幾乎是原味雞蛋仔。另外蛋香方面也略嫌為淡。值得一讚的是外面夠香脆，咬下去入面夠靭，口感不錯。上次也吃了抹茶雞蛋仔。印象中抹茶雞蛋仔比朱古力雞蛋仔更合我口味。

附近返工成日見到呢間好多人排隊尤其lunch好多人 好有人氣😂.趁落雨冇人買左個朱古力味雞蛋仔包裝唔錯 有把手 好方便❤️拎到公司都仲暖暖地👍🏻👍🏻👍🏻

成日都會幫襯媽咪雞蛋仔唔買北角雞蛋仔都 特登搭車黎買我買個雞蛋仔姐，唔知做咩要受氣咁個長髮收銀妹妹 對住我顎高個頭chok咗一下 似乎肢體語言係問我要乜？我都好客氣地 唔該前 唔該後到拎得個時 又係x 態度平時幫襯都唔會咁差態度，唔知係唔係遊客太多。

📍媽咪雞蛋仔上環文咸東街32號地下食完lunch仲係好肚餓，去買一底雞蛋仔同同事兩份share。同事話想食原味，咁啱我未食過原味！順便記錄下～btw 我哋買完勁多人，帶旺咗個場！原味雞蛋仔 $20外面係脆脆地，入面質地似鬆糕，煙煙韌韌👍🏻！但係味道好似有啲單調，同埋覺得有少少甜🥲。我鍾意食雞蛋仔隔離個邊邊，但係媽咪雞蛋仔呢一間係整得太整齊，周圍嗰啲邊邊切走咗好多，其實嗰啲先係精粹🥲。我覺得原味嘅話不如食返北角雞蛋仔😂，脆啲、冇咁甜。但係媽咪雞蛋仔其他口味真係好正，特別係朱古力味係我嘅top 1，佢啲朱古力粒粒半溶咗之後真係好好味👍🏻。

相信香港絕大部份人都食過媽咪雞蛋仔👀 依家媽咪雞蛋仔港九新界都有分店 味道仲越出越多🤍 前幾日放飯既時候見到外賣app原來有自取優惠 又發現自己好耐無食過😌 於是就嗌咗未食過既伯爵茶朱古力味試試💖本身落完order 外賣app 顯示大概20分鐘後就可以攞🫣 但係唔知係咪因為放飯時間再加上香港多翻好多遊客所以太多單要做 啲員工好明顯手忙腳亂咁⋯😵‍💫 落單差唔多20分鐘後問職員幾時得 佢地話未整 然後最後我再等多半個鐘先攞得 由落單到攞得係大半個鐘⋯🥲🥲 鋪頭好細 所以收銀好窄既檯面同樣係擺滿曬所有雞蛋仔比大家攞 成件事好混亂 可以話無系統可言🥴 如果唔催唔問 職員更加係唔會得閒理你🤧 都明白佢地已經做到無停手好辛苦 但係如果系統好啲/截下外賣app單會好啲😖✨伯爵茶朱古力雞蛋仔💲 30 （app自取價，原價💲 36）伯爵茶朱古力味係甜味雞蛋仔第二位～咁係咪好好味呢？👀 我上面咪講到我等咗好耐 望住職員整我底雞蛋仔 理應應該熱辣辣吖～🔥好神奇 攞既時候少少溫度都無😉 完全攤凍曬😹 好彩既係 就算凍咗雞蛋仔都外脆內軟 伯爵茶味都好出💖 朱古力分佈唔算平均 但係有朱古力既位朱古力融融地好開心

公眾假期經過上環呢間媽咪雞蛋仔，心血來潮想買返屋企食。到店時已經有一大堆大陸客同一對外籍客企喺度等拎外賣。我買咗兩份食物，一份雞蛋仔，一份格仔餅，企左喺度等叫號碼拎嘢食。公道講句，呢間食物向來都過得去，價錢越加越貴都算，但坐收銀嘅員工態度真係越嚟越惡劣！平時都幫襯開，次次買一份雞蛋仔，佢會入個無封口兼且有好多個窿嘅紙袋俾你。如果要問佢要個膠袋入一入拎走，都會唔好態度，西口西面，但都會死死地氣入俾你。因為唔係即刻食，行返公司都有15分鐘路程，又有車塵，所以無辦法。而今日去買兩份食物想拎走，唔係企街食，一開口問佢入一入膠袋，直頭死死地氣隊個袋俾你叫你自己入。我話可唔可以幫手入一入埋，因為我有嘢拎住，手唔乾淨，唔方便自助入袋，佢仲反駁我話政府要收膠袋錢，俾個膠袋你已經好好！我話外賣無密封包裝係可要求要袋，佢就睥住我，問我「咁係咪唔要袋！」其實究竟係咩態度？我有禮貌問你嗰位收銀，唔預你真係次次都態度咁差。嘢食幾好都無用，有時做生意唔係話好食就得，態度咁差，食完都一肚火。順帶一提，等食物嘅期間都有對外籍人買餅，收銀就即刻入好膠袋俾人。究竟係咪香港人買就西面，外國人同大陸客就即刻笑哂嘴？如果呢間分

要排隊都正常 心大心細決定原味格仔餅好可惜自己勁快心諗莫非只有自己買格仔餅🧇咁快，萬分期待可惜應該是早已預備好才這麼快速萬分失望，此店已經不只一次失落有即時表達 ，可以再做過但已經太遲歡樂感已經幻滅

其實依家Covid時期，而且又有口罩令，食客都唔會可以買咗雞蛋仔/格仔餅即刻喺街上食，點解店員唔主動俾個袋裝住d食物俾客人呢？講返啲食物，我覺得上環呢間店嘅雞蛋仔和格仔餅都好好食👍🏽

今次叫咗個小山園抹茶雞蛋仔（$29）同雙重芝士雞蛋仔（$45）抹茶雞蛋仔抹茶味都算出，好明顯食到，亦都食得出真係用小山園抹茶粉。餡嘅份量都好正常，整個雞蛋仔都外脆內軟。至於呢個價值$45嘅雙重芝士雞蛋仔就真係幾失望，雞蛋仔嘅餡得啲好淡嘅芝士味，個邊位嘅芝士味會濃啲，但佢叫得雙重芝士雞蛋仔我就會預計芝士味濃三/四倍。所以好失望，絕對唔值呢個價錢。整體兩件雞蛋仔都好脆，好食的，只係雙重芝士雞蛋仔唔值咁貴。果然上環呢間媽咪雞蛋仔質素幾好。

疫情越黎越嚴重 繼續禁堂食🥲 唯有掃下街✨伯爵茶朱古力雞蛋仔 $36因為食完啲餃子同burger 都唔係幾夠飽就買多個雞蛋仔食 呢個雞蛋仔好食 推介👍伯爵茶味好香 個雞蛋仔都外脆內軟同埋好足料 😋 味道❤️❤️❤️❤️價錢❤️❤️❤️服務（外賣）環境（外賣）✅再幫襯

之前幫親銅鑼灣果間，你話佢知外賣，佢地都會用機吹用紙盒裝。但上環呢間好差，我已講了外賣，但都係冇用機吹，3底都係裝落膠袋，結果，好似謝檸檬啲咁，仲淋過條濕毛巾。。。