媽咪雞蛋仔

營業中

休息中

成日返工放工經過中環街市的我，今日順路去咗「媽咪雞蛋仔」買咗我嘅Late Afternoon Tea 呢間鋪頭位於香港站附近的中環街市，由IFC國際金融中心穿過條橋，去扶手電梯既時候就會見到。呢一層主要係小食店，落多1-2層就多咗餐廳食肆。今次我去到「媽咪雞蛋仔」，買咗「伯爵茶雞蛋仔」同埋「奶茶沙冰」。如果飲品配一款小食，可以平4蚊添雖然呢間鋪經常有好多客Keep住都好多人買，但等候時間都算合理，大約10分鐘就可以食到啦~之前試過香蕉味同咖啡味都覺得唔錯，特別係香蕉味，好有口感有得咬香蕉肉。但今次就想試下新嘅伯爵茶味～雞蛋仔每次都係新鮮出爐，熱辣辣又熱又脆正爆，而伯爵茶味又有淡淡茶香，適合鍾意清淡味道的人。如果你鐘意甜啲嘅，香蕉味就會更岩你口味啦～我一向最鐘意飲凍飲，奶茶沙冰真係滿足咗我對沙冰同奶茶嘅渴望 奶茶完全有平時港式茶餐廳嘅香味，變成沙冰之後都唔會太淡，甜度剛好，非常好！夏天試呢個真係岩哂~ 我覺得如果單叫一杯奶茶沙冰30蚊都係抵飲~ 鍾意奶茶同沙冰嘅朋友，可以去試下啦！總括來講，「媽咪雞蛋仔」作為下午茶選擇真係好正！無論係清新的伯爵茶雞蛋仔，定係香濃嘅奶茶沙冰，都令我覺得好好

自從屋企附近間媽咪雞蛋仔執咗之後都好少再食嚕～適逢約咗朋友喺中環聚下，見到原來中環街市開咗!即刻捉埋佢同我一齊share一份🤩食完個early dinner大約八點幾個胃仲有少少位 🤏就過嚟睇吓啦當時都仲有三四個客等緊佢哋嘅野食咁就心諗應該唔使等太耐啦～最後我哋揀咗咖啡味雞蛋仔(聲稱採用咗 ucc 咖啡)當我哋買嘅時候，我店員話大約5分鐘就有得攞～而出餐嘅時間都真係只係大約5分鐘～算好快雞蛋仔攞上手真係熱辣辣～都做到外脆內軟不過略嫌咖啡味唔係好出下次都係會叫返朱古力味或者想試伯爵茶味P.S. 個包裝盒幾好攞，而且都做到會焗淋雞蛋仔嘅效果 👍戴眼鏡嘅男店員好好笑容同好有禮貌 👍👍

去見客之後，有些肚餓，又不想食太多，今晚要食飯雞蛋仔是出名又受歡迎香港街頭小吃之一！柔軟口感⚡👍🏻，並散發蛋香！⭐⭐今次試了媽咪雞蛋仔原味，果然唔錯！🤗😋💫💫

今日去咗買雞蛋仔，本身間嘢已經好多人排緊隊去拎雞蛋仔亦都有排緊隊去買雞蛋仔，戴眼鏡嘅姐姐仔俾錯咗另一隻味嘅雞蛋仔俾我，本身係order左咖啡味，嗰陣根本就唔會有時間去睇到底佢係咪比啱嗰隻味俾我，返到屋企先見到咖啡味轉咗做香蕉朱古力味，希望下次可以比啱我order嘅味俾我，因為咖啡味真係好好味，香蕉朱古力味麻麻哋好味，希望下次可以睇清楚先俾我，因為今次其實佢都已經望咗一陣嗰張單先俾個雞蛋仔俾我，但係都可以比錯哈哈！

今日食評✍🏻Mommy雞蛋仔@中環街市中環街市有啲食店走咗亦都有啲新嘅舖開咗Mommy雞蛋仔屹立不倒經常有客排今日見有少少時間就排下8分鐘冇多冇少我叫咗份原味雞蛋仔雞蛋仔外脆內軟粒粒蛋香兼有咬口$20一啲都唔貴呀無論大鋪小店我哋都會盡試盡講Follow我哋bw.foodie

At least took some minimal effort to tell people your new product’s sold out, so people won’t come all the way for that, which (unfortunately) is what I did. Only came to your store just to found out it’s sold out, and no alternatives or suggestions offered by your staff. Even if that’s not the next best alternative, just try to make your customers happy by making that kind of offer - which you staff failed to do that - and I don’t understand how difficult that is.

唔知點解近排見好多人攞住個媽咪雞蛋仔喺度食，經過中環街市有間分店所以又忍唔住買埋一份😋 呢度嘅雞蛋仔有甜有鹹，可以加配雪糕，亦有多款格仔餅款式，好吸引呀～ 新年期間有全新紅色龍年包裝，原先買咗個原味，後嚟先發現原味竟然係用返普通紙袋，突然sad咗嗚嗚🥲 如果想打卡嘅話記得要買特別口味呀！不過原味都唔輸蝕，外脆內Q，記得趁熱🔥平時叫開甜味所以今次要咗鹹嘅鳳凰卷同黃金口味，前者都係第一次見，紫菜鹹鹹地，肉鬆小到見唔到、後者就鹹鹹香香咁但唔係好均勻，估唔到最終都係食返原味正啲，性價比最高，笑死😆

Already lost count of how many times I have eaten their egg waffle but always feel super duper happy after getting one in hand☺️Whenever I get the egg puff back to office after lunch, colleagues will become like 🦋 looking for flowers, just after a few seconds, boom it’s all gone😅🤣They have a variety of flavours and my favourite is the earl grey ☕️the tea taste is very strong and same as all other flavours that I have tried👍🏼 Always looking forward to the new flavours/ festival specials😍😍

🇭🇰Hong Kong - Central 📍媽咪雞蛋仔原味雞蛋仔原味格仔餅_____________________________每隔一段時間就會突然之間好想食雞蛋仔同格仔餅。唔知你地又會唔會呢？經過中環街市係鋪頭準備閂嘅時候叫左兩份黎食，熱辣辣。兩份都叫咗原味，個人口味次次食雞蛋仔同夾餅一定係叫原味。等咗大約15-20分鐘左右。蛋漿好香蛋味。雞蛋仔外脆內軟，唔會係成個都空心或者實心。而個人偏愛嘅格仔餅，好多料。呢款係軟熟厚實，而唔會係好薄好脆個一款。另外，搽咗滿滿嘅醬，每一啖都食到，而唔會好似有啲鋪頭得小小醬。得閒買黎過下口癮都唔錯！媽咪雞蛋仔分店愈開愈多而味道亦都有好多。

叫左$20原味雞蛋仔，喺中環呢D地方，價錢都係正常，lunch時間等左20分鐘先有都好正常，輪到我拎雞蛋仔係凍㗎，連暖都冇啊，食咗除脆，剩返就凍…凍…凍…，不會再買..

見呢間媽咪雞蛋仔都好出名，今次就試試佢先。🍌香蕉雞蛋仔拎上手熱辣辣，好脆卜卜但係嫌香蕉味唔夠濃郁，可能去到中間嘅位比較濃郁，蛋香也不夠重。呢個價錢預計會再高質素啲💪🏻

原味格仔餅🧇： $23因為即叫即烤，要等5-10分鐘，今日lunch time 就多人少少 。格仔餅厚度很厚而紮實但不乾，飽肚感十足，口感煙韌濕潤，花生醬和砂糖份量適中，趁熱食的時候還有粒粒砂糖脆卜卜的口感。我見還有很多款口味，下次再試🍵🍫🥜

話說有一次喺1:40pm中環街市依間媽咪雞蛋仔買咗一份原味嘅格仔餅識落嗰刻唔脆，好似蛋糕咁因為我係拎住一路行一路食冇理由新鮮食都會似蛋糕咁我就社交平台inbox message佢哋嘅客服客服係即時回覆並且好詳細咁了解我個情況亦都有問到分店嘅職員之後同我講話佢哋嘅格仔餅係好脆既可以補返一件俾我希望我再試多一次俾多一次食評佢我覺得個客服態度好好首先，我冇批評格仔餅嘅成份我只係表達話會唔會同我對格仔餅本身嘅想法有出入因為我諗住食嗰個格仔餅會好脆或者可能你間舖頭係想個格仔餅個口感似蛋糕咁客服就話唔係，係應該好脆所以佢想我再試多次於是隔咗三日，我再去中環街市嘅舖頭店員就知道我個情況同我解釋可能當日客人比較多所以對住格仔餅吹風嘅時間唔夠就會有蛋糕咁嘅情況佢話希望今次補返嘅格仔餅係平時嘅出品的確再次食，真係好食好多而且亦都主動問你要唔要飲品可以送俾我但我最後冇要因為我真係好鍾意食格仔餅🧇有得食就滿足今次去食又脆，又多醬料真係好食好多希望媽咪雞蛋仔，保持到個出品🤩

雞蛋仔是一種香港傳統小食，用簡單的食材變成外型像小球形蛋糕。充滿童真的我，有時不想吃正餐，就用雞蛋仔當一餐。-HK$45雙重芝士雞蛋仔～表面有著金黃色的脆外皮，內𥚃鬆軟。每口也充滿鹹香的芝士，真香口-HK$28鹹檸七～近來我好熱氣，配杯濃郁的鹹檸七降火。-現在的雞蛋仔已經不再只有原味，還有鹹/甜口味的選擇。例如朱古力、抹茶紅豆、芝士口味、麻辣肉鬆等等。格仔餅也有8款口味那麼多。還有多款飲品任君選擇，怪不得當天買雞蛋仔也排長龍😆-喺中環街市買完mama雞蛋仔，可以坐喺中環碼頭，一邊欣賞香港維港一邊吃著美雞蛋仔，真是舒服

下午時段，途經中環街市，見有個food court 層有不少小食店舖，發現其中有一間賣雞蛋仔，心想都好耐沒有食過雞蛋仔就去排隊選購。🧐🧐去到櫃檯，發現有十幾種口味，心諗雞蛋仔整咁多不同口味真係有客食咁多味？於是就叫了個肉鬆雞蛋仔、紅豆冰和白牛。個店員在我買完後，才告訴我要等20分鐘，真是過份，你一係在購買前跟我說現時太多order，如果要落單，需要等候20分鐘，等客人自己選擇是否等候，而不是付費後才跟客人講要等20分鐘。😡😡呆等了20分鐘後，終於取得食物，可惜聞名不如見面，還是街邊普通雞蛋仔香脆可好，個雞蛋仔根本吃不出有何特別，除了貴和等候時間長外，還有個外賣手提袋比雞皮紙袋美觀很多。😤😤此外個紅豆冰是打溶晒，沒有食紅豆冰口感，個白牛就更加失望，雪糕唔好食之餘個7起底唔夠氣，簡直令我非常失望。完全破壞晒3款懷舊食物的原有味道。😣😣