媽咪雞蛋仔 (已結業)

雞蛋仔雖然話就話係平民小食，但係而家就越賣越貴呢間賣到岀哂名，就黎試下係唔係真係特別好食我哋叫咗伯爵茶朱古力雞蛋仔落咗單，隔左冇耐就攞得，攞之前佢會攞個吹風機吹一吹佢可能係可以令佢外層脆啲新鮮岀爐熱辣辣口感方面，佢都做到外脆內軟，唔會話好空心味道方面，一入口好濃既茶味，隨後先食到朱古力醬既味，最重要係佢唔算甜，我覺得岩岩好，冇咁甜就冇咁膩，冇咁大邪惡感不過咁既甜度，對小朋友黎講有可能少左啲我覺得整體黎講都好食既，但要三十蚊一底真係有啲貴

媽咪雞蛋仔分店極多同時都係米芝蓮推薦街頭小食，無論本地人同遊客都會雞蛋仔係香港非常地道的特色小吃之一，小食店必有雞蛋仔，所以既要做到好食和多人認識都好難而媽咪雞蛋仔就做到啦，因為款式超過十多款 而且仲有好多創意口味 無論甜既咸既 總有一款岩你今次我係尖沙咀分店就買左個「抹茶朱古力雞蛋仔」$29落左單後，店員會即叫即整之後店員仲會將雞蛋仔吹吹風令雞蛋仔更加脆卜卜整好就叫號取， 一拎上手雞蛋仔十分熱辣辣，雞蛋仔粒粒都好大粒 拎上手有重量感覺好足料下由於叫左抹茶味 整個雞蛋仔都係綠色 聞落去仲好香好重抹茶味 喜歡食抹茶味既你 唔好錯過啦!咬落去雞蛋仔外脆內軟，鬆軟的內層佈滿朱古力碎雞蛋仔口感煙韌，內層足料，熱辣辣既雞蛋仔令裡面朱古力溶溶地，抹茶味同朱古力味達到雙重口感，好正阿!

媽咪雞蛋仔好多間分店，之前試過紅磡果間，今次經過尖沙咀呢間又心思思想試下未食過既款式🤭咸好定甜好呢🤔最終揀左甜既“抹茶朱古力雞蛋仔”，呢個組合本身就已經好夾，雞蛋仔一到手係熱熱地，拎上手感覺好足料下，好重手，抹茶綠色睇落都幾濃郁😍,第一口咬落去外脆內好軟，有煙煙韌韌既口感，吾係得個外脆裡面空心果隻😋我鍾意！每粒都有溶溶地既朱古力喺雞蛋仔裡面，抹茶味同朱古力整體都吾會太甜, 下次經過會想試下佢既咸味雞蛋仔😆。

經過聞到陣陣的雞蛋仔，之後叫就忍不住就去買。我就點左紫薯蕃薯雞蛋仔(HKD32)，這是限定，即叫即整，所以等待時間比較耐。咬開有蕃薯和紫薯結合，好香口，蕃薯味較重，紫薯味淡，每一粒都好足料，好好味，下次我會試下其他味。

媽咪雞蛋仔(尖沙咀) (4.5/5) 🌕🌕🌕🌕🌗推薦程度：🔥🔥🔥🔥🔥 (5🔥為最高)鮮有寫小食嘅食評，今次就等我寫媽咪雞蛋仔嘅食評，相信大家對於媽咪雞蛋仔都唔會陌生咖啦，受到米芝蓮加持，吸引好多人慕名而黎，不過只有媽咪雞蛋仔(尖沙咀)才有米芝蓮街頭小食推介，所以我一於去呢間媽咪雞蛋仔尖沙咀分店試吓，睇吓係咪真係咁好味到要我特登去食⋯⋯我叫左綠茶紅豆雞蛋仔($29)，未講食物之前，媽咪雞蛋仔(尖沙咀)已經🎉連續5年獲選米芝蓮街頭小食推介🎊👏，即係由2016 先有嘅米芝蓮香港街頭小食推介開始就一直都獲選。媽咪雞蛋仔已經有十四間，遍佈全港九新界，但係呢家分店仍然吸引好多人去排隊買，同附近嘅店舖有鮮明對比，其他鋪頭無乜人流，呢間我就等左差唔多25-30分鐘先拎到個綠茶紅豆雞蛋仔😅，等咁耐係咪都係值得呢？綠茶紅豆雞蛋仔($29) (4.5/5) 🌕🌕🌕🌕🌗價錢合理喇，平時街邊賣嘅普通雞蛋仔都要十幾蚊啦。何況呢間即叫即整，新鮮出爐嘅雞蛋仔，熱辣辣🔥，食個時正值寒冬❄️，雪中送炭，倍感䁔意，一咬落去，卜卜嘅聲音，好似食緊炸雞🍗咁，就咁睇已經知道佢係脆卜卜，外脆內軟，濃烈嘅綠茶味🍵仲有少少嘅紅豆溶，綠茶

我平時都係食開朱古力香蕉或者紫菜肉鬆⋯⋯今次見到佢有隻新野係伯爵茶朱古力⋯本人平時都好鍾意伯爵茶⋯咁見佢有就試下⋯（如果有Hojicha味就好啦）⋯咁試第一粒⋯ 真係要高呼好好味呀！⋯除左佢熱辣辣咁加曬分之外⋯佢晚伯爵茶味真係好香好好味⋯再配啲溶溶地既朱古力⋯⋯下次再買！希望佢做呢個味做耐啲啦！真係好好味！不過呢間尖沙咀分店好似無銅鑼灣個間咁多味⋯但仍然都有人排隊⋯呢個味真係要試！！！希望佢會研發個培茶味啦

粉麵吃得很不爽亦沒吃飽！小夫走了去不用排隊的媽咪雞蛋仔買一底原味的給我吃，估不到連米芝蓮推介的雞蛋仔也欺負我嘴巴哼......... 我吃雞蛋仔只喜歡原味這兒一底售＄20，比其它口味來說可算是抵食了！！ 仔細看這底原味雞蛋仔後個心也離一離！外層好像打了Botox般的膠樣，吃下只有脆口感覺但一點蛋香也沒有之餘更頗為多油，比起豐記香脆不油膩的出品簡直是差天共地！又白白浪費了20蚊和珍貴的Quota！

以往每次到來，都大排長龍，現在因為疫情關係，竟然不用排隊。以往多數吃原味雞蛋仔，這天想換口味，就點了伯爵茶朱古力雞蛋仔。因為是即點即做的，所以雖然不用排隊，還是等了十多分鐘，不過這比以前往往要等半小時或以上，已經算是很快的了。這伯爵茶朱古力雞蛋仔味道很好，茶味香濃，朱古力又不太甜，是很好的組合，當然，外脆內軟的質感也為這雞蛋仔加了不少分數。店家放了一樽酒精搓手液在收銀機旁，讓顧客可以在進食前先清潔雙手，始終雞蛋仔是用手掰開來吃的，還是先清潔雙手夠安心，店家真貼心！

雞蛋仔只係一項好大發明，又飽肚，價錢都唔會太貴。特別係行行下街，覺得肚餓個陣，就會想食啲無咁heavy 但又醫到肚既小食。 媽咪雞蛋仔遠近馳名，係米芝蓮選中既雞蛋仔，可以話係雞蛋仔界既名牌。個人係獨愛原味，因為個陣蛋香味會令我諗起童年呀！！真係名不虛傳，做到外脆內軟，而且仲係即叫即整，熱辣辣既時候係最好食！外皮脆卜卜，又香口，一啖咬落去，入面係好軟，呢種口感真係唔係間間都做到。另外都試左個朱古力味，第一真係好香，好似朱古力蛋糕咁香。第二，入面個朱古力餡好足料，粒粒都脹卜卜同有朱古力醬！真係好好食呀！冬天食真係特別正！細細個就已經好中意食雞蛋仔，由以前只得一種味道，到而家有咁多創新味道選擇，對良客黎講真係一件好事黎。街頭小食代表住一個地方既地道文化，隨住時代轉變，傳統既小食都加入創意同埋一直改良。希望之前會食到更多近既口味啦！

媽咪雞蛋仔係真心我食過咁多間雞蛋仔最好味既一間, 難怪佢會係米芝蓮雞蛋仔!甜味中意粒粒朱古力味雞蛋仔, 唔會太甜, 又真係食到朱古力融係中間.咸味最中意咸蛋味雞蛋仔, 咸蛋味既野我不嬲都愛, 估唔到連雞蛋仔都有咸蛋味.呢到既雞蛋仔外脆內鬆有口感, 唔會一啖空氣咁, 亦唔會硬到好似夠石咁, 好適中好味!

如果話最可以代表香港人既美食，一定係雞蛋仔！賣雞蛋仔既鋪頭周街都係，品質都有參差，而我最中意食既就係攞左米芝蓮既【媽咪雞蛋仔】啦！今次試左冬天限定紫薯味同我一直好鍾意既芝士味！另外仲叫左鮮榨檸檬水同檸檬茶。紫薯味：雖然係甜味鷄蛋仔，但基本上唔會好甜，每一粒鷄蛋仔入面都充滿紫薯茸，非常真材實料。芝士味：非常非常多芝士，多到bi曬出黎。鹹鹹香香，外脆内軟！如果鍾意鹹鹹甜甜一定鍾意呢個味。平時好少會買佢D飲品，但原來D飲品都好高質！鮮榨檸檬+青檸、酸酸甜甜非常清新！都非常推薦啊！【媽咪雞蛋仔】既好食之處就係就算凍左都好脆！

今日下午有點肚餓，晚上約了男朋友食串燒，所以想食少少嘢。當然要支持香港人小店！好感動香港人的堅持及信念，排著隊還是會繼續等候！這間多間分店不同口味及款式的雞蛋仔及夾餅，更有不同飲品選擇，更有優惠：買雞蛋仔/夾餅，買飲品就減$4。可惜今日無夾餅，所以選了粒粒朱古力味的雞蛋仔！甜甜的朱古力味，有溶溶的朱古力，中間更有煙韌麻薯！熱辣辣的雞蛋仔好外脆卜卜內面軟軟口感，甜又美味，好正！服務有耐性有禮貌，香港人加油！

朝頭早11點幾又未到食晏晝，有啲口痕想買啲小食， 就諗起附近有間幾好食嘅雞蛋仔。 行到過去，都有幾個遊客喺度等緊，好彩都唔使等太耐，本身諗住食原味，但又諗起之前朋友講伯爵茶味幾好食 ，咁就買個伯爵茶味雞蛋仔試下啦。畀完錢攞咗飛， 等咗兩個字左右就整好喇。 個雞蛋仔表面都算脆嘅，入邊又唔算空心， 都整得幾好嘅。但係伯爵茶嘅味太濃蓋過咗雞蛋仔本身嘅味道，食唔到蛋香味。可能我個人都係鍾意原味嘅雞蛋仔多啲，下次再嚟我都係揀返原味吧。

早前放工去左尖沙咀媽咪雞蛋仔買🍫🍫粒粒朱古力雞蛋仔😋呢間分店咩時間去都係禁多人排隊，放工時間去仲多，今次等左成15分鐘左右⏰⏰但都值...因職員整完後，要比時間吹雞蛋仔😋先會整到外脆內軟既口感😋👍🏻由以前十幾蚊食到依家HK$25💰💰朱古力粒粒都好足料🍫🍫另一推介伯爵茶雞蛋仔☕️HK$28呢個係之前食完Lunch 經過時買黎食， 冇諗過又幾好味😲好香伯爵茶味 , 鍾意伯爵茶既朋友可以試下👍🏻

媽咪雞蛋仔已經聽過好多次，但未食過。今日親等緊朋友，梗係去買番一底。眼見門口位置已經人山人海，原來係等待取雞蛋仔既人龍。到收銀處下單後大約等了10分鐘就有了。 抹茶朱古力雞蛋仔$29 就甘望埋去就知道係外脆，外邊是金黃綠色，有小小朱古力溶化係外圍邊。一咬下去，果然係外脆內軟，入面就好似食緊抹茶朱古力蛋糕咁樣，但有一個吾好就係佢做到好甜，同埋缺小左香既味道。老實講，雞蛋仔係代表香港傳統美食之一，呢一間吾可以講話做到真係好好好好好食，但係算係做到雞蛋仔正常水準。