媽咪雞蛋仔 (已結業)

突然好想食雞蛋仔 咁啱又喺旺角咁就諗住去搵媽咪啦😌平時叫開抹茶朱古力悶悶地突然想試下啲新嘢 見到雙重芝士係鹹食榜TOP🥇$45 覺得價錢有啲貴但如果好食都冇乜所謂嘅😐一去到超多人 最尾等咗30分鐘先有得拎拎到上手個包裝靚咗 變咗好似手提袋嘅設計👜都幾有心思 好啱一路拎住行街一路食我覺得自己都算係芝士愛好者💛但係呢個真係搞唔掂🫠價錢貴之餘仲要唔好食！食落有芝士味嘅不過唔係好分到邊兩隻芝士，食兩粒已經超級濟 即刻放低咗😮‍💨好失望到底個排行榜係邊個排😶‍🌫️

香港雞蛋仔！這真的是一款讓人回味無窮的街頭美食。當你在香港的繁華街頭走過時，這香氣撲鼻的雞蛋仔一定會吸引你的注意力。首先，我們來聊聊雞蛋仔的外型。它們呈現一個個小巧可愛的蛋形狀，吃起來非常方便。每一個雞蛋仔都是一個滿滿的口感驚喜，表面金黃酥脆，內裡則是柔軟的鬆軟口感。味道方面，雞蛋仔的香氣十足，濃郁的雞蛋味與一點點甜度完美結合。每一口都讓人陶醉在這美妙的味道中。無論是作為早餐、下午茶還是解饞零食，雞蛋仔都是絕佳的選擇。愛死這家的雞蛋仔了❤️

我最近食咗一個好出色嘅雞蛋仔，就係媽咪雞蛋仔，佢係一間小店，價錢好平啊！啲雞蛋仔煎得好香脆，鬆鬆軟軟，好好味！啲口感好正，啲蛋味同埋啲香味配搭得好啱，真係令人回味！佢仲有多種口味，我最鍾意嘅芝士味雞蛋仔，啲甜味啲鹹味都啱啱好，啱晒小朋友食，真係好推介啊！

今日放工後趕去做facial💆🏻‍♀️ 所以只能食個quick dinner，然後… 一下就諗起雞蛋仔😋 見好似好耐都無食過有餡既雞蛋仔，今次就打算犒賞一下自己，叫左個芝麻肉鬆味🤭 點知今日好多單，要等15分鐘😅 真係拎得黎都真係得番5分鐘食… 下次都係篤魚蛋食好了🤪芝麻肉鬆雞蛋仔 ($41)熱辣辣既雞蛋仔最好味🤤 不枉我等咁耐。因為係芝麻肉鬆係咸既雞蛋仔，所以中和番蛋漿既甜味，就算食哂成底，都唔會太漏。加上店員整得岩岩好，雞蛋仔外皮有光澤，外脆內軟，質感好好👍🏻 如果要數既話，就係芝麻味比肉鬆味更突出，但我prefer多啲肉鬆，會香口d。

🍳旺角媽咪雞蛋仔🧞‍♂️話說上個禮拜上下上下堂嘅時候突然間想食雞蛋仔 講吓講吓去到琴日終於買到媽咪雞蛋仔🥲🥲🫶🏼但係而家開晒關人又多 等攞都等咗半個鐘 搞到個人都燥燥地😒😒😡😡食落去又唔覺得特別好食 好似以前好食啲 同埋價錢偏貴😮‍💨😮‍💨🍳伯爵茶朱古力味 $36話說我第一次食媽咪雞蛋仔嘅時候就係食淨朱古力味🍫~~嗰陣時覺得好好食 但係琴日第二次食 又唔想再食返之前嗰隻味 就試咗人氣No.2~ 🍳伯爵茶味好香 朱古力味亦都係一粒粒咁🫶🏼好有咬口~但係$36完全唔值囉 冇咗以前嗰種風味🥲🥲可能冇下次了！Btw 旺角分店職員態度真係幾差 同埋都冇一個完善嘅system俾啲客人去排隊可以清楚睇到雞蛋仔整好未 個個企晒喺度 整好又唔叫 完全唔想再幫襯👎🏻😮‍💨😮‍💨 🍳旺角媽咪雞蛋仔🧇地址: 旺角豉油街33號地下A號舖

等了35分鐘，然後再催促店員的時候，他即是拿了一份又凍又硬格仔餅過來。好似放左已有一晚的口感。超級失望。就算其他人再提怎樣好食，也不會再想有下一次的失望。算吧。

上次食雞蛋仔已經唔記得係幾時啦呢一間之前食過一次係好食既最近想食就念起呢一間店甘中午時間去買，時間好似未夠12點無咩人，叫完就等左15分鐘到好脆口好多朱古力，$27呢個價錢貴左少少

行過波鞋街既時間聞到一陣陣烘雞蛋仔/格仔餅既雞蛋牛油香味，望下邊一間咁香飄落我個鼻度，發現左呢間新既媽咪雞蛋仔，原來舊陣時嘅旺角鋪已經搬左黎呢度。就算岩岩食飽飯既我都忍唔住買左底雞蛋仔黎食。招牌原味雞蛋仔 $20 🧇🧇媽咪雞蛋仔都係落單開始即叫即做，做證新鮮做好送到你手。等候期間都不斷有人買，等左大約10分鐘就到我雞蛋仔外脆內軟，又有蛋香又有牛油味，真係好食到停唔到口，就算慢慢食攤凍左都依然咁脆口，總好過其他鋪頭賣十幾廿蚊既話咁快淋曬。

媽咪雞蛋仔同以前味道一樣，都係咁脆咁好食，好耐冇試過係條街食野，特別好食，今次揀咗最鍾意嘅朱古力味，$27 唔算好貴，可能已經夜晚9點幾，我等左10分鐘左右就有得拎。個紙盒嘅包裝，好明顯落咗心機，吹涷食更脆，是真的拎上手仲係熱辣辣，粒粒都有朱古力，多到未咬落去，就咁望都望到個餡，同埋佢一底都幾多，幾掋食咬落去，真係粒粒都有朱古力，絕對不馬夫下次再食，我會試咖啡朱古力

📍媽咪雞蛋仔 (旺角)旺角豉油街33號地下A號舖聽人媽咪雞蛋仔好出名，今次終於試到，買之前都睇到好多人等🫣，都已經做左心理準備同自己唔太趕時間，所以都去左買黎一試😆😆見到有好多味道選擇，真係花多眼亂😝😝🔹媽咪朱古力雞蛋仔等左超過30分中😅😅😅不過個雞蛋仔拎上上手唔熱，即刻有小小失望🥴🥴好彩勝左味道唔差，入面好軟熟，希望下次食會熱d😊🔹抹茶格仔餅🧇抹茶🍵味道都好出，格仔餅同樣好軟熟，係甜左d😬😬

不嬲都有食開 ，，食咗幾年，，由佢舊鋪係廣華街食到佢搬新鋪起碼都有幾年了 。幫襯過好多次，但覺得搬新鋪之後，質素好似開始下降…….次次都有少少參差今日啱啱去買個雞蛋仔，即叫即整要等不嬲都知，所以都預咗要等，無行開喺門口企咗20分鐘等，一嗌號碼就即刻拎，點知攞上手係凍嘅…….諗住係咪天氣凍？咬一啖食完入邊都係凍嘅…係裏裏外外都凍，應該吹咗好耐，又冇即刻嗌number….點解我要企20分鐘，食個凍嘅雞蛋仔😂

🍴伯爵茶朱古力 $36 (8/10)雞蛋仔即叫即整，外脆內軟，入面係有少少濕潤，少少黏口蛋糕嘅質感，伯爵茶味非常香濃，茶味好出，入面每粒雞蛋仔都有朱古力，半溶狀態好濃郁嘅朱古力味，帶有少少微苦，整體一啲都唔甜，好好食！推薦指數: 8/10連鎖店嚟講最好食嘅雞蛋仔🥰下次試埋其他味！

朝早經歷完錯敗想食返啲開心嘢第一時間諗起其中一樣comfort food就係「雞蛋仔」啦講到雞蛋仔，第一時間一定係諗起「媽咪」由佢初初喺紅磡一間鋪到而家開到成行成市大大話話都幫襯咗佢10年不過咁多年好似都無食過佢嘅格仔餅今日心血來潮，決定一轉平日習慣買返底格仔餅食吓旺角呢間分店都係第一次幫襯要食格仔餅，梗係食返原味啦唔搞咁多花臣😂😂😂😂即叫即整，不過都好快有得食格仔餅唔似雞蛋仔用盒裝住用傳統紙袋，易食易拎個格仔餅外脆內軟配埋啲肥仔醬，真係好yummy🤭🤭

已經食過不下十次、大部分味都試過今次太耐冇食抹茶味嘅嘢所以買咗個抹茶朱古力味雞蛋仔即叫即整而且前面有幾個客都排緊所以要等一陣但見廚房至少有三個烤盤所以十分鐘內攞到個雞蛋仔形狀好完整好結實個皮硬硬哋唔會好似其他舖頭嗰啲捻到毛巾咁咬落去裡面係又滿又軟綿綿嘅餡有啲似食緊有朱古力粒嘅麵包完全唔會過甜、又食到抹茶味又唔會漏/滯食完一底想即刻再食😝係個硬咭紙手抽盒有啲微妙難推啲雞蛋仔出嚟、避免唔到用手用返傳統紙袋方便啲之前都試過啲朱古力醬格仔餅個餅好結實、裡面啲朱古力醬仲要係熱不過通常滿到瀉食到好論盡所以要坐定定食有機會再經過都想再食

放假就是要放肆一下，吃一下治癒野食朱古力雞蛋仔，有朱古力涵令到雞蛋仔不會太單調，雞蛋仔焗得鬆軟而又不會過淋，很怕食到雞蛋仔淋到好像毛巾蛋糕咁既質地，而且很有蛋香味，朱古力又充滿每一粒都有，每次食到很滿足！