媽咪雞蛋仔 (已結業)

今日放工後趕去做facial💆🏻‍♀️ 所以只能食個quick dinner，然後… 一下就諗起雞蛋仔😋 見好似好耐都無食過有餡既雞蛋仔，今次就打算犒賞一下自己，叫左個芝麻肉鬆味🤭 點知今日好多單，要等15分鐘😅 真係拎得黎都真係得番5分鐘食… 下次都係篤魚蛋食好了🤪芝麻肉鬆雞蛋仔 ($41)熱辣辣既雞蛋仔最好味🤤 不枉我等咁耐。因為係芝麻肉鬆係咸既雞蛋仔，所以中和番蛋漿既甜味，就算食哂成底，都唔會太漏。加上店員整得岩岩好，雞蛋仔外皮有光澤，外脆內軟，質感好好👍🏻 如果要數既話，就係芝麻味比肉鬆味更突出，但我prefer多啲肉鬆，會香口d。