媽咪雞蛋仔 (已結業)

粒粒朱古力 $25.食過媽咪雞蛋仔都好幾次 呢款朱古力口味都唔止試過一次 keep到水平無退步.佢用粒粒朱古力個概念幾好 視覺上你會見唔係成份雞蛋仔都係朱古力色 而係蛋色中有點點朱古力 味覺上粒粒朱古力食落幾crunchy 有幾分似食緊朱古力曲奇碎既口感 難得係啖啖雞蛋仔都有朱古力元素 而唔係側重一邊 整得幾均勻下.除左朱古力口味唔錯之外 呢份雞蛋仔都幾脆口 又有餡又有脆 分已加如果有外地人問起香港有咩好西食 雞蛋仔絕對可以上地道美食榜

香港的雞蛋仔馳名海外，但近年好食的雞蛋仔真係買少見少，早排食左連鎖X群的雞蛋仔，竟然係冧patpat 完全無以往的香脆可口，果下失望到想掉左成個雞蛋仔，所以過幾日要食返媽咪雞蛋仔平衡返心理先得。媽咪雞蛋仔的做法同傳統雞蛋仔做法有異，我試過食原味、鹹蛋黃同埋雙重芝士，原味真係好無特別因爲去得媽咪雞蛋仔一定係食比較有特色的味道，個人非常喜愛雙重芝士口味因爲我係芝士控，唔知佢用左咩野芝士但效果好好，而新鮮整好的雞蛋仔亦很脆很香，拎上手重到有啲墜手的感覺其實好滿足，未試過的朋友一定要試下。只係33蚊有少許貴。

官塘區小食店，主打雞蛋仔、格仔餅和凍奶茶。各款食物和飲品均加入很多新元素或配搭。抹茶格仔餅27元，熱辣辣。大大件，格仔餅外脆內軟軟，抹茶味道較淡，花生醬味道濃郁，牛油很多。

餡料極少！！當時吃的是紫菜肉鬆雞蛋仔，紫菜倒是有一大片，卻不見有肉鬆(T_T)(T_T)吃上去沒有一點肉鬆味...我點這個就是為了肉鬆，點知他給我的是紫菜雞蛋仔...（仔細觀察先會發現一點點肉鬆(*_*)）還有一次是買了鹹蛋黃雞蛋仔，裡面的餡少到我以為自己點的是原味雞蛋仔...次次都只有一點點餡料，是要喂雀嘛？認真無誇張，次次極肚餓時吃到這麼差的雞蛋仔，心情由期待到氣憤。用$33買了這東西真的好好好失望.....

格仔餅成日都會食 但又唔敢成日食 因為都幾高卡但男朋友放假喎！點都要食喇 係咪呀雖然由十幾蚊食到宜家要廿二蚊但係得一間——媽咪雞蛋仔 永遠唔會令我失望$22除左係買質素之如 仲係買緊信心因為唔會難食 佢個皮真係夠哂鬆軟 熱辣辣 啲花生醬同煉奶又多 要我等耐啲都值呀 食完半個其實都幾夠飽 唔似得街邊檔個啲好平 但係好難食個皮會好硬 又凍哂 啲牛油又一舊舊 溶都唔溶下！！

明明晚餐已經食到好飽都仲要食！因為真係好香同埋記憶中既媽咪雞蛋仔實在太好食！每次都係揀香辣肉鬆味，因為真係辣得好過癮！今次揀左中辣，食幾粒已經辣到要去附近7-11買枝凍飲解辣！但係都仲要繼續一粒就粒猛食！肉鬆餡比以前少左好多！食落唔過癮！再咁落去下次唔幫襯！見佢好勤力出好多新味，連最近人氣大熱既伯爵茶都有！下次可能真係要另投新口味，唔再堅持香辣肉鬆，希望發掘到新口味新美味啦！如果可以賣半底會更好，因為一個人真係食唔哂呀！

差不多成23:00經過依間媽咪雞蛋仔，竟然仲未閂門，加上落雨冇帶遮，決定買番個雞蛋仔邊食邊等雨～～(又俾藉口自己食野🤣🤣)見到佢有好多新口味，又有格仔餅，野飲，但因為啱啱已經食左個麵，所以平平地食番個粒粒朱古力雞蛋仔算了😋😋等左大概8分鐘，有得食啦！鍾意媽咪雞蛋仔嘅原因一定係外面香脆，每粒雞蛋仔又足料！最驚果啲外面林字字，入面實的的嘅雞蛋仔😫😫而且朱古力味又唔會太甜，好食！下次要試新口味！

創意雞蛋仔舖真係開了不少，屋企樓下就開了一間，兩年來一直經過都無幫襯過，每次經過都見兩三人在等候，生意不俗。店舖屬蚊型舖一眼望晒，內裡處理食物地方和門面同樣整潔光鮮，印象分加了不少，而店門櫃位前都有幾尺空間可站立等候，唔駛企出店外斜路阻到途人。見餐牌都有幾多選擇，今日就試左推介第二位的雙層芝士雞蛋仔，等候需時約十分鐘，雞蛋仔口感係有啲外皮脆而內較的，但就縑外皮比較硬，內裡都不太軟芝士無流心效果比期望有點落差，食左一半有啲溜，這個價錢$33覺得略貴一點，間中食下都ＯＫ嘅。

又細都大都好鐘意食雞蛋仔，由細細個時係街邊車仔檔到買8-10蚊一底，到而家所有雞蛋仔都上曬鋪，再增加至10幾20款口咪，我還是最鐘意我的“原味雞蛋仔”。“媽咪雞蛋仔”這個名真的很有愛，試想想當你童年時，很想吃雞蛋仔的時候，可能因困在家而沒有機會食時，你的媽媽親手做雞蛋仔給你吃，那愛已令這雞蛋仔成為天下美食了。還要那雞蛋仔是那麼上品的外脆內軟，充滿蛋香。又怎能令你不停下來買呢。

某日放工肚餓，就黎叫左一底我至愛嘅朱古力雞蛋仔 ($22)食開都係外脆內軟，但今次內外都硬。唔知係咪因爲一次過整幾底，所以少少失水準。但味道依舊，整體正常。呢間有套餐，叫飲品減$4下次可以試埋啲飲品

觀塘早排開左間媽咪雞蛋仔見佢餐牌好多味道選擇都好吸引咖啡控表示好想試咖啡味但要試佢個蛋漿夠唔夠蛋味始終第一次食都要整底原味黎試下即叫即整整左大約10分鐘新鮮出爐雞蛋仔外層好脆口內裡好軟熟蛋味未夠北角果間咁濃食到一半, O係紙袋入面既雞蛋仔已經有o的淋淋地無左脆口感覺下次要食快手O的保持入口鬆脆感覺飲品MENU都好吸引, 留返下次再試

一路上小店林立，選擇之多令人眼花撩亂。忽然一陣秋天的涼風吹來，使人精神為之一振。涼風送爽之餘還夾著一股清甜蛋香，雙腿就隨之前行。借辛棄疾「青玉案」一用，眾里尋他千百度，驀然回首，那人卻在燈火闌珊處。來到店前，清香更濃。今天先試試最基礎的原味雞蛋仔，再配上芒果梳打潤潤喉。三五分鐘後，食物已經預備好了。雞蛋仔外脆內軟，脆是看得見的脆，軟亦是看得見的軟。入口清甜，蛋味良久不散。芒果梳打較甜，較多冰，氣泡充裕，入口解渴。是次消費HKD35，套餐有HKD優惠。

👉🏻抹茶朱古力雞蛋仔🍵🍫💲28幾濃嘅抹茶味不過依然冇搶到蛋香味😽但朱古力就好似唔太多味唔太出得個甜字🤨配紅豆可能好食啲🧐但蛋雞仔內脆內軟又實心真係幾好食👍🏻〰️〰️〰️〰️〰️〰️〰️〰️〰️〰️👉🏻港式格仔餅💲21配花生醬🥜、植物牛油、煉奶及砂糖其實想試格仔餅好耐但成日覺得間鋪叫得做媽咪雞蛋仔一定要食雞蛋仔😹估唔到格仔餅都好好食😻外面脆卜卜以為佢會脆到冇咩料好似食脆皮餅咁但原來佢質感超厚實✨😽係我中意嘅口感🤤入面啲醬正常份量啦🤣又唔會多到漏食得冇咁leh hea都好嘅😹

今日6點幾收工， 趕住返屋企食飯 ，點知行行下聞到一陣陣撲鼻而來的蛋香味， 迎頭一望原來係， 榮獲香港米芝蓮推介嘅媽咪雞蛋仔,實在太誘惑勒! 店面鋪滿形形色色林林總總嘅雞蛋仔相片，俾客人參考。 除了保持傳統蛋味香濃口感外脆內軟的原味之外，還推出多種創新口味，包括綠茶紅豆味、粒粒朱古力味、紫薯味、咖啡味，還有鹹口的和風紫菜櫻花蝦味、豬肉肉鬆味、雙重芝士味等等，秋季還有季節限定有機栗子味！ 同埋仲有好多特色嘢飲實左令人眼花繚亂， 諗咗 十分鐘終於都 決定到食乜嘢好 。 今次我揀咗咸蛋黃雞蛋仔 同 肉鬆格仔餅， 首先講下 肉鬆格仔餅 啦， 食落去嘅口感 鬆軟可口， 裏面鋪滿咗花生醬煉奶 ，同埋肉鬆， 口感層次豐富， 實在食到我停唔到口。 食完之後都有半飽， 之後再試埋個咸蛋黃雞蛋仔又一大贊，囉到手熱騰騰 之餘， 一陣蛋香撲鼻而來，口感外脆內軟， 食落 鹹香十足，真系一口一個滿足,值得俾個like佢！！😆😆

放工經常會經過， 行過都會見到餐牌上有好多唔同口味嘅雞蛋仔，有部份甚至喺外面一般賣街頭小食嘅鋪頭唔會有嘅，一直都心思思想試吓，終於有日放工後覺得肚餓，就入去幫襯啦~鋪仔細細，但已經足夠製作食物仲裝咗部電視播宣傳片其實除咗雞蛋仔之外，仲有賣格仔餅同埋飲品但既然間鋪係叫「媽咪雞蛋仔」，咁都係食番「招牌菜」啦~就試佢嘅人氣NO.1雞蛋仔即叫即整，但唔算等得耐份份新鮮熱辣兼份量十足好少可食到雞蛋仔啱啱整起仲熱嘅時候都係脆嘅，有驚喜雙重芝士口味，芝士足量，粒粒雞蛋仔都食到香濃嘅芝士味，口感外脆內軟仲有啲煙韌，尤其趁熱食特別惹味，好食到停唔到口！果然係人氣NO.1~食到臨尾已經開始飽，以佢嘅售價而言，算係合理而且食食吓凍咗，亦有另一番風味總括嚟講，呢間雞蛋仔相當唔錯，可以一試！下次再試吓其他口味~