媽咪雞蛋仔 (已結業)

差不多成23:00經過依間媽咪雞蛋仔，竟然仲未閂門，加上落雨冇帶遮，決定買番個雞蛋仔邊食邊等雨～～(又俾藉口自己食野🤣🤣)見到佢有好多新口味，又有格仔餅，野飲，但因為啱啱已經食左個麵，所以平平地食番個粒粒朱古力雞蛋仔算了😋😋等左大概8分鐘，有得食啦！鍾意媽咪雞蛋仔嘅原因一定係外面香脆，每粒雞蛋仔又足料！最驚果啲外面林字字，入面實的的嘅雞蛋仔😫😫而且朱古力味又唔會太甜，好食！下次要試新口味！