安妮麵包 (已結業)

麥皮包係新出品,外型似長條型麥包,本來以為味道同麥包分別唔大,但原來一食就會食到好大陣麥皮味,真係好似食緊麥皮咁,幾得意!不過由於麥皮味道一向較淡,所以包其實都幾淡,係有少少口感,都幾特別!

近黎試左唔少地方既肉鬆包,發現味道可以好唔同,variation好大,所以甚有興趣逐店試,試完大店,今次試小店,就好似呢間安妮咁。原來呢間小店都有佢既特色,紫菜肉鬆包外觀脹卜卜,似一個吞拿魚或者叉燒包,不過面頭有一片四方形紫菜,所以一睇就知係肉鬆包,包既餡只係得肉鬆,味道唔會太鹹,幾適中,而且份量都幾多,我覺得好好食,更加好既係我食到佢個包有少少甜味,顏色都有少少黃,應該唔係普通白包,原來個包甜甜地,係會好味好多架!不過提一提,可能有些人會覺得個包太乾, 因為有好多肉鬆包係有沙律醬既,不過我份人唔鍾意沙律醬,無左反而更加好!

酥皮蛋糕就見得多,但係呢間麫包店竟然有一種叫菠蘿皮蛋糕既東西,原來同酥皮蛋糕唔多,不過個酥皮就變左菠蘿包既皮,咁得意,梗要試!食落又ok喎,個皮都脆架。同酥皮蛋糕相比,我媑鍾意菠蘿皮蛋糕多d,因為我覺得菠蘿包既皮好食d!