安妮麵包 (已結業)

近黎試左唔少地方既肉鬆包,發現味道可以好唔同,variation好大,所以甚有興趣逐店試,試完大店,今次試小店,就好似呢間安妮咁。原來呢間小店都有佢既特色,紫菜肉鬆包外觀脹卜卜,似一個吞拿魚或者叉燒包,不過面頭有一片四方形紫菜,所以一睇就知係肉鬆包,包既餡只係得肉鬆,味道唔會太鹹,幾適中,而且份量都幾多,我覺得好好食,更加好既係我食到佢個包有少少甜味,顏色都有少少黃,應該唔係普通白包,原來個包甜甜地,係會好味好多架!不過提一提,可能有些人會覺得個包太乾, 因為有好多肉鬆包係有沙律醬既,不過我份人唔鍾意沙律醬,無左反而更加好!