安安燒 (染布房街)

營業中

休息中

每次去食串燒店多數都係食肉類為主，因為海鮮多數都係偏貴的。但係呢一間嘅海鮮竟然係比起肉類好似仲抵少少🤏🏻海鮮雖然唔係十分新鮮但係佢嘅調味係好好食的，特別有蒜頭喺上面嘅都係用新鮮的蒜蓉並不是用李錦記罐裝蒜蓉。對我來講呢一個係10分大加分！

入到串燒店睇餐牌嘅時候竟然見到有三重芝士撈麵，身為芝士愛好者的我當然機不可失叫咗啦😚😚芝士撈麵真係有三種芝士，最上層嘅芝士仲要有燒過的☺️令到成個麵更加香！雖然一個人食晒有少少滯但係食完好滿足。另外仲叫咗少少串燒，但係我都係覺得撈麵係最好食的！

同幾個朋友去食串燒 夜晚七點入去都有啲空位 唔使特別訂位落單唔夠5分鐘已經陸續上菜快到嚇親 通常串燒都要多啲時間雖然咁快上菜 但係全部都係熱嘅應該都冇整定嘅問題都幾好食 價錢合理

一行4人夜晚10點零鐘見有甘多好評就去試下！點知中哂伏！野食難食都不突止！燒烤唔洗燒係咩玩法！落完單唔洗2分鐘已經開始上野食！好似同你玩食得快定佢上得快甘！全部所謂嘅燒烤都唔係燒嘅感覺！好似一早整定係到等你落單再丁返暖甘！價錢又唔係平！真係非常垃圾！一定唔會再去

🔅安安燒🔅旺角🔅串燒🔅好耐冇食過呢一間串燒店，係由安安集團，即係火鍋撚同系列集團經營，之前一直喺旺角都好鍾意深宵去幫襯！但今次呢一個食評將會係一個諫言，因為覺得食物水準跌咗，真係好可惜呀🥺最主要係食物準備方面落多咗調味，亦都品嚐到食物質素爭咁啲，菜式嘅款式同埋創意依然十足，所以鍾意食串燒嘅朋友仔都係唔可以錯過嘅～😄 黑松露墨魚餅有黑松露同墨魚膠打成嘅煎餅！味道十足，好香嘅黑松露，個膠亦打得好Q膠～😄 沙茶金菇煲個煲仔滾住咁煮真係好有feel，雖然金菇就唔值錢😂但個feel值錢！😄 美國牛小排牛肉嘅生熟程度控制得唔錯， 亦都好重牛味！😄 花枝丸同年糕不過不失，都燒得好香脆，內裏軟熟🤨 蒜香燒白鱔如果有留意我食評嘅朋友，就會知道我幾鍾意食鱔，幾乎每次去串燒店都係必叫～但今次真係令我好失望，我第一次食燒鱔係醃咗燒烤汁，感覺因為鱔魚唔新鮮先至咁處理，超級失望😭🤨 蒜蓉惹味生燒茄子喺呢一度嘅招牌菜，當然都係食串燒必叫！可能係因為生燒嘅關係，我自己就覺得佢燒焦咗嘅情況比較嚴重，令到茄子有燒焦味同苦澀味，蒜香都係好好食同重手，嚴格嚟講都遮蓋到，但係我自己就食得比較辛苦🤨 燒牛舌隨着其他食店upgra

本人是串燒愛好者，平時搭車經過，想試呢間好耐了，今次終於有機會。環境非常逼窄，串燒是飲杯酒慢慢嘆吹下水才對，但呢間限食時間個半小時食物味道屬中間偏下，那些招牌菜如年糕同餈飯，唔好意思，真係覺得非常普通。其他串燒亦不夠惹味。辣度只有小辣或唔辣選擇，要知道後加辣粉唔等於做到燒時大辣的惹味。$25墨魚丸串，圖片有五粒，黎到原來每粒切一半，即一串得2.5粒，真係佢先做得出。$404條多春魚，好味都值呀，最慘係無味。煲仔蠔仔$58得四小粒，會唔會過份左d? 廚師腸一條$12，我買開一包$廿幾蚊12條。Anyway，兩個人食唔多飽，埋單$658。坐咁耐，呢個價錢，一杯水都無。只此一次啦。注：門口餐牌無價錢，要入到去開埋QR code先睇到。我特意screen cap了，方便大家睇完再決定去唔去

眾所周知旺角黑布街附近有好多隱世美食，其實呢間係幾年前住旺角已經不時過嚟食。今日難得喺旺角附近收工，夜晚其他舖頭收晒。呢個就係一個好選擇🤭安安燒距離地鐵站有一段距離，但係一班朋友行吓5分鐘就去到。佢嘅優點係營業時間去到凌晨四點😊岩收工黎食價錢方便佢一向都唔最平，不過不失。比較推薦嘅係佢既海鮮，舖頭標榜每日新鮮運到，我哋都試咗幾款👍🏻送到上枱嘅時候啲油仲係滾既。總括嚟講，呢間適合一班朋友過嚟食，唔怕油煙味嘅話可以坐喺路邊位置更加有風味👍🏻

又去旺角揾好野食啦🤗，今次想食串燒就揾左呢間位於旺角染布房街嘅安安燒，落單用qr code落，圖文茂並好方便，上菜亦幾快！🧡燒蟶子皇$45燒蟶子大大隻，加上大量蒜蓉同醬汁，更加鮮味！💛白汁芝士煙肉碎烤大蘑菇$32大蘑菇加上滿滿的白汁芝士煙肉碎，呢個配搭超夾的，而且大蘑菇仲好多汁😋🧡蒜蓉燒扇貝（4隻)$60賣相好吸引，燒扇貝大大隻又鮮甜，配上蒜蓉燒更正呀😊！💛正正麻吉年糕燒$22一串有三件，麻吉年糕煙煙韌韌真係幾正🧡燒芝士餈飯$35第一次食燒餈飯，餈飯微微燒香更香口，入面包滿肉鬆，面頭加上芝士，又邪惡又飽肚💛燒甜美菠蘿$25每次食串燒都必點🍍燒菠蘿，菠蘿燒過後仲更香甜多汁呢😆！🧡日式煉奶燒麻糬 $29麻糬我至愛，外脆內煙韌，仲上點埋煉奶同花生一齊食就更好味！

呢間喺染布房街嘅串燒店，平時經過見到都好多人，今次黎試吓發覺質素真係唔錯🌝美國牛小排 $67牛小排燒得岩岩好，帶粉紅色，食落肉質好嫩😋🌝蒜蓉燒扇貝（4隻）$60呢個價錢幾抵食，扇貝唔係好大粒但幾厚肉🌖燒雞軟骨串（2串） $32外層燒得好焦脆，加埋調味辣辣哋咁好惹味🌝薑蔥煲仔廣島蠔 $58蠔好嫩滑同脹卜卜，一啲都唔腥，仲索晒啲薑蔥味好正🌝燒翠玉瓜 $22冇奇怪苦味，好juicy!🌝甜蜜脆脆糖燒菠蘿 $29外面燒得脆脆，咬開入面甜甜又多汁，正！

今日事呢間串燒小店，好似都幾出名😲 好多人食 店鋪環境唔大 座位都迫迫地 不過好有氣氛✨ 尤其係冬天食 有帳幕圍住餐廳係用QR code自助落單📱 好方便👍🏻 我就點咗燒法式羊架、美國牛小排、安格斯肉眼牛柳串、極品烤餃子釀雞翼、蒜蓉燒扇貝、燒翠肉瓜、燒墨魚丸、燒餈飯、雞肉軟骨棒 👉🏻蒜蓉燒扇貝 蒜蓉好好食😋好香好惹味 平時出去食我都會挑晒啲蒜蓉出嚟 扇貝都新鮮 無沙推薦蒜蓉類的菜式🌟👉🏻燒餈飯 都好味 即叫即燒 熱辣辣🔥表面燒得焦焦地啱啱好👉🏻肉類～牛肉好有口感 醃料可以醃得重味d~

呢度環境比較麻甩🤣 但成日都好多人好有人氣～ 主打港式串燒 我哋嗌咗好幾款而以下幾款係我地幾推薦嘅～水菓牛肋條 $68牛肋條賣相已經非常精緻 切開就係粉紅色嘅牛肉並富有均勻油脂 入口機乎即化 好軟身好juicy 調味都好好👍🏻 燒朱古力香蕉 $25其實係香蕉切半後 面頭加上砂糖燒成焦糖脆脆 再加朱古力醬 香蕉微溫 加上呢個配搭冇得輸好好味😋 香甜可口腐竹雞蛋沙冰好特別嘅沙冰 同腐竹雞蛋糖水一樣味道但變咗沙冰 味道相當濃郁👍🏻

꧁安安燒💛꧂ #黃店推介Another one check off the list!!凍冰冰最啱食熱辣辣嘅串燒喇！呢間都bookmark左好耐但無奈每次想食嗰時都full booking…今次平日黎終於都食到~除左有勁多串燒揀，仲有邪惡嘅三重芝士撈丁、燒每日新鮮運到海鮮、小食同迷你煲仔類呢度嘅串燒主要係川式口味，大部分以孜然粉、辣粉調味，偏重口味。特別推介惹味蒜蓉生燒茄子、蒜蓉燒扇貝同燒雞肉軟骨棒；另外特飲檸檬冬瓜沙冰都不錯，不過宜家呢個天氣飲就應該太凍喇🤣⇢ 惹味蒜蓉生燒茄子⇢ 蒜蓉燒扇貝⇢ 燒蟶子皇⇢ 燒雞肉軟骨棒⇢ 烤法式羊架⇢ 脆皮燒滑雞片⇢ 王牌燒牛舌⇢ 惹味黑松露墨魚滑⇢ 麻吉年糕燒⇢ 冬瓜檸檬沙冰ⓄⓋⒺⓇⒶⓁⓁ:👱🏻‍♀️7.5/10༄༄༄༄༄༄༄༄༄༄༄༄༄༄༄༄📍 安安燒 (染布房街) (旺角)旺角染布房街6號地舖...#cty_黃店#cty_油尖旺#cty_港式...

咁話說天氣涼涼地 就諗住食個串燒仔夜晚8點幾去到 得一兩圍枱 咁兩條友就諗住坐下卡位 佢就話四人位唔坐得 俾咗個門口食塵位俾我野食就例牌牛同豬 仲有個扇貝 基本上係樽仔個啲熟蒜再加炸蒜 收費為300食唔飽

相信一提起串燒應該無人唔知呢間係旺角嘅安安燒!即叫即燒又充滿風味最啱秋冬嘅時候黎食.見隔左一段日子都未黎過食串燒就特登過黎食下!安安特色蒜蓉撈丁出前一丁上嘅蒜蓉量多得邪惡,海量蒜蓉上再加上少少炸蒜令味道更香口惹味.爽彈又熱辣辣嘅出前一丁麵條,吸晒蒜香,入口蒜味極濃厚.皇牌燒牛舌厚身牛舌爽彈又帶嚼勁,入口唔會過韌.味道帶住陣陣牛脂香,面層灑上少少七味粉更惹味.極品烤餃子釀雞翼脹卜卜又飽滿嘅雞翼包住餃子肉餡,juicy得黎又帶住肉香.串燒蜜糖燒賣燒賣外層燒得極香脆,加上蜜糖後為鹹香嘅燒賣增添左一陣蜜香.燒自家製juicy韮菜餃皮薄又燒得脆卜卜既韮菜餃!多菜少肉既餃子餡充滿陣陣韮菜香.咬開餃皮後仲會爆汁.燒墨魚丸彈牙脹卜卜嘅墨魚丸帶住墨魚鮮味.燒雞軟骨串充滿軟骨脆口感,燒得唔會過乾身,帶住一陣油香.沙茶醬燒雞脾菇好juicy嘅雞脾菇!雞脾菇厚身又爽口,配上沙茶醬後帶少少辛辣沙嗲香.杞子雞眼菊花蜜食左咁多燒物當然要飲返杯滋潤既菊花蜜清一清熱.腐竹雞蛋糖水沙冰將中式糖水變成沙冰超有新鮮感!!充滿腐竹香又冰凍解渴.

收工之後想食串燒，來到呢間人氣串燒店，餐廳出面掛住紅燈籠🏮，肉類海鮮蔬菜樣樣齊😍我地去到差唔多8點，店内好熱鬧，用QR code 落單，上菜速度好快，味道都好唔錯，會再去食！🤤🤤 ✨安安秘製三重芝士撈丁🍜 $54真係要趁熱食~~ 以車打芝士、藍芝士、巴馬臣芝士撈出前一丁，表層芝士輕輕燒過好香，食落芝士味濃郁，軟硬適中，邪惡又好味🥰 ✨蒜蓉蒸扇貝四隻 $60熱門之選~~ 扇貝加埋蒜蓉勁香，新鮮口感滑身，60蚊好抵食😍 ✨燒雞軟骨串🍢 $32表現好出色，軟骨有咬口，口感都好爽口☺️ ✨秘製沙嗲醬燒豬頸肉🐷 $37好好味！豬頸肉燒得好香口，配埋秘製沙嗲醬更加惹味😆 ✨美國牛小排🥩 $63呢個表現唔算驚艷，大概5-7成熟，油脂含量豐富且肉質結實🥰 ✨皇牌燒牛舌👅 $45牛舌好厚身，牛味重，口感軟嫩多汁又有嚼勁☺️ ✨蜜糖燒粟米🌽 $25好中意食粟米，加埋蜜糖又加左分！個粟米仲好甜🤤 ✨冬瓜檸檬沙冰🍹 $33甜度適中，酸酸地配埋串燒一流☺️ 安安燒📍旺角染布房街6號地舖