影片
更多
2023-02-09
97 瀏覽
🔅安安燒🔅旺角🔅串燒🔅好耐冇食過呢一間串燒店，係由安安集團，即係火鍋撚同系列集團經營，之前一直喺旺角都好鍾意深宵去幫襯！但今次呢一個食評將會係一個諫言，因為覺得食物水準跌咗，真係好可惜呀🥺最主要係食物準備方面落多咗調味，亦都品嚐到食物質素爭咁啲，菜式嘅款式同埋創意依然十足，所以鍾意食串燒嘅朋友仔都係唔可以錯過嘅～😄 黑松露墨魚餅有黑松露同墨魚膠打成嘅煎餅！味道十足，好香嘅黑松露，個膠亦打得好Q膠～😄 沙茶金菇煲個煲仔滾住咁煮真係好有feel，雖然金菇就唔值錢😂但個feel值錢！😄 美國牛小排牛肉嘅生熟程度控制得唔錯， 亦都好重牛味！😄 花枝丸同年糕不過不失，都燒得好香脆，內裏軟熟🤨 蒜香燒白鱔如果有留意我食評嘅朋友，就會知道我幾鍾意食鱔，幾乎每次去串燒店都係必叫～但今次真係令我好失望，我第一次食燒鱔係醃咗燒烤汁，感覺因為鱔魚唔新鮮先至咁處理，超級失望😭🤨 蒜蓉惹味生燒茄子喺呢一度嘅招牌菜，當然都係食串燒必叫！可能係因為生燒嘅關係，我自己就覺得佢燒焦咗嘅情況比較嚴重，令到茄子有燒焦味同苦澀味，蒜香都係好好食同重手，嚴格嚟講都遮蓋到，但係我自己就食得比較辛苦🤨 燒牛舌隨着其他食店upgra
好耐冇食過呢一間串燒店，係由安安集團，即係火鍋撚同系列集團經營，之前一直喺旺角都好鍾意深宵去幫襯！但今次呢一個食評將會係一個諫言，因為覺得食物水準跌咗，真係好可惜呀🥺
最主要係食物準備方面落多咗調味，亦都品嚐到食物質素爭咁啲，菜式嘅款式同埋創意依然十足，所以鍾意食串燒嘅朋友仔都係唔可以錯過嘅～
😄 黑松露墨魚餅
有黑松露同墨魚膠打成嘅煎餅！味道十足，好香嘅黑松露，個膠亦打得好Q膠～
😄 沙茶金菇煲
個煲仔滾住咁煮真係好有feel，雖然金菇就唔值錢😂但個feel值錢！
😄 美國牛小排
牛肉嘅生熟程度控制得唔錯， 亦都好重牛味！
😄 花枝丸同年糕
不過不失，都燒得好香脆，內裏軟熟
🤨 蒜香燒白鱔
如果有留意我食評嘅朋友，就會知道我幾鍾意食鱔，幾乎每次去串燒店都係必叫～但今次真係令我好失望，我第一次食燒鱔係醃咗燒烤汁，感覺因為鱔魚唔新鮮先至咁處理，超級失望😭
🤨 蒜蓉惹味生燒茄子
喺呢一度嘅招牌菜，當然都係食串燒必叫！可能係因為生燒嘅關係，我自己就覺得佢燒焦咗嘅情況比較嚴重，令到茄子有燒焦味同苦澀味，蒜香都係好好食同重手，嚴格嚟講都遮蓋到，但係我自己就食得比較辛苦
🤨 燒牛舌
隨着其他食店upgrade食材，食牛舌竟然食到茶餐廳嗰隻比較冧身，冇彈性嘅牛舌，係有啲失望😔
🤨 惹味鰻魚汁秘製三重芝士撈丁
呢個都係佢嘅招牌菜，三重芝士撈丁的確好吸引，既有芝士醬又有少少藍芝士吊味，作為飽肚之選，係非常滿足！但我會落個註腳係因為個鰻魚汁唔得，其實好似佢個撈丁再加額外調味醬，即刻令佢變成街邊小食咁款🥲
總括而言，佢係比較平民嘅街頭串燒店，其實如果好好控制期望佢唔係咁差，不過隨着年紀增長quota減少🤣，希望同身邊嘅好朋友食到更加高質嘅黃店，所以希望串燒店好好加油！！！
串燒店氣氛無得輸架🥹
安安燒 (染布房街)
網上訂座即賺Rice Dollars
網址: https://s.openrice.com/QrbS0zlz0G0~uZ5MGAA
地址: 旺角染布房街6號地舖
電話: 26172220
=====================
#串燒 #港式串燒 #安安燒 #黃店 #旺角黃店 #黃店地圖 #旺角美食 #啤酒 #生燒茄子 #蒜蓉茄子 #三重芝士撈丁
張貼
