安樂茶飯

營業中

休息中

粟米花枝餅$33味道OK，如果冇青豆係入面會好啲😂翡翠蝦餃皇$33好食！蝦肉爽口，蝦餃皮薄！至尊魚翅餃$27魚翅餃內外都正正常常～XO醬蒸鳳爪$27要知道一間點心好唔好食，基本上試呢樣就大概知道😛好味！醬汁惹味又唔會太杰一pat野！鳳爪亦都入晒味！蠔皇鮮竹素卷$27意想不到呢個都好好食！鮮枝竹夠薄，入面嘅肉食落幾新鮮咁，蠔皇汁味道剛好！排骨陳村粉$30又係好正，必食！陳村粉索晒排骨啲肉汁同埋蒜味！！排骨嘅肉都係好新鮮咁！雞球大包$30應該係我暫時食過最好食嘅雞球大包！！包係細個舊時細個食到個種味道！大包入面嘅餡豐富又好食！揚州炒飯$54炒飯就麻麻地啦，超級乾🤐整體性價比高！！入開流浮山值得試試！

今日同事帶咗我嚟呢間餐廳飲茶食點心～所有點心都係即叫即整，新鮮熱辣😍🔸安樂燒賣皇大大件，肉質鮮甜，蝦肉爽彈🔸芝麻煎堆仔新鮮炸起，煙煙韌韌，越咬芝麻味越出！入面仲有豆沙餡，甜度適中，出色！🔸翡翠蝦餃皇蝦餃皮非常薄！蝦肉新鮮彈牙有鮮味！🔸蒜香蒸排骨排骨肥瘦適中，調味恰度好處！🔸紅油抄手抄手同樣皮薄餡多，配上惹味嘅醬汁，啖啖滿足🔸流沙奶黄包剛出籠嘅流沙包熱到辣口！包身軟熟，流心嘅奶黄餡又甜又香！🔸 四寶滑雞扎大隻足料，雞肉肉質滑，魚肚鮮甜，芋頭軟綿而且吸哂雞肉汁嘅鮮味👍🏻🔸鳳爪排骨飯啲飯吸哂排骨嘅肉汁，唔加豉油都好快食哂～一盅兩件點少得配好飲嘅茶！呢度香片都唔錯，沖咗幾泡都唔會太淡～呢度除咗點心之外，燒臘同碟頭飯都出色～即使地點唔算方便，午飯時間都坐無虛席😙餐廳門口有空地可以泊車，有揸車/嚟開附近踩單車嘅朋友不妨試試👍🏻

傳統的真正大包，即叫即蒸函料充足，一打開熱氣薰出黎個刻要迴避三尺 流晒口水照舊叫咗燒味拼盤，，，，叉燒😂 軟滑多汁 ，燒肉外脆內軟， 要食要中午飯前就最新鮮燒熟，太早到要係度等!!

和朋友去了流浮山鳳降村路10號的安樂茶飯食飯。這是一間食小炒的餐廳，這是一間隱世的小炒餐廳，因為附近主要是物流公司，和村屋住客。餐廳佔地相當廣闊，枱櫈寬敞，坐得舒服。而且店員服務殷勤有禮，還非常主動。安排我們到餐廳一角安坐，感覺好有私隱，亦與其他客人保持距離。我們點了沙拉醬肉排和勝瓜炒鮮魷。沙拉骨酸酸甜甜，而且肉排件頭大，非常足料，裏面還有菠蘿等，非常好餸飯。勝瓜炒鮮魷夠鑊氣，而且鮮魷結實彈牙，份量足料。總結：流浮山鳳降村路的安樂茶飯，是一家人隱世的小炒飯店，沒有華麗裝修，主要做街坊生意，餸菜經濟實惠，足料夠鑊氣，是一間不錯的小炒店😉👍👍

流浮出名食海鮮🦞不過今次去到又唔係好想食海鮮😆所以就搵吓附近仲有啲咩食。原來遠離流浮山牌坊仲有間中菜館，所以就去嗰度食晚飯🍽餐廳門口🈶️幾個專用車位🚗揸車去嘅話就好方便，唔使周圍搵位泊。室內環境就係一般酒樓咁樣，如果想一邊食一邊「呼吸🚬」，門口都有幾張枱可以坐。🦢「燒鵝 (例)」一上枱就聞到好香，真係香味撲鼻🤩燒鵝皮脆肉嫩，醬汁亦唔會過鹹。原來佢哋嘅燒味係自己工場燒嘅，味道真係唔錯😋🐮「蒜香牛柳」大大塊嘅牛柳上面灑上炸蒜🧄食落好香口，牛柳唔會過度醃製，肉質唔會韌。🍲「海鮮雜菜煲」份量好足‼️除咗雜菜同粉絲，仲有魷魚同好大隻嘅蝦米，所以湯頭好鮮，有濃郁嘅海味味👍🏼Menu👇🏼👇🏼👇🏼

今日去流浮山買完海味, 朋友帶路去飲茶. 酒樓獨立建築, 有特色, 門口仲可以免費泊車. 地方寬敞, 整潔. 食物方面, 除左可以飲茶食包, 又可以選擇好似茶餐廳既ABC餐, 配奶茶檸茶. 所有點心都即叫即蒸, 保證熱辣辣!鮮蝦餃皇超多餡, D蝦多到爆出黎, 蝦鮮味爽口.蟹籽燒賣皇燒賣好大粒, 肉質好, 唔會死實實.潮州蒸粉果傳統口味, 皮不會太厚, 裡面餡料同花生都爽口.鮮蝦腐皮卷熱到辣親條脷, 外皮脆卜卜, 蝦同餡料唔會太多, 太多反而突出唔到脆皮. 就算凍左, 個皮一樣咁脆!鳳爪排骨飯細細盅, 其實好有份量, 足夠兩個人食. 排骨蒸到好腍. 配埋甜豉油最正!

老闆介紹的燒味海鮮無介紹錯，聽講話燒味每日中午才燒好上架，叉燒"掂"👍👍海鮮係流浮山的海鮮市場攞貨，日日新鮮。 今日老細推介 蒜蓉粉絲蒸扇貝， 豉油王炒蝦，蒸咗條班仔食吓。。娘親大讚好味😘😘