影片
以上資料只供參考, 請與餐廳確認詳情
個男老闆態度非常差，冇禮貌，買份串燒叫人唔好滴d汁係隻碟上面，你本身整出黎就係俾人擺上去落汁😅算啦...唔會再幫襯你，好後悔俾左$12生意你做，個雞串又唔係特別香，係多汁囉，不過不足以吸引人再食
繼續閱讀
買個外賣 唔洗未食就一肚氣呀？呢間垃圾老闆不如唔好做生意啦！買個「泰式肉碎飯」佢話收我$43我奇怪啦？之前$35，我見最近加價$40個餐牌都係寫$40，「老闆請問點解係$43？」佢話：「你叫欖角肉碎炒飯丫嘛，加左價好耐啦！」我：「我係叫泰式肉碎飯，唔係炒飯」小家態度勁差老闆：「你係叫炒飯！比返$你！唔賣比你呀！」我：「我唔係第一次食，不過以後唔會食！我一直知道有炒飯同肉碎飯，我肯定係叫泰式肉碎飯而唔係欖角肉碎炒飯！」不知所謂！自己聽錯仲要屈人🤬搵鬼幫襯你啦😡
繼續閱讀
這男人之前見過佢係美x街做5泰泰國餐廳的，啲野食已不獲好評，所以都好快已結業，同時期係這地址開咗這串燒小店，燒串燒時聞落是沒香味，相信用既香料一般，之前企响鋪頭前等串燒都聞唔到串燒香，今天因想食下泰國野，諗住比多次機會佢，點知個外賣白飯係多，但用料少同唔夠辣香，唔好食之餘不能用一般來形容，買外賣同時更加插老細對客人的態度欠禮貌，難怪之前已有人出post講依個point已由餐廳轉為小店，但都忍不位皮氣，睇怕都難以留到客
繼續閱讀
一直幫襯開，開頭都ok，不論食物或態度，但愈來愈差，落醬汁都要俾人鬧，個老闆娘話我落得多要收錢，咁你唔好放d汁出來啦大佬，一係寫明每人只可落幾多，以後唔去，留番d醬汁俾佢擺啦。
繼續閱讀
今晚食自己，久唔久會經過呢間小店，都見到有人幫襯。 小店只做外賣，但都有唔少款式食物可以選擇。之前食過豬頸肉飯，但因為佢既肉之前已燒好，當你點呢d類似串燒食物時佢會再係爐度烘返熱。可能係再烘熱既關係，上次食既豬頸肉比較硬，但個汁就酸酸辣辣好開胃，不過不失！ 今次叫左泰式金邊粉，佢即叫即炒，份量好多！ 炒得好香，亦足料！ 味道偏濃味，但幾好食！ 同出面餐廳食既金邊粉無異！佢就無蝦肉，係配有雞肉、芽菜、蛋、蔥等等，份量好多！ 以40蚊呢個價錢，好抵食，食完超飽！
繼續閱讀