宏發燒臘飯店 (已結業)

叫咗工人姐姐幫手去買條120蚊嘅燒肉骨返屋企加餸當時姐姐已經發現斬出黎嘅根本唔係骨位即場反映後 阿姐堅持係骨位唔肯換 仲要鬧到我工人姐姐一面屁後尾返到黎我打返電話去投訴個阿姐態度極惡劣 話唔滿意咪拎返去換囉我問點解當時姐姐反映嘅時候又死都唔肯換個阿姐又係度耍太極呢間嘢擺明係見係工人姐姐買所以恰佢唔識而呃佢仲要鬧返佢轉頭見到唔少評論都表示食到一肚氣呢啲咁無品，態度差又質素平平嘅食店奉勸各位唔好去食免得食到背脊骨落

門口個阿姐超級無禮貌，d飯超垃圾，食麥當奴仲好食，以後都唔會再幫襯！超垃圾，食到一肚氣，叉燒又肥，燒鴨又肉得骨，以後都唔會再幫襯！以後都唔會再幫襯！以後都唔會再幫襯！

原來這間野唔只我一個人有同感，門口個阿姐超無冇禮貌，叫左落單又好似聽唔到咁。好啦，叫左碟叉燒燒鴨飯，碟飯超難食，鴨只得骨，叉燒又肥到爆，最後好似無食過野落肚，以後都唔會再幫襯！

諗住食個快飯走咗入去啦，門口個阿姐都已經冇禮貌，叫落單好似欠咗佢咁既樣。好啦！等咗10分鐘，見到佢拎杯凍檸茶，以為係我㗎啦，點知佢拎去後面，後面遲過我嚟都有嘢飲我咪問個阿姐囉，佢仲要發悔氣喺度講啲說話單單打打。又話有落單就有㗎啦又乜乜乜！我只係話你知我呢度爭一杯啫！好！算！再等一大輪終於有嘢食，我叫咗碗雙併瀨粉，嚟到碗湯清到水咁，完全冇味，成碟餸都冇汁，我倒哂落去碗粉都係冇味。最後忍唔住叫阿姐俾碟汁啦(見佢啱啱都俾咗碟後面)！佢仲大大聲話返我話下次落單嗰陣叫埋呀！我都忍唔到話返佢，我點知你碗粉汁都冇滴又冇味呀！兩個阿姐都面目可憎！當時間舖都冇乜客，叫你拎碟汁啫都要俾你鬧！以後都唔會再幫襯！

我響銅鑼灣住，去邊度食飯，有時都好難講，因為揸車周圍都冇地方停，剛剛有個位係呢間野門口，但我成日見呢間野唔係好旺，正常係核心嘅核心係心臟嘅心臟區，應該排隊排到暈啦，算啦都試吓啦。去燒臘舖Johnson哥教我，一定要食雙比飯但係食得多都有啲悶，就叫咗燒鵝髀乳豬飯，連飲品$146。抵唔抵見仁見智，各人唔同水平，唔好比較。我哋針對嗰啲飯去講，1）嗰啲飯配嗰條油菜，上碟前無返拖滾水。已經唔係一級水平。2）飯無乜飯香，冇估計錯係中新花，想好生意就用全新花啦！3）乳豬都可以，豬醬有調過。4）燒鵝就很一般，鵝種係可以，因為食到肉味。好可惜係燒製方式，在坊間已經有好多好出名，所以食落可以咁講，非常一般。4-$50飯就冇詐型嘅，但作為$146的飯，真係有要求㗎，老闆！所以好中心嘅中心，都唔係排晒隊，係有原因！

即係咁，呢間野嘅味道係唔錯嘅，咁啱我食嘅叉燒又係半肥瘦，燒烤汁惹味，切雞唔算滑，蔥油都幾香嘅，瀨粉都算彈牙爽口，不過呢⋯⋯切雞叉燒瀨粉 ($39)下午茶衛生程度差到一個點！枱面油淋淋，連俾人睇嘅menu都粘到一個程度！我叫完餸之後忍唔住都要洗手🙈仲要貴到一個點！一個雙拼飯可以去到$7x ，下午茶就好啲$39，好彩我唔大食，都勉強夠飽嘅.......如果要我俾$7x，我會寧願去美心...🙊呢間野好明顯做遊客生意，所以呢，我都係留返比啲遊客食啦~

同事介紹諗住試下，收費還可以，但食物品質一般不特止，只是外賣都能感受到服務態度差，想要酸梅醬要收費唔緊要，眼神同面部表情你會感覺到”又唔早啲講咁麻煩㗎”，千祈唔好叫鴨，冇味之外啲肉仲要”林治治”

This place is a nice little walk-in lunch shop.  It's mostly rice with your choice or pork, chicken or duck and they have soups too. Lemon Ice tea was good, a tad sweet.  I had Pork+Chicken and rice, it was $45HKD and my tea $10HKD for a $55HKD lunch. I'm sure you could find cheaper, but definitely not bad for the quality here. No English on the windows. A nice smile and the waitress helped me. They have a menu in English, but you may have to ask for it. Saw a few 640's of Blue Girl getting popp

未叫餐已經一肚氣，未食已經想投訴，侍應講明14:30下午茶，夠鐘問佢拎tea menu唔肯比，聲稱未個午市都未做完！剛剛14：40先肯“撻個menu”泥，隔離個枱問佢拎甜醬都係飛落張枱度，無錯！係好似擲彩虹咁擲落枱度燒肉米粉，食物水平好一般，燒肉un又鞋，趙到成口渣吐出，比多我都冇用，不過公度講句$39呢個份量唔算少，抵食嘅。個人認為充飢是可以接受，食好西就一定冇佢份ga la。其實咁唔恨做茶市咪唔做law,又唔洗咁對客嘅

銅鑼灣打工仔lunch選擇唔算多，食來食去都個幾味～今日就買左呢個燒肉切雞飯食，貪佢快趣又飽肚。我間唔中都會買黎食，外賣跟餐有埋一盒盒裝飲品，$36算係幾抵食。飲品通常都會有兩種選擇，多數都係陽光檸檬茶，蜜桃茶，芒果汁或者蘋果汁。呢度燒味飯個人覺得算幾好，白灼菜心都甜同無渣。燒肉肥瘦適中，皮都脆既，雞都算滑整體份量足夠，姜蓉唔會太油，不過有dd咸。通常豉油都唔會比太多，如果想多d可以叫佢加返多d。

（我都無試過一路食一路打間餐廳嘅review，因為實在不吐不快。）有事要閒日三點鐘喺銅記出現。經過呢間嘢有人等緊外賣，個下午茶$39又好似幾好所以入咗去坐。餐廳入面唔滿，坐咗1/3咁啦。但係我叫咗樓面個中年侍應阿哥要叫幾分鐘先提撻份餐牌落張枱俾我，仲要無我出面睇嗰份下午茶。問佢拎下午茶餐牌（就喺佢企嗰度），又要等幾分鐘。期間佢只係慢慢拉個櫃桶拎啲餐具俾第二枱客。再次被撻menu。我就忍住道氣 心諗你啲嘢好食都算。點知：例湯： 超級普通燒肉貴妃雞飯：雞雪藏味重，燒肉係幾好食嘅 夠脆原來呢間鋪除咗用撻之外，係唔識正正常常擺任何嘢上枱架！但係咁嘅食物質素完全不足以彌補咁嘅服務態度。大佬，乞食呀而家？我要俾錢架！（啱啱有個新客入黎又係俾人咁對待，阿哥送多個鄙視眼神）呢啲食物平平但服務差到一個點嘅餐廳—可一不可再！

我見呢度好評都唔少，今日就去試吓啦，叫咗叉燒油雞飯，湯同飯，有雞係雞髀，叉燒瘦到超硬同乾，完全咬唔落口，加上我叫佢俾多少少飯嘅豉油，佢俾咗另一隻完全唔係用嚟送飯嘅豉油我，好鹹。湯係味精湯，咁嘅質素都要$63，我食咗唔夠一半就走左。我覺得主要係做遊客生意，因為我見只有外國人同內地人食，可能我同佢哋嘅口味有啲唔同，不過講真我唔會再幫襯，呢間唔好食，服務唔見得特別好，我企左係門口成分鐘都無人問我幾位同招呼。

今日lunch唔想諗食乜於是點了一個四寶飯。餐牌上的四寶飯是有燒肉、油雞、紅腸和半隻鹹蛋。怎料來到我面前的卻是一堆得骨的燒排骨、瘦到咬唔爛的燒鴨、紅腸和鹹蛋四「寶」飯，與餐牌的賣相完全不同。那碟飯明顯是將賣剩的剩餘物資集合埋一碟。不要以為這是一個很平的飯。這碟垃圾雜燴飯盛惠＄60大元（不跟飲品或例湯）。我還另外加錢點了一盒紙包檸檬茶卻來了蜜桃茶我都不想再爭辯。在這個環境吃飯我沒有投訴，我只吃了半隻鹹蛋和少少肉之後就放棄了，我連同呢碟垃圾雜燴飯影相的心情都沒有。我在銅鑼灣上班這本來是一個不錯的選擇，奈何要將它納入黑名單了！

就係有意無意之間，就係毫無預兆之下，橫衝直撞咁樣撞佐入去呢間舖頭，買咗盒燒味飯食。我買嘅係燒味之中經典之中嘅經典 一打開呢盒飯盒，就知道係堅嘢，當堂嚇一跳，因為啲燒味料竟然多過曬啲飯！ 白切雞皮光肉滑，雞皮又薄又有油脂香，肉質滑滑嫩嫩，肉多骨少！ 叉燒甜甜蜜蜜又夠香口，肉質夠淋食落又香口，肥瘦比例啱啱好。 燒味靚不在話下，就連啲蔥油都有番咁上下水準，咁好味嘅燒味飯一盒真係唔夠皮，早知咁好味我就買兩盒嚟食。呢盒叉雞飯堅掂！Super Good ！

十月一日 冇啦啦 要返工！ 努力💪完一朝早，途經銅鑼灣 咪搵啖好食啦！睇完個餐牌眼見都不便宜！希望都好食啦！睇咗一陣 叫個最貴的燒鵝飯！ 都六十元重沒有飲品 同日的午餐是燒鴨飯四十八元重有飲品, 碟飯來到一睇 就知瀨嘢 天一半地一半 上面個份一睇知是鵝 下面個份一睇知是鴨😤 這間餐廳做生意太不老實！被騙的感覺那個會好受！講味道不難食 但不好食！ 裝修沒有十分普通 服務都是要求快 要求客人盡快下單 盡快食完 香港吋金尺土 請盡快消失 唔好令 好的食堂 沒有機會做生意吧！