宏發燒臘飯店 (已結業)

我見呢度好評都唔少，今日就去試吓啦，叫咗叉燒油雞飯，湯同飯，有雞係雞髀，叉燒瘦到超硬同乾，完全咬唔落口，加上我叫佢俾多少少飯嘅豉油，佢俾咗另一隻完全唔係用嚟送飯嘅豉油我，好鹹。湯係味精湯，咁嘅質素都要$63，我食咗唔夠一半就走左。我覺得主要係做遊客生意，因為我見只有外國人同內地人食，可能我同佢哋嘅口味有啲唔同，不過講真我唔會再幫襯，呢間唔好食，服務唔見得特別好，我企左係門口成分鐘都無人問我幾位同招呼。