定食8 (已結業)

成日見人地食三鰻魚蛋飯，搞到我都心思思想食左好耐，咁岩經過熊貓見到有間定食8既餐飯lunch set No.1就已經係鰻魚蛋包飯$68，就試試你！點知伏左，其實鰻魚同蛋都好難整得唔好食，出事位居然係個飯度！嘩！硬到... 比GG條命更加硬雖然食軟飯係唔好，但都唔洗硬到要搵匙羹鋤先鋤得開呢啲真係真漢子呀！餐飲半價，叫左熱既蘆薈蜂蜜茶，又係糖水應該又係可以列入GG既closerice精選list，飯唔得就唔洗講！

等左差唔多半個鐘，仲要行去問，佢先起比我。服務非常差。26分落單，50分先攞到。攞返嚟個手卷d紫菜淋曬。叫叉燒麵比左三文魚麵我。d雞塊凍左。食西餐都快過你間鋪啦。而且唔旺。以後唔會再食。

突然之間好想食鰻魚，但係而家有好多餐廳都唔開，所以選擇唔係咁多，行左一段比較長嘅時間，就碰吓運氣睇吓有冇鰻魚食，入坐之前就問吓有冇鰻魚，答案係有，我就揀多一款茶餐同壽司，茶餐叫咗壽司餐，有六件壽司同麵豉湯，送冷熱飲品，另外再叫三文魚同北寄貝壽司，壽司樣樣都幾新鮮，魚肉有油光同少少凍，麵豉湯有豆腐同三文魚肉，最後主角出場迷你鰻魚飯，鰻魚比較乾身無泥味，有少少脆口，份量少少過吓口癮，又可以好花心食其他嘢

過開來荃灣見客，見之前已經食咗lunch，但係可能見客過程非常順利，個肚好似覺得有慰勞一下自己，見完之後就即刻肚餓，周圍搵Tea食，行咗一陣就已經鎖定目標食壽司，坐低叫咗一個壽司tea set,有6件壽司三文魚，希靈魚，鯖魚，蟹棒，熟海蝦，鮑片，Size正常，幾新鮮有魚味，食完之後想encore多一個tea set, 但係見到有加配優惠，原本想叫鰻魚飯，可惜賣晒，咁就叫咗一個明太子雞扒，份量細細份啱啱好，兩樣野加埋一齊超match，雞扒非常香

1月17號晚上 ，因老婆不煮飯，所以 佢叫外賣食， 買咗兩個定食第一個定食係， 刺身定食丼， 另一個係明太子雞扒定食丼， 仲買咗兩個小食就係明太子玉子燒， 嘢飲方便就嗌咗提子巨峰梳打 一杯， 外賣自取145蚊相當抵食， 味道方便可能因為外賣關係返到屋企未到同之前去食有少少出入，因為 堂食 會比較熱可能未到就會比較好食偏甜啲， 今次外賣可能路途要15至20分鐘拎到返屋企溫度有少少下降咗，所以味道冇咁好食， 不過整體價錢未到唔差，合理！

今日去開荃灣熊貓酒店,想食日本野,見呢間定食8都多人排隊,素聞性價比幾高,一於試下!我地先叫左個玉子明太子燒,黎到時都覺賣相幾吸引,食落幾好口感,燒得唔錯,份量十足,推薦!然後叫左個豆腐味噌湯,呢個普普通通啦,味精稍重.我再叫左個海鮮丼,呢個我覺得幾好食,D料好豐富,件件都好新鮮,呢個價錢算係幾抵食!我地又叫左一D壽司,例如玉子壽司,鰻魚壽司,北寄貝壽司等,都係不過不失啦.我朋友最鍾意食烏冬,所以又叫左個豬軟骨烏冬!不過佢話淡而無味,失望之作!今日幾好胃口,又叫左D炸物,例如炸蠔,炸多春魚等等,口感偏硬,所以試多D無食晒!最後黎左兩杯野飲,講真唔好飲不止,有一杯黎時有D漬係杯邊,懷疑無洗乾淨,換過杯都因為唔好飲無飲晒!

依間平時夜晚經過都好多人排隊，但無想像中咁好食⋯⋯我叫左(足半磅)安格斯肉眼海鮮相撲鍋($98)，有個屋企人叫唔同嘅嘢，佢叫左(美國) 安格斯肉眼鍋($68)，未講食物之前，由排隊點餐到餐黎我哋等左差唔多1個鐘，可能我哋六點鐘開始排隊，依個鐘數係多人，反而八點左右無乜人排隊⋯⋯依間服務態度好差，一: 人手不足，全場等一個人點”火”鍋爐，所以要等好耐。二: 十問九唔應，著黑色衫應該係經理，問佢嘢竟然不理不睬，十問九唔應，答個時勁差。火鍋無湯叫佢幫手加湯，個經理竟然幫我哋加水，同佢講要加湯點解加水，佢竟然加完水就走左去⋯⋯(足半磅)安格斯肉眼海鮮相撲鍋($98)，價錢一般，比同區略貴，同區貴少少可以自助火鍋，所以唔係好抵食。湯底有壽喜燒同豚骨揀，湯底少到只可以二揀一😰。我叫左壽喜燒湯底，以為配有蛋漿，點知無。豚骨湯正正常常，個鍋幾細所以經常要加湯。二個烏冬，幾粒硯同青口，有半磅肉眼(十塊左右)，而醬汁只有預設豉油、辣椒粒同薑粒，自助吧見唔到有得添加豉油。檯與檯之間幾窄，所以成日聽到小心後面⋯⋯食物質素麻麻，好大雪藏味，勝左湯底唔算差，但個鍋太細。(美國) 安格斯肉眼鍋($68)(圖右上)，

又要回歸我最愛嘅日本野食嘅懷抱🤤發現左間好味又抵食嘅定食8！新menu有好多食物選擇🍱🍣🍤🍙🍘🍥食左厚切鰻魚丼、海景丼、吉烈炸蠔同明太子雞翼，加多10蚊有埋味噌湯同茶碗蒸😚餐廳仲送左碟蒲燒鯖魚😂成枱都係野食兩個人飽到頂住，埋單都唔使$200！仲送$18現金券下次用😛兩個人食超飽

每次經過這家悅來坊的定食8，都因為我們已吃的太飽而錯過了今次難得吃的不多，便來試試店內環境一般，點餐必須先到櫃台付款，像快餐店下午茶餐牌一直放到晚上，但已是晚市餐牌選擇多，而且價格十分實惠我們最終都點了星鰻赤蝦海景丼，想不到份量也不少，性價比很高，難怪總是客似雲來前菜是麵豉湯的菜，很沒誠意其實不放出來感覺更好呢主菜的海鮮份量真的很充足，且算新鮮，比同集團的壽司店更好一些，可惜米飯份量較少，可能較適合女性埋單要加一收費，但無損其性價比之高

今日去開荃灣，經過定食8，竟然無咩人排隊，所以就決定今日午餐就食佢。唔洗排好耐，5分鐘左右就入到去坐。當然即刻叫左我最鐘意食果個滑蛋吉列豬扒定食啦。先講左啲滑蛋先，好香既蛋味，一般外面食滑蛋吉列豬扒飯啲蛋一係太烯，一係過熟。今次定食8所整出黎的剛剛好。唔會太硬，可以餸晒一碗飯。其次吉列豬扒又唔會比蛋汁浸到淋晒，咬落個炸皮仲好鬆脆，肉質很好唔會有雪藏味，配埋個湯，今日個午飯就完美完成，順帶一提，加杯野飲都係只收半價。

我哋兩個人去機場接客，送個客落去荃灣熊貓酒店，之後簽埋約吹多兩句就完成任務，其實未肚餓，但係佢個陰公豬乜嘢都未食過，頭先一路講解contract 內容，佢個肚已經不停係咁叫，個客聽到叫去食嘢先，原本呢個時候當然要慶祝一下，但係唔好虐待佢，食個快餐唔使等，我自己叫一個醬燒雞扒沙律薯條，茄汁同明太子沙律醬應該用嚟食薯條，雞扒好香照燒汁味，重點雞皮都燒乾油脂，有少少燶燶地好香口，點少少明太子沙律醬都唔會好鹹

送個客落去荃灣熊貓酒店住，未去之前實在太趕，未食嘢就先去機場，諗住有時間食少少野，但係過完隧道個客班機早到左，已經攞緊行李，咁直接去落車處接佢，午餐冇得食，個客時差問題冇胃口食嘢，送完佢上房簽埋contract，寒暄幾句就急急腳走先，因為個肚餓不停叫，好鬼死尷尬，落到去樓下商場，即時搵嘢食，唔要fine dining依家最緊要快，原來已經兩點幾，茶餐應該唔夠飽，炭燒雞扒薯條沙律，雞扒好香醬燒味道，加$10有一個撈烏冬，好夠飽

見到宣傳$68一個鍋，特登同朋友去試下。我點左安格斯肉眼鍋，朋友點左海鮮帆納貝鍋，不過我無影低朋友的鍋。我本身叫左壽喜燒湯底，不過來錯左豬骨湯底，唔緊要啦，但係呢個豬骨湯底好鹹，我一直加水都係咁鹹，材料我相信係ok ge，但呢個湯底毀左所有食材。我有試埋朋友的壽喜燒湯底，呢個反而偏淡....湯底毀了一切。不過都叫左一個玉子燒，都幾好食，不過個鍋令我有點失望

呢排涼左好多 又係打邊爐既好時機啦❤️食完火鍋🍲成個人暖粒粒真係人都醒神啲。.一向以為定食8主要係食丼飯同日式小吃依家有好足料既相撲鍋登場😍同朋友一人一個鍋 超豐富每個鍋本身係配左烏冬 份量都好足下食完係捧住個肚走🙈男士們都一定夠食.🌟美國安格斯肉眼鍋除左主打既牛肉 仲有蔬菜拼盤 菇類 午餐肉 獅子狗等等湯底可選壽喜燒/豚骨湯相信大家都知我係 #壽喜燒控二話不說就揀左壽喜燒 甜甜地非常惹味牛肉既肉質平均 下湯10秒左右就食得 好正😋呢度既獅子狗係我食過既最大條 果然係相撲sɪᴢᴇ!!!好彈牙 食完大滿足‼️.墨魚滑球上面舖左蟹子ᴍɪx埋佢再分次落湯 食落好彈牙好香一食就停唔到口🤤.朋友就要左豚骨湯底既北海道帆立貝海鮮鍋🌟有蜆肉 青口 帆立貝等等。加埋蔬菜拼盤🥬 食晒都唔會太有罪惡感😂珍寶帆立貝真係好大隻 值回票價 ᴄᴘ值高!!!.小食我地揀左明太子玉子燒呢個要上枱快啲食啊～熱辣辣食先正💓玉子燒上面既明太子醬 蟹子同葱花係重點配搭好好 🥚玉子燒蛋味香濃份量夠大 岩曬我地呢2個為食仔👭

每當周末有假期，不想去太遠，就會到悅來酒店走一圈散散步，一直都想品嚐位於酒店商場內的定食8 ，今日正好有機會。定食8 內日式的裝修，帶有很多木元素，簡約而優雅，食物的價錢更是令人驚喜萬分如果不是因為剛食了正餐，真想多點幾樣。星鰻赤蝦丼，海鮮鋪滿飯面，其中主角星鰻有2 條，魚身雖薄，但比較硬朗，證明新鮮度十足，赤蝦亦鮮味。其他配角有玉子，三文魚，三文魚子，帶子和北寄貝。雖然味道沒有特別出色，但是不用50元就能享用這個如此豐富的海鮮丼，還包括三文魚豆腐味噌湯和海帶一份。性價比方面令人咋舌，我決定給他95 分，餘下5 份給他改善空間，哈哈。