宜家家居咖啡室 (已結業)

到花展，因下著寒雨而暫避一會。跑入這兒吃隻熱狗，逛一逛。熱狗（$5），味道一般，便宜係賣點，就只係咁啫。包係乾乾硬硬無味道，香腸係無肉味，因為好削，唯有狂加茄汁和芥末來掩飾！人們說到勁好味，我其實唔係好明白，是因為五蚊有交易的關係？還是？？講真果句，中環永x園的港式熱狗更有意思！

初四了，宜開工，等我都補返年三十到初二食評先! ^.^　話說年三十下午去德福逛宜家，之前第一次逛得粗略，今次看真才發現德福分店如此大。這間宜家佔地三層，擁有IKEA cafe及IKEA Bistro各一。我與龍在宜家逛了兩層後，開始腳軟了，就去了五樓的Cafe休息一下。　這間咖啡室設計開揚，食客可在玻璃窗透射的日光小歇；全場共有21張檯，當時約五成滿，環境都算悠閒舒適!　目的明確是歇息而非填肚，我們二人點了杏仁切餅、雞批，以及果汁。一如沙田店，食物都是自己從凍櫃/焗櫃拿下來然後付款，頗有歐陸情懷呢! 　杏仁切餅賣相精美，吃下去也甜美可口，$7一件相當抵食；雞批鬆軟兼脆，也是好吃，而果汁新鮮製起，$10一支沒compliant了!　吃完抖完，我指著$28意粉套餐跟龍笑說：要是我們在這吃午餐，然後去心．泰嘆下午茶，一定平好多!龍點頭，不過我又說：其實我們不會的，因為它是宜家shoppers小歇站而非特色餐廳，特的來吃太山長水遠了!所以，沿路遇上好風光是應該珍惜，但不要太刻意找尋，不然很容易落得身心俱疲。　很明顯的，我又發癲了。走啦!

今日0黎呢度食lunch, 因為想平同快又唔想食炸0野. 叫0左個pasta of the day -- 白汁雞皇意粉, 加個周打蜆湯.好後悔叫0左呢個combination... 周打蜆湯係罐頭都預0左, 但碟意粉比起大學canteen 0個d 還要難食. 見個個入到去都係a la carte 買, 下次都係小心d 好喇.唔知佢d 熱狗味道如何呢? 賣相幾靚喎.P.S. "OK" 係俾佢0既環境的.