宜家家居餐廳及咖啡室

營業中

休息中

去宜家傢俬除咗睇同買傢俬之外，當然要去幫襯下佢哋間餐廳啦! 疫情期間外賣自取，仲有八五折。.佢哋嘅招牌菜瑞典肉丸，每次來都必食。現在重有優惠係$22有10粒丸配薯蓉，再送多5粒，即係有15粒甘多，超抵食！肉丸薯蓉配上忌廉汁同紅果子醬，真係絕配。.我地仲叫咗個新菜式火腿芝士薯絲多士，係用薯餅代替多士，入邊有火腿同芝士餡料。但可能因為外賣關係，薯餅返到屋企已經不脆。.最後仲嗌埋雞翼，外皮炸得好香口，入邊嘅肉亦不會過於乾身。.食咁多嘢連埋杯可樂，都係$60幾蚊。

一直都好鍾意食宜家既肉丸，間唔中有野要黎買都順便食，間唔中又見佢餐廳會有新野，今次畀佢既龍蝦酥皮湯吸引🦞基本上每檯都會見到呢個湯，不過一試之後真係有啲失望，龍蝦肉丁點咁多係預料之內，但期望既龍蝦湯味異常失色，淡而無味之餘，入口非常稀。紅酒汁煮豬肋骨併扁身薯條🍟首先醬汁完全無紅酒味之餘，豬肋骨，骨以外，便是肥膏😭扁身薯條係我所餘下既希望，薯條唔太熱，內裡口感粉糯。pizza 既味道一般， 比較硬，而且入口帶油膩感，不太好。除左肉丸既質素維持到之外，其他真係令人相對失望左啲，價位唔高，間中順便食尚可。

我對宜家餐廳無論管理模式、食物質素、價格定位，都有很高評價。給予低評價只針對今次中伏，日後還是會再來。年初新春限定花膠伊麵，雖是中式菜式，也做得有板有眼。想不到聖誕限定卻中伏。兩片蜜糖火腿，只可以說是煮得很熟的肉片。伴碟的西蘭花超熟，椰菜花稍好一點。菠蘿是罐頭貨，算是整碟最好的。另外加了龍蝦濃湯，也明白 $13 不能有高要求，但只有一個「鹹」字。

今次係第一次行荃灣宜家家居，係地鐵站附近都幾方便，不過我地有BB車就比較麻煩，每上落樓層都要靠職員去幫忙。每次去宜家家居買野，行完一定會到餐廳買番個熱騰騰的熱狗食，仲要落好多茄汁先夠。今次我仲叫埋肉丸，佢地個瑞典肉丸係IKEA的王牌產品，又平又好味。仲有脆皮香腸都唔錯呀，我仔食左兩條。 

🧐好耐未去過IKEA 餐廳，因為長期多人，事過境遷，而家人少左，味道都唔同左烤豬鞍架伴焦糖蘋果及香草烤南瓜 $59😕主角豬鞍好乾，用刀切都好費力，幾失望，😳反而配菜做得好好多，特別係南瓜酥炸咸豬手 $66💯最讚必定係豬手，🤩第一次見實物比餐牌既圖更好，因為實物大份好多。😚外表好脆，內裡既肉又夠嫩,再配酸椰菜，薯仔同蒜蓉汁 ，一流😋瑞典肉丸 十粒 $22經典款當然必試啦，😗但係感覺細粒 ，肉質都無以前咁好食🔆其他小食有葡撻，菠菜薯餅同薯格。前兩款很普通，👀葡撻味道一定不及kfc,薯餅太淋，👍但薯格夠香脆，🤭可能因為係黎自新換既一盤薯格有關

行完ikea 好肚餓，同埋一直想試佢個豬手同羊架位就等左陣但要搭枱，同埋座位都有啲迫，但人多都冇辦法，加上都係速食就將就下。酥炸咸豬手 $ 63為左佢而嚟試，個賣相同份量係真心掂嘅，63蚊街市都未必得不過食落味道就有啲失望，個蒜蓉汁以為會濃味，結果係偏淡口嘅，而且有啲膩嘅感覺話明酥炸，咁口感方面又真係酥脆嘅，肉都嫩口，但真係食唔到有咩味道。食到一半已經有啲唔想食落去，因為好大份。反而佢個薯仔同炸洋蔥更出色，薯仔方面味濃同濕潤，味道係口腔last得好持久只可以話期待過高，唔係差但稱唔上好食。香烤燒羊架 $ 59同樣都係大大份，賣相唔錯，呢款嘅汁就比較好啲。醬汁係燒汁，配羊架我覺得都幾夾，可能本身羊肉味較濃如果怕羊酥味嘅人，呢個就未必啱食了，因為羊酥味就較濃，我自己就接受到嘅。肉質方面一樣都係唔會鞋口，不過就唔算好香。呢碟有小蕃茄跟，可以配埋肉食，咁就唔會咁易有飽濟嘅感覺。同樣地我認為薯蓉較出色，好creamy。總結，CP值高，但味道就有啲普通啦，唔算差嘅，經過嘅朋友一試無妨。

去荃灣shopping洗左一大筆，想平平地食個lunch又唔一定得連鎖快餐店揀嘅。去荃灣宜家家居就有又平又好食嘅餐廳。宜家家居餐廳好似canteen形式，先取後付。冷盤小食，飲品，醬料同餐具可以自己拎，熱食就即叫再由員工取出。揀好後再去cashier付款。呢到必食肉丸，22蚊有10粒肉丸加薯蓉，依家做緊推廣仲會送多5粒肉丸，非常抵食。優惠只係去到月尾咋！芝士煙肉薄餅，大大塊都只係36蚊。雖然唔係厚底薄餅不過都好好食。

估唔到宜家家居嘅野食依然咁平而且佢嘅熱狗肉丸依然keep到水準不過今次想推介嘅係原來宜家家居出左伯爵茶味軟雪糕 五蚊杯 好抵食 呢個價錢黎講 冇咩好挑剔 伯爵茶味都幾真 唔算好甜 行過見到冇人排隊可以一試

如果你問我，去Ikea定去旺角果啲19 樓上cafe食野🙃我緊係會揀Ikea啲19樓上cafe多數都又貴又難食Ikea平之餘，又多選擇最緊要係質素唔會差！車阿媽去Ikea買野買之前就唔諗咁多直接喺Ikea食埋先個人覺得作個羊架係咁多種肉入面最好食厚肉又大件，3支骨加薯容$100都唔洗啲樓上cafe起碼都鑿你2舊水仲要冇咁大件Ikea真係冇得輸連啲冷盤都唔差個煙三文魚比得想像中好食啲薯格都脆唔會好似肯x基咁林過屎😂阿媽叫左個甜品黎試，都話唔錯佢話好似係Apple crumble tart幾脆口，唔會太甜想Ikea快啲好似外國咁，可以俾寵物一齊入去明明有賣寵物用品但唔俾帶寵物，真係好搞笑

專登去荃灣宜家，貪佢夠大同舒服，一心想揀下sofa ，終於比我搵到啱心水嘅經過6/f cafe ，feel 到口乾腳仔軟，見裡面人少少，不如坐低飲杯野抖抖啦第一次試佢朱古力鬆餅 ~ 外面有朱古力粒，冇期望就有驚喜，諗住一般嘅朱古力鬆餅，點知一啖，意料之外濃濃朱古力味，仲有少少流心，旦糕咬口軟香暖，價錢$10，下次會再Encore

好耐都冇食IKEA得閑入荃灣 食咗好耐冇食過嘅IKEA叫咗好多嘢食 今次都有啲驚喜首先叫隻大大隻豬手估唔到真係咁大隻，但大隻得嚟又唔貴大隻到兩個人都食唔哂除咗份量之外，佢嘅味道都係令我驚喜嘅地方自己都去過慕尼黑食過正宗嘅德國豬手，呢個無論係豬手嘅份量、烤嘅脆度、配菜都完全還原到德國口味，真係出色，值得一試一人一碗湯粟米忌廉湯，普通，但好飲，自己鍾意裝幾多就裝幾多龍蝦湯，好飲過金拱門，入面真係有龍蝦肉，之前嚟IKEA成日都冇哂，今次終於飲到小龍蝦闊條麵飽肚之最，小龍蝦肉好味，美中不足係個汁唔夠濃味同唔夠多，唔夠用嚟送麵但整體都係唔錯嘅小食拼盤一如以往嘅水準，最鍾意佢個蜜糖脆皮腸，脆得嚟入面嘅蜜汁真係惹味，出面比較少見薯格都係我最鍾意嘅，每次嚟都必嗌兩個人諗唔到食咩，又想抵食，嚟IKEA都係唔錯嘅選擇

岩岩開始拍拖，好中意去《宜家》食大餐，又平又多選擇！食完又可以行下睇下D傢俬，幻想未來自己都有個家😃 雖然到依家都未有自己既小天地🤣 小食拼盤 （$43）- 有雞翼，腸，薯格和粟米，小朋友最岩。瑞典肉丸 （$33/15粒）- 《宜家》必食！葡撻 （$3）- 個酥皮好脆，不過個蛋漿吾好味，可惜。穀飼西冷牛扒 （$73）- 大大塊好味，最岩食肉獸，仲配上黑松露薯蓉，性價比高。凍蝦盤 （$29）- 每次都食，雖然好細隻，但係D肉質係爽口。加埋無限添飲汽水（$7）埋單$200有找，飽飽 ☺️

IKEA餐廳，大家一定唔會陌生，最出名嘅就係佢嘅肉丸，今日獨食，點左肉丸，兩塊蔬菜薯餅，同埋一支奇異果汁。我覺得佢嘅蔬菜薯餅是我食過咁多薯餅之中最好食嘅，因為佢有奶油味，而佢調味嘅各種配料份量比例非常好，令我有不停想食的感覺，而這個餐廳的價錢非常大眾化。

睇fb知道IKEA應端午節出左隻IKEA蛋黃肉丸糭，仲要16/6係荃灣店首先開賣，點知去到問左話未返貨😱😱😱心情即刻down曬😞😞臨走時眼尾‘稍’到個藍色嘅物體望真d原來係瑞士卷，藍襯黃又幾養眼🥰🥰，反正一場黎到試試吧🙂🙂搵資料原來6/6係瑞典國慶，所以用瑞典國旗🇸🇪藍+黃色黎做左個甜品黎慶祝，都幾有心思☺️☺️味覺正正常常，藍色就色素野冇味，黃色蛋味幾重，甜甜地都幾扎實😌😌但搞笑地唔知係咪黃+藍變綠～食到中間有d變左綠色視覺上好似廚房洗碗嘅百潔布🧼🤣🤣仲有食完後嘴巴條‘利’會變藍色😰😰，間唔中食一次開心下就算啦😀😀P.S走時又比我見到d野（下一篇）😆😆

大約晚上七點半到ikea ，好多人都已經食緊晚餐，大約搵左位十分鐘。叫左4個野食，唔錯唔錯。平價之選。黎到ikea 緊係要嗌肉丸啦！嗌左個沙律，不過不失。青醬牛油果帆立貝意粉略厭淡左小小，不過都易入口番茄好好食，魚都係淡小小平價之選。