宜家家居餐廳及咖啡室

營業中

休息中

今期新款興趣不大，都係食返啲經典嘢，遇到芝士火腿薄餅剛出爐，芝士果然濃厚，但薄皮就係冷藏質素，無口感；小食併盤越做越差，雞翼同薯格都好乾，腸仔變水煮，下次記得要落返下面食；西冷比之前紅，仍無紅水，口感更軟，醬汁又多，薯粒同小食一樣乾；三文魚柳同之前一樣，宜家附近海產類都唔適宜食，平平地係唯有食冷藏貨。

這家的經典肉丸我從小細到大 味道依舊不變在香港不是很多地方有分店 在荃灣就只有快餐部不過任何時間也會看到有人流 因為價格便宜呢而且味道又不錯 所以很多人會來這裡買東西食🤭這家分店位置不算太大 但有很多企位可以立食的人多時可能會擠迫一點 但在工作日去就沒有這問題·經典肉丸 HKD$20這個是兩份裝 反正也是食放在一起也沒有分別吧原本配著熱辣辣的薯仔醬汁 但我喜歡加紅莓果醬因為加了味道天好食 雖然味道只是簡簡單單而已但我們食的應該是我們的集體回憶吧 做小食挻不錯

每次行IKEA都會响裡面餐廳食埋野，因真係抵食。今日點了煙三文魚沙律、肉丸薯泥及鮮燈汁，加埋都係幾十蚊，今時今日真係唔易搵。味道又如何呢？煙三文魚沙律今日呢個真係麻麻地，煙三文魚可能放久了，不太新鮮帶點腥，之前食過就唔係咁嘅，算我唔好彩啦😅。肉丸薯泥呢個不嬲都係鎮店之寶，今日都保持水準啦，肉丸可能係機打機唧嘅關係，肉好淋，而且個汁味道偏淡的，所以幾啱小朋友吃的。薯泥係溝出來那種，所以一定夠軟夠滑的。

今日去IKEA買啲家品，諗住換下屋企環境同家具，行到肚餓，就順便黎呢間ikea既餐廳食野。我今次叫左半隻雞，賣相唔錯，仲有我最中意食既薯格。雞肉好軟，好易切，食落都唔會好鞋，煮得幾靚，不過我就略嫌唔夠熱。薯格就好脆，亦好重薯仔味，唔洗茄汁都好好食！

今天午餐吃烤豬手，另配磨菇湯。豬手不脆，變成硬硬的。豬手並不是大隻，相信一個女生也可吃完。碟細，令醬汁形成一個水塘，並不討好。酸椰菜絲味道並不討好，沒有清香酸味。西湯磨菇味未夠濃，失色。

係荃灣返工咁耐，都知道宜家傢俬有早餐嘅，但以為只是局限於小食店，原來上多幾層間餐廳仲有好多嘢食，今次我點都要試下，上到去發現有好多野食，至於價錢方面都唔係貴，有多款西式早餐給你選擇，其中主要都是雞扒，漢堡扒，炒蛋，火腿，芝士腸等等...我見到有款糯米雞好吸引，但遺憾嘅就是已經沒有貨賣清了，咁其實見到價錢真係好平，好似一個煎蛋咁樣都係$3，有個餐係雞扒天使麵都只是$15，至於加杯嘢飲都只是$3，有咖啡及可樂，還可以任飲，我食完但是忘記影相，但我知道宜家食物方面都有保證，大家不妨都可以去試食早餐。

今天晚上又約了男朋友吃晚飯，因為大家都不是很肚餓，又不想吃麵，飯。我就提議到IKEA食晚餐，貪佢多嘢揀又可以少食多滋味。見到餐牌上面有酥炸鹹豬手，咁大隻豬手好吸引，就叫咗嚟試吓。大大隻豬手都只係$63，伴碟有酸椰菜同埋焗薯仔。鹹豬手炸得外脆內軟，脆皮非常滋味，只係皮厚部份有少少難咬。肉都十分容易切，入邊嘅肉仍然保持到肉汁。連埋少少皮加埋伴碟嘅醬汁一齊食不得了，超出預期。另外我哋仲叫咗煙三文魚沙律同蔬菜薯餅加多一支西柚汁，成為咗我哋嘅豐富晚餐。

位於宜家傢俬頂層既西式餐廳可以話係香港買少見少的良心企業,城市中既平民恩物. 大家可以用貼地既價錢嘗盡北歐風味美食。係行街行到攰，歇下腳既好地方今次除左有點宜家傢俬招牌肉丸，還有點特式蘑菇班戟配龍蝦汁，以及厚切烤羊架配法式薯蓉。蘑菇班戟充滿空氣感，空腹時食一淡，風味十足，別有一翻韻味！至於羊架啦喎，相信大家都聽過著名食家蔡瀾既名言: 羊肉不膻，女人不騷，都是缺點！ 宜家家私既厚切烤羊只有優點，無缺點。 遠遠都已經可以聞到逼人既女人味，想必一定能勾起大家肚中的慾火！配以富北歐風味既醬汁，一慣北歐名牌既作風，實以不華，令人食指大動，慾罷不能。大家宜家就即刻黎宜家傢俬頂層試下啦！

原來荃灣都有ikea餐廳架 呢間係七樓 要專登上去食當然慢慢行ikea 上到去食就好順路啦餐廳都幾多位坐 地方算寬闊兩人黎食lunch 樣樣野都想食芝士小龍蝦通心粉味道一般 就係蕃茄通粉 唔算好濃味小龍蝦有點小 而且食物唔夠熱芝士煙肉薄餅薄餅幾濃芝士味 但都唔係好熱最喜愛ikea既食物 就係呢個小食拼盤有蜜糖腸 黃金雞翼 香脆薯格 粟米齊哂最鍾意食既小食Ikea茄汁可以拎幾多都得點配小食係最佳配搭小食都好香脆 最滿意食物唔夠熱 影響食物質素 有啲失望食ikea小食比主餐更好 始終喜愛小食多啲

自從做完每週優惠，一段時間無去，但有樣上次食唔落始終想食返，今次遲遲地趕到轉餐牌前先一次過食。雖然宜家已經轉咗餐牌，好多人亦都食過，但唔知大家嘅感覺同我一唔一樣？粒粒千層麵，唯一美食站吸引到我嘅新品，之前試過幾次雪糕真係唔掂！今次依個都係，失望。明顯係餐廳兩期前出完有貨淨，不過過期夜一夜都搵唔到位無食，宜家切粒先食。明明千層麵都一定係雪藏，雪硬晒切粒上粉炸，又何需梗厚粉？三粒一睇就唔開胃嘅小東西，入面紅色醬汁偏少，白色大把係麵粉味，食完硬皮再食粉皮，從未試過覺得千層麵難食，雖然有變種。慢煮檸檬雞胸凱撒沙律，上返餐廳，慢煮以為會更軟熟，但事實無特別，就係一般白烚雞胸肉，無檸檬味，見唔到包凱撒沙律醬，有芝士粉但作用不大，菜算新鮮，就係一般西餐廳沙津質素，亦請告訴我醬在那。三文魚柳伴穀物、紅菜頭配荷蘭汁，之前已食過，只係配菜同之前唔同，依啲先叫低温慢煮，已全熟又做到肉質滑，帶油香，但無調味，魚味重到鯹。紅菜頭甜味仲搶過醬汁，只食到忌廉味嘅醬汁點菜又唔夠，點魚又無用，雖然之前都似係佢，但感覺簡單咗。燒特級西冷配牛肝菌忌廉汁，唔係新嘢，但性價比高，酒店自助餐好多人都知成本最高係原條西冷，因為梗大

不幸之事件簿本身想試雪糕 但去到發現維修中結果就走左去食大餐😂又出新野其實都唔算新 只係佢keep住轉 有新鮮感.羊扒🐑嘩 冇諗過有成3塊仲要厚切 好開心 賣相好靚啊食落好滑好淋 冇乜羶味 水準幾高.焗千層麵🍝其實得3層haha但好多芝士同肉醬 好邪惡食到一半會開始覺得膩 份量好多.羽衣甘藍🥬配薯仔沙律同蝦好fresh 口感幾豐富 有nuts同粟米不過羽衣甘藍下面係生菜鋪底(因價錢問題).最後緊係要叫ikea肉丸啦永遠都要加紅莓醬先完美 好飽啊

男朋友好鍾意行宜家傢俬, 而每一次行到咁上下, 睇到眼花花個腦又塞塞地, 就鍾意搵個地方坐下, 冷靜下, 乘機又食下野咁😋第一次嚟荃灣呢邊, 大家都唔係好熟路, 爭啲搵唔到間餐廳😂 搵到個位坐低之後, 男朋友行咗去買嘢食。呢間餐廳係自助形式, 客人自己攞住個托盤, 冷盤小食嗰啲都可以自己拎, 熱食嘅話行埋去order, 廚房嘅staff就會遞俾你, 飲品的話都係俾一杯價錢免費添飲🥤☕️我哋叫咗: 1. 小食拼盤 $43 - 有蜜糖腸, 雞翼, 脆薯格同甜粟米2. 香草醃三文魚沙律 $333. 凍蝦盤 $29分量OK, 賣相都唔錯, 絕對係價廉物美我哋兩個鐘之前先食完野, 眨吓眼又清晒枱面啲嘢喇🙈

羊焢一定要食上去宜家早餐，見到有燒豬手同豬仔肶，決定晚餐去食。本來以為weekday，晚餐應該無乜人，7點去到，差不多無位啊！年輕人比較多。但一睇到餐牌有羊排，馬上改變主意，嘻嘻。羊排薯蓉（$53）-排隊睇住廚師係一大舊羊排切出來好有滿足感，一碟有三塊幾厚幾大的羊排，真系去百佳買生的都買吾到，雖然看起來沒有血，但食落吾老，“林”中帶有咬口，重好有羊“蘇”味，但亦只有真系識食羊至會喜歡；薯蓉好有牛油香味。豬仔肶蝴蝶粉（$43）-豬仔肶得一隻，比起照片上細D，肉質吾錯，汁味就麻麻，蝴蝶粉有部分未熟透，份量亦吾夠，但43蚊都系性價比高。

前一排見到IKEA新出左隻白桃雪糕，一直都等緊機會去試，作為一個桃控，每次見到有桃味野我就會試。。一放落口就心諗：我最愛的白桃，為什麼會是提子乾味道。。而且好怪，完全不好吃購自岀口前的區域 $4.5，上面嘅美食區係冇.除左一向食開既小食拼盤$43、肉丸$22、豬手$63外，仲試左個新野，流心芝士球$5/粒，外層也有脆脆的外皮，內裏全是芝士cream，不是會流的，只是cream多到瀉岀黎，試一次夠了！.

Brunch.好豐富又抵吃的brunch!.1) 海蝦班戟 $29友人推介的班戟還以為是甜點原來是鹹點班戟皮好軟好好吃不過所配的醬汁有點鹹沾少許便夠了.2) 芝士小龍蝦通心粉 $43這算是IKEA中比較貴的食物小龍蝦的數量不少味道就跟普通的芝士蕃茄通心粉差不多不過食物不夠熱吃幾口便涼了.3) 薯格 $13邪惡的薯格好好吃不會太燶配茄汁一流🥰.4) 咖啡 $7有微微酸味個人挺喜歡的而且可以添飲