宜豐餐廳 (已結業)

今日約埋幾個朋友一起出ＭＫ食飯。。行左一陣朋友介紹去宜豐食排。話好抵味道又晤錯。。雖然我尋日先食完排餐。不過既然朋友介紹就試下啦。。又可以比較下邊間好味ｄ．．．今日就無叫牛排啦。。男朋友今日叫左個美式雜排餐。我就好普通甘雞翼薯仔。首先好餐麵。居然係一快白麵包。攪笑。不過因爲有＂Ｈｏｎｇ＂底既關係。幾好味。不過都係第一次見係用方包。。之後就上儸宋湯。雖然係比較水。但係夠味之餘仲有好多材料。雞翼薯條就好普通。薯條有小小失望。因爲係好普通既Ｍ記薯條，同常都晤係架嘛。。雞翼唔係好油，味道無咩特別。可以唔使再食。美式雜排，牛排１件，豬排１件，１條腸仔，１塊火腿，同埋小小薯條，牛排幾林，豬排都晤會乾。。腸仔火腿都唔會有咩特別架啦～另外朋友叫左吉烈豬排。呢個係最好味既。。炸得唔油，唔乾加埋沙拉醬。好味道。下次可以再叫。好誠實講。晤係非常特別。不過味道都叫幾好。。分量夠之餘價錢都好抵～一個餐都係＄５８。有湯有野飲。。仲有啊。。我地今日幾個食完電視剛剛做家好月圓。好自然就望住個電視。。到我地發覺原來已經做完。。我地原來坐左成個鐘頭傢啦。。完全無人趕。。可能係平日挂。。不過我地走既時候全部台都有人傢。。雞

上星期有一晩好想食扒，本來去深水圳飛鷹餐廳食，但上網睇到大家講這間餐廳ok唔太差，所以一放工就同左男友去試。環境同以前經過唔同，伙記話換左門口盞燈所以光猛左好多，我們坐係近門口的卡位，當晚太肚餓所以一坐下立即叫左一份七成熟的牛扒及一個MENU寫話出名的咖喱。餐湯都唔太差不算太多材料，咖喱汁可以但牛肉就唔多好味。到牛扒我本人覺得有雪味，唔係大家所講的這麼好味。重有這裏的冷氣太唔涼好多客人都有問點解咁熱。伙記唔係不停講話有開大冷氣，不過我們一邊食一邊流汗。總括我應該唔會再光顧多一次。

鋸扒我不嬲都幾好,今次嚟到喺洗衣街既宜豐(水務局對面)我叫左一份西冷牛扒餐,五成!只可以講...好大份,西冷汁幾好味,牛扒好淋,一切就開!咬落有肉汁,可以話係又好食又抵食!羅宋湯ok,甜左少少,但係可以接受,服務唔錯!仲有電視睇,收貨!

o係旺角返工差唔多一年，每日lunch都會經過呢間餐廳但係永遠唔會行入去，因為睇門口同埋格局唔似好好食。點知有次同朋友行過，朋友話呢間野係值得去試下，於是某日有同事farewell，3個人黎左試下据扒lunch 45蚊一個西泠扒餐有：羅宋湯：真係好水，不過又夠味，個個飲晒提子餐包：有heart！送上時仲要係熱的，已經有點感動西泠扒：好大塊，不過叫6成熟上到黎已經係9成..不會鞋口，當時肉質不可以同高級扒房比較，但已經收貨跟餐意粉：有heart! 呢個意粉唔係就咁烚，係用茄膏炒過的，好香口！3個人一起讚檸茶：普通，跟餐細細杯呢個farewell感覺滿足

hi..hi...又係我呀..今日要同大家介紹依一間平平地据扒0既好地方嘩....真係超值...琴日我同2個朋友去依間野..傾計食飯,我有一個朋友一坐低,就叫左晚餐..跟住我見佢叫我咪叫囉.....之後我朋友亦都叫...(咩呀...唔比跟住叫架)...我好奇問個朋友問佢食過e間野喇..佢話無喎....(心諗......如果知佢無食過....我就叫其他喇..比佢激死..)待應就排好餐具...(依....點解多左一份刀叉0既)我眼望望我的朋友..佢地又係喎...跟住唔理佢喇..大家都無出聲.....講點解多左一份餐刀首先上0既當然係餐湯及餐包喇,嘩...果然係好水呀...羅宋湯...但都夠咪喎跟住食下包包先,係焗爐焗過既提子餐包加上個底脆脆地，好好食！跟住待應特然上左3牒吉列魚柳,(不過只得係一塊)放係台面..我(積)刻出聲..咦.....咩離架(我驚待應上錯野)待應跟住同我地講跟晚餐架...跟住我朋友0令個餐牌睇....咦係喎...原來餐跟喎怪唔知得多左一套刀叉喇.....我都以經食飽左一半喇跟住待應上主菜...洋蔥雞扒同一牒飯.....嘩.....我肚皮一定受罪喇...一牒裹面(景)然

上次到過這食肆吃午飯，覺得咖哩唔錯。臨走時，見到門外poster 勁sell 排餐，諗住應該好正，於是今次晚上來吃排。兩人叫了兩個dinner set, 一個要T骨，另一個要雞排加龍脷柳餐。晚餐有餐湯+包(要了白湯，好水，包是叮熱的)、排及餐飲。T骨要6成熟，肉好淋，"那"得多了些，無肉味(預左)，雞排同龍脷就普通(因為好難唔好食)。不過，$60度就唔貴，但份量唔算多，總的來說，是有點失望，下次都係食返咖哩算。

夜晚約左朋友仔食飯因為要就佢選左近火車站呢間舊式餐廳抵食夾大件水準同花園差唔多抵讚係廚師真係有用心去煮路過值得一試Set dinner($55)原來係6個course既dinner先有焗爐焗過既提子餐包雖然賣相唔得但有大量提子加上個底脆脆地，好食！再有雞蓉粟米湯同扒石斑文也，ok啦到主菜有免翁牛柳配上加左蘑菇既燒汁啖啖肉又唔韌配上茄汁炒過既意粉一d都唔油膩可惜係薯條凍冰冰overall係唔差食飽仲有jelly同飲品結尾加埋一呢個set都只係60蚊多d難怪大有捧場客啦朋友仔叫左西冷牛扒($53)size係king-size唔韌又唔會過熟加埋蒜茸汁同花園出品差唔多但價錢平花園一大截喎

自從中學之後都好耐冇去過呢間食扒......是日同朋友2人去食一人叫左個扒餐,但又係因為我,所以我叫左個龍利魚柳餐,朋友叫左美式雞扒餐我地2人都係要忌廉什菜湯,就係我朋友個湯....有隻好似手指尾指甲咁大O既虫,應該係小強D子孫......飲左一半就冇飲=_=".....牛油餐包變左牛油多士,好搞笑唯有盡量忘記個湯啦!!好采D扒都不過不失,龍利魚柳夠滑唔腥,雞扒都可以野飲叫左熱朱古力同COKE都係上左年紀O既餐廳朱古力沖得特別好飲,起碼夠濃有朱古力味!!!

見食評好多開心笑，便於這裡食午餐。點了洋蔥雞扒意粉，羅宋湯，咖啡。係我未回氣的時候湯己送上了，正當我喝了兩口時，意粉都到了，簡直快得令人震驚~~湯的味道比較淡，好似好多水咁。至於個意粉就幾好食，同高價餐廳不相上下，不過d汁就麻麻了。最好味是雞扒，真的好滑同彈牙，普通餐廳二十幾三十元一個餐的比都比唔上，如果皮煎得脆一點就更好。女侍應姐姐非常有效率，全場不停地穿梭，什麼都顧及得妥妥當當，絕對值得再食。

去宜豐餐廳，已經是兩個月前，要了一個鐵板鑊仔牛柳餐。誠言，論牛柳的質素，真的不算太好，牛柳很「林」但肉味不足，反而有很大的香草調味料的味道，不過以$48的價錢，牛柳的份量，又真係幾抵食，而個羅宋湯也很好飲。環境方面，一定不算得好，暗暗的燈光加上播著翡翠台的電視是怪怪的，加上冷氣不足，感覺很焗，坐久了有點不舒適（這個足以在環境多扣1分）。服務方面，雖然侍應反應很快，也算友善，但是她們一邊看電視一邊談論電影內容，又似乎不太好。整體上，宜豐是旺角其中一處價錢合理又可醫肚的地方。

扖餐好抵食夠大塊﹐又唔硬起碼好過扖王之王即使魚柳沙律塊吉列魚柳都好太塊不過檸水好甜﹐下次再來一定點個另一類餐飲坐唔到卡位而到大枱，都幾逼下waitress都算幾nice，忙得踢哂腳都有講有笑至要你唔嫌佢唔夠省鏡但係環境唔太得除了枱與枱之間太逼外刻意營造的幽暗燈光與電視機聲極不相符尤其電視喇叭經常發出怪異聲音另外，地下油滑，需要步步為營這類是醫肚好地方，卻不是享受之選

下午七時. 一行五人來食.一入到去, 藍藍紫紫0既燈光, 在冷氣不足的店裡, 令人有點不寒而慄... 客人不多, 只有兩三檯, 但坐位仍然頗迫.. 一班師奶級waitress, 0係度睇緊無線電視同講緊佢地手上包冬菇... 不過都會自動自覺埋黎招呼下(服務比金鐘suzuki 好)我叫左個鑊仔牛柳餐, $45, 可能冇乜期望, 牛柳出乎意料咁好食. 淋得黎有牛味. 大大舊有四舊. 另叫跟飯, 食到飽飽.如果唔介意環境同一班大聲傾計0既師奶級waitress.不妨一試. 抵食!

兩年前，有晚要o係太子食晚飯，想坐得舒舒服服又要好食，係好朋友介紹之下就黎左lee度．當時加左一都係$55個鐵板餐，超好食，印象好好． 兩年後再來幫親，一切都無點變，食物質素keep住，客人多過以前好多，7pm來吃，等左5分鐘就有位．叫了$48牛仔柳拼田螺鐵板餐．羅宋湯唔錯，牛扒足足一吋厚，真係7成熟，又唸又有咬感，掂!^o^ 黑椒汁&洋蔥汁同樣好食，田螺明顯用了蒜蓉和牛油焗，十分香口~ 食完整個餐很飽，埋單$106，男朋友還給了$4作貼士．飽飽又抵食^__^十分滿足　　*環境也很舒服，有電視看，卡位挺乾淨．昏暗燈光下，桌上的燭光特別有情調呢～ *荃灣"沙樂美"鋸扒已經出名好食,但這裡更勝一籌哩

但同d 客吹水吹到太大聲喇,,,因為我果次去睇波(都好耐喇)大聲到我食都食唔落但佢就好熱情請我地食雞亦尖食物好過花園街果間,但比較dirty有野咬腳...

前幾晚同朋友想食据扒，就諗起佢啦，之前都只係食過佢既lunch set，抵食又好味，今次決定試下鐵板，叫左鐵板西冷，白湯就普普通通，餐飽係熱架，飽底仲脆脆地，幾好食，但唔明點解要上提子餐飽囉～咁點配湯食呀？！西冷扒要五成熟，但佢上既有六成囉，都幾好味，又夠林，d黑椒汁又入味，下次都會再去試其他野～但service 有待改善～